¸.•~ تجهيزات عرائس ( قطر ) لشهر ربيع الأول 1431 - 2010 م / الجزء = 97 ~•.¸

دلوعه :
فديتج الله يعينج وتتخرجين وتفتكين يااارب ،،
والله مدري انه انطرح :(
خلاص انطرج عيل تحطين لنا ...

وبالنسبة للصباحيه انتي نفسي احب الشعر يكون مفتوح عشان يكون فرق عن يوم العرس ،،
ولازم يكون الفستان مميزز عشان تبينين انج عروووس ...

عاشقة /
يوم صباحيتي لبست بدلة شيفون ناعمة ومافيها شغل وايد وميك آب ناعم ..
و في الليل كانوا هلي مسويين عشا لبست فستان فيه شغل و ميك آب أثقل و تسريحة طبعاً ..
هو يعتمد على جدول ذاك اليوم شلون بيكون ..

تسريحات للهديه اذا كانت على الغدا

طيوبه
آآآآآآآآآآآآآآآمين يارب
تسلمين على الدعوه الحلوه ولج بالمثل اختي الغاليه
وربي يهني كل العراااايس الي هني يارب ويوفقكم جمعيا




تجهيزي انا للصباحيه

اهلي يقولون لي انتي اختاري اذا تبين اليوم الثاني
نسوي غدا ولا عشا وطبعا بيكون هالشي بالبحرين ولازم بيعزمون اهل زوجي وخالاتي
قبل لا يعودون الدوحه فعشان جذي مادري شنو بيناسبهم لين ذاك الوقت <<<< قالت قصه حياتها :085:

انا حاليا شريت لي فستان راقي حيل اذا كان عشاء وانشاء الله يكون وقت العشاء يناسب اهل زوجي
لان صج مافيه وقت للغدا والكل بيكون تعبان وثاني يوم بنسافر

فستاني تركواز حرير وفوقه دانتيل ذهبي مخصر على الفستان فخم مشغول بشك
ويده ضيقه عند الزند وعقب تتوسع وتصير طويله لين الارض
ومن قدام يتثبت بازره عن الصدر ...

شعري قلت بسويه ويفي ناعم حيل و ميك اب لبناني بنفس الفندق
صالون الفندق الي راحس اكون فيه باذن الله


اما اذا كان غدا فلازم ادور شي انعم اتوقع جذي خخخ

عشوووقه

انا فستاني مال الصباااحه كان وردي واحنا كنا عازمينهم ع الغدا

كانت القطعه اللي فوق مشكوووكه وسويت الاي كت واليد جابنييز ومن تحت الشيفون الحرير بس طبقات اللي تجيج من تحت ثلاث طبقااات

الله يتمم لج على خييير ان شاء الله

:056::056::056::056:

كح,,,,كح,,,,كح,,,,كح
مســــــــــــــــــــاء الخيــــرات/ صبـــــــاح الخيــــرات ,,,,,اذا قريتوا ردي الصبح

شخباااااااركم يا حلوين,,,,,ادري طلع غبــــــاااااااااااااااااااااااااااااااااااار مع ردي كح كح وادري انا قديـــــــــمة واااااااااااايد
بس والله والله وشحـــــتــــــووووووووووووني وااااااااااااااااااااايــــــــــــــد كلللللللللللللللللللللللللللللـــــكم :04:

شكلي صج صج من زماااااااااان عنكم لاني سمعت اخبار حلوه عن ناس غاليييييييييين ع قلبي حيييييييييييييييييل,,,,,,,,:032::032:

بنت الغالي وعاشقة الدوحة مبــــــــــــــــــــــروووووووك الملجه وعسى ربي يتمم لكم على خيـــــــــــــــر ان شا الله والفال لي ولكل العزابية,,,,,:087:


يا حلوين عندي عرس طلع لي فجأة باول شهر 3 ,,,وحاولت احجز عند جاك بس ما لقيت حجز ,,,,, ممكن ترشحون لي وحده تسوي لي ميكب لبناني بس يكون واااااضح وثقيل,,,,وابي وحده للشعر بعد,,,,,ادري مصختها,,,,,,بس اكيد امون صح:041:


باااااايات الحين وسي يو سووووووووون:087:

نعومه انا شفت مكياج الماكيره نجلاء عبيد الثقيل روعه عجبني وايد

عشوووقه عدل شغلج
احس الفستااان واااااااو وانتي اصلا مبين انج ذويقه
ودامهم مخلين الموضوع عليج خليها عشى اريح لج لان يوم العرس اولردي بتسهرين ف شيقعدج من الصبح
يادوب تقعدين الظهر وتتغدين مع ريلج والعصر تتجهزين عشان تخلصين بالليل وتروحين لهم

نعومه
وحشتينيييييي
للميكب اللبناني عندج
ضحى الي كانت فدانيال حلو ميكبها
وعندج نعمات مب ام علي لا الثانيه القديمه
ام علي عطتني اكبر مقلب يوم عرس اختي والحمدلله نجلا عبيد مكيجتني بدل المصخره الي سوتها نعمت
وووممم عندج صالون دانيال عندهم وحده نسيت اسمها مكيجتني في حنة اختي وميكبها حلو والكل يمدحها

نعومه

تبينها تجيج والا انتي تروحين لها ؟ لان صعبه يجون للوحده >< يقهرررون

شوفي فاتن , ميرا

وللشعر منى السوريه

عاشقة الدوحه

اممم افضل يكون فستان ناعم مثل ماقالو البنات افكر اخذ لي شيفون ناعم فيه شوي شغل كرستال او الدانتيل على حسب .. المهم يكون راقي وبسيط يناسبج كعروس ..

