تجمع ربات البيوت القمورات يدا بيد نحو النظافه

خلود
الف الحمد لله على سلامتكم ..اهم شي انكم بخير.
.........
مدنونة حمود
روحي يااختي منها اجابة دعوه وعيالك بيستانسون وانتي بتغيرين جو.
وولدي عبودي باولى ابتدائي.
............
روز
هلا بالطش والرش وينك طولتي الغيبه؟ معد شفنا القطو حقك هههههه
..............
يومياتي
اليوم كنت متضايقه حيل الظهر حاسه بشي مضيق خلقي بس ماادري وش هو؟
قلت اكيد اني مقصره بحق نفسي خخخ جسمي له كم اسبوع ماحفيته تقولون غابه
ورحت جبت الحلاوه وشلت وبعدها انبسطت شوي حسيت بهم وانزاح مدري ليه اشيل هم الشيل؟
والعشاء قال ابو الشباب تجهزو اطلعكم قلت اصبر اصلي اول ماياذن ونطلع كلنا خفت ينحاش حححححح
صليت وطلعنا ومسكين رحمته شبه نايم بالسياره يقول اليوم انواع الكرف بالعمل
عاد قلت له اختصر لك التمشيه ودني اخذ لي بلوزه من السوق واحس اني تمشيت رحت السوق شريت بلوزه
واخذنا عشاء وجينا عالبيت..وبس

كوب نسكافه ,,حكاية عطر ,,أنثى ذوق

الله يسلمكم من كل شر ,,,

شذى الورد ,,,الله يسلمك يارب

مسااااالخير
اخباركم؟؟
*****************
منمن>>>صدقتي كنت متحمسه....الله جزاك خير ع الاجابه
عساك ع القوه
**********************
حكاية عطر>>الله يجزاك خير....والله كان ودي....
لكن!
مالله كتب..
*************************
خلود ريح العود>>> بسم الله عليكم....
طالعين من الشر
الحمدلله مادام ربي سلم اعماركم واجسادكم
*********************
كوب نسكافيه>>>الله يجزاك خير
********************
روز>>>هلاااا بك.......اشتقنا لك
*******************
انثى ذوق>>ماقصرتي
*************
شذى الورد>>يسلموو ع التجاوب
عسااك ع القوه
**************************

تكنسلت الروحه....
ابني الكبير جاه الربو من البارحه مانام من الكح
الجو كان غبار وكتام
لااله الا الله......
ولان طلعتهم برى البيت باستراحه
رفض زوجي الروحه لصحة عيالي
اما انا بموت ع الروحه...مشتاقه لمثل هذه العزايم
((حكم قرقوش))خخخخخ
جزاكم الله خير...اتعبتكم معاي

مساااء الخير..عالجميع:032:
يومياااتي ليوم الثلاثاء ..صحيت الظهر صليت وافطرنا ساندويشات تونه وبيض وشاهي والعصر دخلت غرفتي رتبتها وكنستها وعطرتها والمغرب جلست بغرفة عيالي بين النت وبدايه:094:وجاء اخوي اخذ الكاميرا عطيته وراح والمغرب لزمت جدتي اجي لمهم عند اهلي اخذت قهوتي ورحت رجعنا على 12ونص نومت عيالي وعالنت لين 3وشوي نمت(الاربعاء) الفجر صليت ورجعت نمت لين 1وشوي صليت الظهر وطلعت طيوري للشمس وغسلت دفعتين ملابس وافطرت انا وعيالي والعصر كلمت اهلي وعزمتهم
جو العصر والمغرب جهزت القهوه والشاي والفصفص والفطاير والتمر
تقهوينا وانبسطنا الحمدلله والعشاء سويت دجاج وخضار صيني ورزابيض وسلطه فواكه :03: تعشينا وغسلت مواعيني وطلعو على 2 نومت عيالي وانا جلست اسولف مع صويحباتي واتابع فلم مرعب لين الفجر صليت ودهنت ايدياااتي :041:ونمت 6ونص
يومياتي الخميس..
صحيت 1 صليت وطلعت الطيور للحوش وفطرت عيالي وافطرت والغدا بسخن بااقي من امس :093:والف سلامه..

خلود ريح العود الحمدلله على سلامتكم ومادفع الله كان اعظم
والحمدلله انكم صاحين موب نايمين ..

<< مستعجلة قبل يطفي الجهاز..

خلووووود.. الف الف الحمد لله على سلامتكم..

اسم الله عليكم الرحمن الرحيم..

ارتعت لك صراحة..

الباقين..جعلكم ما تفقدون غالي..:083:

عندي كلام كثيييير.. بس الجهاز ما يحمس لأنه يطفي علي فجأة..

بقول لكم يومياتي ملخبطة على بعض..

الجمعة كان عندي موعد اسنان..قشعت ظرسي اللي منكد عيشتي وحشيت ظرسين ثانيات..كله بجلسة وحده وباقل من نص ساعة!!!!

وذبحني الجوع..خخخخ جهه ثرما وجهه محشية..:085:

واليوم اللي بعده..زوجي العزيز عزم ربعه على العشاء :039:

وخبركم بيتي مطبخه مفتوح عالصالة ولا فيه مجلس!!!!

قعدو الرجال بالقبو لين خلصت مجهزة العشا عالطاولة وغسلت المواعين بسرعة ورفعت شبك المواعين ورقيت بحافظه عشاي انا وبناتي..

مممم والايام الباقية روتين عادي..

بس اكتشفت شي بزوجي كنت شاكه فيه لي فترة..وانهرت.. وتظايقت وما قدرت اصبر ما اكلمه بالموضوع..مع ان نصيحة بلقيس تقول اسكتي.. بس انا قليلة صبر..

يمكن عند بعضكم هالشي عادي بس انا عندي لا...


اكتشفت انه طاح بالتدخين:091: اخر شي كنت افكر انه يسويه..لأنه حريص على صحته مرررة..

اللي يسوي كذا يسوي غيرها... الله يستر بس..

ومن حرتي وقهري قصيت شعري :03:

قلت انا حارمه نفسي عشانه..لكن طلع ما يستاهل..:057:

عسكرت بالحمام اكثر من ساعه ومعي مرايتين والجرايد مغطية الارضية وقص لا تقص..

ما شاء الله علي طلعت كوافيره وانا ما ادري :049:

ولي يومين اذا جا زوجي ارفع شعري ما ابيه يدري اخاف يقلب السالفه علي..

واليوم ما رفعته ولا درا عني!!!!! يقهرني الرجال اللي يمنع المره تقص شعرها واذا قصته ما درا عنها!!!!!!

ااه متى تنتهي العطلة واسير اطلع كل يوم..احس جو البيت مكهرب شوي..
وقطو

مسااااااااالخير
***************
حبيبة زوجي>>>ماشاء الله يومياتك رووووووووعه
عساك ع القوه
******************
روز>>>نعيما للقصه...ايش اسمه خخخ
تبي تقلد
والله اني حبيت بناتك ورحمتهم
بالغربه مع جوكم(انتي وشايبك هههه)
تكفين وسعي صدرك عشانهم
ربي يكون بعونك....
بس قولي((اللهما اني اسألك رضاك))
ردديها دائما....تحل المشاكل بفضل ربي
***************************

روز الله يوسع صدوركم بالعافيه
والرضا وطاعة الرحمن
وعالبركه القصه ..
مدنونه حمود الله يقويك وسلامه سلمان مايشووف شر .

