رابطةأمهات وأطفال مصر لشهر ربيع الاول(كل عام وانتم بخير) ....

ام جوجو ماتقلقيش من الوزن

ان شاء الله لما اتبدا تقعد وتتحرك وتحبي وتمشي

كل دة بياخد طاقه من جسم الطفل وبيخلى الوزن اقل من فترة الست شهور الاولى

ازيكم يا بنات

ازيكم؟

يا انوس لا انا بنتى مولوده 3200 هيا الوقتى 8 زايده بجد انا تعبانه

ازيك شهيدة اخبارك دلوقتى واخبار عمر

مع العلم انى وجبتى ضعيفه يعنى ماتقولوش مثلا لبنى فيه فوايد كتير ليها لا انا اصلا من النوع المعصعص كده ومش باكل خايفه يكون وراثه لان حماتى وعمتى تخان وجوزى برده مليان شويه

ازيك ياشوشو الحمدلله على سلامتك اخبار الحمل ايه وعمر بخير
ازيك ياهوبى

الحمدلله تمام ياقمر انتوا ازيكم كلكم

انا مضايقه اوي محمد مش بياكل خالص رافض الاكل وبضطر افتحله بوقه بالعافيه واحطله المعلقه وبيفضل يعيط ويصرخ وبيصعب عليا ومن شوية بعمله كده قام مرجع وبعديها هفت كده ونام

ام جوجو انتى ليه شايله هم كدة

بكرا تعرفي انه كل قلقك دة على الفاضي

هى دلوقتى مش بتعمل اي حاجه غير انها ترضع وتنام

وعلى فكرة طبيعه لبن الام وكميته مالوش اي علاقه بوزن لام

دى حاجه كدة من عند ربنا

وبعدين دة رزق وربنا بيرزقها بيه ماتقوليش كدة

صدقيني مجرد تبدأ تتحرك وتسنن هتلاقي مزاجها اتغير ونفسها اتسدت وتقولي يااااريت تاكل بس

اه الناس بيقولولى كده برده يا ام حسون يارب تبقى دايما بصحه وعافيه ويارب ربلنا اولادنا كلنا

ازيك يا هبه وازي حمادة فينك من زمان

شهيدة عاملة ايه واخبارك ايخ في الحمل رحتي للدكتورة واطمنتي ؟

انتو كده مش هتخلوني اقوم ماما هتقوم ترميني انا وابني من البلكونة ههههههههههههه

hoobie;11475563:
الحمدلله تمام ياقمر انتوا ازيكم كلكم

انا مضايقه اوي محمد مش بياكل خالص رافض الاكل وبضطر افتحله بوقه بالعافيه واحطله المعلقه وبيفضل يعيط ويصرخ وبيصعب عليا ومن شوية بعمله كده قام مرجع وبعديها هفت كده ونام

ياحبيبي

والله نفس تركيبه حسن ولما اضغط عليه يرجع

على فكرة السن دة اصعب سن فى الاكل

انا فاكرة حسن كان بيعذبني بالالوان فى الفترة دى

بنات انا هقوم انيم معاذ بقى

سلام مؤقت

ربنا يطمنك والله ريحتى قلبى يا رعشه ربنا يعزك اصلى خايفه انتى عارفه العرسان اليومين دول عايزينها برنسيسه ورشيقه ههههههههههه
ربنا يبارك فيكى انا هسيبها لله وهيا وقدرها بقى وفعلا اختى كانت كده وبنتها فى التسنين خست جاااااااااااااااااااااااااااااامد فيمكن عشان كده

ما شاء الله انتو متجمعين
يارب دايما
ازيكم وازى كتاكيتكم؟

انتى برده ياهوبى حاولى تغيريله فى الاكل وعصاير وحليب يفيدوه وربنا معاكى ويهديهولك

الحمد لله احنا بخير
رعشه وايمان
واحشنى جدا والله
عمر بقا مهارات تانيه بيفتح درف المطبخ وعايز يتسلقها علشان يوصل للترابيزة من فوق


راويه

بنتك لسه صغيرة ومتقليش تخن ومش تخن
لان الطفل ممكن يكون كلبوظ مثلا وهوا صغير واول ما يكبر ويبدا الحركة تلاقيه خس
ده غير ان اغلب الاطفال بعد كده بترفض الاكل

دموع الملائكه;11475521:
يا انوس لا انا بنتى مولوده 3200 هيا الوقتى 8 زايده بجد انا تعبانه

على فكره انتى لو حسبتيها هتلاقيها ماشاء الله وزنها حلو جدا بالنسبه لوزنها اللى مولوده بيه وعلى فكره انتى شوفى فالكراسه بتاعت التطعيم اللى لونها روز هتلاقى السن والوزن الطبيعى من كام لكام
وهتلاقيها فالطبيعى انتى اللى قلقانه زياده عن اللزوم وانتى اصلا خايفه من الاكل يتخنها ليه هو انتى اكلتيها ايه

hoobie;11475563:
الحمدلله تمام ياقمر انتوا ازيكم كلكم

انا مضايقه اوي محمد مش بياكل خالص رافض الاكل وبضطر افتحله بوقه بالعافيه واحطله المعلقه وبيفضل يعيط ويصرخ وبيصعب عليا ومن شوية بعمله كده قام مرجع وبعديها هفت كده ونام

معلش يا هوبى بس متكرهوش فالاكل بالطريقه ديه اصبرى عليه واشغليه وانتى بتاكلي بلعبه او بالتليفزيون كدا انتى كدا هتكرهيه فالاكل

هو انتى بدئتى معاه اكل من امتى

دموع الملائكه;11475591:
ربنا يطمنك والله ريحتى قلبى يا رعشه ربنا يعزك اصلى خايفه انتى عارفه العرسان اليومين دول عايزينها برنسيسه ورشيقه ههههههههههه
ربنا يبارك فيكى انا هسيبها لله وهيا وقدرها بقى وفعلا اختى كانت كده وبنتها فى التسنين خست جاااااااااااااااااااااااااااااامد فيمكن عشان كده

ادعي دايما ربنا يحفظها لك من العين

وماتقعديش تكلمى عليها وعلى وزنها واكلها قدام الناس

خافي عليها ربنا يحفظهالك

انتى كدة بتلفتى انتباه الناس لبنتك وربنا يحفظنا ويحفظ ولادنا من العين والشيطان

وبعدين يا ستي انتى شايله هم العرسان

ههههههههههههههههههههههههههههه

ياختى ياما برنسيسات رشيقات وربنا ما رزقهم لسه وياااااما كلبوزات اتجوزو اول مادخلو العشرين

هههههههههههههههههههههههههه يعنى مش قاعدة

وبعدين دة بدري اوى على الكلام دة

قصدي انه فى مراحل كتير قبل ماتوصلي لمرحله الكلبزة والعرسان

انتى بعد كدة لو فعلا لاحظتى انها كلبوزة بزيادة وبشكل مش حلو ممكن تبدأي تعوديها من صغرها على نظام اكل صحي وكدة

وطبعا بتطلع عليه ومش بيكون فى اي قلق ولا مشكله

وعلى فكرا موضوع التخن والرفع دة بيكون هرمونات

يعنى لو الام والاب تخان الطفل بيكون زيهم والعكس صحيح

خليها على ربنا وافرحى ببنتك واتمتعي بيها وباحلا فترة فى حياتها

ايمان
حاولى متتاخريش علينا


راويه
على فكرة انا اكلت عمر على 6 شهور
كده بجد احسن للطفل يكون حتى شد حيله واجهزة جسمة اتعودت عالهضم والتخلص من السموم اللى موجودده في اكلنا