التجمع الثامن للحوامل اللاتي يلدن في شهر 3 ( مارس/آذار ) 2010 م - بإذن الله

وينكم اليوم محد شابك

اي والله الجو عجيب أن شاء الله اليوم ببتدي أتمشى شوي بس الوقت مادري إذا تعبت بوقف

انا بديت امشي تقريبا 30 دقيقة كل يوووم


بنااات حاولوا تمشون كل يوم لان الولادة يبيلها لياقة والمشي بعد يساعد ان الراس ينزل في الحوض

انا زعلانه كلمت ريلي قلت له موعدي متى بتي قال انا بعيد اجلي موعدج قلت له هذي ثاني مره ااجل عاد خذت موعد يوم الاربعاء الصبح كيفه بيوديني لانه يوم الثلاثاء الصبح بعد عندي موعد في حمد

عيون المها هذي كلها تساهيل من عند رب العالمين ... والحمد لله صج ما كنت مجهزة شيء حق الولادة بس الحمد لله رب العالمين ..

وولدي بخير الحمد لله وفي الشيشة تحت المراقبة فقط لانة ولدت في الثامن ..

صباح الخير بنات
شخباركم
شهالاخبار الحلوة؟ الله يتمم علينا كلنا بالسلامة

يتوم
الف مبروك والحمد لله على السلامة ويتربى البيبي في عزكم ان شاء الله ويطلع من الحضانة بس ضروري تخبرينا بقصة ولادتج اتوقع اللي نزل عليج اللون الاخضر كان من بوادر الولادة والا كان البيبي مخرج؟


جود
الحمد لله على السلامة وان شاء الله عبود يزيد وزنه ويتقبل الحليب وتشيلينه بحضنج يارب

عيون المها
لا تزعلين ولا شي واذا زوجج مشغول حاولي تخلين اي احد من خواتج او صديقاتج يودونج للموعد مو زين كل مرة تأجلين الموعد

بنات انا من قريت عن يتوم خفت خخخ لاني للحين ماكملت وشكلي من اليوم بحط اغراض المستشفى في الشنطة ولو اني اعرف موعد ولادتي هو 28 /2 بس اخاف يصيدني الطلق قبل وابتلش

حوامل البحرين .. (مرجع للدكتورات اللي نقدر نتابع الحمل عندهم ) ،،

شخباركم كروشات ؟

يتوم ننتظر قصة ولادتج على احر من الجمر ، اي والله احنا الحين بدينا نحاتي ونخاف نولد فجأه لازم يعني نجهز كل شي هالأيام الوحده ماتدري متى بتولد ، ربي يسهل علينا ان شاء الله ونولد بالسلامه ، وخلاص ضروري نمشي من الحين ...

بروكولي;11269316:
عيون المها
لا تزعلين ولا شي واذا زوجج مشغول حاولي تخلين اي احد من خواتج او صديقاتج يودونج للموعد مو زين كل مرة تأجلين الموعد

بنات انا من قريت عن يتوم خفت خخخ لاني للحين ماكملت وشكلي من اليوم بحط اغراض المستشفى في الشنطة ولو اني اعرف موعد ولادتي هو 28 /2 بس اخاف يصيدني الطلق قبل وابتلش

انا بعد قريت عن يتوم خفت شوي قلت قرب موعدنا خلاص

بس يتوم ابتدت تتمشى من وقت شوي

:072: لكن افتكت والحمدلله

بنات اليوم ولدي كسر خاطري ريلي يدلعه ويلعبه بس مب دوم اليوم يقولي ولدي ماما كله يطقني ويصارخ معنه ريلي ويه ولدي يلعبون مع بعض بس ماتعجبه تصرفات وكله يقوله انت كبير بس اول مره ولدي النتفه يقول جذي
والحين طلعنا رحنا المطعم انا مادلع ولدي وايد ولا اعطيه كل شي بس اعرف له صاير يناحس ابوه ويخليه يوبخه اقولكم في المطعم ولدي تم يصارخ يوم شاله من يدة ابوه الخبز عطينه خبز ثاني تم يصارخ بطريقة تخلي ابوه يتنرفز
انا انكسر خاطري على ولدي قلت له الحين اهو كله اللي يسويه يبي يستفزك عشان تغير ماتقوله باطقق ولا شي رده فعل واضحه والله انسدت نفسي عن الاكل وتمت عيوني الدمع انا ادري اهو يحبه ويدلعه بس مايبي يصيير دلوع بزياده ويبي يفهمه الصح من الغلط وقلت له ترى الياهل بعد من تقرب الولاده يصير واحد ثاني وحساس
الحين خذه معاه بودية الالعاب وفي خصله في ريلي استفدنا وانضرينه منها انه يقول له انت كبير انت ريال في بعض الاشياء صج صار مايسويها انه كبير وعاقل وفي اشياء محتاجها الياهل في فترات معينه من دلع وغيرها ينجبر انه يحس انه كبير
والله تصدقون من طلعت من المطعم صج ولدي رد طبيعي وتم يلعب مع ابوه ولا كانه شي صار بس انا قلبي يعورني وتم يرقع بسرعه وماقدر اتنفس واحس عمري وايد متضايقه شاسوي

