عندك مشكلة في ديكورات البيت ؟ تفضلي هنا ( كل ما يتعلق بالديكور ومشاكله )

اختي خذيها قاعدة عام الألوان الفاتحة تعطي احساس باتساع المكان والألوان الغامقة تحسسك ان الغرفة اضيق

من أحلى الألوان طبعا هي الألوان الترابية مثل البيج بدرجاته والبني بدرجاته

وسواء اخترتي الخشب او السيراميك او الرخام اهم شي تنسيق الألوان وتوزيعها بشكل صحيح

يعني لو اخترتي الجدار بيج والأرضية غامقة حاولي ما تكثري من استعمال اللون البني مرة ثانية واحصريه في الاكسسوارات والمفارش مثلا بشرط دمجه مع البيج .. واستعمال لون آخر كلون القرميد مثلا لاحياء الغرفة



دمتي بود

تسلمين اختي

و يعطيج الف عافية على هالنصيحه و ان شاء الله متى ما حتجت حق افكار راح اسال

و سامحينا على الازعاج

اختي رووومي ، أنا الحين أجهز لغرفتي ( غرفة الزوجية) لكني مب عارفه اللون المناسب لها مع العلم أن لون الحمام وردي ، فكرت في اللون الوردي الفاتح لللجدار لكن الجبس مادري هل اخليه كله أبيض، أو أن البوردر وردي غامج والسقف أبيض، أو أن البوردر ترابي والسقف بيج فاتح؟ وإذا كان عندج ألوان ثانية تناسب قولي لي ؟ وهل لازم يكون لون الحمام نفس صبغ الغرفة؟؟ أرجو إفادتي...................

احنا في الخدمة اختي

أم أسووله

وحياك الله ويانا في ركن الديكور اي وقت

عزيزتي أم يوسف1

اذا الحمام في نفس غرفة النوم يفضل ان تكون ألوانه قريبة من ألوان الغرفة ... لكن لو كان اللون الوردي مو عاجبك مو شرط تتقدين فيه ... ولو حبيتي تقدرين تخلين لون غرفة النوم اما وردي او لون ثاني يناسب الحمام مثلا البيج

لو حابة الوردي اختاري لون هادئ عشان مايبان كأنه لون غرفة أطفال مثل ال baby pink اللي يكون وردي باهت وتقدرين تمزجينه مع البيج الفاتح والغامق ... البوردر يفضل انه يكون أبيض ولو حابة تسويه وردي غامق يمكن النتيجة النهائية ما تعجبك

احنا تونا صابغين البيت كامل وغرفة اختي الصغيرة وردية والصباغ صبغ البوردر وردي ما طلعت حلوة ... رجعنا صبغناها ابيض بس فيه كمية بسيطة من الوردي وطلع مرة حلوة بس لا تنسي ان غرفة الأطفال غير الكبار

اما اذا ما حبيتي تتقيدين بلون الحمام تقدرين تستخدمين اي لون سواء اخترتي لون من الألوان الدارجة اووا لترابية او اي لون آخر اهم شي التنسيق

هلا وغلا بعزيزتي رومي عندي عدة طلبات وانشاء الله ميكون فيها كلافة

- عندي مطبخ مفتوح على صالة صغيرة ومحتارة بين الخشب والألمونيوم .. وماني عارفة وش الديكور اللي بحطه في الصالة كراسي او كنب وكيف انسق بينهم لأنهم مفتوحين على بعض وعندي صاله اساسية مقاسها 9×6 ومفتوحه على الصاله الصغيرة بقوس مسافته مترين ومحتاره كيف امليها وش احط سيراميك ونوعية الصبغ والجبس وابي اغير عن البيج والبن لأن غرفة الجلوس وغرف النوم بهالألوان
وابي شي مودرن

الله يخليك لاتطولين علي

ودمت بود

قوة خواتي ومبارك عليكم الشهر
بجدد غرفتي وخاطري بلون اخضر مع ليموني بس ماادري شلون السرير وشحط من اكسسورات وعندي نافذتين كبار بغرفتي وشريت لهم ستارة لونها اخضر بس عادية وودي احط فيها حركة حلوة وسجاد غرفتي لونه اخضر بعد
واتمنى تساعدوني لاني هالايام اشتغل فيها قبل رمضان

والصاله الكنبات فيها مثل هاللون تقريبا بس اغمجhttp://go.3roos.com/tdUudoIcWCy
شصبغهاا باي لون وشنو الاكسسورات اللي اقدر احطها فيها ترى الصاله كبيرة حيييييل صاله استقبال

واتمنى ماتطولون علي لاني هالايام لازم اخصلها ورمضان كريم

اختي زوبه ام الزوب



بالنسبة لحيرتك بين الخشب والألمنيوم .. هذا شي راجع لك انا عن نفسي ما أحب الألمنيوم حتى لو كان شكله راقي ويشبه الخشب .... يظل الخشب أحلى وأفخم ..

