تجمع حوامل وامهات {قطر} لشهر ربيبع الاول لعام 1431 ه ***

صباح الفل

موزان ..

انا مسوية في محل الستاير بنفس قماش الستاير .. دائرة ونازلة منها ستارة طالع وايد راقي

الي تسال عنالترمس.. انا خذته من تافولا

ابي اروح ادور شنطة حق اغراض ولدي تكون عملية وتصلح حق السفر وتكفي كل الاغراض وقماشها من النوع الي مايتببل مع المطر .. لان الي عندي بس شكلهم حلو لكن مو عملين.. ابي لون بيج على بني .. تعرفون وين احصل؟

بنات تكفون ابي نفس هالشنطه تكون فيها فتحات عشان اغراض البيبي

هاي وحده كويتيه تبيعه فيه ليتات ووورد :)







داش بالغلط بس عاجبني خخخخخخ


موزان عندي نفس اول صوووره خذته من هوم سنتر

غلا
وهج
اليجنت
مشكورين ياالبي :)


زينة

بسولف معاج.. ههه
من كم يوم كنت اسولف مع ريلي.. عن الاصدقاء..
يقولي ماشوفج تتصلين حق ربعج وجي..
قلتله اكلمهم بس مو جدامك..
مع السوالف حسيت خذا فكره اني مو اجتماعية وما عندي ربع وايد< تضايقت.. مابي ياخذ هالفكره..
هو عنده ما شاء الله ربع وايد عشان جي..
قلتله انا ما احب يكون عندي اكثر من صديقة او صديقتين قراااب..
قال ليش.. الاصدقاء عزوة لج ومادري ايش.. اذا صار لج شي عقب ما اموت مين بيوقف معاج.. قلتله اكيد اهلي!! شدخل صديقاتي..
قال لا خلي اهلج.. الاصدقاء غير.. قلتله لا شدخل..
يعني حسيته يفضل الاصدقاء عن الاهل وانا العكس..
قاهرني الموضوع مادري ليش.. ماحب ياخذ عني فكرة كأن ما عندي اصدقاء وانا عندي بس ما اسولف معاهم جدامه عمدا..

عطوني رايكم بنات :)

قطرية

ما ركبتيه؟
صورة البانيو عجيبة... حلو الورد المنثور وايد..

موزان
انا مثلج ماعندي غير وحده كلوز اما البقيه ربع عادين .. ومثلج ماكلمهم في التلفون الا نادر لان في تواصل ثاني على المسن اسولف معاهم او على البي بي .. اما وجهه نظري غير عن وجهة نظر ريلج الربع لو شنو ماصار بيتمون ربع ويمكن في ويوم من الايام يفترقون بس الاهل غير بيتمون معاج لين اخر العمر ^_^

اما عن الفكره الي خذها ريلج عنج بين فتره وفتره قولي بين السوالف اي هاي شفته عند رفيجتي ، اي رفيجتي قالت لي ، رفيجتي تقول كذا وكذا يعني سوالف عاديه بيني له ان عندج ربع وفي تواصل بينكم وامممممم وبس ..

قطريه اتش
يبيله قض في السقف صح ؟؟!!

زينة

صح كلامج الربع غير والاهل غير..
انا كلش ما اسولف له عن حد من اصدقائي لان هو يقهر عنده فضول ههه..
مرة بنت خالتي (ورفيجتي) متصلتلي شاف اسمها في تلفوني وهو يرن.. انا كاتبه اسمها الدلع.. جان عقب فترة شخبار امون ماشوفج متواصلة معاها< انت شكو ههههه احتريت وقلت في نفسي ما بييبله طاري حد .. مادري يمكن عادي بس ماحب يذكر اسامي.. ههه

موزان وزينه

مابطلته للحين بقراطيسه بس فيه مسمار وهالسوالف
اكيد يبيله قض


وبخصوص موضوعج موزان
انا عندي رفيجه وحده كلووووز والباقي كله ع البي بي او مسجات
وهالكلوز عادي اكلمها جدام ريلي لان اخوها رفيج ريلي ووايد معانا
بس اكلمها بحدود واسكر حتى صرنا مب نفس قبل << تجهز يحليلها الله يوفقها ويتمم لها على خير ..
اما ريلي اوووووووووووووف كيوتل كيووووتل ربعه شكثثثثثر ومن النوع الي ربعي اهم << شي يقههههههههههر :(

موزان
لين قلتيله رفيجتي قالت بيقول من.. قولي وحده ماتعرفها هنيه بيحترق قلبه خخخخخخخخخخخخخ


قطريه
هههههههههههههههههههه حلوه كيوتل اصلا ماشالله الشباب ربعهم وايد حتى لو موب رفيجه شافه مره بس او يعرفه بالاسم بيقول اي واحد من الشباب ..

