™`.¸¸.× تجهيزات عرائس (مملكة البحرين) لشهر صفر 1431-2010 م / الجزء = 61 ×.¸¸.'™

حبيبة عزوزي;11125994:
السلام عليكم

من زمان ما طليت على الموضوع

بنات بغيت اسال اذا بشتري فستان طبعا لعادي مو لعروس حق حفله اختي وين تنصحوني اروح السعوديه مكان سعره مناسب وشنو الستايل او الخلق الي دارج للحين شيفون ودانتيل وهالحركات اخر مره دشيت عروس قريت انه اخر ستايل دارج لاني ما اروح اعراس وايد بليز ردو علي وشنو الاكسسوار الدارج الحين لشعر اكيد في بنات قاعدين يتشرون الحين لربيع
وبغيت اسال كم المكياج بالرونق للعادي وبجم لاني الحفله بسيطه مابي غالي لاني ابي شي حلو وبسيط لان الملجه بالبيت وابي اروح الرونق وعند من تنصحوني ياليت ستايل لبناني
وشنو في صالونات بستره مكياجها حلو وياليت الي تعرف الاسعار طبغ غير انسه البحرين ماحبيتهم

خيتو سبق وقلت للبنات اعرف وحدة تعدل ببيتها بسترة تحط مكياج وتسوي شعر كانت بصالون والحين سوت لها مكان ببيتهم وتعدل .. خبريني اذا بغيتين الرقم

نور القمرر;11130779:
سلاام بنات
افكر احط مسك جاامد مال الملابس ويا الشنطه تبع قمصان النوم
عادي وله ممكن يعفسهم؟؟
وتنصحوني بمسك مال اي محل؟؟ ماابيه غالي هخخ

في عندش مسك عبدالصمد القرشي مرة امي شرت لنا منه اعتقد الحبة بدينار يبيعونها

مريم ناز;11130808:
والله ضحكت ضحك على هالكلام من قلب

وين قااااااااااعديييييييييين !!
ماسااااااه
الله يعينج
يلا اهم شي عدت على خير
وبالتوفيق

اتصلت حق ديجي الانوار.. وديجي دريم(فيض وفوز)
اثنينهم مادحين لي اياهم واثنينهم بيسووونلي 80 دينار

انتو في رايكم اخذ من بما ان اسعارهم نفس الشي؟

باخذ الانوار لان قالولي بوية عشان خطيبي مايغازلها<<< شدددددخل
من الحين اغار ههههههههه

هههههههههه صدق ضحكتيني على كلامش:093:

حلم العذارى;11130815:
عبدالصمد القرشي , ( السيتي سنتر )

كل من يمدح المسك الجامد عندهم .. ورخيص سعره أعتقد 10 أو 8 دينار

وهو يجي على شكل دائرة أو مربع

أخذيه قطعيه قطع صغيرة , أو حتى القطعة بكبرها " بس للتوفير قطعيها "

وكل قطعة حطيها بكيس شيفون صغيرون ( هاي مال بو ربيتين .. إلي يحطون فيه القرقاعون )

وينباع بالدرزن !.. بعد

الموووهم ,

حطي القطع داخل الجيس وسكريه .. ودعسيه في وسط الثياب

والريحة بتفوووووح :014:

في اعتقد خيتو يبيعون بالحبة الوحدة

3athba;11131259:
وش اسوي نفسيتي تعبت من هالموضوع
مسكين خطيبي يبي يسوي ليي كل شي بس كل شي صااير ضدنآآآ ما ظل صاله ما رحناها
وما ابي اتأخر اكثر عشاان امتحاناتي
ايي برووح بجووف
دعواااتكم

خيتو شوفي قاعة الليالي هذي جديدة مثل ما قالو وشكلها اوكي روحي وشويها احسن

فوفو البحرين;11131229:
رقية وثريا حاطتهم في اللسته:037: حلو حناهم :094:

وفاطمه دايما اسمع يمدحونها بس يقولون بطيئه :02:


انزين بناات بسألكم
الحنه لازم نروح بيت الحنايه ندفع مقدم ولا شلون ؟؟

خيتو اعرف وحدة تحنت عند فاطمة وخذت عليها عربون يمكن لان كانت فترة اعياد وكانت محتاجة الحناية

××مريم××;11131687:
هلا والله شخباركم

امس كانت حنتي الحمدلله كل شي صار حلو ومثل ماابي ..

حنتني اشواق وماشاء الله حناي صار غامج ..والنقش فضييع والله

ان شاء الله لانزل الصور وامس الصبح انا متحنية .. ورحت حق مكياجي عبير الرويعي صالون اشرقت .. بصرااااحه طلعت وحده غير وحده ثانية واااايد حلو كلمة فضيع شوي على المكيااج وكل من قال اينن وحلو .. وانا راضية كل الرضا عن مكياجي والله ..

صج قطت عيني وهي تمكيجني وعليه اشوة تحملتني .. صج دليعه بس شاسوي . وماخلتني اكمل نوومي على كرسيها هههههه .. واشكرج من كل قلبي وتسلم اناملج .. والي تبي ترووووووووح حق حنتها او اي مناسبة تروح لها .. اختي بعد تمكيجت وياي عندها واااايد فضيع حناها عجييييب .. والاعراس يايه وباييج ان شاء الله ..



الحين تعبانه ان شاء الله ..بعد عرسي بانزل لكم صور الحنة والعرس ..

الحمدلله كل شي صار مثل ماتبين وموفقة وننتظر الصور

أنا الشوق;11131793:
عندج شالكي
بس أسعاره يعني مب رخيصه
لكن حلوين :040:


بناااات

شرايكم في جلوه + عرس في نفس الليله
يعني العروس تلبس بدلتين

؟؟؟؟

اني مفكرة اسوي جذي ان شاء الله لعرسي يعني بدخل بالبداية مغطية بالمشمر الاخضر وطبعا بالفستان وبخليهم يجلوني وبرجع اطلع وبدخل مع زوجي :072:

M0Z00N;11131835:
أغلب العرايس الي شفتهم بس يجلونهم وهم عليهم فستانهم الابيض
بس مره شفت عروس لابسه جلابيه شيفون وردي فوق الفستان حق وقت الجلسة وبعدين
بدلته وضلت بالفستان بس صراحه ماكان شي حلو كانت مو حلوه ماعجبتني هالفكره

اني بعد ما حبيت الفكرة احس مبهدل

مها البحرين;11132509:
بما اني للحين في مشروع الحنه والملل ..
ومو عارفة شاسوي في روحي لان لايعه جبدي ...



قلت خلني اغير ديكور غرفتي انا غرفتي لونها ماروني ومقلمة بالذهبي
يعني اذا دخلتيها بتقولين داشه كافيه ليلو نفس الستايل والصبغ ......


المهم مابي اطول عليكم بالحجي لاني وايد اسولف ...
شرايكم في هالاثاث يسوى ..






هالاثاث في هوم سنتر ماعرف عجبني ...


بس تصدقون توني مذكره اني ماشفت سعره ..؟؟
ياربي حدي ام سلوووم ومفهيه ...


ابي رايكم ..؟؟

خيتو الغرفة حلوة بس اذا غرفة نومش كلها ماروني بتصير غامقة واجد ومظلمة الا اذا بس طوفة ماروني وشي ثاني مثل ماقالو البنات اللون صعب بالتنظيف مع ان غرفتي صارت هاللون بس ماكنت ابيه جذي

آيسكريم;11133007:

مرحبا بنااااااااااااااااااااات انا بكون انشاالله معاكم عروس جديده هههههه قريب :040:

تقبلوني معاكم او لااا :049:

وحابه اسالكم تعرفون محل اسمه فستاني لبنات كويتيات هني في البحرين؟؟

محلهم في الزنج او الماحوز وفساتينها كلهم فن يقولون ومديلاتهم حلوه

في احد يعرفه؟؟

اول مرة اسمع عنه صراحة

هذيــان;11133230:
ضفته



حلومه
هوم ستور & هوم سنتر
عندهم غرف ماليزيه مو؟

على فكرة احمد شريف عنده غرف صناعة ماليزية وحلوييين وهالفترة حاط اعلان حق تقسيط مريح

*نور العيون*;11133471:
على فكرة احمد شريف عنده غرف صناعة ماليزية وحلوييين وهالفترة حاط اعلان حق تقسيط مريح

على كم اسعارهم اذا بدون اقساط وخشب بحريني؟

حلم العذارى;11133290:
بصراحة ,

ما أعرف

أنا رحت مرتين (هوم ستور)

وشريت غرفة نوم & جلسة << كانت تهبل :032:

وفي المرتين إلي رحت فيهم سآلت عن الصناعة قالوا لي كل شي هني صيني

فما عندي فكرة , يعني .. إذا جابوا ماليزي ولا لا

مع إن ما أظن :041:

سمعت بعض البنات يقولون عنده غرف ماليزيه
والله اعلم !

