تجمع بنات مصر لشهر صفر 1431 للاستفسارت عن الميك اب

أنوش;11121303:
البودرة المائيه سمر كيك دي دمار شامل
والله يابنتي هتبوظلك وشك عالمدى البعيد بتعمل حفر ومسامات واسعه وبتحرق الوش
بطليها واستخدمي اساس وكومباكت باودر افضل

هي كويسه بس مش حلوه قوووووي طب انتي بتستخدمي أساس نوع ايه والبودر الكومباكت نوعها ايها؟

أنوش;11121322:
اه موجود عندكم المحل بتاع جولدن روز على المشاية من فوق ادام كلية الطب هتلاقيه محل دورين وحاطت يافطه باسم جولدن روز (:

ايه ده انتي من المنصوره ولا ايه:013:

وشكرا علي اهتمامك يا انوش

the big love;11122316:
ميرسى يا قمر بس عايزة حد يقولى علب الميكب بتاعة العروسةافضل نوع اية وياريت البنات يقولى جابتوها منين.............................وباقى المحلات الميك اب اللى فى المهندسين وياريت العنوان

علب المكياج بتاعة العروسه كلها اى كلام
الاحسن انك تجيبى علبة مكياج فاضية شكلها شيك و تحطى فيها المكياج بتاعك
شكلها بيبقى شيك اوى وفى منها الوان مختلفةو اشكال زى علب المجوهرات و اشكال زى شنط السامسونايت و على الاقل بتبقى جايبة المكياج نوعية حلوة و مضمونة

the big love;11122316:
ميرسى يا قمر بس عايزة حد يقولى علب الميكب بتاعة العروسةافضل نوع اية وياريت البنات يقولى جابتوها منين.............................وباقى المحلات الميك اب اللى فى المهندسين وياريت العنوان

من رايي تجمعي الميك اب افضل لانك هتختاري الالوان والماركات حسب احتياجاتك (:

جذابه لدرجه الأذابه;11122466:
هي كويسه بس مش حلوه قوووووي طب انتي بتستخدمي أساس نوع ايه والبودر الكومباكت نوعها ايها؟




ايه ده انتي من المنصوره ولا ايه:013:

وشكرا علي اهتمامك يا انوش

هههههههههههه لا مش من المنصورة بس اعرف هناك الخط بتاع الجامعة كله من اول مترو اللي قبل الحقوق لحد ميدان ام كلثوم (:

بالنسبة للاساس انا بستخدم فاونديشن جولدن روز البامبر تغطيته ممتازة وحلوة وبيكون لوحده من غير بودره ولو لقيت الدنيا حر او الخروجه هتطول بحط فوق الفاونديشن لوس باودر من اوريفليم بتطفي اللمعان وبتحافظ على شكل الميك اب فترة اطول ^_^

the big love;11122125:
جولدن روز دي اجيبها منين

تعالووووووووووووو شوفوا حاجاتى

لسة شرياها حالا



ياريت يا قمر تقوليلة البودر المضيئةجايباهاة منين وبكام ضرورى الليب جلوس مير سى يا قمر.........

البودره المضيئه هتلاقيها بالاسواق عادي وفي منها كريم اضاءه جميل بيدي ملمس ناعم والبشرة بتمتصه بسهوله ولمعته كريستاليه الكريم من ماكس فاكتور وتقليد مش اصلي فيه نوعين الاضاءة العاديه و الاضاءة الدهبي بيدي لوك اكنك عامله تان ودا شكله انا جبت الابيض ولمعته جميله عجباني موووووت وبيستخدم للبشرة والجسم

mira2005m;11123339:

اللة اية الكريم دة يبقى حلو مع اللانجيري احسن من البودرة اللامعة اجيبة منييييييييين

من محلات الميك يا ميرا ولو مش لقياه ممكن اقولك تجبيه ازاي من النت ب 10 ج (:
وفعلا ممتاز عالجسم وامن تستخدميه على بشرتك هو مكتوب عليه انه يتحط كاضاءة للبلاشر

أنوش;11123404:
من محلات الميك يا ميرا ولو مش لقياه ممكن اقولك تجبيه ازاي من النت ب 10 ج (:
وفعلا ممتاز عالجسم وامن تستخدميه على بشرتك هو مكتوب عليه انه يتحط كاضاءة للبلاشر

