التجمع الثامن للحوامل اللاتي يلدن في شهر 3 ( مارس/آذار ) 2010 م - بإذن الله

shosho84;11307395:
بنات في فكره مادري اذا تعرفون عنها او لاا الحين كل وحده تولد تروح المنتزه تشتري تعرفون اجياس الروتي الي ينصكون من فوق عاد تاخذون حجك اكبر منه شوي عووود يعني وتحطون فيه ثياب الياهل عقب ماتغسلونهم والمهاد والشلحة الداخلية وتعطون النرسات حق تبديل الياهل او اذا بيسبحونة ويردون الجيسة لج بالثياب الي المستعملة الي كانت على الياهل يعني حق المستشفى احتياط 4 او 5 اجياس نسوي وايد اسهل واغلبية المستشفيات تعجبهم هالفكره اسهل لهم ولنا :)

انا سويت جذي وبخرتهم بياوي وعلج البان وشبة

عيــ المها ــون;11307405:
بس متضايقه من شي كلمني ريلي بعد ماطلعت وجوالي مافيه جارج بعد ماطلعت من محل المره قعدت اكتب له مسج انه للحين مارحنا بيت يدي بس مرينا على ذي المكان الا اهو متصل على جوال امس عاد قلت له انه الحين اهنا رايحين بيت يدي ومرينا انزل الصواني للمره سكت اوكي وفي الطرق كنا متأخرين الساعه 9 تقريبا قال ابوي خلاص بنرجع البيت ويوم رجعت البيت اكلمه انه مارحنا بيت يدي واقوله عن المحل قال انتي شلون ماتقولين لي انكم بتمرون مكان وليش تحولين من غير ماتقولين لي حسيته زعل قمت طرشت له مسج قلت انا كنت اكتب لك مسج وانت اتصلت وعلمتك وابوي في نص الطريق قال بيت يدي وقت ثاني والاهم اني افتكيت في اني اروح روحه ثانية حق اطللب طلب بس حسيته من امس مب ماعطني ويه ومتضايق وانا مابي افتح الموضوع معاه عشان مايضايقني مادري شاسوي

الله يعينج اختي بس عادي الرياييل كلهم جذي دايما يبون يفرضون رايهم بس انتي تحيلقي فيه وبيرضى

يتوم;11307439:
مساء الخير بنات


ههههههههه دلوعة ضحكتيني بتهلكين روحج .. حاسبي عاد ..

وفعلاً الحار يحمي الطلق ...

انا ليلة ولادتي ماكلة معكرونة حااااااااااااااارة هههه

مسا الورد ، شخبارج ؟ وشلون نبراسي فديته ؟ :02:
ههههه شاسوي مابي اتأخر ، شكلي بروح كوبر تشمني وبطيح في الكاري :041:

يتوم;11307439:
مساء الخير بنات


ههههههههه دلوعة ضحكتيني بتهلكين روحج .. حاسبي عاد ..

وفعلاً الحار يحمي الطلق ...

انا ليلة ولادتي ماكلة معكرونة حااااااااااااااارة هههه

الله يستر انا من حملت ولي اليوم اكلي كله حار مع كل شي اكل فلفل علوووب

يله بناااات انا بخليكم بقوووم اصلي وبعدين وبتغدى وبجهز نفسي عندي اليوم موعد
ان شاء الله تطلع نتايجي كلها اوكي ادعولي

عيون المها
بعد شتسوين يختج ؟ لازم تخلصين امورج وهذي بعد انتي رايحه معا هلج يعني ماتطلعين ويا ربعج الحمدلله المفروض يحط بباله هالشي ، شكله وايد غيور ريلج بس ماعليه مرده بيرضى :)

من قال توا الناس انا سكرت شنطتي الحين بس باقي ازيد عليها البجامات وملابسي الداخليه واغراض الجمعيه وافتك
وبيبقى علي اروح اسوي ستاند للتوزيعات واختار ورد وكان الله سميع عليم وبانتظر الولادة

انجنيرا83
ان شاء الله يطلع كل شي اوكي وتتطمنين بموعدج :)

اي انا كلش مافتحت طاري السالفه الامسيه بس اهو في شي ثاني يبين عليه مضايقه بس مابي اقوله انت شفيك شفيك مرده بيتكلم

باك

انجنيرا
ان شاء الله تتطمنين على البيبي ومافيه الا العافية

عيون المها
الحمد لله خلصتي سالفة الضيافة وبالنسبة لزوجج شكلج انتي ماعطته ويه من البداية وابتلشتي من الحين بيني له ان انتي ماتسوين شي غلط وانتي طالعة مع اهلج وحتى لو بطلعين مع ربعج شي عادي دام انتي محترمة نفسج ومحتشمة واذا حسيتي انه مب متقبل ماعليج الا في كل صغيرة وكبيرة اطالبينه يطلعج ويوديج اي مكان وان ماله حق يرفض يعني اي وقت تبين تروحين مكان يرضى وبهالطريقة بيطفش وهو بروحه بقول لج روحي اي مكان بروحج او مع اي احد وسوري يمكن قسيت عليج بكلامي بس الريايل ماينعطون ويه ابببببد واذا رضختي لهم يزيدون في تعنترهم علينا هههه

شوشو
مافهمت سالفة جيس الروتي شلون اول مرة اسمع عنه اذا في صور من النت راويني حق اعرف بلييييييييييز

http://go.3roos.com/0HvRDKUZY0T
هذي موقع المحل اللي طلبت من عندهم

شوفي انا ريلي صج مب دوم يخليني على كيفي يعني مجمعات ماروح الا معاه ونادر مع امي اما السوق عادي بس اهم شي اقوله ومب دوم وحزات اطق العنز يقولي قعدي ولا تروحين مكان واهو مافتح امس كلش موضوع الروحه وانا احسه متضايق بعد من الشغل لانه ناقل مكتب جديد وقاعد مع العمال والبناين طول اليوم وخبرج الديون تقص الظهر ومن يستحمل الويه المعتفس الا انا شاسوي بعد يعني مستحيل اقوله باطلع مع رفيجتي كلش مايرضى يالله انا مستحمله على قولة مرت حماتي بيج الفرج قريب اقولها شكثر تميتي لين اقتنع تروحين تكملين مشاويرج وقت ماطرى على بالج قالت 3 او 4 سنين وانا قايله الحين بيكثرون اليهال ومب يتفرغ لي

بروكلي دروت في النت ماحصلت بس جوفي الجيس العادية مال الروتي الي حطون فيه روتي ويودونه الدوام الناس معاهم عشان مايطقه الهوى نفسة بس فوق في ضاغط اخضر اغلب شي يكون لونه عشان مايدخل الهوى في الجيس

برب شوي باشوف ولدي من مساعه على النت قاعده

عيــ المها ــون;11307798:
شوفي انا ريلي صج مب دوم يخليني على كيفي يعني مجمعات ماروح الا معاه ونادر مع امي اما السوق عادي بس اهم شي اقوله ومب دوم وحزات اطق العنز يقولي قعدي ولا تروحين مكان واهو مافتح امس كلش موضوع الروحه وانا احسه متضايق بعد من الشغل لانه ناقل مكتب جديد وقاعد مع العمال والبناين طول اليوم وخبرج الديون تقص الظهر ومن يستحمل الويه المعتفس الا انا شاسوي بعد يعني مستحيل اقوله باطلع مع رفيجتي كلش مايرضى يالله انا مستحمله على قولة مرت حماتي بيج الفرج قريب اقولها شكثر تميتي لين اقتنع تروحين تكملين مشاويرج وقت ماطرى على بالج قالت 3 او 4 سنين وانا قايله الحين بيكثرون اليهال ومب يتفرغ لي

الله يهديه ان شاء الله وتخلص ديونكم وتخف عنه الضغوطات يارب ويكون البيبي وشه حلو عليكم :083:

shosho84;11307853:
بروكلي دروت في النت ماحصلت بس جوفي الجيس العادية مال الروتي الي حطون فيه روتي ويودونه الدوام الناس معاهم عشان مايطقه الهوى نفسة بس فوق في ضاغط اخضر اغلب شي يكون لونه عشان مايدخل الهوى في الجيس

ايييي الحين عرفت قصدج انا استخدم الحجم الصغير بس اذا في احجام كبيرة حق الثياب وايد زين حلوة الفكرة قلتي في المنتزه عندهم بس باخذ لي عن لايضيعون ثيابنا ههه:08:

بنات باقول لكم شي خخخخ
عدد مشاركاتنا ماتتغير منزمان هذا هي :031:
لازم نسوي اعتصام ثلاث ساعات عشان يخلون عدد المشاركات تزيد والا شرايكم :085:

مساء الخير على الجميع

قاعدة اسوي بحث حق معلومات للحامل في الشهر التاسع ((تثقفوا معاي يمكن نستفيد)) كلشي منقول من مواقع اخرى
مدة الحمل:

المدة الطبيعية للحمل 40 إسبوعا وتعتبر الولادة طبيعية من الاسبوع السابع والثلاثين، ومن الاسبوع 28 وحتى الاسبوع 37 تعتبر ولاده مبكره اما ما قبل الاسبوع 22 فيعتبر اجهاض.

* متى تذهبين للولاده:
لا تتسرعين بالذهاب للمستشفى فقد يحدث ما يسمى بالطلق الكاذب اما امارات قرب الولاده فكما يلى:

* نزول مياه كثيره لا تتوقف.

* نزول دم احمر كثير.

* الم منتظم ومتقارب مع نزول مخاط مختلط بالدم.