مسااااااااالخير...
اخباركم؟؟
***************************
حبيبة زوجي>>>الله يسلمك من النار
************************
خلود>>>الحمدلله ع كل حال....ربي يعوضكم بخير منهم
ربي يكون بعونكم
الا بسالك...الشقه لكم؟
او
ايجار؟>>>ووش بتسون لها....ترممونه....وتصبغونه بس
***************
روز>>>سلامة ضرسك؟؟
كنت بسال..لكن سقط سهوا
ماتشوفي شر
****************
مهااااااااااااوي>>>طمنينا عنك؟؟
وين الغيبات؟؟
اخبار ميار؟؟
********************
بقية البنات>>وينكم؟؟
عسى المانع خير
***************************

يا نواخذ اخوني معاكـــــــم >>> هيله هيله

غبار طلع عليكم صح:-#


المهم بنات
أنا ويكم ان شاء الله بالهمه
لآني بصراحه ماني كسوله
بس إذا قمت وشمرت عن ذراعي وخروا عني :068:
مافيه احد مثلي >>> مداح نفسه

بنات
أبي منكم طريقة الكتابه بها الموضوع
يعني كيف تكون هل راح تذكرون بها الموضوع بعض الطرق الي تفيد بالتنظيف ولا بس مجرد شنو سويتي اليوم او شنو نظفتي ...؟

انتظر ردكم
وان شاء الله هالموضوع راح يكون بالنفضله عندي
يعني بشكل يومي بسنتر هنا :thumbs_up:

يالله عاد لاتطنشوني
نبي الهمه والنشاط والنظافه هذا اهم شي :thumbs_up:

خاطري ببنوته>>حياااااااااااك الله...
اسفرت وانورت...........
ربي يرزقك ويرزقني بالبنوتات الحلوات......
وكل محرومه من الضنى......
ااااااامين....
الموضــــــوع هذا مايخص كل ربت بيت سنعه موظفه او غير موظفه
بطريقتها بالتنظيف....بمعلومات تخلي راعية البيت سنعه ونظيفه ومرتبه
نتشرف فيك وفي يومياتك......
*********************************

ااااااااااخ كتبت يومياااااتي برد طويـــــــــــــــل
لكن علق الزفت جهازي وانمســــــــح
اهئ اهئ اهئ
بعيـــد الكتابه.........ان علق...بنام...>>>زعلت خخخخ

يوميااااااااااااتي/
الثلاثاء بليل..........>>
الساعه 11 بلليل......بعد ماكنت مغلقه وطفشانه
لي يومين
وكله بس نايمــــــــه
بيتي نظيف......بس مو مرتب.....
مهمله كل شيء ماعدا(الملابس ـــــ المواعين)
شبعنا نوم الساعه 11 بلليل(بالغصب صحوني عيالي والا كان فطيسه)خخخ
لبست عيالي ملابسهم....عشيت قمري الكبير.........ارضعت الصغير
جلسنا ع النت والتلفزيون...الى الساعه2 وجه الفجر......
قلت يابنت مو سالفه ((اكل.... و....مرعى ......وقلة صنعا))
وزوجي واخوانه نايمين........فرصه اروق ع اشغالي
دخلت المطبخ ورتبته ونظفته......من..الى...
من الساعه2 الى الساعه3وشوي....
ثم عملت حلى....مثل هذا...


وعملت كيكه
طلعت للصاله...وجدت قمري الكبير نام....
رتبت الصاله>>> من...الى...((من غير كنس))
ثم ع غرفتي>>رتبتها ونظفتها ماتحتاج كنس.....وعزلتها 75%
ع اذان الفجر كنست>>>خوووووووش منبه لاهل بيتي
عملت شاهي بالنعناع(حبق) مع الكيك للفطور
صحو... صلو.......... ورجعو.... ع خلصتي من الكنس
وترتيب قسم الرجال ع السريع
لان بيجيهم ضيف ع الساعه9ونص الصباح
تقهوو...
نامو....
كنت بنام...بس كان قمري الكبيرمصحصح وشبعان نوم
جلست انا ووياهم(عيالي)
ع النت(اقلب منتدى ثاني فيه نفس الموضوع بس قديم له سنتين...كنت فيه)>>استعيد ذكريات زمان
ع الساعه8الصبح..صحى زوجي واخوه اخذو قمري الكبير لمشاورهم
نام قمري الصغير
طلعت دجاجي للغداء
ونمت

للحكايه بقيه..........>>

السلام عليكم ورحمة الله

صباخ الخير والعافية

ولدي مسهرني قلت أدخل أسلم عليكم من زمان عنكم
كان وضعي مكهرب الأيام اللي راحت بسبب تعب أطفالي من التسنين الله يعين ومايزال التعب مستمر أرهاق وتعب ومافيه نوم مضبوط الله يعينا ويصلحهم وينفعنا بصلاحهم

صراحة الأسبوع الماضي جبت وحده تساعدني باللبيت هي تسوي الأشياء الكبيره وأنا التنظيف العادي
خلال الأسبوع نظفت المجلس تنظيف عميق الشباك وتحت الكنبات والطاولات وتمسيح الغبار من كل الأسطح
ترتيبات عاديه وتنظيف معتاد ما فيه جديد
إلا أني من 3 أسابيع تقريباً حطيت نعناع في كاسة ماء وخليتها في الشباك ومن أسبوع تقريباً طلع لها جذور وأبغى أجيب لها تربه وأحطها بالشباك أمنيتي أني يكون عندي زرع بالبيت لكن الله يعين ما فيه مكان وما زلنا نكرر الطلب على أبو الشباب عشان يجيب تربه ويقابلنا بالكلمة الشهيرة أبشري ابشري ويااااليل ما أطولك !!


بنات أبغى أسألكم ياليت تذكرون لي طبخات تعتمد ع اللحم المفروم ؟؟ وأكون لكم من الشاكرين

........رجعناااا.....
((الاربعاااااااااااء))
كنت موقته جوالي توقيت الساعه9>>عشان اعمل قهوه وشاهي للضيف
وتوقيت لساعه11>>عشان وقت الغداء
راحت علي نومـــــــه....يالهوي>>قلبت مصريه


صحيت بزوجي يقول قومي اعملي غدانا وانتبهي لولدك الجو كتام وغباااار-لااله الا الله-
و بنروح المسجد
اي مسجد؟؟
الا اثاري الوقت الظهــــــــــر
((رايحه علي نومه.... وهم راحو لاشغالهم.... ورجعو
وجاهم الضيف..... واعملو القهوه والشاي.... وراح))
قمت ع طول سويت غداي ع السريع السريع...قدمت الحلى وتقهوو...ثم تغدو...ع طول نامو كل العائله...قمت ع مجلسالحريم رتبته وكنسته...غسل مواعين غداي......
كان ظهري بيتكسر....تعباااااااااااااااااااانه حيييل
ع اذان العصر خلصت....كنت بنام....لكن مايمدي...بروح السوق (عشان اغراض لاهل زوجي)
بعد الصلاة بشوي اتصل اخو زوجي يعزم ع عشاء((كل اسبوع عند واحد منا))
استعدينا رحنا لسوق......ثم لاخو زوجي........
كنت متردده من ناحيية عزيمة قرايبنا الخميس...لكن بسبب الجو تعب صدر قمري الكبير بلاضافه لجو الانفلونزاهذا وقته
(وعيال اخو زوجي تعباااانين منها....الظاهر عدوى)
مانام قمري الكبير من التعب.....رفض زوجي ذهابنا(الخيره فيما اختاره الله)....
ع الساعه10جينا منهم.....جلست ع مسلسل نورعيني.....وجلست لين الساعه2بالليل
مابين قمري الكبير والصغير...
وصحو الصباح كلهم تعبانين....


الخمــــــــــــــــــــيس/
مافيه جديد........رتبت البيت من الظهر الى مابعد العصر عالسريع...
جلست لحالي ع النت
الى المغرب.......جتني مكالمه الى العشاء.....
عملت عشاي...ع الساعه9تعشووو........جاء زوجي ع 10
نامت العائله الساعه2 ثم جيتكم

وبس.......>>مابغت تخلص خخخخ

كوااااااامن الليل>>>هلااا بكـ
-مايشوفو شر عيالك
...........هذا جو السخونه ......وهذا وقته...
ربي يحفظهم لكم......
-بلنسبه للزرع مايصلح بالبيت بالليل(يتنفس مثل الانسان -سبحان الله-بالليل...بالنهار العكس)
-عسااااااااك ع القوه دوم مو يوم.........
-من ناحية الطبخات....ببحث لك وبنزله....