اثار

ثانكس حبوبه :)

وجدان الشوق ماشاء الله عليج شكلج ذووق بالعبايات ... بس زين قلتي لي عن اسعار محل شيله اختي قالت لي ان شوي غالي بس احسب تقصد عبايات المناسبات وانا حاطه في بالي ان عباية العرس اكيد بتكون غاليه .. لكن بعد باجوف باقي المحلات ..

كاميليا

:( ماطلعت الصور كان فخاطري اخذ فكره ..

نعومة قطر

اممم للشعر في كذا وحده ان شاء الله تلقينهم فاظيين .. منى السودانيه / ام ياسين /غانيا / صالون دانييل ..

المكياج سعاد فكري / ميرا / تماضر / امينه الجاسم .. وفي ماشاء الله مجموعة البنات ان شاء الله بيذرونهم لج ..

السلام عليكم ورحمه الله وبركاته

نعووووووووووومه
ويــــــــــــــــــــــن الناس ... عاش من شافج تسلمين يالغاليه
ربي يوفقج وينولج كل الي فبالج ونفرح فيج قريب انتي وكل بنوتات التجمع :065:

دلوعه قطريه;11391673:
عشوووقه عدل شغلج

دلوعه قطريه;11391673:

احس الفستااان واااااااو وانتي اصلا مبين انج ذويقه
ودامهم مخلين الموضوع عليج خليها عشى اريح لج لان يوم العرس اولردي بتسهرين ف شيقعدج من الصبح
يادوب تقعدين الظهر وتتغدين مع ريلج والعصر تتجهزين عشان تخلصين بالليل وتروحين لهم

:02: جان استحي انا
تسلمين يام الذوق كله وانشاء الله يصير كل شي مثل ما اتمنى:025:
وعسى ربي يفرحنا فيج قريب

ام الغاليين
آآآآآآآآآآآآآآمين تسلمين فديتج


برايفت : بنت الغالي وينج طلي علينا لو شوي بس
ربي يهنيج ويوفقج نبي نشوف اخر لسته للعرايس



بكره انشاء الله مسافره العمره
حللوني وابروا ذمتي واشوفكم على خير
وراح ادعي لكم كلكم

المتزوجات الله يوفقهم والمخطوبات ربي يتمم لهم على خير ويتمم لي بعد
والعازبات ربي يرزقهم بولد الحلال الي يفرحكم عاجلا غير اجلا
و يجمعنا جميعا بالجنه على هالصحبه الطيبه


احبكم في الله :086:
عاشقه الدوحه

عشوووقه

محلله حبيبتي
لاتنسينا من الدعاااء الله ييسر لكم ان شاءالله

عاشقة الدوحه روحي الله يحفظج ويسمح دربج..
بنات ايش رايكم بمكياج عاشة الملا ..قريت اسمها في احد المنتدايات مع الممكيجات القطريات .. وسعاد فكري اليوم رفيجتي قالت لي عنها ..

عشووووقه العروس,,,,

فديــــــــــتج والله ومحلله يا قلبي ولا تنسينا من صالح دعائج

كل اللي ردوا علي سواء عالعام او الخاص مشكــــــــوريــــــــــــــــــــــن وما قصرتوا واردها لكم بالافراح

قلب بنت الانتر
انا ابيها اتييني بروحي

عاشقة الدوحه
اتروحين وترجعين بالسلامه
عمره مقبوله انشاء الله

،بخصوووص الصباحيه
انا كانت صباحيتي الغداء كانوا اهل ريلي موجودين بحكم ان ريلي يصير لي ^ـ^
كنت لابسه فستااااان ناااااااااااعم كحلي كان وااايد ناعم وحلووو ،كنت حاجزه مي اتسوي لي شعري ومكياجي ، وثاني يوم العرس كان في عشاء في بيتنا
حق اهل امي ولبست بدللله كشوخيه وسووويت شعري ومكياجي بروحي في البيت ^ـ^
ووووووبسسس

عاشقه
تروحين وترجعين بالسلامه والله يتقبل منج ولا تنسينا بالدعاء
واذا عندج وقت روحي اسواق العزيزيه كملي تجهيزج منها وايد فيه اشياء حلوه وراقيه

بنات
افتحوا مجمع مثل زون تقريبا بس احلى انا الصراحه ما رحت له بس قالوا لي عنه في شارع معيذر التجاري

وفيه معرض مجوهرات في الانتر للي حابه تشوف

نعومة /
أمس شفت مكياج جيني على أكثر من وحدة , لبناني واضح ..
و ميرا شفت مكياجها على خالتي وايد عجبني .. الناعم الحلو ..

هلا بنــات بلادي شلونكم...يسعدني اني انضم لكم واتمنى للمتزوجات حياة زوجية سعيده يارب وحق البنوتات الله يرزقكم بالزوج الصالح يارب..

عرسي على الصيف باذن الله ومن زمان ماصارت عندنا مناسبات فا محتاره وين افصل فستاني ومن احلى وحده للستريحات الحلوه واهم شي المكياج ابيه ناعم ومميز ...
ذوقي بشكل عام هادي وناعم في كلشي ياليييييييييييييت تفيدووووووني :091: