بما اني نزلت النهارده المعرض فأحكيلكم بقا علي اليوم :01:
البوتوجازات انا قعدت اسأل كتير اوي عشان عاوزة حاجه تكون الشعله بتاعتها من الجنبين مش من النص لأن اللي في النص دي بتلسع الحاجه بسرعه من تحت وتبقي مش مستويه من فوق اوي يعني
فخلاصه اللف كانت ان لا يونيفرسال ولا تكنوجاز فيهم شعله من الجنبين
ايديال لقيت فيها شعله من الجنبين وكان جميل جدااااا
الايديال ال4 شعله اللي هو 60 في 60 سنتي كان 1150
وال5 شعله اللي هو 60 في 90 سنتي كان ب 1740
التلاجه احنا كان عندنا الاول تلاجه مش فاكره هويتها ايه :094:
بس غيرناها من 8 سنين وجبنا ايديال ايليت نوفروست وجميله جداااااااا وانا ناويه اجيب زيها ان شاء الله وسألت عنها فعلا
ال14 قدم كانت ب 1930
بصيت كمان علي الشفاطات شفت الشفاط اللي بيبقي فوق البوتجاز ده علطول كان في ايديال 90 سنتي ب 1380 ايطالي بس لسه مش رسيت بصراحه هجيب ده ولا هسأل تاني:040:
الغسالات عجبتني اوي اوي غساله وايت ويل 6 كيلو الحلتين بتوعها الداخليه والخارجيه استانلس ودي كانت اهم حاجه عندي :094:
عشان احنا عندنا الايديال زانوسي من زمااااااان والحلتين استانلس وعايشه ماشاء الله
بعدها بسنتين خالي كان جاب ايديال برضو بس كانت الحله اللي جوا كاربوليت باين ولا مش عارف ايه اللي هو زي البلاستيك ده ومعاناه بقا علطول معاها
فلما شفت الوايت ويل الموديل ده ابو حلتين استانلس عجبتني جدااا
كان فيها لونين الابيض ب 2550 قبل الخصم والسيلفر ب 2650 قبل الخصم برضو
وان شاء الله رسيت عليها يعني وهجيبها
جبت بقا
للسكر والشاي :01:
الواحد ب 25
طقم عشا 20 قطعه بورسلين حراري
ب 240 ( حاسه انه اتضحك عليا بس كان عاجبني جداااااااااااا )
طاسه نوفال 27 :037:
هي دي اللي كانت فاضلالي في الحلل والطاسات وبكده يبقي فاضلي في حاجات المطبخ الكبيرة الصواني الالمونيوم بس والرفايع طبعا :ok:
تورموس :037:
كنت هموت واجيبه عشان ادمان النيسكافيه اللي عندي ده
ب 25
وجبت كمان 3 اطقم ملايات العامريه بس معرفتش اصورهم عشان كانوا جوا الغلاف بتاعهم وعمال يعكس الضوء ومطلعتش الصورة :091:
كان الطقم ب 60
وجبتهم كوفرتتين برضو معرفتش اصورهم قطن 100 % المحله الاتنين ب 180 ومعرفتش اصورهم برضو زي الملايات لنفس السبب:091:
وجبت باديهين من كارينا وشورت من قطونيل :037:
