ام المصريين;11566935:
بنات انا عايزة احكي لكم حاجة
انا زي ما انت عارفين مش مصرية و في مجتمعي اتعودت على نوع معين من الرجال
اللي يقدر و يحترم رأي المرأة و كمان احنا عندنا الوضع مختلف
متلا الست عندنا عادي توعد مع الرجال و تتكلم معاهم (الرجال اللي تعرفهم يعني مش غرباء)
و خلاصة القول مجتمعنا متفتح شوية بس في ضل الاحترام
بس انا خطيبي غيييييييييييييييييييييييير
ساعات بحس اننا مش حنتفاهم
متلا انا عندي شهادة جامعية كبيرة و هو فرض علي اني ما اشتغلش
قلت مدام هو حيكفيني و يعيشني مستورة مش مشكل اه اتفرغ لبيتي و ولادي
و دلوقت فارض علي ما اخرجش لوحدي و كمان لو عايزة اخرج لازم اتصل و اقول
كمان قلنا مش مشكل اه راجل و دي سمات الرجولة
بس كل يوم اكتشف فيه حاجة جديدة يعني كل يوم الاقيه يحسسني ان انا مجرد حرمة و هو الرررررررررررررراجل
دي حاجة ماتزعجنيش لكن انا ما اتعودتش على كدة متلا انا الكل في الكل في بيتنا الكلمة كلمتي و الشورة شورتي بابا لا يمكن يسوي حاجة من غير ماياخد رأيي و حت مامتي الله يرحمها لما كانت حية كانت تشاورني في كل حاجة بحكم قوة شخصيتي
و ده اللي تاعبني اني شخصيتي قوية و لا يمكن استحمل تحكم حد علي
بس الحبيب ما اقدرش عل زعل خصوصا ان بالنسبة لي كل حياتي
و وقف معايا في كل محني و عوائق الحياة اللي واجهتني من يوم عرفت
ساعات بيحاول يفرض علي حاجات بس انا بعارض و هو بيتقبل (بس انا مش عارفة ادا كان بيتقبل او بياخدني على قد عقلي و بعدين حيحطني امام الامر الواقع) كده انا حموت فيها
اديكم متل: احنا كنا متفقين في السعودية البس البرقع و في مصر و المغرب البس حجاب محترم بس
و بعدين لقيت بيقولي انا عايزك تلبسيه عل طول و مش عايز حد غيري يشوفك
بس انا ماعجبنيش الكلام و قلت له ماكانش ده اتفاقنا و لا كلامنا قالي انا ماغيرتش كلامي بس عدلت و انا عايزك ترضي ربنا
قلت له انا لما اعوز ارضي ربنا احب ارضيه باجتهاد مني مش بحاجة مفروضة علي من حد تاني
و قعدنا نتناقش في الاخير قالي اقنعتيني بس بجد انا عاوزك تلبسيه دايما و حسيبك لما تقرري
قلت له حاضر افكر قالي طيب تلزمك مدة قد ايه ؟؟؟؟
قلت لها انا ماوعدتكش بس انا حفكر في الموضوع
اهههههههههههههه
حيرانة خايفة بعدين ما اقدرش اتفاهم معاه
و خصوصا ان احنا من بلدين مختلفين و تقافتين و عقليتين
بس انا ما اضنش ان احنا مختلفين كتيييييييييييييييير
لكن ارجع و اقول ده صعيدي
بنات تنصحوني بايه؟؟؟
بصي يا حبيبتي لازم تتفقي معاه من دلوقتي وتعرفيه ان حياتكم دي مشتركه في كل حاجه
قرارات مشتركه والمركب مش بتمشي لما القبطان بيتشبث برايه وبيصر عليه المركب يتغرق
بس لازم يكون بذكاء منك وبالعقل بعد الجواز حتفهمي طبيعة جوزك اكتر هم زي الاطفال
يعني لو اصدرتيله امر يعند لكن ممكن تخليه يعمل كل حاجه من غير مايحس انك امرتيه بيها
واحيانا ممكن يحس انه هو اللي اتخذ القرار رغم انك انت اللي عاوزاه
الست لازم تكون ذكيه وعندها حيله وطولة بال
بس اوعي تتنازلي في قصة القرارات الفرديه دي ,,لان هو حيتعود انه ماياخدش رايك وانك حاجه عل الهامش غسيل وطبيخ وعيال وده غلط
والرجاله كلهم واحد سواء في مجتمعك او مجتمعنا ..الراجل الشرقي عموما تفكيره واحد
بس نسبة احترام المراه بتختلف من واحد للتاني حسب تربية اهله له
يمكن هو متعود في بيت والدته على كدى فانت لازم تعوديه بس بالتدريج وبالزوق
مفيش خطوات محدده الجواز والخبره حيعرفوكي
بس ماتستسلميش وهو يبقى الامر الناهي ده لا ديننا ولا ده الزمن لكدى
الحاجات للي بينكم فيها اختلاف طالما مش فيها معصيه لربنا من حقك توافقي او ترفضي بس بردوا بالزوق وخليك ذكيه
لو هو كلمك في اي حاجه دينيه وقضيه جدليه اتناقشي معاه عنده ادله وانت عندك ادله بردوا ده لو بيتكلم في وجوبه
لكن لو هو غيران او كدى احترمي رغبته بس بذكاء منك فهميه شعورك من غير عند
وفي النهايه لازم توصلوا لحل وسط
موضوع الشغل بردوا لازم تكوني مقتنعه ميه بالميه بيه
كل واحده ليها تفكيرها وموضوع الشغل مش ماده بس
بس لازم تكوني مقتنعه بواجبك كزوجه ميه بالميه,,عشان ماتندميش بعد كدى
لكن لو انت حبه الشغل اوصلي لدماغه بطريقه حلوه
حشتغل لغاية ماييجي بيبي
او انا زهقانه وانت بعيد ومحتاجه اشتغل عشان يبقى في حوار بيننا وكلام جديد لو انت مش واثق في امال حشيل اسمك ازاي
لازم تعرف اني اعرف اتعامل مع 100 راجل طالما انا محترمه وانا بحبك ومش حيملى عيني غيرك
كلام كدى
وبعد البيبي ربنا يرزقك ويرزق كل البنات ساعتها قرري عندك استعداد تكملي ولا لا
مفيش كتالوج للجواز ده بطيخه فعلا وماتخافيش من اختلاف العادات لانها مش بعيده اوي احنا عندنا كل راجل له دماغه
ومالوش علاقه بكونه صعيدي او لا هم الصعايده دلوقتي متفتحين جدا
