¸.•~ تجهيزات عرائس ( قطر ) لشهر ربيع الأول 1431 - 2010 م / الجزء = 97 ~•.¸

وطنـ عمريـ;11400681:
هلا بنــات بلادي شلونكم...يسعدني اني انضم لكم واتمنى للمتزوجات حياة زوجية سعيده يارب وحق البنوتات الله يرزقكم بالزوج الصالح يارب..

عرسي على الصيف باذن الله ومن زمان ماصارت عندنا مناسبات فا محتاره وين افصل فستاني ومن احلى وحده للستريحات الحلوه واهم شي المكياج ابيه ناعم ومميز ...
ذوقي بشكل عام هادي وناعم في كلشي ياليييييييييييييت تفيدووووووني :091:

الله يتمم لج على خييير حبيبتي

الفستان شوفي روبيلا

المكياج تماضر \دينا \عبير

الشعر حلا\ مرسيدس\ منى السودانيه

أم الغاليين الثلاث;11400731:
الله يتمم لج على خييير حبيبتي

الفستان شوفي روبيلا

المكياج تماضر \دينا \عبير

الشعر حلا\ مرسيدس\ منى السودانيه

روبيلا اول مره اسمع عنه في وين بالضبط..انا حاطه في بالي الفراشه لاني شفت شغله على كم وحده من ربعي..
المكياج احتمال كبير اختار دينـا
الشعر سمعتهم يمدحون ام ياسين شرايج فيها

تسلميييييييين:072:

وطنـ عمريـ;11400841:
روبيلا اول مره اسمع عنه في وين بالضبط..انا حاطه في بالي الفراشه لاني شفت شغله على كم وحده من ربعي..
المكياج احتمال كبير اختار دينـا
الشعر سمعتهم يمدحون ام ياسين شرايج فيها

تسلميييييييين:072:

روبيلا انا شفت شغلها بس روحي عند ميري لاتروحين للفلبيني

ام ياسين ما اعرفها بس حلا ومرسيدس شفت شغلهم هم الثنتين على عرااايس وكااان فن

وطنـ عمريـ;11400841:
روبيلا اول مره اسمع عنه في وين بالضبط..انا حاطه في بالي الفراشه لاني شفت شغله على كم وحده من ربعي..
المكياج احتمال كبير اختار دينـا
الشعر سمعتهم يمدحون ام ياسين شرايج فيها

تسلميييييييين:072:

أم ياسيـــن شغلــها وايــد حلوووو مجربينها واايــد

وطن عمري
الله يتمم لج ع خير حبوبه
مم انا من رايي اقترح عليج المصممه مير الشاعر [بوتيك لابوم ]
ومدري ليش الناس ناسيين فوزيه النافع فالسعوديه ماشالله شغلها يجنن ففساتين الاعراس

الميك اب /دينا و تماضر درويش ,, يمدحون معصومه من البحرين يقولون مكياجها ناعم حلووو .. بس انا شخصيا ماشفته
الشعر / حلا انا لاحظت انها وايد تكرر فتساريحها ملينا صراحه .,., فاقترح بثينه اللي مع نعمات .. رضوى << هلي شافوا شغلها قبل يومين و يقولون واااااااااااايد حلو .. مم وبس

الله ييسر امورج حبوبه




اسمحولي بنوتات مارديت ع الباقي بيزي شوي اليوم دوااام >.< والله يعين هع

وطن عمري

شوفي دار لارا في السد شغلهم واااااايد حلو حق فساتين الاعراس
انتي قولي لهم تبين تفصلين لاتشوفين المعروض عندهم لان مب لين هناك

المكياج سعاد فكري لو تبين ناعم راقي \ دينا خوري
الشعر مرسيدس فنانه

والله يتمم لج على خير



نعومه

صعبه تحصلين احد يجي حق وحده
شوفي فاتن ومنى السوريه بيجوني لي انا بروحي

حي الله شرفوني في موضوعي
http://forums.3roos.com/showthread.php?t=515962

عاشقة الدوحه

تروحين وترجعين بالسلامه .. ولاتنسينا بالدعاء .. مووفقه ان شاء الله

بيبي بنك

تقصدين محل شروه حسيته حلو مارحت له بس جفت الاعلانات عنه

كاميليا

ثاانكس وايد اعجبتني التسريحه ..

دوحانيه

تحسين مكياج مرتب ومضبوط ( جيني - وميرا ) يعني يصلح حق مثلا صباحيه او هديه لان للحين ماحجزت وابي احط لي كذا خيار ..

وطن عمري

مبرووك حبوبه والله يوفقج ويسعدج يارب .. اممم لازم تبتدين التفصيل من الحين عندج كذا محل حلووين للتفصيل مثل دار لارا - الفراشه - شيك ليدي .. والمكياج عندج دينا - تماضر - سعاد فكري - معصومه البحرينيه - عبير / الشعر مرسيدس - حلا - منى السودانيه - جورجيت

كلهم ماشاء الله سمعتهم حلووه انتي جوفي الانسب لج

حلا /
اي مرتب , بس على حسب انتي شتحبين ..
الثنتين مكياجهم لبناني ناااااعم ..

فالبدآآيه
القاعه / قاعه الدانه
التاريخ / 14-2-2010
تجهيز القاعه / فلورنسا
ستايل القاعه
التغطيه سوده فيها مناظر صغيره
اضاءه كااامله للقاعه
كوشه مخرمه وعندي صورتها بحطها لكم ان شاءالله
والطاولات فرش مخمل عليه تور مخرم بالشاموااه نفس ستايل الكوشه
وعليه ستاند كرستاله طويله ضعييفه نااعمه وفوقها ورد فووشي
على الطاوله مكسرات وصحن فضي منقش بالفضي الغامج وعليه منديل فوشي
وعلب الفاين منظره من كل صوب ع شكل مربع
الكراسي ملبسه بالمخمل الآوف وايت
المدخل خساره حاولو يركبونه ماركب !!
كنت مختاره شي بس للآسف ماصار
الحمدلله على كل حال
ممم
بخصصووصي انا
الميك اب / دينا الخوري
طلبت منها ناعم وسموك سووت لي والله المكياج وااايد مرتب وشغلها نظيف ونااااعم يعني سموك بنفسجي جاي للفوشي والوردي الهااااااادي
والرروج بيبي بنك فاتح ع البشره
وكان واضح وماشاء الله الكل امدحه
بالنسبه للشعر مرسيدس
سوت لي بااف وتسريحه كامله مرفوعه مع خصل بسييييطه وكان نتشرآآل مب مسمووت وكانت التسريحه ووووواااايد روووعه بدون الطرحه وصارت احلى بالطرحه ..
ترا ماكان في تااج !!
بس كرستال ع طرف الطرحه المثبته

الفستااان
تصميم .. مني انا .. :$
لاني ماحب الدفااشه طلعت لي كذا موديل وركبتهم ع فستان واحد وقلت له يرسمه
طلعت له للظهر والذيل واليد
الموديل
من فوق اليد جابنيز لكن ضعييف .. واتيي مثل القطعه التور الضعيف ع الزند مشغول بكرستاااال كاأنه مرسوم ع اليد
والظهر كامل شفاف توور مع رسمه بالكرستال ع الظهر كأنه مرسوم ع الظهر بعد
وبعدين مثل الدرابيه الخفيييييف كلش ع الصدر من فوق بس وعقب ينزل الكرستال لين الخصر ولاينات كرستال
ومن تحت الذيل ممم مثل القطعه الراده بحط الصور ان شاء الله وفيه مثل الكرستال المشغوول
فستاني كلش ماستخدم فيه ولا شي من الششششك ..
كله شغل كرستااال مشغول
ممم
الطرحه باف من فوق ومثبته ع نهايه الظهر
ومفتوحه كامه صوب الظهر عشان المووديل
مممم في ذيل والفستان كلش ماضايقني ولا احد ساعدني وانا امشي لاني مسويته بالضبط طوووله وهاي الشي اللي انصح كل وحده تسوي مثلي لان والله راااااحه تمشين بثقه
بس!
الدخله انا سويتها بنفسي ..
الفيديو صنع ايديه وحياة عنيه .. :P
كان خاطري اسوي فكررره جذي غريبه
ممممم اول شي يكتب تاريخ الملجه وصورة للورقه
وعقب تاريخ الخطوبه وعقب صوره الدبله وعقب هو يلبسني الدبله والخاتم والعقد ونقطع الكيك
وعقب صور لي وله فالخطوبه
وعقب صور للموديل ورسماته
وعقب بروفاته وانا لابسته وعقب قلت لـ جووي في شيك ليدي صور كل خطوه للفستان والحمدلله سوااا اللي طلبته
وركبت كل شي وعقب فيديو وانا اتحنا وعقب يعدلون الطاسه والذهب وبعدين صوره لي وانا كاشخه مع اخوي وبنت اخووي
واخر شي صورة البطاقه مالت العرس
وعلى اغنيه عبالي حبيبي مالت اليسا
ودخلتي بكتب لكم كلماتها وااايد عاجبتني وصف العروس من فوق لييييييين تحت وااايد حلوه
والحمدلله كل من طلع من العرس مدح فيه
ولين يومكم هاي والله العظيم ان يتصلون مدددح فالعررس ماشاء الله الله يبارك لنا ويهنينا ويبارك للبنات ويوفق لهم
ويكفينا شر العيون والحسد يااارب
..
وبخصوص المسكه طلعتها من مجله اوروبيه
اتيكم مثل حلقات اسلاك وكلها مشكوكه بوورد وكله طلبيه من هولندا
سويتها عند كاازا في ورا الموول
شغله مررتب ماشاء الله ووصلها لي بدري.. على طلبي
الحمدلله ..

