miko85;11125515:
يابنات هو احسن ماركات عالميه في المكياج
ماكس فاكتور ولا لانكوم ولا برجوا ولا جولدن روز
في الروجات والبلاشر والفونديشن والماسكرا
جربت الاساس بتاع ماكس فاكتور الجديد و برجوا وجولدن روز
كلهم متقاربين في الاسعار الرينج 65 ل 80 حسب المكان وجودتهم متقاربه وان كان بتاع جولدن روز تغطيته اقوى منه شويه لان النوعين التانيين يعتبرو الاساس الخفيف الناتشورال من ماكس او برجوا انما البامبر من جولدن دا اساس معمول للمناسبات وبيدي تغطيه حلوة
البلاشرات جولدن روز مش اوي عاديه خالص شوفت بلاشر ميكس ب 65 كنت مفكراه كريمي ولمعته اضاءه طلع عادي ولمعته جليتر كريستاليه رقيقه لكن عايزه مناسبة او فرح
والبلاشر المط ناعم اه بس عادي مفيهوش مميزات تخليني اشتريه وسعره 65
برجوا البلاشرات حلوة اوي وملمسها ناعم وسعرها 75 جنية وان كانت الشكوى منه انه بينشف من الرطوبة والوانه خفيفه لكن كواليتي بتاعته حلوة
بلاشر لانكوم واو ملوش مثيل عند بنت عمتي الله اكبر يعني تحفة بس مش اعرف سعره لان مجربتش اجيبه مش عارفة ليه :094:
بلاشرات ماكس فاكتور مش اعرف عنها حاجة :040:
الماسكرات
التوووب ماكس فاكتور طبعااا دا عندهم انواع تخبل وكل نوع احلى من التاني وهي كتيره لما تروحي تشتريها هتعرفي كل نوع بيعمل ايه
وكمان لانكوم جنان في ماسكرا جديده نازله بتهتز هههههههه جامده
برجوا عندها نوع تحفه ب 75 مشهوره اوي ومن كتر شهرتها نزلو منها تقليد بالهبل ودا شكلها
لو عايزه حاجه رخيصه وكويسه بردو ادامك جولدن روز المزدوجة عجباني جداااا سعرها 30 ج
وللعلم ياقمر كل انواع الماسكرات اللي حطيتلك صورها دي بتاعه كثافه بتخلي الرموش مروحة زي سعاد حسني في زمنها الله يرحمها وانا عايزه اجيب بتاعه جولدن روز سعرها حلو وعجباني فكرة الجزئين اوي مايبلين كان منزل المزودجه دي وعملت احلى شغل في السوق كان اسمه xxl اكيد شوفتي اعلاناتها بالتلفزيون :014:
اتمنى اكون افدتك واي سؤال ارميهولنا هنا ههههههههه :025:
