تجمع حوامل مصر القمرات لشهر صفر..فلنبدأ الرغي:)

بوسي موقف مسخره عندك حق

Bossy22;11157197:
جايبة السرير منين يا كوكوووووو

جيباه من السيده زينب من محل قولت اسمه قبل كدا بس نسيت دلوقتى

هو محل جمب قسم السيده زينب بالظبط

حبيبه مادو;11157201:
عادى يا بسبس انا مضايقه وحزينه لسه وكمان زعلنا اكتر سوا امبارح بسبب حاجات تانيه

وكمان حاجه تانيه حصلت من اهله خلونى اتحرق دمى اكتر

انتى حطاهم فى دماغك ليه ما يتحرقوا المهم صحتك

اهلا حبيبه حبيبى ازيك

كوباية مايه;11157138:
انا بطنى كبرت من السابع

لسه بدرررررررررى عليكى متستعجليش هتكبر هتكبر

وخدى بالك لسه فى ولاده وفى لبس نونو هتجيبيه وفى لعب هتجيبيها ان شاء الله فا مش مستهله تعملى تغيرات فى الاوضه عشان حماتك وحماكى بردو يناموا فيها

لما يبقى يكبر النونو ابقى اقلبيها عشان هو كمان يفرح

miko85;11157153:
ماقولتهوش بعني لازم ناخد البيبي لما نسجله

نو طبعا تاخديه معاكي فين بس

لان يا بسبس الموقف ده حاجه خاصه بيا انا

انا هقولك وانتى احكمى راحوا شقتى يشفوها وكده ويشقروا عليها ماشى وبعدين عرفت انهم قال ايه لاقوا شنطتى على التسريحه فتحوها ولاقوا فيها فلوس والفلوس دى بتاعتى وفى محفظتى فى شنطتى الخاصه فى بيتى فى شقتى فى مصر انا كنت سيباهم فى مصر عشان لما ارجع وكده وخدوها عندهم وبيقلوا لجوزى احنا اخدناها نعينها عندنا عشان لو حصل حاجه فى الشقه وكده ولما تيجى تاخدهم انت طب يصح ولا ينفع الكلام ده؟؟؟

شوفى يا ميرا واتفرجى كتير انتى كدا كدا لسه بدرى اوى عليكى فا جهزى براحتك على الاخر

ازيكم يابنات وحشتوووووووووووووووونى
ماتخسريش جوزك ياميهو حاولى تطنشى واعملى نفسك مش واخده من بالك من اى حاجه

وياريت كلكم تجاوبونى فى الموقف ده والمفروض انى اعمل ايه معاهم ولا اتصرف ازاى فى حاجه زى كده واقول لجوزى ايه ؟.؟

حبيبه مادو;11157257:
لان يا بسبس الموقف ده حاجه خاصه بيا انا

انا هقولك وانتى احكمى راحوا شقتى يشفوها وكده ويشقروا عليها ماشى وبعدين عرفت انهم قال ايه لاقوا شنطتى على التسريحه فتحوها ولاقوا فيها فلوس والفلوس دى بتاعتى وفى محفظتى فى شنطتى الخاصه فى بيتى فى شقتى فى مصر انا كنت سيباهم فى مصر عشان لما ارجع وكده وخدوها عندهم وبيقلوا لجوزى احنا اخدناها نعينها عندنا عشان لو حصل حاجه فى الشقه وكده ولما تيجى تاخدهم انت طب يصح ولا ينفع الكلام ده؟؟؟

لا بصراحه مينفعش انتى عندك حق

محدش له الحق اصلا انه يفتح شنظه تخصك عيب اوى كدا

طيب هو رد وقال ايه؟

في ايه يا مها مالك يا بنتي اهم حاجة صحتك و الباقي يولع بجاز

بسبس هسال فى الطبيخ ههههههههه
صينية الفراخ بسيبها فى الرف الوسطانى على درجة حراره كام
وبغطى عليها ولا لا وافتح الشوايه ولا ؟لا؟قوليلى اصل محتاره

كتكت ايه القمر اللى انا شفته ده؟عسل والله
هشوفكم بعد صينية الفراخ
ههههههههههههه.انا دايما كده

ازيكو يا بناويت عاملين ايه كلكو

دودو انتي لسه موجودة ؟؟ كنت عايزة أسألك عملتي عقيقة صحيح ؟؟

و شوية سؤالات برضه .. جبتي الجلابيات منين و برا الرضاعة و بكام ؟؟ و ما احتاجتيش رووب ؟ و ما سألتيش على اسدال الرضاعة ده نفسي الاقي حد جايبه

و كنتي بتقولي البيبي لما بيعمل كيكي بيغرق هدومه فبتغيريهاله فمانتقلش أوي عشان مايبردش .. هوا مش بيبقى لابس بامبرز؟؟

و ايه أحسن شامبو جونسون و لا سانوسان هوا أغلى بس خايفة يدخل في عين البيبي يحرقه

بتقولي بيبي كلب أحسن ماركة بس غالية أوي يا دودو .. انتي جربتي الصياد ؟؟ انا جبت الصياد من لافلي و غسلتهم عشان أشوف بعد الغسيل فيهم عيب حسيتهم اخشنو كده يا بنات ده عادي و لا ايه ؟؟

صوت العيون;11156897:
جزاك الله خير يا هدى وربنا يخليلك بلبله يارب يارب يارب
قوليلى الحلق الطبى بكام
وايه لزمه الزينك والوايبس دا ايه معلشى

الحلق الطبى ب 20 جنيه نمن العزبى بس هااااااااااااايل

كوباية مايه;11156915:
انا جايبه السرير ب 370 جنيه بس حلو اوى ومبطن ومعاه مخده وحلو اوى بصراحه واه بيتقلب من تحت مرجيحه



هدى تسلميلى يا قمره يارب ويخليلك لولى وتشوفيها عروسه يارب

انتى تؤمرى يا بسبس

CuTie KaTkOoTa;11156919:
يالهوووي علي الفضايح يا دودو وكل دول اتفرجوا عليكي :085::085::085::085:

انا مش قصدي البسها 4 شايات فوق بعض ، لأ انا قصدي يبقي فيه معايا غيارين يعني طقمين، واحد تلبسه ساعتها والتاني احتياطي وكل ده بتكلم علي اساس لو ولادة طبيعية ومفهاش بيات فهمتيني، يعني هي هتلبس شايتين بس.
وبالنسبة للتيست انا قصدي انها لازم تعمله عشان كده كده الدكتورة هتطلبه.
وكشف النسا بقي انا كنت حاطة في دماغي كده بس البنات هنا خوفوني عشان لقيتهم بيعملوه في اول التاسع مش نصه، وانا بكرة اول يوم في التاسع ان شاء الله وميعادي معاها وهي مقلتليش علي حاجة، فعشان كده مقلقة يكون فيه وهي مقلتش.

مكنتش بجد حاسة بنفسى خاااااااااااااااااااالص

و الدكتورة اكيد هتقولك يا كتكوتة حتى هتلاقى اللى كشفوا فى اول التاسع الدكاترة بتوعهم اكيد قالولهم من قبلها

miko85;11156926:
ازيك ياهدي عامله حلوه ااوي انك طلعتي صدرك واديتهله قادم الناس ده كلها

هههههههههههههههههههه

عجبتك قوى دى ...؟؟

افتكرت روشى هانى لما قالت بقرة

هى فين صحيح ..؟؟

محدش يعرف عنها حاجة ..؟؟

كوباية مايه;11156953:
اه بالنسبه للرضاعه

انا الموضوع دا واجع دماغى اوى

انا قررت انى مش هرضع بطوطى خالص ان شاء الله قدام حد

لو عايز يرضع اخده وارضعه فى اوضه لوحدينا

عشان بجد اكتشفت ان كل ما واحده تيجى ترضع بنتها او ابنها تلاقى الناس بتبص عليهم بجد وبحس ان مفيش حاجه بتمرى على العيل

وساعات بيقعدوا يعلقوا ويقلولك هو ايه مش هيخلص
ولا كل دا بترضعيه ولا الكلام الغريب دا


انا يا هدى مقصدكيش انا فاهمه ان غريزه الامومه وكدا ساعة المستشفى وانك مكونتيش فى وعيك وكدا

انا اقصد فى العادى لما نكون مثلا فى قعده ومتجمعين كدا والاقيلك الست تروح مطلعه صدرها وترضع بيبقى شكله مش لطيف خالص

مش عارفه انتوا رأيكم ايه

انا فاهمة يا كوكو انك متقصدينيش و على فكرة اللى بتقوليه ده صح جدااااااااااااااااااااااا

انا الحمد لله باستثناء اليوم ده عمرررررى ما رضعت لولى قدام حد فى بيتنا او فى بيت اى حد بدخل اوضة لوحدى و حتى لو فى اوضة لوحدى بحط شال عليا لان ممكن اى حد يدخل عليا فجأة

و فى النادى برضع فى الحمام

و فى يستى ستارز و الملوات الكبيرة فى اوضة مخصوص للرضاعة و للغيار بتاع البيبى على فكرة

miko85;11156954:
والحلق الطبي مين ال بيخرمها ودنها طيب

النيرس هى اللى خرمت للولى

miko85;11156993:
هو البيبي لما بتسجل اسمه لازم الاب ياخده معاه كدليل ولا مش لازم

لا طبعا الاب بيروح ببطاقته و قسيمة الجواز و شهادة من الدكتور و المستشفى

كوباية مايه;11157012:
على فكره يا جماعه انا لسه عارفه ان لما تيجى تسجلى النونو فى مكتب الصحه لازم بياخدوا منه عينة دم بتتحلل ولو فيها حاجه بيتصلوا بالاهل ولو مفيهاش حاجه خلاص ودا بقى اجبارى لتسجيل النونو تخيلوا

بصى يا بسبس اللى بتتكلمى عليه ده اسمه تحليل الغدة الدرقية

اللى بيحصل كالاتى ان الاب بيروح يسجل ببطاقته و قسيمة الجواز و شهادة من الدكتور و المستشفى و ده من غير تحليل للبيبى ولا حاجة و تالت يوم الولادة بتروحى انتى و البيبى مكتب الصحة بياخد تطعيم الدرن حقنة فى كتفه و و بياخدوا عينة من رجله دم تحليل غدة درقية و بيقولوك لو فيها حاجة هنتصل ولو متصلناش يبقى سليمة

بس ده مش شرط للتسجيل ولا حاجة

mira2005m;11157058:

ماشي يايسيس

اصل انا مش عايزة اجيبة غالى لسبب انة استخدامة قليل

وبعدين هغير ديكور اوضة الاطفال عندى هيا لونها دهبي

شبابيية مش اطفالى شان حماتى وحمايا بيناموا فيها

فهغير الستائر وابيضها

فهصرف فيها اكتر

انا اوضة لولى بنى مكنتش عاملاها على انها اطفال بس جبت استيكرات من سيف ستورز تحفة شكل شنط بناتى و روج و برفيوم و حاجات كدة بينك و لزقتهم على الحيطة عملوا جو حلو قوى و غيروا شكل الاوضة تماما كان الباكيت منها ب 100 جنيه من فرعهم اللى فى سيتى ستارز

و السرير انا جايباه خشب بالمرتبة و الجوانب ب 1200 جنيه من جراند مول المعادى

و جبت لعبة السرير من سيف ستورز فى سيتى ستارز ب 230 فيها نور و اصوات و بتلف و بتسجل صوتك او صوت الاب كمان

*حبيبة حبيبي*;11157131:
بس يا بنات علي حد علمي الرضاعه الطبيعي افيد للبيبي
لقد دلت جميع البحوث العلمية بأن لبن الأم هو أفيد غذاء للطفل بل ووجد أيضا أن غذاء كل أم يفيد وليدها أكثر من لبن أي أم أخرى ولا شك أن إرضاعك لطفلك يعود عليكما بفوائد عظيمة منها .
فوائد الرضاعة للوليد :
*لبن الأم معقم جاهز ـ ليس به ميكروبات ـ وتقل بذلك الإصابة بالنزلات المعوية التي تصيب عادة الأطفال الذين يرضعون الزجاجة .
*لبن الأملا يماثله أي لبن آخر محضر من الجاموس أو الأبقار أو الأغنام أو الإبل . مهما جرت معالجته بذكاء فهو قد صمم وركب ليفي بحاجات الطفل يوما بيوم منذ ولادته وحتى يكبر إلى سن الفطام . وفي الأيام الثلاثة الأولى يفرز الثدي "اللبأ" وهو سائل خفيف أصفر ويحتوي على كميات مركزة من البروتينات المهضومة ، و على المواد المحتوية على مضادات الجراثيم والميكروبات . وينقل بذلك مناعة أخرى تضاف إلى الوليد ضد الأمراض حتى تتعاون مع ما سبق أن أخذه من المشيمة أثناء الحمل من مواد مانعة ضد الأمراض ، كما أنه يساعد على منع الحساسيات .
يحتوي لبن الأم على كمية كافية من البروتين والسكر بسب تناسب للطفل تماما بينما البروتينات الموجودة في لبن الأبقار والأغنام والجواميس عسرة الهضم على معدة الطفل لأنها صممت لتناسب أطفال تلك الحيوانات .
تكثر لدى الأطفال الذين يرضعون من الزجاجة وفيات مفاجئة غير معروفة السبب وتدعى (موت المهاد) بينما هو غير معروف تقريبا لدى الأطفال الذين ترضعهم أمهاتهم .
نمو الأطفال الذين يرضعون من أمهاتهم أسرع وأكمل من نمو أولئك الذين يعطون الألبان المحضرة وقد ثبت بأن هؤلاء الأطفال أشد ذكاءً وأكثر إدراكا واستجابة لمحيطهم .
النمو النفسي : للأطفال الذين يرضعون من أمهاتهم نمو سليم وسريع بينما أولئك الذين يلتقمون الرضاعة تكثر بينهم العلل النفسية . وقد ثبت بالتجربة العلمية بأن عملية الإرضاع بحد ذاتها وما يصاحبها من مداعبة للطفل وضمه لصدر الأم والهزهزة أمر في غاية الأهمية وتأثيره على سلوك الطفل حاضرا ومستقبلا وبدونها تجعل الطفل عصبيا وعدوانيا و لا يمكن ترويضه إلا بطريقة الهزهزة والضم للصدر .
إن حليب الأم متوفر بكل سهولة وكلما دعت الحاجة إليه وقد ثبت من تقارير هيئة الصحة العالمية أن أكثر من عشرة ملاين طفل قد لاقوا حتفهم نتيجة عدم إرضاعهم من أمهاتهم .. ويمكن للأم المريضة أو الضعيفة أن تستعين بالحليب المصنع بالإضافة إلى حليبها إذا لم تستطع إيفاء حاجة الرضيع ويوجد خطر على حياته ... ولكن يجب أن لا تعتمد كليا عليه وأن تبدأ بإرضاع طفلها من ثديها ثم تكمل بالرضاعة وذلك لكي لا يتعود الطفل عليها وحتى لا يجف حليبها .
فوائد الرضاعة للأم
*الارتباط النفسي والعاطفي بين الأم وطفلها أثناء الرضاعة من أهم العوامل لا ستقرار الأم والطفل نفسيا ويعطي شعورا للأم بالرضاء عن نفسها لأنها تحافظ على صحة الطفل ونموه .
يعود الرحم إلى وضعه وحجمه الطبيعي بسرعة أثناء الرضاعة ، ذلك لأن امتصاص الثدي يؤدي إلى إفراز هرمون من الغدة النخامية يدعى الاوكسيتوسين الذي يؤدي بدوره إلى انقباض الرحم وعودته إلى حالته الطبيعية . و لو لا ذلك لأصيب الرحم بسرعة بالانتان وحمى النفاس .
تقلل الرضاعة من احتمال الإصابة بسرطان الثدي . فقد وجد أن المرضعات هن أقل النساء تعرضا للإصابة بهذا المرض الخبيث ... وتقول الإحصائيات إن غير المتزوجات أكثر تعرضا من المتزوجات . والمرضعات هن أقل الجميع تعرضا لهذا المرض . وكلما أكثرت المرأة من الرضاعة كان ذلك أدعى لحمايتها من سرطان الثدي .
الإرضاع المتواصل من الثدي هو أحد العوامل الطبيعية لمنع الحمل ...
وهو وسيلة خالية من المضاعفات التي تصحب استعمال حبوب منع الحمل أو اللولب أو الحقن .. ولكن هذه الطريقة ليست مؤكدة فإن مص حلمة الثدي يحرض على إفراز هرمون البرولاكتين من الفحص الفحص الأمامي للغدة النخامية وهذا يزيد من إفراز اللبن من اللبن من الثدي وفي نفس الوقت يقلل من إفرازات الهرمونات المنمية للمبيض .. وبذلك لا تحصل الإباضة ( التبويض ) ويمتنع الحمل .

اول حاجة بتنزل من صدر الام لبن لونه اصفر كدة ده السرسوب مهم جداااااااااااااااااا

كوباية مايه;11157138:
انا بطنى كبرت من السابع

لسه بدرررررررررى عليكى متستعجليش هتكبر هتكبر

وخدى بالك لسه فى ولاده وفى لبس نونو هتجيبيه وفى لعب هتجيبيها ان شاء الله فا مش مستهله تعملى تغيرات فى الاوضه عشان حماتك وحماكى بردو يناموا فيها

لما يبقى يكبر النونو ابقى اقلبيها عشان هو كمان يفرح

فعلا كلام بسبس صح انا و جوزى هنششحت قريب من كتر ما كل ما نشوف حاجة حلوة لعبة او لبس لللولى نبقى عايزين نشتريه مبقناش اصلا نبص على اى حاجة لينا خالص

miko85;11157147:
انا بطني كبرت في الرابع معرفش بعد كده هاروح فين ههههه

انتى عشان ما شاء الله تبارك الله اللله اكبر توأم

وبعدين يشقروا على ايه؟؟

هى طبخه؟؟؟ لا طبعا محدش كان دخل شقتك اصلا

وسايبه مفتاح ليهم ليه كنتى سيبتيه لمامتك

دانا اكتشفت ان حمايا معاه مفتاح لشقتى
بس ميقدرش يطلع غير لما احنا اللى نقوله مثلا نسينا حاجه او شوف حاجه كدا انما يطلعوا من دماغهم كدا

دانا اموتهم

بس انتى قولى لجوزك افرض دلوقتى كان فى حاجه فى الشنطه دى خاصه

وبعدين هو اى شنطه موجوده يفتحوها كدا؟؟؟
هما مش رايحين يشقروا من بره كدا وخلاص

ليه بقى التدوير دا محدش يدور فى حاجتى وانا مش بحب كدا

دا انتهاك للخصوصيات وربنا اصلا يحاسبهم على كدا

دا ربنا قالوا الاستئذان قبل دخول بيت اى حد

لكن كمان دخول وتفتيش مينفعش بصراحه وياريت تقولهم بعد كدا يبصوا من بره كدا وخلاص ميفتشوش فى حاجتى

لا طبعا اي حاجة خاصة بيكي مينفعش تتفتح و بعدين ده كده معناه ان هما فتحوا الشنطة و المحفظة كمان لا كده عيب اوي و ما يصحش كمان

طبعا تبينيله انك زعلتى بس ماتكبريش الموضووع وتقوليله دا اخواتى مش بيفتحوا شنطتى الا بازنى
ودا مش كلام وانا مبحبش كده واقفلى هوا هيتفهم الموضوع وخلاص ماتفتحيهوش تانى

برده مفهمتش لازمه النزنك ايه وشكله ايه
والوايبس يعنى ايه
والحلق شكله ايه يا دودو معلش وصناعه ايه ان شاء الله
وبيتغير بعد اد ايه ان شاء الله