التجمع الثامن للحوامل اللاتي يلدن في شهر 3 ( مارس/آذار ) 2010 م - بإذن الله

بنات بارويكم اشياء للبيبي من اللي جابتهم لي بنت عمي


















قولوا لي رايكم وشوي بنازل جلابياتي

وهذي الجلابيات اللي خذتهم للبيت خفاف





وهذي يجي 3 ارباع حلو للنوم وخفيف كانه كلينكس




وهذي لونها بنفسجي خفيفه كانها كلينكس بعد ونهاية الجلابيه ماصورتها نهايتها دانتيل بعد ويبيله شلحة تنلبس تحتها لانه شفافه

بحرينية_حلوة;11255601:

ام ندى .. عليج بالعافية القميص .. انا رحت وول ورث الشهر اللي طاف و خذت لي شوية ثياب .. عاد قلت خلاص ما باخذ مال حوامل بعد ..

بس ابي جينز أزرق مو محصلة شي حلو و مريح .. ( أدري اني متفرغه ) .. بس كان عندي واحد من مذركير الأصلي أختي ماعطتني اياه .. مب مريح حاليا .. ابي شي ان يغطي الدبة كامل .. تعرفون وين أحصل .. ؟!!!

رحت H&M .. كان وايد سكني ما عجبني و زارا ما في الا نوع واحد على ماتذكر ..

عيون المها تتهنى فيهم البنوتة واجد حلوين والجلابيات عجبوني واج تتهنون فيهم

الحلم الأزرق
عليج بالعافيه تتهنين بالقميص ، انا خلاص تركت ثياب الحوامل قمت اشتري ثياب مال عقب النفاس لأن الصراحه التخفيضات حلوه ولازم ننتهز الفرصه :049:

بحرينية_حلوة
وشلج في خشمي؟ خليه فقير يعاني :057:
واحد وياي في الشغل ايقول اي طلعوا الخنافر الحين مال الحمال اقول له مزكمه يقول لا من الحمال باطقه :039: بنته عاد بتولد في مارس بعد ليكون ويانا في التجمع وانا مادري؟
انا اختي عطتني جينزين مال مذركير ، بس الحين ماينفعون وانا ماليني بعد واحد من مذركير والثاني من ماماز اند باباز يمشون الحال بس الحين مالبسهم وايد كله لقنات تحت الدفه اريح يغطون الدبه كامل :041:

عيون المها
عليكم بالعافيه انتي والبيبي وايد حلوين الثياب والجلابيات ...

بنات بروح أصلي وراجعة

الله يعافيكم امس والله دشيت محل انا وطفلي عجبوني قمصان الاسقبال وايد حلوين وكشخه لين احد ياني البيت مادري ريلي بيوديني افصل ولا لا الصراحه راقين واسعاره فوق 1000 اختي تقولي لا تشترين انا لاني شاريه واحد بس لونه مب جاي نفس تنسيقي ومشكلتي ادقق على كل كبيره وصغيره ماحب شي يطلع شاذ وتقولي اخذ مالها اهي شاريه بيج دانتيل اهو القميص كشخه وقاعده افكر يعني شي راقي لين ريلي يه احلى من اللي خذته بوايد محتاره وانا قايله حق ريلي بداية الحمال ابي حوالي 6000 حق تجهيزاتي وتجهيزات الياهل وكل شي تصدقون ان قابضه جمعيه حوالي 12000 طارت كلها وللحين احس وايد اشياء ماسويتها
باقي علي ادفع حق غراش دهن العود مالت التوزيعات حوالي 800 ريال والكب كيك 50 حبة ب 250 وغير الموالح يمكن بعدد 250 وباقي استاند التوزيعات ويه الباقات الورد اللي للغرفة مادري كم بيأخذ عليه وباقي علي بجامات وملابس داخلية

الحلم الأزرق
اوكي حبيبتي تحملي بروحج وبالبنات وهبي ويكند ...

بنات شلونكم وشخباركم مع الثقل؟؟

بما اني سكليف رحت الستي اليم من الصبح ادور لي شبشب حق المستشفى بس ماحصلت كله على شكل بوته شتووين :(

الحين ابي كفر حق الكلينكس حق المستشفى ماحصلت :(

رحت بعد ابي اخذ لي زولية حق المستشفى بس اللون الي ابي ماحصلته قالي راعي المحل باجر بييب اللون الي ابيه :)

اهلين شوشو ،
انا بخير اسأل عنج ...

انا بعد من فتره كنت ادور شبشب ، فقلت بمر نعومي او ماركس بجوف شعندهم ...
انا مادري شفيني من عقب هالسكليف بو يومين مع اني مارتحت فيهم وايد تقضيت فيهم اشغالي المكوده احس ان حدي دايخه وابي انام ليحين فيني زكام وكحه تيي وتروح :(

بحرينية
مادري والله براحتج بس انا اقول ماباقي شي قزري في اللي عندج ، وصج الدفه تخش الثياب اللي تحت بس اذيه حق الدوام كله تشير في الكرسي وتحنقل ...

من شوي طرشت مسج حق جود اسأل عنها وعن عبادي ، تقول اهي الحمدلله بخير وبتروح له بعدين ، وامس بدوا يعطونه الحليب ادعوا له يتقبله ان شاء الله ...
وتقول تاريخ 19 بتدخل التجمع ...

يالله فديتكم انا بجهز اغراضي حق الهده اشوفكم على خير ان شاء الله ، تحملوا بروحكم وبدبابكم وباللي فيها ....