¸.•~ تجهيزات عرائس ( مملكة البحرين ) لشهر ربيع الأول 1431 - 2010 م / الجزء = 62 ~•.¸

أنا الشوق

تذكرت شي قلتي إن فستانج ما فيه سيور
يعني صعب يثبت مكانه إلا إذا
كان ضيق جدا جدا
أو تحطين له لصاقات تثبيت
لكن الكورسيه ماله دخل أحس بيخلي الفستان يخق ههههه

اللصقات أعتقد تلاقينها في جميله وهي تجي مثل الشلوشن بو جهتين تلزقينها على جسمج وبعدين على الفستان وبيثبته مكانه عدل.

زين ليش ما تسمعين كلام أمج واتحطين سير ضعيف جدا جدا يكون أماااااان لج إذا فاهمه علي هههه

صباح الورد
الف مبروك مقدما
وحبيت اقولج شي مهم لاتحرمين روحج من شي لانج متينه انا بعد متينه وسويت كل اللي خاطري فيه حق عرسي
بالنسبه حق الفستان تقدرين تسوين لج فستان يده طويله او 3 كوارتر اذا ماتبين تطلعين يدج وخل يحطون لج حدايد من داخل (بونز) عشان تضبط الفستان وتصير نفس الكورسيه
الحمام المغربي روحي ولاعليج لبسي شورت وتي شرت حفره او مايو شورت وخليها تفركج واهي ماراح تجوفج عدل لان واايد بخار

أم الساادة;11557455:
اخت نيغاااار حده التاااج حلووو
وحتى التسريحة حبيتها حدها فن
من وين شريتيه هالاكسسووار ويعطيش العافييية


أم السادة

من مجمع فينيسيا في الخبر :08:

هذيــان;11556253:
سوري عالـ تدخل
بس ليش اهل زوجش هم الي يحددون متى زواجكم ؟!
حتى الخطوبة المفروض العروس هيه الي تحدد التاريخ او الوقت
واسبوعين او 3 كلش مو وقت كافي للتجهيز للزواج
معقولة بتقدرين تحجزين صالة - فستان - استوديو - صالون - باقة - حناية
هذا غير الثياب والاغراض في هالمدة القصيرة؟!

بس اذا انتين مقتنعه وتبين تفتكين من كل هالامور
حاول تاخذين الصالات الي تكون شاملة كل شي
وسوي حجوزات الحناية والصالون مبدئياً بالتلفون

موفقة :065:

فديتج هاي ما فيها تدخل هاي مساعده منج وفيج الخير يا هذيان بس بصراحه اقولج إياها امه مسببة للمشاكل درجة مليون بالمئة محد يقدر عليها بس قولي اتزوج وبنعيش بروحنا وان شاء الله ارتاح

مها البحرين;11556336:
بل من اللحين قاعدين يقررون عنج ..

ليش انتي مالج راي ..!!

انتي اللي بتتزوجين ولا هم ..؟؟

حبيبتي حتى لو الحفلة عقب شهر مايمدي تجهزين روحج

ليش كلشي بسرعه بسرعه ..!!

حلات العروس تعيش كل لحظه حتى في تجهيزاتها ..
اهم شيء حق العروس النفسية ..

لا تخلين احد يضغط عليج ويقرر عنج !!

انتي بتتزوجين مرة وتبين كل شيء مرتب ومنسق ..

والمفروض القرار يكون لج انتي ..

حبوبة فديتج والله ذكرت السبب من شوية امه مش من الامهات اللي رايقين يعني لو تحطينها في عيونج اتطلعج عند الناس شيطان وتطلعج غلطانه لو شنو اتسوين لها والله وجدامي ساعات تحجي فيني
بس الله كريم يا قلبي
بعد ما اتزوج بارتاح منها والكل قالي امشي وياها لين الزواج وخلاص بعدين بترتاحين

لؤلؤة المحرق;11556983:
اممم هلا اختي ..

اهو الافضـل ان تبدين رآيج .. يعني مآيمديج تسوين كل التجهيزآت ..

ومـآعتقد بتحصليـن حجز في صاله مثل مرمريز

خصوصـآ 2 و3 زحمه عليهم ..

وحتى الدآآنـه ..

بس بعد يمكن الحظ يضرب ويـآج وتحصليـن ..

عن الميك آب والشعر .. بعد لوود لكن بتحصلين لان في وايد ماكييرات وصالونات شعر وكوافيرات ..

بالنسبه للحنـآيه نفس الشي اذا ضرب الحظ معاج بتحصلينهآ ..

خصوصـآ اذا معرووفـه .. مآعتقد بتحصلينهآ في هالفتره .. الا اذا حجزتي قبل بشهر او اكثـر ..

وان شاء الله تتيسر امورج ..



هلا اختي ..

اي ثاجبه اهي ..

محلها في المحرق ..

جريب من مطعم الاسره جآن تعرفيـنه .. يصير قبـله اهو ..

وتسوي كل اللي قلتي عليـه ..

بالنسبه للاسعـآر مآعرف والله وحتى رقمهآ ..

اتصلي 181 اعتقد بتلقينه ..

..

فديتج سبق وذكرت السبب في اهل زوجي والله ومو ذنبي
اللي ابيه منكم فزعتكم

بنات فديتكم آآآيه عليكم كلكم
يعطكم الف عافيه
غيت اسأل القى فساتين زفاف رااااقية في السعودية جاهزة وقياساتهم مضبوطة ؟

سلااام
بناات شخباركم
من زمان مادخلت
الحمدلله مرت حفلتي على خير واستانسنا
وقت ثاني بحط لكم التقرير
بس حبيت امر الحين اسلم عليكم واشكر كل وحده ساعدتني في التجهيزات :065:

حلمـ .,;11542091:
أول شي ..

إهي ما تاخذ أحد إلا بـ حجز مسبق , ولازم تروحين لها على حجزج لو تآخرتي .. خلاص طافج الدور

فـ يعني ما عندها زحمة ولا ناس وايد

لأن أوردي حزة إلي بتروحين ما عندها احد إلا إنتي !.. :ok:

وتحف على كرسي حفاف , مب قعدة على الأرض

وصف بيتها !..

ما يضيع أبد , الدوار الرابع

بس يفضل إنج تكلمينها شخصياً وتوصف لج البيت .. مب حلوة نوصفه هني ع العام

وبثثثث :02:

حلووووووومة إذا ماعليج أمر شرحي لي بالخاص بيت عايشة الريس :040: حجزت عندها ولاأدله :094:

نيغار;11557394:
بنوتات امس قلت لكم بنزل لكم اكسسوار الشعر الي شريته من فينيسيا .. هو اكسسوار بس في نفس الوقت كأنه تاج هو تقريبا مثل هذا



حلو ستايله؟ و لا قديم؟؟

حددده راقي وحلووووو ما في شي قديم حتى لو قديم يصير يديد بشكل التسريحه والاستايل
بجم خذيتيه ؟؟؟

وردالروان;11542298:
بسمه تعالى

اولا اتقدم بشكري الجزيل لكل بنت من بنات عروس اللي تعنوا واحضروا زواجي صراحة يعجز القلب واللسان عن مايجوش بخاطري من فرحة اسعدتني رؤيتكم :032:

فرحت وايد وايد وانه امشي في الزفة وانه ادور عليكم كلكم وكان خاطري تكون الطاولات جنب بعض بس بعد ماعليه اهمشي جفتكم

اقول للولو انه عرفتج وانه امشي في زفتي قبل ماتعرفيني على نفسج

وقبل هالسوالف عذرا اشكر اختي وصديقتي حلم اللي حطت لكم تقرير يوفي صراحة شرف لي ان مشرفتنه تنزله والحمدلله عجبتج حفلة وبالذات انتي خفت من انتقاداتج الخطيرة:085::085:

وصج استانست لما عرفت رايكم والحمدلله كل شي عجبكم رغم الاخطاء اللي صارت بدون محد يحس فيها

طبعا حابة احط لكم تقريرين مفصلين للجلوة والزواج لكن حاليا صعب بما اني رايحة شهر العسل المغرب ولازم اللحين اروح اجهز شنطتي بما انها مفاجأة وماكنت عارفة عنها من قبل بس ماقدرت ما ادخل واسلم عليكم واشكر اللي حضروا وايضا اشكر اللي باركوا لي هناك وطبعا اللي ماتزوجت ربي يرزقها بالزوج الصالح واللي زواجها قريب ربي يسهل امورها

انتظروني بعد اسبوع بنزل التقريرين وهاي وعد

واخيرا بالنسبة للبنت اللي سألت عن السكورتيه طبعا هاي شويطر للأمن صج صارمين كنت ماخذه الرقم من العضوة شوقو وحاليا ماعندي بس طلبوه منها ومابتقصر

فديتكم بنات عروس واحبكم واااااااااااااااااااااايد وبتوحشوني :091:

ألف ألف ألف مبرووووووووك حبيبتي ورد
عسى ربي يسعدج ويهنيج يااااااارب
وتروحين وترجعين لنا بالسلامة ياكريم:086:
وعاد لاتنسين الصوغة :094: وتقرير حلووو ماشاء الله وصفته لنا حلووومة:ok:
ويارب نسمع كل الأخبار الحلوة والطيبة :025:

ملاحظة: ماعزمتيني :01:

القطبي;11557488:

حي الله الورده

يـــــــــــه تمام عيل عبالي بس انا اللي جسمي ممتلي بروحي وبسوي لي عرس لدرجه اني قلت مابسوي حفله
سوال من وين سويتي فستانج؟؟

ووو المغربي بس بتقبل الوضع والله يساعدني على التفعص

انا شريت قطعه وخيطتها في بحر العرايس في السعوديه عقب ضبطتها في البحرين عند مشغل التزامن

حلوة بمعانيها;11557465:
أنا الشوق

تذكرت شي قلتي إن فستانج ما فيه سيور
يعني صعب يثبت مكانه إلا إذا
كان ضيق جدا جدا
أو تحطين له لصاقات تثبيت
لكن الكورسيه ماله دخل أحس بيخلي الفستان يخق ههههه

اللصقات أعتقد تلاقينها في جميله وهي تجي مثل الشلوشن بو جهتين تلزقينها على جسمج وبعدين على الفستان وبيثبته مكانه عدل.

زين ليش ما تسمعين كلام أمج واتحطين سير ضعيف جدا جدا يكون أماااااان لج إذا فاهمه علي هههه

اللصقات عندي منها
بس ماجربتها للحين :040:
وهو الحين ان شالله باودي الفستان حق تضبيط المقاسات بعد وباجوف يمكن يستوي عدل
بس فكرت في الكورسيه كحل ثاني،، لأن الفستان صاير خلقه مب يابس و واقف،، فصاير متجفس طبقات مادري شلون يعني يبيله ينسحب ونيوده خخخخخخخ ويوم قلت حق راعي المحل قال لي لأنه وسيع،، وقلت له يضيجه وصار وايد ضيج و رد وسعه ورجع مثل قبل خخخخ وقال لي اذا لبستي الجيبون بيصير عدل لأن بينسحب... ولا جفنا سحاب ولا شي :042:
افففف باط جبدي

وعن السيور مادري شلون كلش كلش ماحب ألبس شي فيه سيور ،، عندي حفره ولا خيوط :057: مادري ليش بعد انا جذي خخخخخ

بس بنجوف بعد

وأفكر اذا كلش كلش اصطكت علي أحط لي سيور عراض ويكونون دانتيل او شيفون
جذي تقريبا



ما رأيكن؟؟؟

حصاصي;11557629:
انا شريت قطعه وخيطتها في بحر العرايس في السعوديه عقب ضبطتها في البحرين عند مشغل التزامن

أنا الشوق;11557633:


وعن السيور مادري شلون كلش كلش ماحب ألبس شي فيه سيور ،، عندي حفره ولا خيوط :057: مادري ليش بعد انا جذي خخخخخ

بس بنجوف بعد

وأفكر اذا كلش كلش اصطكت علي أحط لي سيور عراض ويكونون دانتيل او شيفون
جذي تقريبا



ما رأيكن؟؟؟

بنات من تعرف رقم الحناية منيرة الا من مقابة؟؟؟؟؟؟؟؟؟؟؟؟؟؟؟؟؟

دلوعة بنكية;11557575:
حددده راقي وحلووووو ما في شي قديم حتى لو قديم يصير يديد بشكل التسريحه والاستايل
بجم خذيتيه ؟؟؟

خذيته ب15 :016:

mimi8841;11552831:

مرحبااا بنات بكتب لكم تقريري لباجر واللي عقبه واللي عقبه

15/3 حمام مغربي عند لطيفه>>> اللي تعرف السعر تقولي؟! طبعاً بروح الصبح على افتتاح الصالون

16/3 حلاوة وحفاف وجه وبدكير ومنكير في صالون She فجدعلي وهذا بيكو الصبح

ونفس اليوم الظهر على 2.30 حفاف حواجب عند وحده اسمها نرجس

17/3 عالساعه 8 بتحنيني الحنايه حورية من السنابس

و18/3 بروح الرونق 4.00 بحط مكياج عند نهاد

و5.30 ببدء في شعري وبتسوي لي فتحية بما انه وحيده محد!!