تيست .


زينه بسرعه حطي ام بي سي برنامج عجيب لج ..

هلا موزان
انا نفس الشي ,, انا مو اجتماعيه وريلي من النوع الاجتماعي
ويقولي ابي تصيرين اجتماعيه وعندج علاقات,, انا من النوع اللي استحي ،، احيانا ابين له انه عندي علاقات
فيقولي ابيج تتعرفين على زوجات ربعه
فماعرف ايش اسوي ؟

قطريه اتش
انا في الدوام :(

البرنامج الي عن الحمل شفته موب ذام الاسبوع الي قبله كنت غايبه وشفته ....

وهج
انا مثلج ريلي ماشالله اجتماعي .. انا لا ، بس احاول قد ماقدر اصير اجامعيه بس اقول بسوي وبسوي بس اخر شي اتراجع ..

صباح الخير

::

سوالفكم ما تحلى الا وانا مشغوله

برد على سالفة الربع

انا قطعت 3/4 ربعي عقب العرس .. وهاي شي غلط ..

بس ريلي من النوع اللي ما يرضى اني اطلع مجمعات ومطاعم وسينمات مع ربعي ..

وزيارات البيوت ثقيله ..

وحتى التليفون صرت ماحب اتكلم فيه عقب ما جبت نونه ..

كارهه هالشي .. بس مب عارفه شنهو الحل ..

وبخصوص زوجات ربعه .. تعرفت على 2 .. وواحد من ربعه مش متزوج .. رحت زرت امه مره ..

وخاطري اصير كلوز معاهم .. لان اهتمامات رياييلنا مشتركه

تيست ..

لولو
صباح النور
هدي شغلج وجابلينا:094:

انا بعد ماطلع مع ربعي قبل كان ابوي مايخليني وريلي للحين ماجربت معاه .. بس اذا نطلع احنا يمعة بنات عمتي عادي ..

اعرف وحده قطعت كل ربعها عقب ماعرست .. ليش ؟؟؟ ريلها قال لها ... الصراحه موب حلوه اقطع ربعي ليش مااذوني في شي ليش اقطعهم اذا بيخليني اقطع ربعي خل هو بعد يقطع ربعه :039:

وهج العين;11477813:
هلا موزان
انا نفس الشي ,, انا مو اجتماعيه وريلي من النوع الاجتماعي
ويقولي ابي تصيرين اجتماعيه وعندج علاقات,, انا من النوع اللي استحي ،، احيانا ابين له انه عندي علاقات
فيقولي ابيج تتعرفين على زوجات ربعه
فماعرف ايش اسوي ؟

وي ريلي مثل ريلج... امنيته اني اتعرف على حريم ربعه..
تعرفت على 2 صارت زيارات ودايما يسألني اذا متواصلة معاهم.. قلتله شوف انا اعرف انت تبيني اتعرف عليهم وجي بس انا الصراحة ماحسهم بيكونون ربعي وانا ماحب الشي يصير بالغصب..

لولو

حلو يكون عندج ربع من حريم ربع ريلج.. خاصة اذا كانوا يونسون وسوالفهم حلوة ..
انا ال2 اللي تعرفت عليهم... يالله.. عادي اتم ساكتة نص ساعة بدون ما نتكلم.. مساكين بس مملين ..

وبعدين ربعه كبار المتزوجين يعني 30 وفوق.. وحريم ربعه اكبر مني.. وانا صغيرة:01: هههه

انا قبل لا أعرس كله تلفونات مع ربعي وايد
بس عقب ماعرست لا صررت كلش ماكلم حد الا مسجات بين فتره وفتره
مادري ليش ..؟
احس مافي وقت ماعرف ..
وبخصوص طلعاتي نفسج زيون ابوي ماكان يرضى اطلع مع ربعي
ويوم تزوجت ريلي مايخليني اطلع الا مع رفيجتي الكلوز
وبعض ربعي بس لازم اقوله قبلها بيوم ولا يومين خخخخ

قطرية

لاااا ليش غيرتي لوكج... كان وااااايد حلو