حامل تحت الاضواء .. دعوه للجميع شاركونا ..

نوراااااان;11276094:

الله يخلي لج بناتج وتشوفينهم عرايس
او ل سؤال عند اي مستشفى تولدين بناتج ومن احسن دكتورة ولدتي عندها؟؟
وشنوا النصايح اللي توجهينها لكل بكرية من ناحية الاكل والتجهيزات للبيبي من متى وشنو الاشياء اللي لازم تبتعد عنها الحامل ؟؟
واخيرا شنو السلبيات اللي في زوجج؟؟
ومشكورة حبيبتي ولي رجعة مع باقي الاسئلة تحملي
ههههه
الله يعينج

ولدت في بنتي الاولى في عيادة الدوحه عند دكتوره مها و دكتور عمرابو زينب اما الثانيه في مستشفى حمد ودكتورتي(سميره الحساني) ولأنها استشاريه فماحضرت..وعلى حظي الممرضات كانوا ممتازين ..
هالمره انا اتابع عند استشاريه ثانيه اسمها (دكتوره رفاه -عراقيه ـ) لأن د. سميره طلعت من البلاد ..
لحد الحين اشوفها زينه هالدكتوره


انصح الحوامل يبتدون يجهزون من السادس تقريبآ وشوي شوي علشان لا تضغط على زوجها فالميزانيه وغير انها تتوقع يصير ظرف وتحصل ولاده مبكره ..
وتحط في بالها تكون مخلصه تجهيزاتها في نص الثامن
بالنسبه للأكل ..حلو تطلبين خفايف سندويشات صغيره وميني سويت وعصاير وشاي وقهوه ..
انا لما اروح ازور وحده والده احب اكل شوي على خفيف ..وماأحب ان مايتقدم لي شي احس انها مب مقدرتني ..ولا ان يكون الاكل وااايد (عيوش ولحم واكلات دسمه ) ..

وانصح الحوامل انهم مايبالغون في تجهيزات البيبي ..يعني يتشرون حق اول الشهور بس ..الاحظ البنات في تجمعي ماشاءالله عليهم يشترون اغراض في عمر 3-6 و 6-9 ولين سنه ...
لاحقه على المشترى ،،انتي بعد الاربعين ويمكن قبل بتملين من قعدة البيت وبتطلعين تغيرين جو ..
فركزي الحين على الاغراض اللي بتحتاجينها في اول شهرين من بعد الولاده


زوجي متغير المزاج ..يعني مثلآ يكون مستانس ونطلع ونغير جو وفجأه اذا مكالمه ولا موضوع ضايقه يتغير المزاج ويرجعنا البيت ..بس المزايا اللي فيه تغطي على عيوبه :086:

موناليزااا;11278846:

كتكوته منورة حبيبتي

من من العضوات الي مو صديقاتج بتشد انتباهج وتعجبج شخصيتها خخخخخخخخخخخخ في المنتدى ؟؟؟

شنو أحلى وصفة حلاوة سويتهااااا عشلان اتعلمهاا ؟؟

أحلى أسم بنت عندك ؟؟
أحلى أسم ولد عندك ؟؟

تعجبني daisy ash اتابع كل مواضيعها ..احس شخصيتها قريبه من شخصيتي ..
و هالايام لافته نظرى الاخت هند بأطباقها الحلوه ..


فيه وصفات واايد ..دخلي شوفي موضوعي ..عندج حلوى الحليب اللي مااقاومها والكب كيك بالفروستنغ جربيه كان روعه بس من تنسيت عالكب كيك ماحب حتي اشم ريحته ..

احلى اسم بنت ،،اممممممممم هالايام داش مزاجي اسم العنود ومها وخاطري اسمي اسم من هالاسمين ..
فيه اسامي وايد تعجبني بس مجتمعنا مايتقبل هالاسامي يتطنزووون :085:

احلى اسم ولد ..فهد وعبدالعزيز وعبدالله وعبدالرحمن وسعود

كتكوته نايمه;11279079:
ولدت في بنتي الاولى في عيادة الدوحه عند دكتوره مها و دكتور عمرابو زينب اما الثانيه في مستشفى حمد ودكتورتي(سميره الحساني) ولأنها استشاريه فماحضرت..وعلى حظي الممرضات كانوا ممتازين ..
هالمره انا اتابع عند استشاريه ثانيه اسمها (دكتوره رفاه -عراقيه ـ) لأن د. سميره طلعت من البلاد ..
لحد الحين اشوفها زينه هالدكتوره


انصح الحوامل يبتدون يجهزون من السادس تقريبآ وشوي شوي علشان لا تضغط على زوجها فالميزانيه وغير انها تتوقع يصير ظرف وتحصل ولاده مبكره ..
وتحط في بالها تكون مخلصه تجهيزاتها في نص الثامن
بالنسبه للأكل ..حلو تطلبين خفايف سندويشات صغيره وميني سويت وعصاير وشاي وقهوه ..
انا لما اروح ازور وحده والده احب اكل شوي على خفيف ..وماأحب ان مايتقدم لي شي احس انها مب مقدرتني ..ولا ان يكون الاكل وااايد (عيوش ولحم واكلات دسمه ) ..

وانصح الحوامل انهم مايبالغون في تجهيزات البيبي ..يعني يتشرون حق اول الشهور بس ..الاحظ البنات في تجمعي ماشاءالله عليهم يشترون اغراض في عمر 3-6 و 6-9 ولين سنه ...
لاحقه على المشترى ،،انتي بعد الاربعين ويمكن قبل بتملين من قعدة البيت وبتطلعين تغيرين جو ..
فركزي الحين على الاغراض اللي بتحتاجينها في اول شهرين من بعد الولاده


زوجي متغير المزاج ..يعني مثلآ يكون مستانس ونطلع ونغير جو وفجأه اذا مكالمه ولا موضوع ضايقه يتغير المزاج ويرجعنا البيت ..بس المزايا اللي فيه تغطي على عيوبه :086:

نوراااااان;11281431:

مشكورة حبيبتي ع الرد ادري تعبتج معاي بس يالله تحملي شوي عشان نستفيد :037::037:
بصراحة انا مستانسة انج من نفس دولتي عشان جيه بهريج بكثر الاسئلة سؤالي لج انا الحين اراجع من حملت عند عيادة خاصة ولا مرة رحت للحكومي من متى اروح للحكومي؟؟ وهل ع طول اروح لمستشفى حمد؟؟ او لازم اروح للمركز التابع لمنطقتنا اول
سامحني ع هالاسئلة بس شسوي تعرفين اول حمل ماعرف اي شي :040:

يا هلا فيج بنت بلادي :ok:
بالعكس اخذي راحتج فالاسئله عادي ،،
شوفي انا بديت اراجع يمكن من نص الخامس ،،قبلها كنت اتطمن عالبيبي عن طريق لاالترا ساوند عند د،مريم سلمان ..
سمعت ان مستشفى حمد العيادات الخارجيه يبتدون يراجعون ويا الحامل من السابع وقبلها تراجع في اقرب مركز صحي ..بس انا يوم رحت سويت موعد في العيادات الخارجيه في نص الخامس ماقالوا شي ،،وشفت الدكتوره وكل شي تمام ،،
هم ليش يقولون جذيه !! لآن فيه حوامل حملهم مستقر وماعندهم مشاكل فمايحتاجون يتابعون من بداية الحمل في العيادات الخارجيه ،،،ومنها يخففون الضغط هناك ..
انا ماقوللج اني واايد مرتاحه عالحكومي..بالعكس مرات افكر اروح الاهلي عند رزفي ،،بس عقب ماسمعت ان عندها زحمة اكثر ..قلت خليني مكاني ابركلي ،،
وبالنسبه للمواعيد في العيادات الخارجيه ..بالتلفون تتصلين تسوين لج موعد ..وطبعآ مواعيدهم دايمآ بعد شهر وزود ..مايحتاي تروحين المركز ،

هلا والله بكتكوتة !!! :025:

اول سؤال : لما ربيتي اول وثاني مرة رحتي عند امج فترة النفاس ؟؟ اذا رحتي شكثر قعدتي عندها ؟؟ وهل بتروحين عندها هالمرة بعد ؟؟

ثاني سؤال : شنو تنصحين الحوامل هل يقعدون في بيتهم فترة النفاس والا يروحون عند اهلهم يهتمون فيهم اكثر ؟؟ اذا يروحون شكثر يقعدون؟؟

ثالث سؤال : لين اي شهر تخليين بناتج وياج في حجرة النوم قبل لا ترقدينهم بحجرهم ( لأي عمر يعني ) ؟؟ وهل بطبقين نفس الفترة على البنوتة الجاية انشاءالله ؟؟ وهل الخدم او انتي قريبين من حجرهم النوم ؟؟

كل سؤال فيه ثلاث :037:

Gahadaa;11294348:
هلا والله بكتكوتة !!! :025:

اول سؤال : لما ربيتي اول وثاني مرة رحتي عند امج فترة النفاس ؟؟ اذا رحتي شكثر قعدتي عندها ؟؟ وهل بتروحين عندها هالمرة بعد ؟؟

ثاني سؤال : شنو تنصحين الحوامل هل يقعدون في بيتهم فترة النفاس والا يروحون عند اهلهم يهتمون فيهم اكثر ؟؟ اذا يروحون شكثر يقعدون؟؟

ثالث سؤال : لين اي شهر تخليين بناتج وياج في حجرة النوم قبل لا ترقدينهم بحجرهم ( لأي عمر يعني ) ؟؟ وهل بطبقين نفس الفترة على البنوتة الجاية انشاءالله ؟؟ وهل الخدم او انتي قريبين من حجرهم النوم ؟؟

كل سؤال فيه ثلاث :037:

سؤالج ياغاده وايد مهم ..
شوفي ... في بنتي الاولى قعدت في بيت اهلي تقريبآ 30 يوم وزوجي تبهدل مسكين لأنه بروحه فالبيت ،،وفي الثانيه كنت حاطه فبالي مااطول وعلى حظي هم كانوا يبون يسافرون عاشر يوم من بعد الولاده فرجعت البيت ..صراحه واااايد اريح اذا انتي مربيه من قبل ...بس اذا بكر مانصح ..لأن البيبي بيكون وااايد صغير لحمه والام ماعندها خبره فلازم حد يساعدها بس لا تطوول ..اذا حست انها قاده تعتني فالبيبي بروحها ترجع عند زوجها..
انا في الثالثه ناويه اقعد في بيتي عند عيالي ..مابيهم يتلتهون ،،وخاصه بنتي اللي تروح المدرسه ...بعيده مدرستها عن بيت هلي ،،
والاهم الزووووووج المسكين اللي يتلته ومايعرف شيسوي وقت اللي الوالده تكون فبيت ابوها ...لالالا ..ان شاء تاه بقعد في بيتي ..وخواتي اذا يبون ،،يجوني يباتون عندي اذا يبون ..


وجواب السؤال الثالث هو ..بنتي فطومه من بعد السنه ونص طلعتها من الغرفه ...وحطيتها في غرفه قريبه مني ..
وميمي ماقدرت اطلعها لازقه فيني لزقه ..لين ماصار عمرها سنتين ..فاضطر ارقدها معاي فالسرير وعقب لين نامت احطها في سريرها في غرفتها ..
الثالثه بشوف شلون مزاجها الاخت ..بتكون عنيده مثل ميمي ولا مطيعه مثل فطومه ههههههههههه

مرحبا كتكوتة مرة ثانية..

عادات النفاس تتشابه لحد كبير في دول الخليج والأكل الخاص لها اللي يسوونه معروف عند الكثير..
مثلاً احنا في البحرين يسوون شي اسمه "رشوفة" مثل الجلاب تقريباً يحطون فيه دارسين وحب رشاد وحلبة وبيض وطحين ويكون حلو وحار بنفس الوقت.. والعصيدة يعتقدون انها تقوي ظهر الحامل.. الخ..

شنهي عاداتكم انتوا في قطر؟

انا عانيت في فترة نفاسي ببنتي ان الدم ما انقطع عندي بعد العشر أيام.. فاضطريت اغتسل كل يوم حق الصلاة لمدة أكثر من شهر.. هالمرة افكر اسرع من نزول الدم حق افتك سريع وما اتغربل مثل ذيك المرة..

