immortal;11551945:
انزين بنات من احسن وحدة للفيشل في بوفايل
و أي احسن بوفايل ولا غصون
واني عندي دوام بالجامعة
يعني الشمس على اصولها
عادي اطلع في الشمس عقب الفيشل.؟
أنا بقولج عن غصون بما أني زبونه دائمة عندهم
سويت الفيشل عند ميري جين بس هيه بتسافر بداية أبريل ولمدة شهرين، وفي وحده أمريكية بعد بس للأمانه ما جربتها، لأن الفلبينيات مسوين إحتكار على الصالون :085:
وبعد الفيشل لازم ما اتطقج الشمس لأن بشرتج مساماتها مفتوحه، سويه العصر أو المغرب وبعدين يلسي في البيت مو أتدورين مني مناك ههههه
بالنسبه للجلابيات
أنا أحب الجلابيات واااايد ومن رايي إنها تظهر جمال الخليجيات بشكل خاص وفي قصات حلوه مثل الفراشة هذي أحلى قصة وفي حركه بعد الحين يسوونها إن تكون واسعه وفيها خيط صوب البطن من داخل عشان يخصرها.
ع العموم الجلابيات تطلع حلوه على اللي اكتافها عريضه ورزه واتعرف تمشي مثل عارضات الأزياء :08:
إعلان هاااااام
بنات بقول لكم على شي مهم جدا ويمكن أغلب البنات يعانون منه هههههه
الخط اللي تكتبون به يا ريت يكون واضح في الحجم والشكل واللون وحتى المسافات بين الأسطر لأن لو شفت الخط مو حلو ويتعب نظري بصراحة ما أتعب نفسي أقراه.
لذا وجب التنويه
وشكرا على تعاونكم :087:
القطبي;11555970:
مساء الخير ياااااااااا حلوووين
من يومين وانا اقراء الموضوع من بدايته من صفحه وااحد طااااااااااااااااااااااااااااااااااااحت عيني:040:
الظاهر ياااااا بنات والعلم عند الله ان خطوبتي جريـــــــــــــب
حبيت اخذ رايكم في كذا شغله وادري انكم مابتقصرون
مبدأيا الحفله في طيران الخليج اللي سوت حفلتها هناك او رايحه عرس هناك ياليت تخبرني عنها تفاصيل اكثر من ناحيه الديكور والاكل وترتيب المكان
في صور شفتها قبل في نفس الموضوع لطيران الخليج وكان في ورد محطوط ع الطاوله وحركات زجاج وهالشغلات سوااااااااااااال هالشي من ضمن الصاله او من ضمن المسرح والورد يعني غير حساب الصاله والاكل؟؟؟
يا جمااااااااااااااعه انا متينه :057: ولا ادري اسوي فستاني وين؟؟ يعني مابي اطلع التضاريس:047: ابي شي مرتب وساتر شوي
ياريت تخبروني عن محلات جلابيات و مشامر للحنه وهالحركات يعني وخااااااااطري في نشل الظاهر بسوي لي وبخشه حق عيالي نفس ماسوت امي ويدتي (الله يخلي امي ويرحم يدتي)>>>>>>>>>>>>>>هذااااااره
استحي اسوي حمام مغربي شاسوي؟؟؟
حنايه حلوووه في بالي ام شهد لان حنه اختي وصديقتي الغاليه عندكم اراء اخرى؟؟؟
ألف مبروك وطيران الخليج ما في عليها بالنسبه للصالات بس هي ما تجي شامله
يعني بس الصالة والمسرح والأكل، يتروالي حتى دي جي ما عندهم
أعتقد العرس اللي شفتيه كان من تنظيم قرية الأفراح هم يزينون لج الطاولات وأغلب الأعراس اللي نروحها تكون من تنظيم محلات التزيين، والصالة تكون عادية جدا.
بما أنج بعافية خلي فستانج يكون درجه غامجة شوية وصوب البطن إبتعدي عن الشفاف وإعتمدي الفستان اللي ما فيه ديتيلز وايد
محلات الجلابيات: عندج في المحرق مياسم مسوي تخفيضات جنونية 70 % وكارت بلانش وباندا، وعندج بوكواره ما شاء الله من الجلابيات
ثوب النشل في محرق في 3 محلات أحسن واحد الأول ههههههه ما أدري شنو إسمه بس هو صاير له 3 عتبات ويصير على اليمين عنده ثوب نشل رووووعه قالي بيفصله لي ب80 دينار قطعتين وكله شغل، وعنده مشامر بعد من 20 ورايح.
حمام مغربي إذا تستحين لا اتسوين ههههههههه، بس عندج غصون ما راح تتمادى معاج لأن وايد يحترمون الزبون، ولبسي شورت وفانيله بسيور بس ترفعها وتفرك ظهرج، وإذا ما عجبتج حركه قولي لها.
الحنه: أم شهد أوكي حناها مرتب وحلو
