عندك مشكلة في ديكورات البيت ؟ تفضلي هنا ( كل ما يتعلق بالديكور ومشاكله )

اختي فرفوحة

اعذريني لتأخري في الاجابة على طلبك

اختي انا ما فهمت ايش المشكلة بالضبط او ايش هو طلبك بس اذا كانت المشكلة بس انك خايفة وين تحطين الأكل اذا كان المجلس سيراميك فبسيطة

خصصي قطعة سجاد حلوة وكبيرة بس لوقت العشا افرشوها وقدموا عليها العشا بعدين شيلوها

السيراميك عملي اكثر من السجاد خاصة لو عندكم ضيوف معظم الوقت

مرحبا اختي الغاليه

انا ابغي اصبخ غرفتي فديتج

فبغيتكم تختارون لي لون او كم لون مثلا اصبغ الجزأ الي بحط مكانه السرير لون والباقي لون

واخاف اختار اي لون على كيفي ويطلع مب حلو

انا بتوكل على الله والباقي عليج في الإختيار

عاده انتي وذوقج حبيبتي

وياريت يكون بأسرع وقت

اختي dmoo3_el7ob

طيب قولي لي ايش الألوان اللي انتي تفضليها عشان اقدر اساعدك

السلام على الجميع والله عندي طلب ياريت تجاوبونه وبسرعه لاني ابي اسويها مفاجئه حق زوجي قبل مايرد من السفر وهي اني اريد اغير ديكور مكتبه كله اغير المكتب والستائر والسجاد ارجوكم ردو واعطوني افكار حلوه ووايده ارجووووووووووووووووووووووكم

اختي الحنونة

الله يرجع زوجك لك بالسلامة ان شاء الله

اختي شوفي رابط هالموضوع لي

المكتب المنزلي

فيه بعض الأفكار

وبما انك حابة تغيري كل شي اهم شي تختارين له مكتب انيق يناسب ديكور المكان العام من أثاث واكسسوارات مناسبة واماكن لتخزين ملفاته المهمة

ولا تنسين تشترين له قطعة سجاد حلوة واكسسوارات مثل هذي



ونبتة صغيرة



وتقدرين بعد تغيرن الاضاءة

اي تغيير بسيط راح يسعده ويفاجأه اختاري ما يناسبك ويناسب ميزانيتك

[grade="2E8B57 FF6347 2E8B57 FF6347 2E8B57"]

السلام عليكم ورحمة الله وبركاته

كيفك عسولتنا ان شاء الله بخير

أنا كنت أقراء مواضيعك وعجبنني كثير موضوعك عن فن تعليق الاطارات والصور

فشفت ها الصورة وكانت فيه فكره ببالي وحبيت استشيرك فيها


أنا أخذت لوحتين من هوم سنتر الي تكون لوحة من غير اطار الي كأنها كرتونه وعليها
صورة

وأخذت ساعة دائرية صغيرة لغرفة النوم



فحلو أعمل اللوحتين وبوسطهم الساعة والا من غير ساعة بيكون انعم ؟؟؟؟؟؟[/grade]

يا هلا بعروستنا

الله يعينك شكلك مرة تعبانة في الاستعداد للزواج بس معليش هانت كلها 17 يوم وانتي مرتاحة

اختي بالنسبة لتعليق المناظر

انا حبيت فكرة اللوحات اللي من دون اطار بس افضل لو شريتي ثلاث لوحات بدل لوحتين وتكون من نفس المضمون مثلا صور ورد او بحر وصدف ورمل

وتعلقيها جنب بعض والمسافة الفاصلة تكون متساوية

هالفكرة بتكون احلى من تعليق الساعة وسط الساعتين

دمتي بود

هلا عمري

فعلا والله تعبانه

احس روحي ملخبطة أهتم بالبيت والا بروحي

بس يلا بفتك ان شاء الله قريب

انا ما لقيت ثلاث لوح مترابطة

يعني ها اللوحتين لون اللوحة الاساسي بنفس لون الاثاث

وبالوسط فيه ورقة شجره وكل لوحة الوقة الي فيها بلون على لون الستاير لان الستاير عندي بلونين

فانا حبيت اجمع فيهم لون الاثاث مع الوان الستاير

فخلاص راح احط اللوحتين من غير الساعة والساعة بعلقها على القوس بالظبط أتوقع بتطلع حلوة ان شاء الله

وبروح هوم سنتر بكرا لو شفت نفس اللوح لوحة تمشي معاهم بنفس الخلفية باخذها ان شاء الله

أشكرك على تواصلك الرائع

الله يعينك ياعروس

اي مساعدة احنا تحت امرك

دمتي بود

تسلمين قمرنا كله من ذوقك

تسلمون يامشرفات قسم الديكور وعساكم على القوة انا عندي مشكلة في غرفة بناتي سويتلهم لون البوية بمبي بس مو فاتح يعني تقدرون تقولون بمبي مخلوط بشوية موف يعني البوية حلة عجب بناتي بس المشكلة ابوهم اشترالهم سرير ابو دورين والمصيبة لونه أزرق والدولاب برضوا أزرق اما المكتبة والتسريحة ابيض يعني لخبط الألوان كلها مشكلتي اني ألحين محتارة بلون الستائر وش أحطلهم البنات يبغون لون الفستقي وستارة الخلفيةلونها بمبي وانا بصراحة خايفة ما يركب الألوان مع بعض أبغى غرفتهم غرفة فرايحية يعني أبغى ألعب بالألوان بس بشكل متناسق ياليت تساعدوني لأني لو تركت الموضوع لأبوهم يمكن يقلبها لغرفة مجانين :D2:D2:D2

[grade="00008B FF6347 008000 4B0082"]هلا رومي

تسلمين يا لغالية على الموضوع الرااااااااااااائع

بصراحة أختي تبي ترتب غرفة بنتها وما تدري شتسوي

عندها نافذة في الغرفة عالي عند السقف والشمس والضوء ما يدخلوه

لإن جيرانهم سكروا ع النافذة

وهي محتارة بالديكور والسرير

فيا ليت لو سمحتي تفيدينا

وجزاك الله خير الجزاء[/grade]

اختي سنديان

اذا كان قصدك زهري او وردي ( بمبي ) يعني الألوان اللي عندك في الغرفة هي



اذا كانت هذي هي الألوان ردي علي عشان اقدر اساعدك

بانتظارك

اختي captin1

اذا ممكن ترسمين لي ترتيب الغرفة الحالي من ناحية الباب والنافذة ومكان الأثاث عشان اقدر ارتبها لك بأفضل طريقة

بانتظارك

[grade="00008B FF6347 008000 4B0082"]هلا رومي عزيزتي

بصراحة ما عرف أرسم وأنزل عالكمبيوتر

بس الغرفة شكلها مربع كبيرة وأول ما تدخلين الغرفة النافذة بتكون قدامج

بس تراها عالية لإن السقف واااايد مرتفع

والغرفة فاضية لين الحين هي محتارة تبي تجهزها

وتبي حركات وديكور [/grade]

مشكورة غناتي صاحبة الفكرة ومشكورات خواتي على افكاركم ...حبيت اسالكم واخذ رايكم الصالة العلوية صبغها برتقالي فاتح يعني لون هادي وايد شو تقترحون علي باالنسبة للستاير والكراسي والسجادة ؟

اختي captin1 اذا ممكن عمر البنت واختاري الأثاث المتوفر عندها من اللي انا كتبته

( سرير - دولاب ملابس - مكتب للمذاكرة - تسريحة - طاولة صغيرة بجانب السرير )

اما اذا كانت البنت صغيرة الرجاء ذكر الأثاث الموجود

عزيزتي الرميثة

اذا كانت درجة البرتقالي اللي عندك هادية وتميل الى اللون المشمشي


فاللون مرة حلو ...ومن السهل تنسيق ألوان ثانية معاه

تقدرين تدخلين البيج الغامق مع البني

بحيث توزعي هالثلاثة ألوان بدرجات متفاوتة في الصالة مابين الأثاث والفرش والستائر

عزيزتي رومي فعلا هذي الألوان اللي عندي بالغرفة بس اللون الفستقي لسة ما دخلته بس قلت بخله في الستارة ينفع ولا لا

اختي سنديان

من ناحية تناسق الألوان فهي ماشية مع بعضها بس مو بدرجة كبيرة وراح تتعبك بعد فترة خاصة اذا كبروا البنات لأنها تناسب سن معين

انصحك تختارين توزيع الألوان بدقة وتخلين اللون الأخضر محدود جدا عشان ما تصير فوضى في الغرفة ولو تحاولي تصبغي السرير يكون أفضل