رابطةأمهات وأطفال مصر لشهر ربيع الاول(كل عام وانتم بخير) ....

السلام عليكم حد هنا؟

انا هنا واتنين مختفين

Smsma wa7stny awi

ايه يا بنات فيه ايه
انا لسه جايةمعرفش ايه اللى حصل
خير ان شاء الله وربنا ميجبش مشاكل احنا كلنا اخوات

مين ياجماعة يحب يدخل فى ختم القران خلال اسبوع ان شاء الله



مبدئيا ان شاء الله
لايف دروب ....................الجزء 1و2
قطة اخر الليل................الجزء 3و4
برنسيس ميرو............... الجزء 5و6
اشرى ........................الجزء 7و8
سويت توتا................. الجزء 9و10
بوسى 22..................الجزء11 و12
ملك حياتى............... الجزء 13و14
ام حمودى القمر.......... الجزء 15 و16
زوزوكا.......................الجزء17و18
............................. الجزء 19و20




اسارير البحور............. الجزء 30



مين كمااااااااااااان

وحشتيني يا هوبااااااا كتير جدااا والله
انت عاملة ايه وازي ندى حبيبتي وازي الواد الى جوه ده عامل معاك اايه
ربنا يقويك يارب نقلتي على خير ولا لسة ربنا يسهلك امورك

ندى حبيبتي جزاك الله خير على الفكرة الحلوة دي
بس ممكن تشرحيلي ازاي يعني حتم
يعني كل واحدة حتقرا جزء لوحدها ولا مع بعض مش ففاااهمة الصرااحة اعذريني

أم عمرومنة;11473643:
ندى حبيبتي جزاك الله خير على الفكرة الحلوة دي
بس ممكن تشرحيلي ازاي يعني حتم
يعني كل واحدة حتقرا جزء لوحدها ولا مع بعض مش ففاااهمة الصرااحة اعذريني

اعتقد يا ام عمر ان ندى قصدها بختمة القران ان نقرا القران كله بنية معينة بحيث كل واحدة تقرا جزء او اكتر
انا كان نفسى اكون معاكوا فى الختمة ديه بس انا الفترة الجاية مش هعرف اقرا قران بس ان شاء الله تتكرر تانى واكون معاكو ان شاء الله

أم حموودى القمر;11472909:
ايه يا بنات فيه ايه
انا لسه جايةمعرفش ايه اللى حصل
خير ان شاء الله وربنا ميجبش مشاكل احنا كلنا اخوات

ازيك يا سالى عملة ايه وازى حمودى والنونو عاملين فيكى ايه
مفيش حاجة يا سالى هما البنات فى شات الحوامل جم نورونا شوية عقبال ما المشرفة فتحتلهم جزء جديد عشان الشات بتعهم تقل بس هما زعلوا من شهيدة عشان قلتلهم انه مش ينفع كدة وانهم يرجعوا الشات بتاعهم بس الحمد لله رعشة قلب وضحتلهم ان شهيدة مكنتش تقصد تضايقهم ولا حاجة واعتقد ان البنات فهموا كدة وفى الاخر كلنا اخوات
:072:

السلام عليكم
ازيكو يا بنات عاملين اييييييييييه
واخبار الكتاكيت بتوعكو ايه

ازيك ايمان

واخبار معاذ ومغامراته

الحمدلله يا رعشة
انتي عاملة ايه وحسن عامل ايه

معاذ الحمدلله اتطور شوية في الكلام وبقى بيردد ورايا معظم الكلمات
بس لسة موضوع الحمام اللي هيدمر نفسيتي قريب
ربنا يستر

واخبار حسن القمر ايه معاكي

حسن الحمد لله

بالنسبه للكلام لسه شويه بدا على خفيف

وبالنسبه للحمام بقي حكايته حكايه

اولا هو فاهم انه المفروض يعمل فى التواليت ومايعملش فى البامبرز

لكن طبعا لما بحس انه هيعملها بيرفض رفض تاااام اي محاوله انى اقعده على البوتي

ولما بيعمل بحط ايده على البامبرز من ورا ويقول كخ

ولما نقوله بيبي فين يشاور على الحمام

ومع كل ذلك مافيش اي تطورات على ارض الواقع هههههههههههههههههههه

انا شايله هم الموضوع دة جداااا خصوصا انى عايزاه يتلعلم قبل البيبي ان شاء الله

ربنا يسهلها

ههههههه سبحان الله نفس معاذ بالظبط
لما اقول له عملت بي بي يقوم يحط ايده مكان البامبرز برضو ويسد مناخيره ههههههههههههههه

هو برضو رافض تماما انه يقعد بس انا مش بجرب معاه البوتي جبت قاعدة تواليت وبقعده عليها بس هو اصلا رافض انه يقعد وبيفضل يتشنج جامد اوي ومش بيرضى يقعد
انا كمان خايفة اوي من الموضوع ده بجد ربنا يستر حاسة انه مرحلة صعبة اوي

عارفه يا ايمان

بفكر لما الجو يدفي شويه ابقي اشطف حسن على التواليت واحدة واحدة بيتعود انه يقعد عليه ومش بيخاف

اعتقد دى ممكن تكون طريقه برضو

ايمان صحيح مش امبارح الكورة جريت من حسن وراحت ناحيه الحمام وكان ظلام ولاول مره لقيته خايف ومرديش يروح يجيبها وخلا بابا اللى يجيبهاله

والنهاردة برضو جريت ناحيه الظلام ومرديش يجيبها وخلانى اروح معاه

بس انا صممت انه هو اللى يجيبها بنفسه

روحت معاه بس وقف بعيد شويه

على فكرة ماما كانت دايما تقول لي كده بس انا اللي كنت بكسل مع ان معاذ الصيف اللي فات ماكنش بيخاف منه وكان بيقعد عليه عادي بس طول الشتا بقى كنت بشطفه على الحوض
ماكنتش اعرف ان الموضوع هيبقى صعب اوي كده
هي المشكلة انهم مش راضيين يقعدو عليها خالص مش فكرة البي بي نفسه

يلا اهو بنتعلم عشان البيبي الجاي ان شاء الله نبقى نعمل كده من بدري ونشطفه على قاعدة التواليت عشان يبقى فاهم

بنات انا رحت للدكتور قالى بلاش تاكلى جوجو اى شئ غير الرضاعه وبس

ماهو السن ده باين بتاع الخوف ولا ايه
انا برضو بعمل كده مع معاذ بروح معاه من غير ما اولع النور عشان يعرف انه مافيش فرق لو الدنيا ضلمة او النور والع
بس هو برضو كل مرة لازم يقومني اجيبهاله

راوية ازيك عاملة ايه
اوية طبعا جنى اربع شهور لسة صغيرة
استني كمان شهر ولا حاجة

انا بدات ااكل معاذ على فكرة وهو خمس شهور وطبعا بدات بالحاجات الخفيفة اوي