التجمع الثامن للحوامل اللاتي يلدن في شهر 3 ( مارس/آذار ) 2010 م - بإذن الله

شوفوا لي حل خواتي بموت من الزكام ابي شي يوقفه خلاص تعبت من اسبوعين وانا على هالحاله :035:
اشيه دافيه وشربت ، وفيتامين سي وعصاير برتقال وليمون وشربت ، ودكتورتي اخر مره عطتني حبوب واستخدمت قطور وعقب 6 ساعات يروح مفعوله ، يعني كلش مافي فايده ، مابي يتم معاي لين اولد واللي يسلمكم قولولي شاسوي ؟ :048:

1- انا اعاني من الم في الحوض جهة اليمين ( ملتقى الفخذ اليمين بالحوض) و يزيد مررررره في المشي واذا جيت اقوم من الكنب و اثناء التقلب في النوم لدرجة اني اصرخ .. هل هذا طبيعي ... فيه احد مثلي ...

طبيعي لأن الجنين يبدا يضغط عالحوض...والحوض يبدا يتوسع تدريجيا عشان يستعد للولادة..


2- هل صحيح في المشي لازم تكون الخطوات واسعه و سريعه شوي

ما أدري صراحة اول مره اسمع بهالمعلومه..

3- هل فيه شي يساعد على نزول راس الجنين للحوض .. و بدء الطلق الطبيعي

الجمـــــــــــــــــــــاع لأن الحيوانات المنوية فيها هرمونات شبيهه بالهرمونات الموجودة بالطلق الصناعي..

حتى انه بعد الجماع تحسين بآلام شبيهه بآلام الدورة وهذا هو الطلق..


4- هل قلت عندكم حركة الجنين عن اول ... و هل هي قوية ومؤلمه نوعا ما ...

طبيعي تقل حركة الجنين لأنه كبر وماعادت المساحة كافيه له انه ياخذ راحته بالحركه مثل اول..

لكن المهم ان الحركات ماتقل عن 10 حركات باليوم والا فههو في خطر ولازم تروحين للمستشفى مباشره

وغالب الحركه تكون حركة الراس بالحوض او حركة الارجل وتحسينها بصدرك وتكون مؤلمه شوي

5- ما سبب تيبس البطن لدرجة يصير حجر ...

كل التحيه للجميع

لأن الجنين صار كبير والبطن ما عاد يكفي لحجمه مثل اول

أتمنى أكون أفدتك يالغلا

وترى إجاباتي بناء على كلام دكتورتي..

والله يسهل علينا يارب

==>يالله حسن الخلق وهون الطلق

دلوعة ذكرتيني بروحي يوم كنت في الخامس بالضبط شهر تم معاي وذبحني والله :(

مالج الاا الصبر واتذكر كملت عصاير البرتقال الي في البحرين كلهم يازعم بيخف ولاا جنه اقولج

باااااك


سارا
تسلمين على المعلومات المفيدة

دلوعة
ماجوفين شر بس انا يوم صادني جذي عطاني الدكتور مضاد كرتونه ازرق وابيض اسمه سيفوزم وهو مايضر الحامل انا اذا امرض في الحمل مايعطوني الا هذا واستخدم ماء البحر اذا تعرفينه هو صج مايروح المرض مرة وحدة بس اهم شي انه يخفف
وبالنسبة للكحة حطي لج الفكس على سدرج وظهرج وريلج من تحت يعني جف الريل وتلحفي زين يخفف من الكحة

انا قررت ارد البيت ، اشوفكم على خير ...

باك بنات اشوه الحمدلله ريلي مافتح لي طاري امس بس اشوفه مطنقر من العمال تصدقون اهو اجر من واحد فلا انه حق مكتبة وعطاه اياها انها فلة تجارية وريلي بدى يشتغل ويوسع ويكسر فيها وكان طالع منها دكتور يعني تجارية مب سكنية يوم راح يبي الترخيص للمكتب قالوا لا المنطقه سكنية معنه كل الفلل ماخذينها مال هدسة وشركات اللي حوالية بس شفتوا الحظ انزين وريلي ماعطي راعي الفلا شيكات حق سنة قدام قاله راعي البيت انزين رجع كل اللي كسرته نفس ماكان رجع ريلي كل شي واحسن لدرجة انه رجع صبغ له المكان وغير له بلاط الحمام والحمامات عاد راعي البيت يتفلسف على ريلي بس يبي يماطل عشان تنسحب الشيكات قال لا ابي البلاط نفس البلاط القديم انا رحت الفلا والله البلاط قديم مال الثامنينات يقول ابي نفسه قال من وين ايب لك لف قطر ومالقينا حتى الهنود يقولون حق ريلي هذي قديم مايسون منه الحين عاد اليوم اشوف ريلي يبي يرجع الشيكات الا يقوله انت طولت بنسحب شيك ياو ناس يبون الفلا وشافوا التكسر وراحت علينا بس اللي يبي يبوق مايعرف شلون عاد ريلي بيرفع عليه قضية لانه تاخر شي بسيط عن وقت الاستحقاق بس ماسكن في المكان ورتب لك الفلا من اول وجديد

الله يعينكم عيون شي بيقهر والله

شخباركم كروشااااااااااااااااااااااااااااااات

اليوم اجلوا موعدي لان الدكتورة مريضة وسوا الموعد تاريخ 17/2 لان المواعيد كله فل :'(

حنين ام خرها بغيرها صار موعدك معي هههه

تهلين زم شالاخبار ؟؟

مرحبا بنات شخباركم! الله يسهل عليكم

انجنيرا تقوي وجهزي الشنطه احسن

\

دلوعه ربي يعينج على الزكام خل الفيكس رفيجج وقت النوم وان شاء الله تصيرين اوكي

\

بحرينية آمين الله يسمع منج يا رب

\

حبيت اسلم بس واطلع
والله يسهل عليكم يا رب كلكم

جود شخبارج طمنينا عنج وعن عبودي حاولي تشبكين النت في بيت ابوج

جود نورتي حبيبتي كيفك وكيف البيبي؟

јǿđ;11310325:
مرحبا بنات شخباركم! الله يسهل عليكم

انجنيرا تقوي وجهزي الشنطه احسن

\

دلوعه ربي يعينج على الزكام خل الفيكس رفيجج وقت النوم وان شاء الله تصيرين اوكي

\

بحرينية آمين الله يسمع منج يا رب

\

حبيت اسلم بس واطلع والله يسهل عليكم يا رب كلكم

هلا جود شخباارج وحشتينا وااايد

طمنينا على عبادي ان شاء الله احسن

وعن الشنطة ان شاء الله بحاول اجهزها على الاسبوع الجاي



بناااااااااااااات اليوم رحت موعدي وكانت هذاك الاسبوع ماخذة عينة عشان تشوف اذا فيني التهاب او لا لانه يضر البيبي وقت الولادة والحمدلله على كل حال طلع فيني التهاب وعطتني تحاميل استخدمهم لمدة ثلاث ليالي كل ليلة تحميلة بس المشكلة اني ما اعرف احط التحميلة والشي الثاني قالت لي لازم وقت الولادة يطقوني ابرة مضاد للالتهاب عشان البيبي ما يتأثر



يعني بناااات انتوا بعد انتبهوا لهذي النقطة ان اول ما تدخلون التاسع قولوا للدكتورة تاخذ منكم عينة عشان تشيك الالتهاب الله لا يقول ان وحدة منكم يكون فيها

حنين ام ولوليكي انا بعد موعدي الياي معاكم 17-2