ممكن ترسلون لي رقم ديجيه الانوار

آيسكريم;11133425:
جوفي انا بصراحه ماعندي مكياج معين او ستايل معين

بس ابي شي يطلعني غير وابين انه عروس بس طبعا مابي ثقيل بس شي حلو

مادري اذا فهمتيني اولا يعني شي راقي وناعم بس قوي

عموماً .,

عندج ماكيرات صالون الرونق - النويدرات

( معصمومة ماك , نجاة ماك , نهاد , فاطمة اللبنانية )

ستايلهم بالمكياج لبناني نعومي .. وزاهي ومرتب

بس أحلاهم : معصومة & نجاة " يشتغلون في ماك سابقاً "

أسعارهم للعروس 75 دينار

وطبعاً إهما التوب عندنا للشعر .. كوافيرات العرايس ( وحيدة & فتحية )

+

الماكيرة ( فردوس الحلواجي )

في صالون " إيلاف " - الزنج

ستايلها معروف سموكي .. نعومي , ومرتب

سعرها 70 دينار

وما عندها أحد للشعر

+

الماكيرة ( إبتسام كمال )

ستايلها عادةً

وسط .. شي لا هو ناعم ولا هو أوفر

دمجها مميز وراقي للألوان وهذي أحلى شي فيها

تمكيج في بيتها " البسيتين "

تتعامل معاها للشعر / عايدة النعيمي

+

الماكيرة ( صفية شويطر )

إخت الماكيرة المعروفة / فاطمة

تمكيج في صالون إختها بالرفاع

ستايلها مميز وراقي ومبدعة

تحط شي وسط

لا هو ناعم ولا هو أوفر

سعرها أعتقد 60 دينار

في الصالون عندهم الكوافيرات : فاطمة فكري & زكية

+

الماكيرة ( عايشة الريس )

أشهر من النار على العلم

ستايلها وسط لا هو نعومي ولا هو أوفر

فنانة في رسم الملامح

ومكياجها زاهي جداً

تمكيج في بيتها دوار 5 - م.حمد

تتعامل معاها من الكوافيرات / عايدة النعيمي & بدور

70 دينار

+

الماكيرة ( شريفة فولاذ )

تمكيج في بيتها دوار 15 - م.حمد

مكياجها متنوع وتصيد كذا ستايل .. وهذي الشي المميز فيها

بين الوسط إلى الخليجي إلى الأوفر

بس عموماً فنانة جداً

وتغير الوحدة وتقلبها 360 درجة

أتعب وأنا أقول مكياجها ( واو )

بس عيبها أسعارها المرتفعة مقارنة بالباقي

100 دينار للعروس

تتعامل مع الكوافيرات / عايدة النعيمي & فوزية

وعلى فكرة , إهي تسوي بوردتها بنفسها .. شلون ما أعرف :040:

+

الماكيرة ( صابرين كمال )

مثل أسلوب وستايل شريفة بنسبة 99% ههههههههههه

بس صابرين في الدمج مبدعة أزيد

وتميل في دمجها للشي الراهي أكثر

يمكن لأنها وشريفة كانوا يشتغلون بصالون واحد مسبقاً

علشان جذي أسلوبهم متشابهة

تاخذ 50 للعروس

وعندهم بالصالون الكوافيرة / لطيفة

+

الماكيرات ( صفاء , فاطمة بهبهاني , فاطمة البستكي )

وحدة في توبلي & الثانية في جد علي & الثالثة في بوكواره

ستايلهم راهي وايد وثقيل ومرتب

ودمجهم للألوان روعة ,

وعادي يحطون بعد خليجي أوفر .. لمحبات هالستايل

أعتقد صفاء تاخذ 70 , بهبهاني ما عندي فكرة عنها , البستكي 45 دينار

*

هههههههه واي تعبت :041:

وبس حالياً !..

هذيلا إلي ببالي :040:

شوفي الأقرب لستايلج شنهو ,

miss designer;11133182:
مرحبا عرايس :072:
على طاري صاله شهرزاد :042: عندي استفسار ؟؟

بكم سعرها ؟؟ وصج عندهم دي جي ؟ واذا مع الدي جي كم وبدونه كم ؟؟ وفن الدي جي مالهم اذا كان اغاني عادي مو اسلامي ؟؟ وعندهم باكج بعد يكون الاكل مرة وحده من صوبهم او لا ؟؟

400 وشي مع الديجي والمسرح
لا ما عندهم مع الأكل

((( هذيان )))

واللهي معرفش :02: .,

لأن أنا من فترة يعني .. والسيلز البحرينية إلي هناك قالت لنا إن كل البضاعة " صيني "

وأنا أتكلم تحديداً عن محل ( هوم ستور ) - مجمع البحرين

وهو يفضل لمن تدورين غرفة النوم , تسآلينهم صناعة وين ؟!. :ok:

و وايد ربعي يمدحون غرف نوم ( البيت الخليجي ) - شارع السهلة .. يقولون إنه شغل عدل :03:

بنااااات بلييييييز الي تعرف رقم بدور الي كانت تشتغل في صالون إيلاف تعطيني رقمها

هذيــان;11133499:
على كم اسعارهم اذا بدون اقساط وخشب بحريني؟

لا خيتو خشب ام دي اف ماليزي عنده وصيني بس بحريني ما اعتقد تأكدي بعد.. وعلى الاسعار كان عنده على 600 -700 واكثر يعني اسعار مختلفة بس تصاميم حللللليوة

سمعت بعض البنات يقولون عنده غرف ماليزيه
والله اعلم !

ايسكريم

فستاني يصير عند الجزيره الاهلي
فساتينهم كشووخيه ومبتكره
يعني مرت عمي اخر عرس راحت شافت الطرحه نفس العجفه ومواصله بظهر الفستان تقول حدها عجايب فراحت تسئل وقالو انه من هالمحل

بس عن انهم كويتيات يفداج الجذب ماعندي خبر

مريم
الف مبروووك حبيبتي الله يتمم عليكم ويهنيكم ويسعدكم

حلم العذارى;11133397:
هي تكفي حتى 450 شخص .. وإذا صاروا 500 أحسها تصير زحمة وخنقة :071:

بس 400 إلى 450 , عدد حلو فيها

إي .,

باكج التصوير ثابت ( 80 صورة + فيديو )

عندهم أعتقد 3 ستديوهات أو 2

- صحاري

- سكوب

مشكورين حلوومة عالاجابه :072:

قاعده افكر بدل مااسوي ليلتين .. اختصرها في ليلة وحده واتوقع صاله شهرزاد مكان مناسب جداا :ok: اول شي يمكن البس جلابيه خضرا بعدين الفستان الابيض مع خطبيبي :016:

لكن شهر 6 بصير الاذان 7 الا ربع :060: متى اخلي المعازيم يجون حق الجلوة ؟؟ ابغي انظم الوقت عشان يصير لكل شي حقه ... والجلوة تحتاج كم ساعه ميني مم ؟؟

اخلي المعازيم يبدأون يجون الساعه 8 ؟؟ وبعدين 8 ونص ادش حق الجلوة الى الساعه 10 او 10 ونص يجلوني ؟؟ بعدين نص ساعه ادش االبس الفستان الابيض واستعد مع خطيبي عشان ندش الساعه 11 وبعدين تبدأ حفله الزواج للساعه 1 او 2 :041: بوصي على الكل يتعدل من وقت والي مايجي من وقت بنسكر الباب عنه !!

3athba;11133605:
400 وشي مع الديجي والمسرح
لا ما عندهم مع الأكل

مشكورة عمري عالاجابه :072:

الحين اذا بسوي الاكل بارسلات ... وبعزم 400 شخص !!! كم اخلي عدد البارسلات ؟؟؟ تعرفون في ناس مايكفيهم واحد :057: وناس تاخذ حق عيالها ... فانا مابغي اتوهق !!

واذا بتكون ليلة الجلوة نفسها ليلة الزواج وهي الليلة الوحيده الي بنسويها للمعازيم ... البارسل لازم يكون كشخه شوي او عادي اهم شي ضيافه !! :025:

فستاني يم الجزيرة الي في الماحوز ؟
بالضبط وين صاير المحل؟
أنا أروح دائما هناك بس ما أجوف انه محل فساتين موجود هناك!
وين يصير بالضبط؟

الي تسأل عن صالة الليالي
عن نفسي ما عجبتني
ماحسيت فيها شي مميز
الجدران بيضا وخالية بدون أي مرايا أو مناظر
والصالة حدها صغيرة اذا المعازيم وايد
رحت زواج مرة هناك كانوا المعازيم على بعض
والصالة حدها مشحونة أواادم
وحتى المسرح جدا عادي ومافيه اي شي مميز
يعني اذا الوحدة حابة تدفع مبلغ زين تروح مرمريز أو الدانة أو زينة الأفراح وتدفع أحسن
وهذا رايي واختلاف الرأي لا يفسد للود قضية

miss designer;11133702:
مشكورين حلوومة عالاجابه :072:

قاعده افكر بدل مااسوي ليلتين .. اختصرها في ليلة وحده واتوقع صاله شهرزاد مكان مناسب جداا :ok: اول شي يمكن البس جلابيه خضرا بعدين الفستان الابيض مع خطبيبي :016:

لكن شهر 6 بصير الاذان 7 الا ربع :060: متى اخلي المعازيم يجون حق الجلوة ؟؟ ابغي انظم الوقت عشان يصير لكل شي حقه ... والجلوة تحتاج كم ساعه ميني مم ؟؟

اخلي المعازيم يبدأون يجون الساعه 8 ؟؟ وبعدين 8 ونص ادش حق الجلوة الى الساعه 10 او 10 ونص يجلوني ؟؟ بعدين نص ساعه ادش االبس الفستان الابيض واستعد مع خطيبي عشان ندش الساعه 11 وبعدين تبدأ حفله الزواج للساعه 1 او 2 :041: بوصي على الكل يتعدل من وقت والي مايجي من وقت بنسكر الباب عنه !!

سويها في ليلة إجازة ( الخميس / ليلة الجمعة )

وخليها مثل الأعراس العادية ولا تغيرين شي

علشان إنتي بعد يمديج تروحين الإستديو تصورين وتجين على راحتج ,

المعازيم تبدي تجي من 9 , مثل كل الأعراس

وإنتي دشي 10 ونص .. للجلوة

قولي بيجلونج إلى 11 وربع تقريباً , تطلعين وتردين تدشين على الزفة 11 ونص

لأنه في صالة عادية وماكو بوفيه

يعني يمديها الناس تقعد وتسلم عليج وتمشي .. وما بتتآخرين عليهم في شي

أولاً .. ليلة إجازة , ثانياً .. ما في بوفيه

وعاد بعدها إنتي قعدي على راحتج في الصالة .. عندج المجال إلى 1 , 2

miss designer;11133716:
مشكورة عمري عالاجابه :072:

الحين اذا بسوي الاكل بارسلات ... وبعزم 400 شخص !!! كم اخلي عدد البارسلات ؟؟؟ تعرفون في ناس مايكفيهم واحد :057: وناس تاخذ حق عيالها ... فانا مابغي اتوهق !!

واذا بتكون ليلة الجلوة نفسها ليلة الزواج وهي الليلة الوحيده الي بنسويها للمعازيم ... البارسل لازم يكون كشخه شوي او عادي اهم شي ضيافه !! :025:

اخذي البارسلات زيادة 100 او 150 حبة .. وخذيه على حسب ميزانتيكم خيتو

روح,;11133782:
الي تسأل عن صالة الليالي
عن نفسي ما عجبتني
ماحسيت فيها شي مميز
الجدران بيضا وخالية بدون أي مرايا أو مناظر
والصالة حدها صغيرة اذا المعازيم وايد
رحت زواج مرة هناك كانوا المعازيم على بعض
والصالة حدها مشحونة أواادم
وحتى المسرح جدا عادي ومافيه اي شي مميز
يعني اذا الوحدة حابة تدفع مبلغ زين تروح مرمريز أو الدانة أو زينة الأفراح وتدفع أحسن
وهذا رايي واختلاف الرأي لا يفسد للود قضية

خيتو اني ماشفت الصالة ولا رحتها بس هم صالتين وحدة عودة ووحدة صغيرة الكبيرة يقولون اخلى

حلم العذارى;11133818:
سويها في ليلة إجازة ( الخميس / ليلة الجمعة )

وخليها مثل الأعراس العادية ولا تغيرين شي

علشان إنتي بعد يمديج تروحين الإستديو تصورين وتجين على راحتج ,

المعازيم تبدي تجي من 9 , مثل كل الأعراس

وإنتي دشي 10 ونص .. للجلوة

قولي بيجلونج إلى 11 وربع تقريباً , تطلعين وتردين تدشين على الزفة 11 ونص

لأنه في صالة عادية وماكو بوفيه

يعني يمديها الناس تقعد وتسلم عليج وتمشي .. وما بتتآخرين عليهم في شي

أولاً .. ليلة إجازة , ثانياً .. ما في بوفيه

وعاد بعدها إنتي قعدي على راحتج في الصالة .. عندج المجال إلى 1 , 2

اي هي اكيد بتصير ليلة الجمعه .. ان شاء الله اذا الله كتب تاريخ 10-6 يصير ليلة عيدميلاد خطيبي :040: وابغي قبل الساعه 12 نكون اوردي دشينا انا وخطيبي وقعدنا شوي عشان بالضبط الساعه 12 بخلي اغنية اهداء لزوجي مالة عيد ميلاد وبخلي احد يجيب الهدية حزتها !!

بس لازم اصور في الاستوديو ؟؟؟ مايصير اخلي التصوير كله في الصاله عشان مايضيع عليي وقت ؟؟ ولاني ابغي البس جلابية للجلوة ومابغي الجلوة تصير في وقت قصير :091:

مايصير اخلي الناس تجي الساعه 8 ونص الى 9 وانا ادش 9 ونص ويجلوني ل 10 ونص وبعدين البس الفستان الابيض وادش مع خطيبي الساعه 11 او 11 وشي ...

:091: :091: ابغي البس جلابيه وابغي البس فستان ابيض

وبالنسبة للقارية ... انا عاجبتني ام نور وعمتي تبغيها هي تجليني ... بس هي تاخذ 130 :091: احس المبلغ وايد على ساعه ونص .. انا عمتي ( اخت ابوي ) تجلي عرايس وهي مجلية خواتي كلهم بس عمتي ( ام زوجي ) ماعجبتها ومابغي بصراحه اخسر هالمبلغ على القارية اذا اخذت عمتي اوفر 100 دينار لان نعطيها بس 30 دينار :ok:

ميمي3;11131176:
هههههههههههههههههه فديت قلبج خيو هم غيروا مسرحهم بعد مسوين ابيض فيه ليتات مادري شلون زوين يعني لابأس فيه اني كل مشكلتي كانت بالديجي ومعاملة البنت بالنسبه للشعر خبريها من الحين لان بتقول لج بتسمعه اول عشان ماتتورطين حزة الحزة يمكن بعد بدلوها

انى سويت خطوبتي فيها و صدددق الصوت كان عاااااالي :039::039:

وو الزفه حالتها حاله اتلمفروض نحط موسيقى ماااا رضوا ماشفت الرصيد

لان مكتوب ممنوع طبول + دفوف + موسيقى لان يصلون فيها قبل

دام يصلون فيها ليش تقلبونها صاله اعراس :039: ,,, المهم انى ما عصبت ولاااااشي

عباره ليله خطوبتي مشيت الوضع وو اكنت طول الوقت ابتسم :093:

عباره فيه فيديو وو بالمونتاج بين بس ابتسامتي وو كشختي :086:

وو المسرح اخذت اجاااار وو طلع كلش كشخه الكل مدحه :083:

هذا مسرحي في مصلى العيد :083:







هذا الكيك تبع ام حسام :03:

ملكة الغروب;11133958:


هذا مسرحي في مصلى العيد :083:







هذا الكيك تبع ام حسام :03:

حلووو مسرحج خيوو !! من وين اخذتينه وبكم ؟؟؟ :ok:

وكيك ام حسام غني عن التعريف :03: سويت لي في خطوبتي بالضبط نفس الديزاين ..

بنات سؤال خارجي خخخ

شرايكم بساعتي شريتها اليوم من الدوو

ام 4 سيوووور

فيها جم لون بس انا عجبتني هالالوان اكثر

كنت متردده فيها