تجمع حوامل وامهات {قطر} لشهر ربيبع الاول لعام 1431 ه ***

فيه وحده معزومه على زواج ويوم الزواج قامت الحرمه وتروشت وتنظفت وسرحت شعرها احلى تسريحه وسوت مكياج حلو ومرتب ولبست احلى فساتينها وتعطرت وتبخرت وبعد ماخلصت اتصلت في زوجها وقالت له اني خلصت
قالها زوجها دقايق واكون عندك شوي واثاري زوجها قدامها
الرجال يوم شافها اعجبته لانه المسكين مايحصله يشوفها مرتبه الا في المناسبات
المهم طلبها زوجها تترك الزواج وتجلس معه وقال لها ابي اخليها احلى ليله وراح اعوضك عن الزواج قال لها اجلسي معي ونستانس ونسهر ونجيب عشاء من المطعم الزوجه وافقت

قال لها زوجها ابي اروح اجيب العشاء فراح الرجال مستعجل وجاب العشاء ودخل بيته وشنو شاااااااااااااف قدامه

الحرمه فاصخه فستانها ولابسه قميص قطن من حقات البيت وغاسله المكياج وفاكه التسريحه وحاطه في شعرها زيت ورابطته



الرجال عصب وسالها ليش غيرتي ملابسك وليش سويتي في نفسك جذي
قالت الفستان ضايقني وانحشرت منه وغسلت المكياج ماله داعي وزيت شعري عقب الرغوه والاستشوار تصدق توني احس في الراحه يوم لبست هالقميص

قام الرجال يهاوش وقالها الزينه بس للناس وانا زوجك ما تهتمين لي
وقال والله ماتذوقين العشاء والحين تقومين قدامي للزواج وتدخلين عليهم جذي وانتي في شكلك هذا والا ما راح تجلسين الليله في البيت حاولت فيه الحرمه ماقدرت لانه حلف
وفي النهايه مالها حيله قامت ولبست عبايتها ودخلت في الزواج كانها طراره وتركها لي اخر الليل وكل الي في العرس شافوها هي قعدت في عبايتها ما فصختها
القصة تحصل في بيوت كثيرة

وهي للعبرة

عزيزتي أهتمي بمظهرك و أناقتك لزوجك قبل الأخرين فهو من ينبغي أن تكسبي رضاه و إعجابه لا غيره. هو من

يستحق الإهتمام وهو الوحيد الذي له الحق الكامل بالتمتع بكل ما تبديه لغيره . و لا تلوميه أبدا أن أبدى

إعجابه بغيرك أو زاغت عيونه لأخرى قد تسلبه منك . صحيح أن الرجل يريد أن تكون زوجته مخلصه و مطيعه و

تنجب له الأولاد و لكنه في نفس الوقت يبحث عن الجمال و الأناقه عندها فلا ينبغي أن تضطريه لأن يجده عند

غيرك . لا تقولي بإنك قد كبرت و لا يليق بك التزين له أمام أولادكما فالرجل عزيزتي يبحث عن الجمال لأخر

لحظه في عمره فلا تحرمي نفسك متعة إعجابه بك و لا تحرميه حقه في زينتك

منقوووووووووووول للفائده

سمعوا هالسالفه
طبعا انا نفاس وتعرفون سوالف النفاس عاد " أدويه و أعشاب " وبلاوي ما اعرفها لاني بجر
المهم امي ما قصرت كانت مزهبه كل شي
وكانت تعطيني كل يوم تمر معاه " رشاد "

عندنا خدامتنا سيريلانكيه قالت حق امي الرشاد قطعي عنه عقب اول عشر ايام لانه مو زين
اول شي ينظف بعدين عقب هالعشر ايام ياخذ من دمها

وشغله ثانيه واهيا اساس موضوعي

" طبخت زنجبيل مع عسل " وقالتلي اكلي منه زييييييين وايد
وانا على طووووول كليت وعقب ما كليت من غبائي الزايد سألتها هذا حق شنو ؟

قالت ماما هذا وايد وايد زين << اي حق شنو

>>>>> اصدمتني
قالت هذا : يخليج ما تجيبين بيبي بسرعه ورا بعض ؟!!!
شنووووو يعني

قالت احنا عندنا هذا ناكله ونقعد 3 سنه بعدين يجيب بيبي ثاني !
والدوره ما راح تنزل عليج الا بالولاده الي اهي عقب 3 سنين

قلتلها بس هذا دم فاسد لاازم ينزل علشان جذي الله يسوي دوره حق حرمه !!<<< من الصدمه صرت ما اعرف اتفاهم وياها

وانتي شكووووو فيني اجيب بيبي ورا بعض شكوو شكووو
وانا هبله على طول لطييييته

كليت من هالخلطه تقريبا 10 ايام

والحين انا باجيلي 3 ايام واطلع من النفاس والدوره ما نزلت علي وبطني تعورني حتى ضلوعي احس تعورني

ما ادري شسويت الله يستر

بس حبيت اقولكم تجربتي لا تاكلون اي شي من الخدامات خاصتا الخلطات الغريبه العجيبه
وهم اقولكم عن الزنجبيل والعسل بالمره انهم يسببون عقم مؤقت حسب كلامها

وسلامتكم