وش تعتقدين الأمور اللي تسرع ان الوحدة تطهر من دم الاستحاضة اللي يجيها بعد النفاس؟


هل تشجعين الذهاب للمراخة في النفاس وفي الحمل؟

امممم.. هذا اللي ببالي الحين.. بعدين برجع لج اذا جا ببالي شي ثاني..

هلا والله بكتكوتة :025:
اولاً مشكورة على الإجابات الحلوة وكلامج صح 100% وانا انشاءالله بسوي مثلج :014:

وثانياً انا رجعت مع اسألتي :037:

س: ممكن تقولي لنا اذا عندج اي تجارب مع ابرة الظهر ؟؟ وشنو انطباعج عنها ونصيحتج لنا ؟؟ وبس :087:

بنت الاصايل;11298598:
مرحبا كتكوتة مرة ثانية..

عادات النفاس تتشابه لحد كبير في دول الخليج والأكل الخاص لها اللي يسوونه معروف عند الكثير..
مثلاً احنا في البحرين يسوون شي اسمه "رشوفة" مثل الجلاب تقريباً يحطون فيه دارسين وحب رشاد وحلبة وبيض وطحين ويكون حلو وحار بنفس الوقت.. والعصيدة يعتقدون انها تقوي ظهر الحامل.. الخ..

شنهي عاداتكم انتوا في قطر؟

انا عانيت في فترة نفاسي ببنتي ان الدم ما انقطع عندي بعد العشر أيام.. فاضطريت اغتسل كل يوم حق الصلاة لمدة أكثر من شهر.. هالمرة افكر اسرع من نزول الدم حق افتك سريع وما اتغربل مثل ذيك المرة..

وش تعتقدين الأمور اللي تسرع ان الوحدة تطهر من دم الاستحاضة اللي يجيها بعد النفاس؟


هل تشجعين الذهاب للمراخة في النفاس وفي الحمل؟

امممم.. هذا اللي ببالي الحين.. بعدين برجع لج اذا جا ببالي شي ثاني..

عاداتنا تقريبآ نفس عاداتكم ..
بس التسميه غير ..
احنا نسميها (حسو) امي تسويلي اياه وانا فالمستشفى ،،وعادة الناس اللي يجون يقدمون لهم منه ..
انا شخصيآ احب اكله اذا بزور وحده والده ..
وتسويلي في هالفتره كبده بدبس الرمان عشان الدم ..بس ماظن هي عاده عندنا ..بس امي تسويها لي لأن دمي يكون ناقص ،،
تبين الصج انا ماالتزم وايد بالعادات والتقاليد ..ولا اروح حق مراخات ولا شي ..بس اكتفي بلبس شي ضاغط على بطني ..واذا مااتحملته افصخه ماقدر ..احاول اني اشرب سوائل وايد عشان يدر الحليب ..وادفي جسمي (ماالبس قصير) واحاول ماخربط فالاكل ..اركز عالشوربات اول الايام وعقب ابتدي نظام غذائي عشان يخف وزني شوي ..

كثري من السوائل الساخنه مثل الدارسين عشان رحمج ينظف ،،مرات الوالده تطول اكثر من عشر ايام ..عااادي واجب عليج تغتسلين قبل كل صلاه او مره وحده فاليوم على حسب درجة الاستحاضه عندج ..

Gahadaa;11309290:
هلا والله بكتكوتة :025:
اولاً مشكورة على الإجابات الحلوة وكلامج صح 100% وانا انشاءالله بسوي مثلج :014:

وثانياً انا رجعت مع اسألتي :037:

س: ممكن تقولي لنا اذا عندج اي تجارب مع ابرة الظهر ؟؟ وشنو انطباعج عنها ونصيحتج لنا ؟؟ وبس :087:

هههههههه عادي اخذي راحتج
انا تحت الاضواء هالفتره !!:037:

الصراحه ماجربت ابرة الظهر ..ماحتجتها الحمدلله
في ناس يمدحونها وناس لين الحين يعانون من الام الظهر بسبة ابرة الظهر ..
نصيحه توكلي على الله وخليها عالتساهيل
الله يهون عليج وعلينا :072:

مراحب
مدري شسألج؟؟؟؟؟
من يجي السؤال بالي اسألج عود حبيت بس اشارك
:065::065::065:

تسلمين حبيبتي ..
استانست صراحه بأسألتكم
اختار( بنت الأصايل )

كتكوته نايمه;11326976:
تسلمين حبيبتي ..
استانست صراحه بأسألتكم
اختار( بنت الأصايل )

شكراً حبيبتي ام فاطمة على هالاختيار!:087::065:
وأقدر لج هالثقة الحلوة اللي سلمتيني اياها عزيزتي..

وأرحب بكل الأسئلة من الأخوات العضوات.. ويا رب تعجبكم إجاباتي اللي راح أجاوبها بإذن الله..

نبتدي باسم الله الرحمن الرحيم..

السؤال الاول :
عرفينا عنك :هويتك الشخصيه ؟؟
أختكم أم معصومة من مملكة البحرين..
متخرجة من كلية العلوم الصحية قسم الصحة العامة وحالياً ربة منزل انتظر قبولي في وزارة الصحة ان شاء الله والحمدلله ان حملي جاء في هالفترة قبل لا أتوظف وأنشغل!

السؤال الثاني :
كم سنه مرت على زواجك وكم عدد اطفالك ؟
أنا انخطبت تاريخ 5/5/2005..
وبعدها بسنة تزوجت.. يعني باقي شوي وأكمل 4 سنوات من زواجي بإذن الله..
عندي طفلة واحدة عمرها سنتين و5 شهور.. وأنتظر الحين مولودي الجديد اللي راح أولده في شهر مايو ان شاء الله من هالعام..

السؤال الثالث :
كم كان عمرك بأول حمل لك؟
كان عمري 22 سنة لما ولدت بمعصومتي..

ما هي هواياتك ؟
هواياتي هي تصفح النت وخاصة موقع عروس اللي استفدت منه وايد من قبل لا أنخطب لين انخطبت وتزوجت وحملت وربيت.. يعني عمر ويا هالمنتدى قولوا ما شاء الله..
وكتابة الشعر والخواطر والقصص..
والمطالعة بشكل عام.. وأحياناً أحب ادخل المطبخ لعمل أطباق جديدة آخذها من المنتدى والنت والكتب!

واخيرا:
نصايح بتقدميها للحوامل...
أنصح كل حامل بالتغذية الصحية ومتابعة نصائح الخبراء والمختصين والمجربات..
وتبعد الوساوس والشكوك والهواجس اللي تصيب كل حامل عشان ما تتعب نفسيتها وتتعب صحة جنينها..
والإكثار من الدعاء وقراءة القرآن والاستغفار.. وتطهير طعامها من كل شبهة حتى ينولد لها طفل سليم ذكي مثل ما تتمنى هي وزوجها..
لأنها هي المسؤولة بالدرجة الأولى عن تكوين جسم هالطفل بدءاً من ليلة عقد النطفة بل من قبلها أيضاً إلى أن يكمل السنتين إذا قررت ترضعه رضاعة طبيعية..

ما شااااااااااااء الله بنت الأصايل تحت الأضواء

بنات تجمعنا :03:

اول شي حبيت اباركلج وبرجعلج بالأسئلة انشاءالله :025:

وووووووي فشلة واحبااااااااط!
محّد سأل ولا شي.. لهالدرجة ........:thumbs_down::confused:

أما انا صج رزيله رشحتج وماسئلتج ولا سؤال !!:094:

هل حاطه في بالج تحديد عدد اللي بتجيبينهم ..ولاعادي عندج لو جبتي 6 ولا سبعه من الاطفال ؟

بما ان بنوتج عصومه دلوعة امها وابوها والوحيده مهدتيلها ان في بيبي جاي فالطريق ..وشنو ردة فعلها ..حابه هالشي ولا غيرانه ؟؟

شنو جهزتي للبيبي ولج لحد الحين ؟؟

كتكوته نايمه;11352177:
أما انا صج رزيله رشحتج وماسئلتج ولا سؤال !!:094:

هل حاطه في بالج تحديد عدد اللي بتجيبينهم ..ولاعادي عندج لو جبتي 6 ولا سبعه من الاطفال ؟

بما ان بنوتج عصومه دلوعة امها وابوها والوحيده مهدتيلها ان في بيبي جاي فالطريق ..وشنو ردة فعلها ..حابه هالشي ولا غيرانه ؟؟

شنو جهزتي للبيبي ولج لحد الحين ؟؟

والله صج احرااااااااااج.. مادري وش السالفة.. هو محد يمر يشوف الموضوع ولا ما عجبتهم الضيفة الجديدة:040::091:

بالنسبة لأسئلتج قلبو..

هل حاطه في بالج تحديد عدد اللي بتجيبينهم ..ولاعادي عندج لو جبتي 6 ولا سبعه من الاطفال ؟
انا اول ما تزوجت كان خاطري بـ4.. وعاد تمنيتهم بنتين وولدين.. هههه كأن السالفة بيدي.. بس جربت الحمل الأول كان سقطت وحملت في بنتي معصومة من غير ما ارتاح.. عانيت من آلام في الظهر وايد.. واكتشفت ان الحمل أصلاً مو سهل.. لأني من النوع اللي اوتوحم بقوة وبعدين يخف عندي الوحام بس ما يروح لين اولد.. تخيلي 9 شهور من عمري تمر وانا اعاني.. يعني قرابة سنة.. لو بتحسبينها على 4 ولادات يعني في حدود 4 سنين هههههه.. صج عذاب!

قلصت العدد الى 3 حالياً ههه.. اتمنى يكونون بنتين وولد.. مع ان زوجي بعد يوم شاف حالتي شلون اصير.. يقول دامج حامل بولد وعندنا بنت انا مكتفي بالاثنين..

هذا كوم والتربية كوم ثاني.. ربي بس يعين!!!
الحين نقول 2 والله العالم عقب سنة يمكن يتغير الحال ونفكر نجيب الثالث .. بس ما اعتقد اكثر..

بما ان بنوتج عصومه دلوعة امها وابوها والوحيده مهدتيلها ان في بيبي جاي فالطريق ..وشنو ردة فعلها ..حابه هالشي ولا غيرانه ؟؟

طبعاً لازم نمهد لها الموضوع.. وهي ما شاء الله تحب اليهال وايد فديتها.. وموعد ولادتي قرب.. من جذي لازم ما نفاجئها بالأمر مرة وحدة.. حق ما تصيدها ردة فعل عكسية تجاه الموضوع..

والله شقول لج عن ردة فعلها الحين.. ساعات احسها متحمسة ومستانسة وساعات لين شافت ابوها يلمس بطني او يمسح عليه يقول لها في دادو.. تغار شوي!!!
لين يجي مادري وش بيكون شعورها..

شنو جهزتي للبيبي ولج لحد الحين ؟؟
على قولتج دايماً احنا في آخر اللستة.. ننسى نفسنا ونبدأ بعيالنا..
وحتى البيبي فديته بعدي ما جهزت له بجدية.. اللهم الا اشياء بسيطة.. لأني راح استفيد من اغراض بنتي اللي اقدر استعملها.. ويبقى لي اشياء بسيطة ملابس وجذي.. باخذهم على راحة..
وتعلمت من تجهيزي لعصوم ان الاسراف والهبل اللي يصيدنا واحنا نشتري ما له داعي.. من يجيج البيبي يصير خاطرج تشترين له اللي يناسبه اكثر لين شفتيه..

والوحدة بعد النفاس خلاص ما لها بارض تقعد زووود.. تحب تطلع وتشتري بنفسها مع البيبي..

عاد عن نفسي.. انا ما ارتاح في جلابيات النفاس.. احس لين ابغي ارضع لازم بطلع صدري كله.. ويبيلي غطا اتستر به.. لكن السراويل والقمصان اريح لي.. من جذي ما افكر في الجلابيات وايد.. يمكن اشتري لي 2 او 3..

اممممممم
نفس فكرتي قبل لا احمل ..كنت مفكره في ٤ بنتين وولدين ...
بس عقب حملي هاي والحكه اللي صادتني وحملي فالبجر نفس الحاله..قلت خلاص ..٣ والحمدلله رب العالمين ..ونفس الشي زوجي مقتنع ..
بس انت تريد وانا اريد والله يفعل مايريد ..
ماتدرين شنو الله كاتب لنا ..وكم بنجيب ،،