'[ قمر :
;11407382']

اثااار
فديييييت رووحج والله ..
هههه زييين رديتي قلتي لي انا اثار مرتيين عشان أأأأثبت ههههه
والله تقريرررج روووووعه والله استانست يوم قريته ماشاء الله عليج
ان شاء الله نكتب تقرير عررررسج
بخصوص اللي صاحت هههه لابسه بنفسجي باذنجااني ؟؟؟

اولا تسلمين عالتقرير الررررررررررررروعه ياحلوووووووووووووووه
وبصرااحه عرسج روعه ويستاهل نكتب عنه ونمدح فيه

والله يووووووووووووووفقج
وبخصوص تقرير عرسي ماعندي مانع اعرس مره ثانيه خخخخخخخ
بس على قوله رفيجتي تقولي اللحين مايبون الدبه يبون الجسم السمبتيك يعني انا في الباي باي اللحين هههههههههههههه

اي نعم الي صااحت لابسه بذنجاني وهي الي لبستج عباايتهااااااااااااااا يوم دخل المعرس

قموووره

حبيبتي انتي والله

ماادري لييش ياتني الصيحه وانا اقرا التقرريرر

الله يهنيييج ويسعدج ويرزقج الذرية الصااالحه يااااااارب

قمر
مبروووك والله يهنيج ويوفق لج ويرزقج الذريه الصالحه

اثار

هههه ابيه شنو انتي معرسه ؟

فشيله طلعت ماعررف شييي
فديتج والله .. ممم تدرين هاي مب اختي هاي اكثر من اخت .. هاي بنت عمتي وبنت خالي فنفس الوقت .. ومعاي الروح بالروح وهي اللي تصورني للفيديو ومساعدتني بكل تفااصيل العررس
اما العبااايه قصتها قصه هههههههه فضييييحه على كيفهم دشو جييي ..


ام الغاليين

فديت روحج والله ..
آآمييين يااارب



بيبي بنك

الله يبارك في عمرج فديتج

قمر
ماشاء الله .. الله يهنيج يارب ويوفقج
ولا يفرق بينكم إن شالله ويرزقكم بالذريه الصالحه يارب
ماشاء الله شغل فلورنسا حلو اصلا ^.^
صار خاطري اشووف الصور ^.^ ننطرهم

'[ قمر :
;11408751']اثار



فشيله طلعت ماعررف شييي
فديتج والله .. ممم تدرين هاي مب اختي هاي اكثر من اخت .. هاي بنت عمتي وبنت خالي فنفس الوقت .. ومعاي الروح بالروح وهي اللي تصورني للفيديو ومساعدتني بكل تفااصيل العررس
اما العبااايه قصتها قصه هههههههه فضييييحه على كيفهم دشو جييي ..

الله يخليكم لبعض :065:

ماشاءالله تبارك الله

ربي يوووفقكم { قمر } ويرزقكم بالذريه الصالحه

تسلمين على التقرير الرووعه :032:

قمر
الله يوووفقج انشاء الله والله يهنييييج مشاء الله مبييين لوصفج العرس كان حلوو
الحييين دش في خاطري اشوووف الصور ^ـ^

بنات ابي اقول لكم شي من قلبي الصراحة تجمعكم وايد حلو وصج احس مشالله جنكوم ربع وتعرفون بعض من زمان مشالله الله لا يغير عليكم ..
بس انا الصراحه الصراحة كللللللللللللللللللللش ما حسيت بتفاعلكوم واياي وكل ماسال ولا حد يرد ولا حتى ينحط اسمي بالردود معني قطرية ومن نفس بلادكم يعني نفس المواضيع لكن نهاااااااااايئا ما حسيت با ي تقبل لي واي مساعدة منكم ولكن البنات اللي في الاقسام الاخرى يساعدون ومايقصرون ..
بعد انا احب اشكر ام الغالين لانها هي الوحيده اللي ردت مره على وبعد ما وصلت للي ابي ...وانا عندي عرس وكنت وايد حابة احط التقرير واوريكم ايه لكن عقب اللي شفته اعتقد انه مب مهم ..
على العموم بنات الله يوفقكم ان شاء لله ويسعدكم .. ومشكورين