و انا كمان يا أنوش عايزة منه بس أسأل عليه أقول ايه كريم اضاءة للبلاشر ؟

و عايزة أسألك بما انك خبرة في أوريفليم حد جرب كريم السيلولايت و جاب معاه نتيجة ؟

أنوش;11122844:
البودره المضيئه هتلاقيها بالاسواق عادي وفي منها كريم اضاءه جميل بيدي ملمس ناعم والبشرة بتمتصه بسهوله ولمعته كريستاليه الكريم من ماكس فاكتور وتقليد مش اصلي فيه نوعين الاضاءة العاديه و الاضاءة الدهبي بيدي لوك اكنك عامله تان ودا شكله انا جبت الابيض ولمعته جميله عجباني موووووت وبيستخدم للبشرة والجسم

على فكرة يا انوش كريم الاضاءة بتاع ماى واى حلو . هو صحيح منتجاتهم مش اد كده
بس كريم الاضاءة بتاعهم حلو و رخيص على فكرة كنت جايباه ب10 او 12 جنيه
يمكن ده الحاجه الوحيدة اللى جبتها منهم

عروسة نعومة;11123571:
و انا كمان يا أنوش عايزة منه بس أسأل عليه أقول ايه كريم اضاءة للبلاشر ؟

و عايزة أسألك بما انك خبرة في أوريفليم حد جرب كريم السيلولايت و جاب معاه نتيجة ؟

لا حبيبتي اسمه كريم اضاءة ماكس فاكتور لو مش لقتيه ممكن اوفرهولك لو انتي من اسكندريه او القاهره انا جيباه من نوجا صاحبتي ب 10 جنية
كريم السليوليت مش جربته فا مش هقدر اقولك حلو ولالا بس اي كريم مش هينفع لوحده لازم رياضة معاه (:

ايه بقى كرات الؤلؤ ديه و تفرق ايه عن كريم الاضاءة ده و ايه الفرق بين اللووز باودر و الكومباكت باودر و لو اشتركت في أوريفليم بيوصلو للبيت و لا لأ أنا ساكنة في التجمع

مسلمة تقية;11123633:
على فكرة يا انوش كريم الاضاءة بتاع ماى واى حلو . هو صحيح منتجاتهم مش اد كده
بس كريم الاضاءة بتاعهم حلو و رخيص على فكرة كنت جايباه ب10 او 12 جنيه
يمكن ده الحاجه الوحيدة اللى جبتها منهم

اه انا سمعت عنه فعلا بنات جربته وقالت لذيذ بس انا مش اعرف حد مشترك فيها وكنت عاملة طلبية من القاهره فا جبت دا بالمره وسعره 10 ج بردو والعلبه حلوة تكفي كتير يعني 60 مل وصلاحيتها ل 2013 وفيه عامل حمايه 12 من الشمس

عروسة نعومة;11123652:
ايه بقى كرات الؤلؤ ديه و تفرق ايه عن كريم الاضاءة ده و ايه الفرق بين اللووز باودر و الكومباكت باودر و لو اشتركت في أوريفليم بيوصلو للبيت و لا لأ أنا ساكنة في التجمع

كرات اللؤلؤ هو بلاشر ( روجاجو ) بس على هيئه كرات ومفيش وجه مقارنه بينها وبين كريم الاضاءه لان كريم الاضاءه هو لمعه لكن كرات اللؤلؤ بتاعة اوريفليم بلاشر للخدود
اللوس باودر بتكون مفتته انما الكومباكت مضغوطه والفرق اللوس بتدي لوك ناعم وناتشورال انما الكومباكت تغطيتها بتكون اقوى والاختيار بيرجع حسب ما انتي بترتاحي انا عمري ما جربت الكومباكت وشغاله عاللوس بس في الصيف هجربها باذن الله تكون اللي عندي خلصت
واوريفليم بيوصلو الشحن للبيت اه يا قمر بس اي حاجة حابه تجبيها اسالينا في تجمع اوريفليم عشان البنات تفيدك بتجربتها قبل ما تدبسي في حاجة وتطلع مش حلوة :087:

بنات عايزاكو تمخمخو معايا فى حاجه


كنت جايبه بلاشر الكرات بتاعت اورفليم اول السنه الى فاتت ومكنتش بصيت على الصلاحيه لانى كنت لسه مش فاهمه اوى وكنت وخداها من مندوبه مش من الشركه فبصيت على الصلاحيه من شويه لاقيتها اخرها 8 2010 وطبعا العلبه دى مش رخيصه كانت تقريبا بحاجه وتمانين