وسكوب موعدي وياهم الساعه 7 المغرب

وبجذي اكون خللللصت وارتحت وانتظروني بباقي التفاصيل والصووور

الله يتمم لج على خير إن شاء الله !..

وييسر كل أمورج ,

بـ النسبة لصالون (لطيفة) في الحمام المغربي .. فـ الأسعار تبتدي من 10 أظنتي وما فوق

وأغلى شي عندهم بو 30 " وهاي مال العرايس "

وياخذون جارج 5 BD .. لليفـة المغربية

*

وبـ النسبة للمناكير .,

إذا محتارة في اللون وايد

فـ خليه مثل لون الميك آب

مثلاً إنتي شنو ناوية تحطين لون البلاشر والروج ( درجات الوردي , درجات الأحمر , الفوشي .. إلخ )

خليه على هاللون

وبـ يطلع فنننننن :094:

+

سراب الأمنيات;11554227:
تسلمين حبيبتي على رايش :025:

حليو الفرنج منيكير يمكن اسوي جدي :037:

زين بسالش اني بسوي بعد هناك ستشوار و تركيب اضافر احجز بعد لو ما يحتاج لاني قلت بروح من وقت ؟؟

مو شرط تروحين وتحجزين وتدفعين عربون !..

بس أقلها إتصلي لهم وحجزي بـ التلفون

علشان لو تروحين عندج موعد وسيده يبتدون فيج :ok:

+

ع ـذبة المشاعر;11554362:
شوقوو

جميله عنده فرع في بو كواره قريب المنتزه

اقرب لش من محرق

تصدقين !..

كل مرة اطق درب للمنامة .. لـ " جميلة "

وأدري إن عندهم فرع في بوكوراه , بس ما أدله هههههه

وكا دليته :093:

زين أيهما أوسع وأفضل أهو أو فرع " المنامة " ؟!..

+

القطبي;11555970:

مساء الخير ياااااااااا حلوووين

من يومين وانا اقراء الموضوع من بدايته من صفحه وااحد طااااااااااااااااااااااااااااااااااااحت عيني:040:

الظاهر ياااااا بنات والعلم عند الله ان خطوبتي جريـــــــــــــب

حبيت اخذ رايكم في كذا شغله وادري انكم مابتقصرون

مبدأيا الحفله في طيران الخليج اللي سوت حفلتها هناك او رايحه عرس هناك ياليت تخبرني عنها تفاصيل اكثر من ناحيه الديكور والاكل وترتيب المكان
في صور شفتها قبل في نفس الموضوع لطيران الخليج وكان في ورد محطوط ع الطاوله وحركات زجاج وهالشغلات سوااااااااااااال هالشي من ضمن الصاله او من ضمن المسرح والورد يعني غير حساب الصاله والاكل؟؟؟

يا جمااااااااااااااعه انا متينه :057: ولا ادري اسوي فستاني وين؟؟ يعني مابي اطلع التضاريس:047: ابي شي مرتب وساتر شوي

ياريت تخبروني عن محلات جلابيات و مشامر للحنه وهالحركات يعني وخااااااااطري في نشل الظاهر بسوي لي وبخشه حق عيالي نفس ماسوت امي ويدتي (الله يخلي امي ويرحم يدتي)>>>>>>>>>>>>>>هذااااااره

استحي اسوي حمام مغربي شاسوي؟؟؟

حنايه حلوووه في بالي ام شهد لان حنه اختي وصديقتي الغاليه عندكم اراء اخرى؟؟؟

حتى لو كنتي متينـة ..

هذا ما يعني إنج ما تسوين إلي بـ خاطرج

بـ العكس أكو وايد موديلات فخمة وراقيـة تناسب الجسم المليان

وتخفي كل عيوبـه

سوي لج موديل حديث ويـ نفس الوقت .. يخش كل عيوب جسمج , ويبرز الأشياءات الحلوة

حياج الله هني :


- موديلات فساتين حديثة جداً -

- موديلات فساتين حديثة جداً ( 2 ) -

- موديلات فساتين حديثة جداً ( 3 ) -

+

آخر المطر;11556948:
صباح الخير ..