اما الصالة اللي تطل على المطبخ مباشرة اكيد تحتاجين الى طقم كنب وهو افضل من الكراسي اللي ماتريح في الجلوس مثل الكنب .. تقدرين تختارين طقم كنب مع كرسيين بالاضافة الى القطع الأساسية من الكنب .. بما ان عندك صالة ثانية تقدرين اما تحطين فيها طاولة طعام مع دولاب مناسب او مكتبة اذا كنتوا من هواة القراءة وركن للاسترخاء والقراءة والراحة

الجبس والصبغ يعتمد على ذوقك الشخصي وبما انك حابة شي مودرن ابتعدي عن التعتيق لانه حلو بس مو مودرن ... جربي الألوان الحيادية مثلا بيج وبني وازرق تركوازي او بيج وبني وأخضر ليموني او بيج وبني وأحمر قرميدي



اي استفسار انا تحت امرك

السلام عليكم ورحمة الله وبركاته

شكراً لك أختي رومي وماتقصرين بس ياريت لو تحطين لي صور عشان يكون افضل ولما سئلتك عن الجبس ابقى اعرف موديلات جديدة

اختي (( زوجي حبيبي ))

اللون الأخضر مع الليموني حلو خاصة اذا اخترتي الدرجات المناسبة



بالنسبة للستائر ... انا شفت حركة حلوة في محل من المحلات عبارة عن كريستالات مثل العقود بعدة ألوان تناسب الستارة متدلية من وسط الستارة الى الأطراف كانت مرة حلوة .. طبعا بالاضافة الى اكسسوارت الستائر العادية مثل الحوامل والماسك الجانبي .. تقدرين تختارين شكل مميز مثل ورد او نجوم وغيره على حسب ديكور غرفتك



وشوفي هالحركة حلوة وتقدرين تغيرين مثلا ورد او نجوم او فراشات ..



لون الكنب يناسبه البيج بدرجات رملية dark وانتي تتفنين في ادخال درجة لون الكنب على الصبغ من خلال بوردر او رسم على الزاوية او صبغ الجدار مثلا ثلاثة ارباع بيج والربع بنفس لون الكنب على حسب رغبتك

ويما ان صالتك كبيرة لك مطلق الحرية في وضع الاكسسوارات المناسبة مثل الصناديق الكبيرة والفازات الضخمة وغيرها من رفوف العرض وكبائن عرض التحف

وأي مساعدة احنا تحت امرك

اختي زوبة ام الزوب

سوي بحث في الركن وان شاء الله بتلاقين اشكال كثيرة للجبس

أفكار للجبس 1

أفكار للجبس 2

ومثل ما قلت لك مافيه شي اسمه الموضة اهم شي ذوقك الشخصي لانك لو سويتي تصميم موضته هاليومين راح تختفي بعدين بس الكلاسيكي والشي الناعم يدوم

يعطيك العافية

تسلمين فكرة الستارة رووعه وانشالله القى بسرعه ....

بس حبيت استفسار صالتي كبيرة وبنص الصاله فيه عمود وودي اسوي فيه حركة حلوة بس ماادري شنو ؟؟


وعندي بالطوفه صندوق للكهرباء وماادري شسوي عشان اخفيه واطلعه بشكل حلو وتسلمين حبوبه

عزيزتي ...

بالنسبة لصندوق الكهرباء عندك حلين ... لو انتي ناوية تصبغي يفضل انك تصبغيه مع الجدار عشان مايبان احنا سوينا كذا في بيتنا وفي بيت اهلي اللي صابغينه جديد ومو باين .... او انك تعلقين عليه لوحة بنفس مقاسه او اكبر بشوي عشان يختفي وماراح تلاحظينه ابدا

اي شكل انتي تحبيه مثل منظر طبيعي او رسم تشكيلي او سيريالي اي شي يناسب ذوقك وبيتك



أو تعلقين آية قرآنية مكتوبة على سجادة مثلا ... مثل آية الكرسي

بالنسبة للعمود ماخطر على بالي شي ابدا غير انك تلفين عليه ورق شجر مثلا او قش او خيش اي شي يناسب ديكورك ... throw كشميري تلفيه بطريقة مناسبة ... او تصبغيه او تلبسيه بالحجر

يعطيك العافية

جزاج الله خير افكارج حلوة وتخلين الواحد يبدع مشكورة حياتي

احنا تحت امرك اختي اي مساعدة لا يردك الا لسانك

بالصراحة اني للحين ما صبغت الشقة وابغي فكرة للون الصالة واثاث اللي يناسبه ولون غرفة النوم واثاثها وغرفة الجلوس واثاثها بعد ومشكورين ما تقصرون
يالله همتكم بنات ابغي الوان حلوووووووووووووووووووووة مرة وافكار بعد مو بس صبغ عادي
واملي بكم قوي
نسيت بعد ما قلت لكم ابغي افكار للمطبخ
وبعد اخر شي ابغي اقولة ابغي فكرة ديزاين لغرفة النوم جديد يعني كشخة وان شاء الله ما تخيبوني

تم دمج المشاركات الأربع في مشاركة واحدة من مشرفة الركن
الرجاء طرح الاستفسارات في مشاركة واحدة في المرات المقبلة

حبيبااتي شتنصحووني اناا ابغي اغير غرفتي واشيل الموكيت واحط باركيه

شرايكم وعطوني افكاار اسويهاا بالجدار وشلون انسق الغرفه

بليز

اختي

ليالي الحب

انصحك تسووين بحث شامل في ركن الديكور بكل طلباتك وتشوفي اللي يناسبك وتحددين بالضبط ايش الالوان اللي انتي تحبيها عشان نقدر نساعدك ... لأن طلبك عام بدون تحديد

بالنسبة للمطابخ سوي بحث في الركن تحت اسم ( مطابخ او مطبخ ) وشوفي التصاميم اللي البنات طارحينها وان شاء الله تلاقين طلبك

وبانتظار عودتك مع اسئلتك

حبيبتي مشكوره عالموضوع و المساعده بارك الله فيج بس انا كتبت موضوع قبل لا اشوف موضوعج ممكن تمرين عليه لو ما عليج أمر و الله محتاجه مساعدتكم الله يخليكم

و مشكورين و ما تقصرون

http://www.3roos.com/forums/showthread.php?p=1768880#post1768880

اختي أسيرة العيون تمت الاجابة على سؤالك في الموضوع المنفصل

دمتي بود