تجمع حوامل مصر القمرات لشهر صفر..فلنبدأ الرغي:)

اه يا سالى متفكرينيش والله انا كنت كل ما انزل اتفرج على حاجه اقول الله حلوه يقلولى دى بنات مش ولاد

كل شويه كل شويه لما جابولى اكتئاب

حاجات البنوتات تهبل فعلا

عااااااااااااااا متفكرينيش بقى

du;11156064:
انا الحمد لله كويسه يا بسبس والفايتينج خافف شويه اليومين ةول الحمد لله
بس بايته عند مامتي عشان اعده ببنات اختي عشان هي في المستشفي ولدت امبارح وجابت عبد العزيز عقبالنا يا بنااااااااااااااااات ان شا الله

الف الف الف مبرووووووووووووووووك ما شاء الله تبارك الله ربنا يبارك فيه يارب و الاسم حلو قوى ما شاء الله و عقبالك يا قمرة ان شاء الله

كوباية مايه;11156212:
هههههههههههههه ونامو متأخر ليه يا هانم هاه ؟؟؟ :03::03::03:




طيب احط فيها ايه يا كوتى؟؟؟ ليا وله

وبلاش تجيبيلى لسته بالحاجات عشان بأحبط جدااااااا

قوليلى كدا جلابيه شبشب كدا يعنى


اسكتوا هموت على شبشب بيت ومش لاقيه عااااااااااااااااا

بصى يا بسبس انا هقولك على شنطتى و شنطة لولى و الحاجات اللى هقولها هى اللى استعملتها بجد و محتجتش اى حاجة خالص الحمد لله

انا رحت المستشفى بلبس الحمل عادى و كنت طبعا عاملة سويت كامل و مستحمية قبل ما انزل

و لما رحت قلعونى هدومى كلها و لبست قميص العمليات و بونيه على شعرى ونمت على السرير و اخدت محلول مغذى عشان كنت صايمة من الصبح من التوتر و تعبانة و دايخة قوووووى

و دخلت اوضة العمليات على رجلى خرجت فوقت فى اوضتى و حضنت لولى عقبالكم كلكم و فجاة وواله وانا فى البنج و من غير ما احس ولا اشعر انا كنت شبه نايمة و انا بفوق من البنج و مغمضة نص عينى حكولى انى و انا بفوق رحت مطلعة صدرى و مرضعة لولى و كان فى الاوضة حمايا و ابويا و الدكتور و كلهم اتفاجأوا من ردة فعلى دى

المهم قمت غيرت هدومى الفجر بعد ما حمونى النيرس لبست اندر وير واسع قطن و عليه قميص نوم و برا رضاعة و الكل بقى يقولى هتبردى و هتعييي و الكلام ده انا بالعكس كنت حراااااااااااااااااانة جدا مع اننا كنا فى نوفمبر و فتحت التكيييف و صممت كنت حرانة جدا على فكرة و كان معايا شراب مستخدمتوش

تحطى فى الشنطة جلابيتين ( قميصين نوم بزراير شيك ) انا جبت ماركة اسمها ميريت حلوة قووووووى كانت ب 180

و طرحة تليق عليهم الاتنين من اللى بتتلبس على طول عشان مش هيكون فيكى فس تلفى طرح ولا تسرحوا شعركم على فكرة ولا ميكب و لا برفان انا كنت واخدة كل الحاجات دى و مستخدمتهاش

و كان معايا فوطة و بشكير ليا و براهات رضاعة 2 و 5 اندر وير

و على فكرة الالويز العادية بتنفع و كفاية قوى

و معجون اسنان و البادز بتاعة الرضاعة ده بالنسبة ليكى

اما بقى للبيبى طقمين كاملين او 3

انا بلبس لولى لحد دلوقتى فى عز البرد ده شاية بنص وواحدة بكم و بنطلون او كولون و السالوبيت بسسسسسس اكتر من كدة كتييييييييييييييييييييييييييييير و كدة البيبى يعيا منك لانك هتلاقى كتير قوى قوى ان البيبى يعمل كل كام يوم كيكيى يغرق هدومه كلللللللللللللللها لو لابس كل ده و قلعه و غير كل شوية كدة يعيا بعد الشر

و تكونى واخدة 10 بامبرز حوالى 5 فى اليوم لان البيبى بيعمل فى الاول كل رضعة كيكى

و الشامبو صغيرة و الزنك فى نوع حلو قوووووووووووى ب 5 جنيه و نص اسمه زنك اوليف روووووعة انا جبت للولى سانوسان ب 30 جنيه ده احلى منه بروعة اللى بزيت الزتون

و بيبرونة انا محتجتهاش الحمد لله بس حطوها احتياطى و تكون مغلية هى و التيتنية و توصوا حد اول ما يشوف البيبى يديلوا التيتينة ضوررررررررى

البافيتات مش مهمة قوى فى المستشفى و متنسوش وايبس و نوع ايزى كير الفوشيا بتاع الاطفال حلو قووووى

و تمر و خلوا الاب يحنك البيبى يعنى يبل التمر و يطرى كدة شوية و يدعكه فى بؤ البيبى سنة عن الرسول عليه الصلاة و السلام و بتقلل الصفرا

و ابو البيبى ياذن فى الودن اليمين و يقيم الصلاة فى الودن الشمال

وكوفرتيتين و بطانية كفاية و طقم البيبى يبقى فيه جوانتى و شراب و طاقية بسسسس كدة

و اى خدمة انا موجودة لحد بكرة عند ماما ان شاء الله

يارب اكون افدتكم كلكم

CuTie KaTkOoTa;11156307:
لا لزم بردو يا سالي، لأن ماينفعش نعتمد علي التيست ده ساعات يعني بيغلط بردو، بس ان شاء الله يبقي صح، وكده كده لازم تكوني عاملة تحليل الدم لما تروحي للدكتورة او هي هتطلبه منك

التيست ممكن يغلط انه يطلع انه مفيش حمل و يكون فى حمل

لكن العكس مستحييييل طالما خطين يبقى ان شاء الله باذن الله اكيد حامل

dandona we bas;11156383:
هوا انا ابدأ اجيب هدوم النونو امته يا قمرات

من الشهر السادس لما تعرفى نوع البيبى ان شاء الله

صوت العيون;11156385:
يا بنات ليا طلب لو سمحتم الى خلصت حاجه النونو تكتبهالى بالظبط عشان بجد متلخبطه جدا
وعاوزة اعمل ليسته ان شاء الله ممكن

لبس البيبى

6 سالوبيت من 0-3 المقاس
و بامبرز احسم نوع بجد بيبى جوى حلو قووووووووووووووى
شامبو
وايبس
6 شايات بنص و 6 بكم و احسن نوع بجد بيبى كلب
6 بنطلونات
10 بافيتات
فوط قشط
بشكيرين
تيتينة
بيبرونة
سلسلة تيتينة
جوانتيات 3 كفاية
طواقى طاقية لكل سالوبيت
شرابات شراب لكل سالوبيت
كوفيرتات 3 كفاية
بطانيتين
لحاف

mashimaro16;11156400:
بصو الشنطه انا قولت ححط ايه فيها وقولولى ايه اللى ناقص

للام :
4 اندر وير
2 بنطلون قطن
قميص نوم
روب
برا
ايشارب
شبشب
فوطه كبيره وفوطه صغيره
فرشه ومشط
اسبراى
مناديل كلينكس
صابونه ( شاور جيل )
كمبييليزوون ( مش عارفه بيتكتب ازاى بدل التى شيرت من تحت الفانله يعنى علشان حتبقى ضيقه من فوق )
فوط صحيه ( ولاده - عاديه )
شرابين



البيبى :

10 بامبرز ( مش عارفه ليه )
كوفرته
بطانيه
طقمين للنونو كل طقم فى كيس ويحتوى على :
طاقيه- قفاز - سالوبيت خروج - شايه بكم - شايه بنص كم - شايه كت - شراب - بنطلون داخلى - بافته

كارسيت
لوشن- بيبى اويل- سائل استحمام - شامبو

تتينه
ببرونه
2 فوطه


قولولى لو حاجه كتيره ولا ملهاش لازمه قولولى اشلها

اه خلى بالكم من حاجه
خدو معاكم البطاقه بتاعتكم وبتاعت جوزو وقسيمه الجواز فى حاله البطاقه مش متغيره لزوجه وزوج والكلام ده

كفاية شاية بكم وواحدة بنص يا مونى

CuTie KaTkOoTa;11156419:
البيبي بقي هاخد شايتين كت وشايتين كم وبنطلونين داخلي وسالوبيت خروج بس لسه محددتش انهي واحد فيهم، بس لو رجله مفتوحة هاخد شراب لو لأ يبقي خلاص والبورت وبطانية بردو عشان لو هنيمه علي السرير الاول شوية قبل ما نخرج به يعني وطاقية والبامبرز والتيتينة ولسه بفكر بقي في موضوع ادوات التنظيف دي لما يجوا يحموه، بس مش عايزة اخد حاجاتي عشان متتبهدلش ولا تضيع، حماتي بتقولي مش لازم هما بيتصرفوا وانتي هنا بقي تيجي علي رواقة كده تظبطي الدنيا، وزمان فعلا بتهيألي مكنوش بياخدوا معاهم الحاجات دي، لسه بفكر يعني. وفوطة قشط وفوطة كبيرة والمشمع

خدى حاجتك معاكى يا كتكوتة احسن و هيرجعوهالك وبلاش 4 شايات كتييييييير قوى

*حبيبة حبيبي*;11156462:
يا نهار ابيض ع الموقف
انا حصللي موقف انقح
كان يوم صباحيتي ولسه خالو ماشي من عندي قفلنا الباب واكيد اتدلعنا شويه
والدلع كبر حبتين واحنا عايشين حياتنا خالص اسمع صوت مرات عمي في نص الطرقه بتقولي بتعملوا ايه
هههههههههههههههههههههههههه
هي الحمدلله ماشافتناش بس طلع باب الشقه بيرجع لازم اقفله جامد
ولحقنا نفسنا ونلبس الهدوم بالمشقلب ونخبي الباقي تحت الكنبه وكان موقف مسخره
احب اقولكم انها ماكنتش مرات عمي لوحدها دي كانت عيلة بابا كلها :)
بتحطوا نفسكو في مواقف بايخاااااااااااااااااااااااااااه هههههههههههههههههههههه

يا نهااااار احراااااااااااااااااااج

كوباية مايه;11156467:
:085::085::085::085: حلوه بخاف تطلع غاليه دى هههههههههههه

انا مشكلتى ان المقاس مش موجود لما زهقت والله

طيب سؤال
يعنى ايه قميص ؟؟ قميص نوم يعنى ولا قصدك جلابيه نوم
اصل لو قميص نوم قماشته هتبقى تلج علينا فى الجوا دا

ثانيا هو فى اولويز مخصوص للولاده ولا اجيب من اللى فى الصيدليه عادى؟؟؟


اه بالنسبه للمشط والمرايه دول اول حاجه جيتهم من اول الحمل اصلا ههههههههههه

اموت انا فى الانتكه ههههههههههههههههه :013::013::013::013:


طيب قوليلى هتعملى سويت امتى؟؟




ههههههههههههههه اشقيه اوى هههههههههههه




ايوه انا عندى كل دا بس زياده بقى وجع كدا فى جنابى وبينزل على بطنى من تحت اوى كدا وفى وجع بيسمع لفتحة الشرج كدا كمان

فى قمصان نوم قطيفة و بزراير او سوتة و خامتهم حلوة و تقيلة يا بسبس هاتى منهم

و الاولويز العادية بتنفع متقلقوش والله

dandona we bas;11156499:
يخرب عقلك يا هدير يالهوي عليكي ههههههههههههههههههههههه لا انا جوزي الحمدلله عنده عقدة لازم يقفل الشبابيك و الستاير كويس جدا وقتها ههههههههههههههههههههههه

انا كمان جوزى لو فيه خرم يحس ان الناس بتراقبه من الخرم ده :057:

dandona we bas;11156507:
الملابس الداخلية بتكون ازاي يعني مش فاهمة شكلها ايه و هل بتفرق من ولد لبنت

شايات يعنى يا مورور و مفيش فرق بين الولد و البنت بس ساعات بتبقى عليها خياطة بينك للبنت و لبنى للولد دلع يعنى مش اكتر

CuTie KaTkOoTa;11156533:
:047::047::047::047::047::047::047::047:



اه جلابية او قميص شتوي يعني لازم عشان الجو اصلا برد وكمان احنا هانبقي بردانين بزيادة عن اي حد ولازم نتدفي كويس مش هانبقي حمل ناخد دور برد خالص، واخت صاحبتي بتقولي خدي معاكي ملاية بتاعتك بردو احسن
بصي اغلب البنات جابوا نوع اسمه لوتس مخصوص للولادة اه، انا جبته من محل بتاع جملة بتاع ورقيات واطباق ومناديل وكده وبامبرز، وفيه جزء تانية جاب بيبي هاندي.

مستنية اروحلها بس واشوف الظروف ايه، بس بما اني مش عارفة هايبقي فيه كشف المرة الجاية دي ولا لسه، فهعمل احتياطي تحت ورجلي كده واكمل الباقي بقي بعدين :057::057::057::057:

غالبا قبل كشف النسا بتقولك عشان تبقى منستعدة مش بيكون فجأة

sally2007;11156799:
امبارح دخلت محل لبس اطفال هنا حبيت اتفرج عليهم
لقيت شوية حاجات كنت هموت والبسهم انا من جمالهم اده يابنات حاجات تعقد

ازيك ياسالي انتي فكراني ولا لا
انتي ساكنه في بنها ولا سكنتي في مكاان تاني

CuTie KaTkOoTa;11156829:
:ok::ok::ok::ok::ok: تمام عليكي يا كوكو كنت هقول كده بردو والله، م100% عليكي بجد ما شاء الله

:02::02::02::02::02::02:

miko85;11156836:
يعني اوطي عليها خالص ولا ايه
بعدين انا طلعت معايا غربيه جدااا اترحقت من الجناب تفتحي جوا تلاقي عجين
وفي جنب علي خالص وجنب قاعد واطي
عارفه العيب من الوبتجاز اصلا
ينفع اوطي عليها وخلاص

يا بطه بصى مدام من على الجناب استوت ومن جوا عجين يعنى النار كانت عاليه عليها فا كنتى وطيتى عليها وسيبتيها تتستوى

انتى بصى هقولك مش توطى عليها اوى لا فوق الواطى اوى بشويه وسيبيها بقى متفتحيش عليها غير بعد 30 دقيقه

عبد الله من امبارح كل ما ارضعه حبه صغيرين يروح يرجعهم رغم ان مش باكل شطه ولا حاجه تبوظ اللبن ومعندوش برد بس منخيره مخنفره واللحميه وكده

جزاك الله خير يا هدى وربنا يخليلك بلبله يارب يارب يارب
قوليلى الحلق الطبى بكام
وايه لزمه الزينك والوايبس دا ايه معلشى

انا مش مبيناله انا ناوياله علي ايه
ساكته ومستحلفاله ومش قايلاله ساكته ليه
خليه يشوف بعنيه ايه اللي ناويه عليه
هخليه يخاف من خياله لما اغيب يوم عن عينيه
،،
خليه يدور عليا كل شويه ومايلاقنيش
خليه يتعب شويه يحلم بيه ومايشوفنيش
مش هجري تاني عشان غلبت معاه
وعن نفسي هعود نفسي من دلوقتي مايوحشنيش

كان فى دكترة كتير بتقول ممكن تكونى بترضعيه كتير
وكمان ممكن يكون بياخد كفايته والباقى بيطرده عادى

mira2005m;11156841:

جوبت مسابقة مورو

انا قررت اجيب السرير مع انى مش كنت عايزة اجيبة

المهم هنزل اشتري شوية حاجات اخبيهم عند ماما

هحيب السرير والعربية اجيبهم منين

والاسعار اخبارها اييييييييييية

انا جايبه السرير ب 370 جنيه بس حلو اوى ومبطن ومعاه مخده وحلو اوى بصراحه واه بيتقلب من تحت مرجيحه



هدى تسلميلى يا قمره يارب ويخليلك لولى وتشوفيها عروسه يارب

أجمل ايام العمر;11156843:

و دخلت اوضة العمليات على رجلى خرجت فوقت فى اوضتى و حضنت لولى عقبالكم كلكم و فجاة وواله وانا فى البنج و من غير ما احس ولا اشعر انا كنت شبه نايمة و انا بفوق من البنج و مغمضة نص عينى حكولى انى و انا بفوق رحت مطلعة صدرى و مرضعة لولى و كان فى الاوضة حمايا و ابويا و الدكتور و كلهم اتفاجأوا من ردة فعلى دى

التيست ممكن يغلط انه يطلع انه مفيش حمل و يكون فى حمل

لكن العكس مستحييييل طالما خطين يبقى ان شاء الله باذن الله اكيد حامل

خدى حاجتك معاكى يا كتكوتة احسن و هيرجعوهالك وبلاش 4 شايات كتييييييير قوى

غالبا قبل كشف النسا بتقولك عشان تبقى منستعدة مش بيكون فجأة

يالهوووي علي الفضايح يا دودو وكل دول اتفرجوا عليكي :085::085::085::085:

انا مش قصدي البسها 4 شايات فوق بعض ، لأ انا قصدي يبقي فيه معايا غيارين يعني طقمين، واحد تلبسه ساعتها والتاني احتياطي وكل ده بتكلم علي اساس لو ولادة طبيعية ومفهاش بيات فهمتيني، يعني هي هتلبس شايتين بس.
وبالنسبة للتيست انا قصدي انها لازم تعمله عشان كده كده الدكتورة هتطلبه.
وكشف النسا بقي انا كنت حاطة في دماغي كده بس البنات هنا خوفوني عشان لقيتهم بيعملوه في اول التاسع مش نصه، وانا بكرة اول يوم في التاسع ان شاء الله وميعادي معاها وهي مقلتليش علي حاجة، فعشان كده مقلقة يكون فيه وهي مقلتش.

ازيك ياهدي عامله حلوه ااوي انك طلعتي صدرك واديتهله قادم الناس ده كلها

صوت العيون;11156897:
جزاك الله خير يا هدى وربنا يخليلك بلبله يارب يارب يارب
قوليلى الحلق الطبى بكام
وايه لزمه الزينك والوايبس دا ايه معلشى

انا لقيت كذا سعر عشان فيه صيني وفيه انجليزي وفيه الماني وانا جبت الوسط الانجليزي ب 10

الزنك والوايبس عشان لما تغيري للبيبي هناك او بره البيت بصفة عامة يبقي معاكي وايبس دايما احتياطي عشان مش هتعرفي تاخدي راحتك زي البيت.

طيب يابسبس معلش تعبتك معايا طيب ال خلاها ماتعلاش طيب
المره الجايه ماعني اتعقدت وعلي فكره انا عقبال ماروحت بعد 30 دقيقه كانت اتحرقت
وعلي فكره انا سبتها 30 دقيقه وبردو كانت نيئه

اه بالنسبه للرضاعه

انا الموضوع دا واجع دماغى اوى

انا قررت انى مش هرضع بطوطى خالص ان شاء الله قدام حد

لو عايز يرضع اخده وارضعه فى اوضه لوحدينا

عشان بجد اكتشفت ان كل ما واحده تيجى ترضع بنتها او ابنها تلاقى الناس بتبص عليهم بجد وبحس ان مفيش حاجه بتمرى على العيل

وساعات بيقعدوا يعلقوا ويقلولك هو ايه مش هيخلص
ولا كل دا بترضعيه ولا الكلام الغريب دا


انا يا هدى مقصدكيش انا فاهمه ان غريزه الامومه وكدا ساعة المستشفى وانك مكونتيش فى وعيك وكدا

انا اقصد فى العادى لما نكون مثلا فى قعده ومتجمعين كدا والاقيلك الست تروح مطلعه صدرها وترضع بيبقى شكله مش لطيف خالص

مش عارفه انتوا رأيكم ايه

والحلق الطبي مين ال بيخرمها ودنها طيب

كوباية مايه;11156953:
اه بالنسبه للرضاعه

انا الموضوع دا واجع دماغى اوى

انا قررت انى مش هرضع بطوطى خالص ان شاء الله قدام حد

لو عايز يرضع اخده وارضعه فى اوضه لوحدينا

عشان بجد اكتشفت ان كل ما واحده تيجى ترضع بنتها او ابنها تلاقى الناس بتبص عليهم بجد وبحس ان مفيش حاجه بتمرى على العيل

وساعات بيقعدوا يعلقوا ويقلولك هو ايه مش هيخلص
ولا كل دا بترضعيه ولا الكلام الغريب دا


انا يا هدى مقصدكيش انا فاهمه ان غريزه الامومه وكدا ساعة المستشفى وانك مكونتيش فى وعيك وكدا

انا اقصد فى العادى لما نكون مثلا فى قعده ومتجمعين كدا والاقيلك الست تروح مطلعه صدرها وترضع بيبقى شكله مش لطيف خالص

مش عارفه انتوا رأيكم ايه

معاكي يابسبس بجد
عارفين انا عيلتي كلها مارضتعش طبيعي كل صناعي ال هما ماما وخلاتي يعني اخواتي صناعي لدرجه اني كنت فاكره لحد وقت قريب ان ال بيرضعوا طبيعي دول مش معاهم فلوس يجبوا لبن وببرونه بيرضعوا من صدرهم هههههههه

هو البيبي لما بتسجل اسمه لازم الاب ياخده معاه كدليل ولا مش لازم

miko85;11156949:
طيب يابسبس معلش تعبتك معايا طيب ال خلاها ماتعلاش طيب
المره الجايه ماعني اتعقدت وعلي فكره انا عقبال ماروحت بعد 30 دقيقه كانت اتحرقت
وعلي فكره انا سبتها 30 دقيقه وبردو كانت نيئه

يا روح قلبى افهمينى

هى متحرقتش هى اخدت بس لون من الحراره العاليه اللى حواليها من بره ومكنتش الحراره دخلت جوا بالمده الكافيه انها تسويها فهمانى؟؟؟



واللى خلاها متعلاش بعد 30 دقيقه ان حضرتك معليه النار اوى اوى فا اتصدمت من بره واخدت اللون وبس ملحقتش بقى توصل ل 30 دقيقه تسويه من جوا

يعنى اخدت 30 دقيقه من بره على اساس انها متعرضه مباشرة للحراره واللى جوا اللى محتاج وقت عقبال ما توصل للنتيجه دى مخدش وقته فا عشان كدا اتحروقت من بره ومن جوا لا


هقولك مثال : مش فى ناس بتعمل قهوه حلوه وناس بتعملها بنفس الطريقه وتطلع وحشه؟؟

ايه الفرق

هتلاقى الحلوه اتعملت على نار هاديه فا حبوب القهوه من جوا استوت على الهادى واخدت وادت فى المايه ونقعت فيها اكتر فا لما تيجى تشربيها تلاقيها حلوه وسخنه وليها وش حلو

انما الوحشه هتلاقيها عشان اتعملت على السريع على نار عاليه فا القهوه مستوتش وادوب بس المايه من بره غليت وبان انها اتعملت وخلاص

ولما تيجى تشربيها هتلاقيها من جوا مش سخنه زى ما وش القهوه سخن

دا بالظبط اللى حصل عندك انها وشها استوى بس ملحقتش تستوى كمان من جوا

فهمانى؟