حلم من امس يمكن ما دخلت فما انتبهت لردي
ان صندوق الرسايل عندها ممتلئ ..

+

آخر المطر;11557375:
مرحبا بنات ..

بما اني ما قدرت اطرش رسالة لحلم قلت بحطه على العام و اللي تقدر تساعدني ..

انا كنسلت جلوتي شهر6 و قررت بسافر مع زوجي و لما انهينا الترتيبات صادتنا بعض العراقيل فما بنقدر نسافر ، المهم الماما قالت نسوي لج حنة و جلوة عائلية ما دام انش تبين تقدمين
عاد بخيط الساري الفوشي و قررت هالمرة بلبس مع الساري طقمي الذهب ..
كل الترتيبات جاهزة بس متحيرة وين احجز لي شعر و مكياج بما انها عائلية ما بحط لي مكياج ثقيل ففكرت في ظفاير سمعت انكم تمدحونه بس مشكلتي ما شفت له صور ..
انا خاطري اروح سلوى عند وحدة من البنات العاديين بس المشكلة بسبب الحنة اخاف يحطون في بالهم انها جلوة و يسوون لي قصة ما ابي احد يغبني ليلة جلوتي ..
النقطة الثانية ابي اسعار البارسلات على تنوعها و مثل ما قلت اهي عائلية و ميزانيتي الحالية قليلة فما ابي اخسر وايد << البنت بتتخرج و عليها مصاريف جامعة :03:

على فكرة رديت عليج أمس خيه !..

بس شكله إنتي إلي ما إنتبهتـي حق ردي

عموماً قلت لج

البوكس تبعي مب فل .. فاضي

بس يمكن المنتدى فيه خلل أو شي , مب جذي ما تطرشت , كان حاولي مرتين أو 3

*

بـ النسبة لحفلة جلوتج العائليـة

كم يعني حاطه ميزانية لج ؟!..

أهو صالون " سلوى " لو قلتي لهم عروس ( ملجة , حنة , جلوة )

بيكون سعر الميك آب ثابت 30 وما فوق

والشعر بعد 35 وما فوق !..

وبـ صراحة وعن تجربة

في مستوى العادي

يعني لو بتقولين لهم زواج أختي , أخوي .. بيسون لج مثل المستوى

وماكو فرق :060:

عموماً !..

ذكري لنا الميزانية .. علشان نقدر نساعدج خيـه

+

فوفو البحرين;11557560:
سلااام
بناات شخباركم
من زمان مادخلت
الحمدلله مرت حفلتي على خير واستانسنا
وقت ثاني بحط لكم التقرير
بس حبيت امر الحين اسلم عليكم واشكر كل وحده ساعدتني في التجهيزات :065:

الحمد لله !..

الله يوفقج , ويسعدج , ويهنيج

وبإنتظار تقاريرج الحلوة :094:

+

maryoom;11557565:
حلووووووومة إذا ماعليج أمر شرحي لي بالخاص بيت عايشة الريس :040: حجزت عندها ولاأدله :094:

أوكي ,

ثواني :094:

حصاصي;11557629:
انا شريت قطعه وخيطتها في بحر العرايس في السعوديه عقب ضبطتها في البحرين عند مشغل التزامن

ايه صج على طاري التفصيل في السعوديه والتعديل في البحرين
ترى اللي عندها ميزانيه، تسوي شغلها في البحرين وايد أحسن لها

هو صج هناك أرخص بس بعد لو بتحسبون الروحه والرده،، أنا الحين يمكن رحت 4 مرات وكل مره رسوم الجسر + تأمين + بترول خخخخخخخخ
+
لازم بتشترون لكم أشيا مالها داعي
+
أهم شي التعب النفسي والقلق من التضبيط وماتضبيط، وخصوصا في هالأشيا لازم الخياط يجوف الفستان عليج عشان يصير مضبوط تمام على جسمج
وطبعا مافي نسوان هناك فيعني انتي وحظج، يا مضيجين يا موسعين والسالفه ما تخلص :060:
+
فلوس البروفه والتجربه :085:

والحين جم وحده هني صارت لهم سوالف مع نفس الموضوع
حصاصي اضطرت تعدله ب250 هني
ميمي ردت قبل عرسها بجم يوم ودته وهي تصيح، والسبب المقاس
ورد الروان عفسوا لها الموديل وغيرته
و أنا،، هو الموديل اشوه ماخربوه لي لأن يعني جاهز بس المقاس هو العله :096:
وترى أنا وميمي سويناه عند نفس المحل

أنا الشوق;11557633:
اللصقات عندي منها
بس ماجربتها للحين :040:
وهو الحين ان شالله باودي الفستان حق تضبيط المقاسات بعد وباجوف يمكن يستوي عدل
بس فكرت في الكورسيه كحل ثاني،، لأن الفستان صاير خلقه مب يابس و واقف،، فصاير متجفس طبقات مادري شلون يعني يبيله ينسحب ونيوده خخخخخخخ ويوم قلت حق راعي المحل قال لي لأنه وسيع،، وقلت له يضيجه وصار وايد ضيج و رد وسعه ورجع مثل قبل خخخخ وقال لي اذا لبستي الجيبون بيصير عدل لأن بينسحب... ولا جفنا سحاب ولا شي :042:
افففف باط جبدي

وعن السيور مادري شلون كلش كلش ماحب ألبس شي فيه سيور ،، عندي حفره ولا خيوط :057: مادري ليش بعد انا جذي خخخخخ

بس بنجوف بعد

وأفكر اذا كلش كلش اصطكت علي أحط لي سيور عراض ويكونون دانتيل او شيفون
جذي تقريبا



ما رأيكن؟؟؟

ذكرتيني بأزمتي مع فساتني بخطوبة خالي !..

نفس القصة تقريباً

خلقه مب يابس وايد .. وسط

و كله مشكوك , فـ غصب يصير ثقيل ويطيح

وغير جذي فيه جيبون كأنه .. جيبون عروس , وترى الجيبون مسبب له ثقل أزيـد من ثقله

يعني لا يسحب ولا يضبطه :085:

وعاد أهو مقاسي فتتتتت

بس منطقة الصدر صاير مبهدل لأنه مب مشدود

زين إن ضيقته علي صار مضغوط وحتى ما بقدر أتنفس !,

وعلى قولتج بيصير " مرعووووص "

وإن خليته هاللون مبهدل , عاد لبست ستيان رفع أو كورسيه هههههه

لأني جربت ههههه :041:

فـ كان الحل الوحيد

أهو السير ,

وأنا مب حابه سالفة السير :091:

بس الكل قالي ماكو وقت وهذي الحل الوحيد .. حتى الخياطة الفلبينية قالت لي هاللون

فـ مالج إلا السير , لأن جذي يستحيل إنه يضبط عليج

وفكرة السير إلي خليتيها وااااااايد فن :094:

<< قالت لج قصة حياتها :085:

أنا الشوق;11557633:
اللصقات عندي منها
بس ماجربتها للحين :040:
وهو الحين ان شالله باودي الفستان حق تضبيط المقاسات بعد وباجوف يمكن يستوي عدل
بس فكرت في الكورسيه كحل ثاني،، لأن الفستان صاير خلقه مب يابس و واقف،، فصاير متجفس طبقات مادري شلون يعني يبيله ينسحب ونيوده خخخخخخخ ويوم قلت حق راعي المحل قال لي لأنه وسيع،، وقلت له يضيجه وصار وايد ضيج و رد وسعه ورجع مثل قبل خخخخ وقال لي اذا لبستي الجيبون بيصير عدل لأن بينسحب... ولا جفنا سحاب ولا شي :042:
افففف باط جبدي

وعن السيور مادري شلون كلش كلش ماحب ألبس شي فيه سيور ،، عندي حفره ولا خيوط :057: مادري ليش بعد انا جذي خخخخخ

بس بنجوف بعد

وأفكر اذا كلش كلش اصطكت علي أحط لي سيور عراض ويكونون دانتيل او شيفون
جذي تقريبا



ما رأيكن؟؟؟

انا اقول روحي ضبطي فستانج ولاتخربين موديله الا اذا توهقتي كلش حطي لج سير وله شي
وديه التزامن يضبطونه لج يمكن يسونه ب 40 بس بيضبوطنه عدل
يعني روحي حق خياط محترف لاتروحين حق ام نواف وربعها