دمعة فــرح;11268093:
الحمد الله على السلامه يتووووم
شخباركم كروشات

من فيها شد عضلي في رجوالها .. انا ماقدر امشي من رجلي اليمين وايد الشد مشدود من فوووووووووووق اللين تحت ..

الله يسهل علينا يارب

عندي هالحاال .. في رجولي اليسار اكثر شي واحسها مشلووله .. ماقدر امشي عليها ..

قالو ان البيبي نازل وصاير في جهة والثقل عليه من جديه يصير شد قووي ..

هلا بنات .. اليوم صادني الم مو طبيعيييييييي

في حياتي ماشفت مثله .. جسمي كامل متخدر والم قوووووووي وبطني يابس كأنه حجررر ..

قمت اصاارخ من الالم حتى زوجي خاف وقام يصيح عليي ويهديني بس ماتحملت .. رحت المستشفى قالو هذي ريح استقباال .. مو ولاده وكانت تبي تكشف بايدها منعتها ماخليتها .. عن تولدني وامي مو هني هههه

نزل علي ساائل كأنه حليييب ..وعقبها بفتره ماده مخاطيه كثيفه بيج على اخضر فاتح لونها .. وخفت عدل بس ماقلت لهم ..

بالرغم اني ماامشي وااجد ..

قالو لي راسه تحت .. الحمدلله .. بس مارضو يسسوون لي سونار الله يغربلهم السلمانيه خخخخخخ

الحين احسن الحمدلله

بس قعدت افكر اذا هذا ريح استقبال وطلعت روحي اذا ولاده شلوون بمووووت

ويقولون مايألم :(

الله يستر صرت خايفه حدي

الله يسهل علينا وعلى الجميع يارب

مرحبا زم عادي انا يصيدني جذي

نصيحة أكل التمر وايد زين

عليكم بالدعاء وقراءت سورة مريم والله يسهل علينا كلنا يارب

واااااااااااااااي عورتي قلبي الصراحه زموووو :057:
احس صج ماباقي شي ، ربي يسهل علينا ان شاء الله ...

زين ماخليتيها تتعبث فيج ، بس احس كلش جربتي ، متى بترجع الوالده بالسلامه؟؟
انا من زود الكحه اللي فيني احس سري بيطلع بره شكله يبي يقلد سرج ههههههههههه :085:

انا سمعت ان الرطب بعد زين بس ماتوقع يصير من الثامن ناخذ ، ببتدي امشي هالاسبوع احس روحي مصختها لا مشي ولاتمارين ...

Daloo3t_Obooy;11271026:
انا سمعت ان الرطب بعد زين بس ماتوقع يصير من الثامن ناخذ ، ببتدي امشي هالاسبوع احس روحي مصختها لا مشي ولاتمارين ...

اي الرطب زين لكن وين نحصل رطب الحين :08:التمر بديل

قلت اليوم بروح اتمشى بس شكلي ما بطلع

بنات مادري شنو صاير في ولدي وايد يصيح صاير وكله يبيني اسوي له اللي يبيه حتى والله لين بنركب الدري يكسر خاطري يبيني اشيله احس فيه غيره معنه يحب بطني ويلمني بس حساس بزيادة صاير

عيون المها
احس شي طبيعي حبيبتي ، هو يدري ان بتييه اخت قريب وبدت الغيره ، مرده بيتعود بس بتشوفينه اول الأيام جذي يبي يلفت الانتباه ليما يرد كل شي طبيعي ، بس بعد انتوا لاتحسسونه باهتمامكم بالياهل اليديد اكثر ، دايما علميه انت الكبير وهذي اختك تحمل فيها ومن هالسوالف ...