miss designer;11133927:
اي هي اكيد بتصير ليلة الجمعه .. ان شاء الله اذا الله كتب تاريخ 10-6 يصير ليلة عيدميلاد خطيبي :040: وابغي قبل الساعه 12 نكون اوردي دشينا انا وخطيبي وقعدنا شوي عشان بالضبط الساعه 12 بخلي اغنية اهداء لزوجي مالة عيد ميلاد وبخلي احد يجيب الهدية حزتها !!
بس لازم اصور في الاستوديو ؟؟؟ مايصير اخلي التصوير كله في الصاله عشان مايضيع عليي وقت ؟؟ ولاني ابغي البس جلابية للجلوة ومابغي الجلوة تصير في وقت قصير :091:
مايصير اخلي الناس تجي الساعه 8 ونص الى 9 وانا ادش 9 ونص ويجلوني ل 10 ونص وبعدين البس الفستان الابيض وادش مع خطيبي الساعه 11 او 11 وشي ...
:091: :091: ابغي البس جلابيه وابغي البس فستان ابيض
وبالنسبة للقارية ... انا عاجبتني ام نور وعمتي تبغيها هي تجليني ... بس هي تاخذ 130 :091: احس المبلغ وايد على ساعه ونص .. انا عمتي ( اخت ابوي ) تجلي عرايس وهي مجلية خواتي كلهم بس عمتي ( ام زوجي ) ماعجبتها ومابغي بصراحه اخسر هالمبلغ على القارية اذا اخذت عمتي اوفر 100 دينار لان نعطيها بس 30 دينار :ok:
خيتو !..
التصوير في الإستديو شي مهم وضروري جداً جداً
لأنه في حركات ولقطات , ما تقدرين تسوينها إلا في الإستديو .. حق الألبوم بعد يطلع لج بنتيجة مرضية
علشان الإضاءة , وعلشان بعد تاخذون راحتكم أكثر ,
مو كل شي بيقدرون يصورنج إياه بالصالة
وأغلب الناس الحين تروح الأعراس عالساعة 9 .. و 9ونص .. وما فوق
يعني أحس إن زحمة جداً على الكل يلتزم ويجي لج من 8
حتى لو جو لج 8 .. نص المعازيم يمكن يتآخرون وما يلحقون عليج .. ماكو فايدة جذي
أنا شخصياً لين بروح عرس أروح عقب الساعة 9 ونص .. أو 10
وفوق جذي ,
أهلج وأهل المعرس
بعد يبون يتعدلون ويروحون يصورون , ما أتخيل أحد بيفضى من 8
ولو وحدة وقتها ما ساعفها ما بتلحق عليج
إنتي بكبرج العروس ,
علما تجهزين من الصالون وتصورين بتجهزين متآخرة :057:
+
زين الترتيب إلي عطيتج إياه كلش مضبوط وتمام :014:
مناسب لج ولمعازيمج ولأهلج
أوردي ,
الساعة 12 بتكونين قاعدة على الكوشة .. يعني يمديج تهدين وتسوين مفاجآة لزوجج
+
وعلى فكرة ,
أم فاضل وبنتها هاي سعرهم
أخذي لج ملاية أرخص إلي اخذون 85 وما فوق ,
ودام تعرفين ملاية تصير لكم وتاخذ 100 وايد أوكي له !..