يعنى صلاحيتها دلوقتى انتهت خلاص بس صعبان عليا ارميها وخصوصا انى مش بحط ميكب الا كل سنه مرة فالعلبه لسه تعتبر زى مهى تفتكر و ممكن استغلها ازاى هو طبعا مش هينفع استعملها على وشى فا لو حد فيكو قابل المشكله دى قبل كدة وعندو فكرة ياريت يفدنى

at2ota;11123779:
بنات عايزاكو تمخمخو معايا فى حاجه


كنت جايبه بلاشر الكرات بتاعت اورفليم اول السنه الى فاتت ومكنتش بصيت على الصلاحيه لانى كنت لسه مش فاهمه اوى وكنت وخداها من مندوبه مش من الشركه فبصيت على الصلاحيه من شويه لاقيتها اخرها 8 2010 وطبعا العلبه دى مش رخيصه كانت تقريبا بحاجه وتمانين


يعنى صلاحيتها دلوقتى انتهت خلاص بس صعبان عليا ارميها وخصوصا انى مش بحط ميكب الا كل سنه مرة فالعلبه لسه تعتبر زى مهى تفتكر و ممكن استغلها ازاى هو طبعا مش هينفع استعملها على وشى فا لو حد فيكو قابل المشكله دى قبل كدة وعندو فكرة ياريت يفدنى

اخرها 8-2010 يعني لسه فاضلها 8 شهور ياقمر
ممكن تستخدميها لسه ادامك وقت كويس او لو حد تعرفيه هيتجوز قريب تبعيهاله بسعر ارخص بس تقولي ان الصلاحيه فاضلها 8 شهور عشان مش تكون حرام

أنوش;11123644:
لا حبيبتي اسمه كريم اضاءة ماكس فاكتور لو مش لقتيه ممكن اوفرهولك لو انتي من اسكندريه او القاهره انا جيباه من نوجا صاحبتي ب 10 جنية
كريم السليوليت مش جربته فا مش هقدر اقولك حلو ولالا بس اي كريم مش هينفع لوحده لازم رياضة معاه (:

أنوش;11123813:
اخرها 8-2010 يعني لسه فاضلها 8 شهور ياقمر
ممكن تستخدميها لسه ادامك وقت كويس او لو حد تعرفيه هيتجوز قريب تبعيهاله بسعر ارخص بس تقولي ان الصلاحيه فاضلها 8 شهور عشان مش تكون حرام

ههههههههههههههههه يانهار ابيض يانوش دنا بقيت زهايمر خالللللللللللللللص دنا بحسبها خلصت على ان الفين وعشرة خلصت يعنى :040:


ربنا يكرمك يارب ويباركلك كنت زعلانه عليها والله انتى رجعتيلى الامل ربنا يكرمك يارررررررررررب ونفرح بيكى قريب ياحببتى:065:

جولدن روز دي اجيبها منين

تعالووووووووووووو شوفوا حاجاتى

لسة شرياها حالا



ياريت يا قمر تقوليلة البودر المضيئةجايباهاة منين وبكام ضرورى الليب جلوس مير سى يا قمر.........
البودره المضيئه هتلاقيها بالاسواق عادي وفي منها كريم اضاءه جميل بيدي ملمس ناعم والبشرة بتمتصه بسهوله ولمعته كريستاليه الكريم من ماكس فاكتور وتقليد مش اصلي فيه نوعين الاضاءة العاديه و الاضاءة الدهبي بيدي لوك اكنك عامله تان ودا شكله انا جبت الابيض ولمعته جميله عجباني موووووت وبيستخدم للبشرة والجسم



بكااااااااااااااام يا قمر

at2ota;11124284:


ههههههههههههههههه يانهار ابيض يانوش دنا بقيت زهايمر خالللللللللللللللص دنا بحسبها خلصت على ان الفين وعشرة خلصت يعنى :040:


ربنا يكرمك يارب ويباركلك كنت زعلانه عليها والله انتى رجعتيلى الامل ربنا يكرمك يارررررررررررب ونفرح بيكى قريب ياحببتى:065:

هههههههههههههه
يلا ولا يهمك بتحصلي كتير :085:
وتسلمي يا قلبي عالدعوة الحلوة وعقبال ما نفرح بيكي انتي كمان يارب :087:

the big love;11124371:

بكااااااااااااااام يا قمر

ب 10 جنية حبيبتي وانا جيباه من صاحبتي نوجا معانا هنا في المنتدى بعتهولي من كايرو مع حجات تانية لو مش لقتيه وعايزاه وانتي من كايرو ممكن هي تجبهولك او من اليكس وعايزاه ممكن اجبهولك بردو ومش ضروري الكريم دا وبس في حجات تانية كتير (: