حامل تحت الاضواء .. دعوه للجميع شاركونا ..

ريحانة القدس;11197639:
الاسئله هي:
السؤال الاول :
عرفينا عنك :هويتك الشخصيه ؟؟
السؤال الثاني :
كم سنه مرت على زواجك وكم عدد اطفالك ؟
السؤال الثالث :
كم كان عمرك بأول حمل لك؟
ما هي هواياتك ؟
واخيرا:
نصايح بتقدميها للحوامل...

هاي الاسئله موجوده بأول صفحه جاوبي عليها لو سمحتي ..عشان نتعرف عليكي اكتر ..

عذريني خيتو
ما انتبهت للاسئله
شانيل
خريجة كليه التربيه للأداب
ولكني ربة منزل في الوقت الحضار
وأتمنا أن أأدي دوري في المجتمع وأقوم بالتعليم لانتج جيل ناجح بأذن الله
تزوجت وانا ابلغ من العمر 20سنه
لدي طفلتين الكبيره تدرس بالمرحله الابتدائيه والثانيه ما زالت لا تدرس
وحملت وانا في ال20من العمر
اما هواياتي فقد أجبت عليها في سؤال سابق
نصيحتي لكل حامل--
لا تنسي أذكار الصباح والمساء فهي حصن لك ولطفلك:065:

موناليزااا;11211918:

هلا وغلا شانيل

منورة حبيبتي

سؤالي؟

شنو اكثر شئ يعجبك في شكلك وشخصيتك؟؟
شنو اكثر شئ تكرهينه في شكلك وشخصيتك؟؟
كم وزنك وطولك؟؟ خخخخخخخخخخخ

هلا موناليزا
فديت طلتك يارب
الي يعجبني في شكلي (هو خلقت ربي لي الكامله بدون زياده أو نقصان )وملامحي الي ولله الحمد تعتبر في مرتبة الجميلات:02: اللهم لا حسد
هههههههه
اما الي يعجبني في شخصيته هي هدوئي وثقل شخصيتي وقدرتي على التحدث بلباقه مع من يحدثني ويجبر الاخرين للاستماع اللهم لك الحمد والمنه على هذه النعمه
مع ان البعض يقول أنه (تكبر)لكن يعلم الله أنه لا يوجد بقابي ذرة كبر
---
ما في شي أكره في شكلي ولله الحمد راضيه بعطية ربي
والي أكره في شخصيتي هي حساسيتي الزايده تجاه من أحبه (زوجي):086:
فلا أحب أن أسمع منه ما يجرحني او يلومني على سلوك لا يعجبه
مع أنه المفروض أن أسمع ما يقوله بصدر رحب وأقوم بتصحيحه لكني وللأمانه لا أحب أن يقوم أحد بأنتقادي حتى لو كان زوجي:094:
خخخخخ--
طولي 165
ووزني 65
لكن ها اللحين تعرفين الوضع والوزن زايد ما شاءالله تبارك الله:085:
أسعدتني أستلتك يا بعد قلبي

ريحانة القدس;11232682:

وينكم يا بنات وين اسئلتكم ..

شانيل شو هي احلامك وطموحاتك اللي تحققت بفضل الله وشو الاحلام او الطموحات اللي نفسك تتحقق ؟؟

الله حققلي أهم شي وهو أكمال دراستي الجامعيه والحصول على الشهاده
وأتمنا ربي يحققلي حلمي وهو أن أصبح معلمه:065:

شكرآ شكرآ على استضافتي في هالموضوع الشيق ...

:013::013::013::013::013::013::013::013::013::013:



السؤال الاول :
عرفينا عنك :هويتك الشخصيه ؟؟

اسمي كتكوته نايمه
خريجة ادارة اعمال
وحاليآ ربة منزل وبكل فخر
مخضرمه في منتدى عروس ماعندي منتدى غيره اتسلى فيه واطلع طاقاتي ..:072:
باقي المنتديات اسم بس بدون مشاركات ،،



السؤال الثاني :
كم سنه مرت على زواجك وكم عدد اطفالك ؟

متزوجه من 2002 يعني من 7 سنين ونص تقريبآ
وعندي بنتي ( توني ٦سنوات ونص وميمي٣ سنوات ونص) وحامل في الثالثه ان شاء الله،،:063:



السؤال الثالث :
كم كان عمرك بأول حمل لك؟

كان عمري 20 سنه
امممممممم عرفتوا كم عمري :025:




ما هي هواياتك ؟
هواياتي الرسم بwater colour
عمل الحلويات بكل انواعها ،،
التصوير الفوتوغرافي




واخيرا:
نصايح بتقدميها للحوامل...
لا تهملين زوجج في هذي الفتره ،،واهتمي بنفسج ،،:066:
ادري ان الشهور الاولى هي اصعب الشهور بس حاولي تضغطين شوي على نفسج وتهتمين بزوجج اكثر علشان لا يحس بالفراغ ..ولو ماقدرتي،، عوضيه بعد الثلاث شهور ..

هلا كتكوتة نورتي
اني من المعجبات بتصويرج وبالاطباق اللي تقدمينها .. بصراحة ابداع


عندي كم سؤال وان شاء الله يكون خفيف:)

شنو ناويين تسمون البنوتة الله يجيبها بسلامة؟؟

شلونها علاقتج ببناتج ؟ يعني ألمن قريبين اكثر في وقت الضيق الج ولا لابوهم ؟


والسؤال الاخير
لو ان شاء الله بديتي تشتغلين و زوجج يشتغل كيف راح تنضمين امورج مع وجود 3 اطفال
؟؟


الله يسهل عليج ويكومج بسلامة يارب:025:

Lovely LoLo




اها اها متابعه مواضيعييي :040:

صارلي فتره مانزلت اطباق جديده ..في بالي اتعلم اسوي الكرواسون واضبطه وعقب انزل الطريقه
مع مربى الفراوله المنزليه ..
والماكرون ،والكيك بوبز وكذا شي ..بس العيز ومايسوي :094:

بالعكس اسئلتج عجبتني بجاوب عليهم


شنو ناويين تسمون البنوتة الله يجيبها بسلامة؟؟

الله يسلمج
في بالي اسم وابو العيال عاجبه اسم ثاني
في خاطري اسمي العنود وهو في خاطره كوثر ..
واليوم جه في بالي اسم مها حبيته
تهقين مين المفروض يسمي بعد تعب الحمل والثقل ..مين كفته اقوى انا ولا هو ..!؟؟
طبعآ الابوو يسمي عالجاهز ،،،والام سمنديقا :039:




شلونها علاقتج ببناتج ؟ يعني ألمن قريبين اكثر في وقت الضيق الج ولا لابوهم ؟

علاقتي مع بناتي ممتازه بس عندي قوانين اكثر من زوجي ..وهم اذا يدرون اني مابوافق عالشي اللي بيطلبونه يروحون حق ابوهم يستأذنون منه واغلب المرات يقولهم سئلوا امكم ،،،عاد هم يتوهقون عارفين اني ما بوافق ويتمصلحون عنده لين يوافق ويتحاشون يسئلوني ...خخخخخخخخخخ
ام مستبده صح :037:
بس في النهايه كله يصب في مصلحتهم ..
احساسي كأم ،،احس ان الكبيره مياله لأبوها ..والصغيره معاي انا اكثر ..وبعض الاحيان يجيني احساس العكس..يعني انا وابوهم متساويين




لو ان شاء الله بديتي تشتغلين و زوجج يشتغل كيف راح تنضمين امورج مع وجود 3 اطفال
؟؟

تدرين قبل اول ماتخرجت كنت احن ابي اشتغل وبالذات يوم ربعي وحده ورا الثانيه اشتغلوا وانا قاعده مكاني ..زوجي ماكان ممانع اشتغل بس يفضل اني اقعد مع عيالي لين مايكبرون ويشيلون عمرهم وبالنسبه له شغلي شي ثانوي ..اما الحين انا اللي كلش مب حاطه في بالي اشتغل وهم صغار ..لين كبروا يمكن افكر في الموضوع في حال اني حسيت بفراغ او ملل فالبيت ..
اعرف نفسي اذا اشتغلت اكيد اكيد بقصر في عيالي وبيتي ..ولا عيالي وبيتي ولا الشغل ..
طبعآ عيالي وبيت اولى من اي شي فالدنيا :016:


وأي سؤال ثاني انا حاضره

متابعه

كتكوته نايمه;11260483:
Lovely LoLo




اها اها متابعه مواضيعييي :040:

صارلي فتره مانزلت اطباق جديده ..في بالي اتعلم اسوي الكرواسون واضبطه وعقب انزل الطريقه
مع مربى الفراوله المنزليه ..
والماكرون ،والكيك بوبز وكذا شي ..بس العيز ومايسوي :094:

بانتظار الموضوع الجديد:049:
بس الله يعينج مع التعب والثقل ههه

بالعكس اسئلتج عجبتني بجاوب عليهم


شنو ناويين تسمون البنوتة الله يجيبها بسلامة؟؟

الله يسلمج
في بالي اسم وابو العيال عاجبه اسم ثاني
في خاطري اسمي العنود وهو في خاطره كوثر ..
واليوم جه في بالي اسم مها حبيته
تهقين مين المفروض يسمي بعد تعب الحمل والثقل ..مين كفته اقوى انا ولا هو ..!؟؟
طبعآ الابوو يسمي عالجاهز ،،،والام سمنديقا :039:

الاسامي كلها حلوة
والله صح من حق الام تسمي
على الاقل انتي اختاري كم اسم وهو يختار واحد منهم

اني حاولت كثير وبالاخير اقنعت زوجي بالاسم اللي اريده خخخ




شلونها علاقتج ببناتج ؟ يعني ألمن قريبين اكثر في وقت الضيق الج ولا لابوهم ؟

علاقتي مع بناتي ممتازه بس عندي قوانين اكثر من زوجي ..وهم اذا يدرون اني مابوافق عالشي اللي بيطلبونه يروحون حق ابوهم يستأذنون منه واغلب المرات يقولهم سئلوا امكم ،،،عاد هم يتوهقون عارفين اني ما بوافق ويتمصلحون عنده لين يوافق ويتحاشون يسئلوني ...خخخخخخخخخخ
ام مستبده صح :037:
بس في النهايه كله يصب في مصلحتهم ..
احساسي كأم ،،احس ان الكبيره مياله لأبوها ..والصغيره معاي انا اكثر ..وبعض الاحيان يجيني احساس العكس..يعني انا وابوهم متساويين


هههههه ماادري ليش دائما الام عندها قوانين اكثر من الاب

اني حتى قوانيني لزوجي اكثر من قوانينه لي ههههههه الله يعينهم :037:



لو ان شاء الله بديتي تشتغلين و زوجج يشتغل كيف راح تنضمين امورج مع وجود 3 اطفال
؟؟

تدرين قبل اول ماتخرجت كنت احن ابي اشتغل وبالذات يوم ربعي وحده ورا الثانيه اشتغلوا وانا قاعده مكاني ..زوجي ماكان ممانع اشتغل بس يفضل اني اقعد مع عيالي لين مايكبرون ويشيلون عمرهم وبالنسبه له شغلي شي ثانوي ..اما الحين انا اللي كلش مب حاطه في بالي اشتغل وهم صغار ..لين كبروا يمكن افكر في الموضوع في حال اني حسيت بفراغ او ملل فالبيت ..
اعرف نفسي اذا اشتغلت اكيد اكيد بقصر في عيالي وبيتي ..ولا عيالي وبيتي ولا الشغل ..
طبعآ عيالي وبيت اولى من اي شي فالدنيا :016:

اي صح اهم شي البيت والعيال
اني هم نفس الشي مااعتقد اني اشتغل الا لما يكون سنهم مناسب


وأي سؤال ثاني انا حاضره

تسلمين يالغالية عالاجابة

:025:


كيف اتعلمتي فن التنسيق والضبط في اكلاتج وبالاضافة التصوير؟
يعني دخلتي دورات ولا بس معلومات وموهبة شخصية ؟

:087:

يا هلا بالزين كتكوته نايمه ..

نورتي الموضوع ..

عاد انا في التجمع واعرف عنج كل شي .. خخخخخخ


بس بسالج .. بحكم خبرتج فتومه وميمي ... شلي تعليمته من تربيهتم وحابه تبدينه غير فتربيتج لبنوتج الجديده .. ؟؟



:)

ريحانة القدس;11263162:

كتكوته منورتينا ..
مين اقرب شخص الك بتلجأي له لحل اي شي ممكن يواجهك ..
وشو اكتر لون بتحبيه ..

اقرب شخص لي زوجي من اي شخص او اي صديقه ..ارتاح لما افضفض له :086:

بالنسبه للألوان اللي احبها ،،، فالاثاث مثلآ احب البيجيات الى البني الفاتح ،،والفواتح بشكل عام
اما في اللبس ماعندي لون معين احبه ..على حسب الموضه ..واللي يناسبني

"Lovely LoLo";11264736:
تسلمين يالغالية عالاجابة

:025:


كيف اتعلمتي فن التنسيق والضبط في اكلاتج وبالاضافة التصوير؟
يعني دخلتي دورات ولا بس معلومات وموهبة شخصية ؟

:087:

بروحي تعلمت التصوير وطورت من نفسي ،،،
احب اشوف صور الأكلات في فلكر وحاول اصور مثلهم ..ولين يومج ماوصلت لمستوهم فالتصوير ،،
والاكلات ..مرات اطبق ويفشل ومرات ينجح ..واغلب الاكلات اخذهم من الكتب الاجنبيه والعربيه والمواقع والمنتديات ،،ما اسوي من مخي مستحيل ..

فرح الهوى;11265700:
يا هلا بالزين كتكوته نايمه ..

نورتي الموضوع ..

عاد انا في التجمع واعرف عنج كل شي .. خخخخخخ


بس بسالج .. بحكم خبرتج فتومه وميمي ... شلي تعليمته من تربيهتم وحابه تبدينه غير فتربيتج لبنوتج الجديده .. ؟؟



:)

كل وحده تربيتها كانت شكل ،،
في فطومه لأنها البكر التجارب كلها على راسها نبي نمشيها عالصراط المستقيم..وكل شي بقوانين ولحد اليوم ..بس نفعتنا هالقوانين الصراحه ..صارت تحترم هالشي ..بس فيها جفاف شوي ماتحن على امها وابوها ..
اما الصغيره فالدلع كله لها ،،ومايمشي القانون اللي طبقناه على فطومه عليها ،،بس الحلو فيها انها حنونه غيير عن الكبيره اعتقد من الرضاعه الطبيعيه ..
في الثالثه ناويه اطبق القوانين مالت فطومه وفي نفس الوقت اعطيها الحنان اللي عطيته حق ميمي بدون المبالغه فالدلع مع الرضاعه الطبيعيه طببببعآ

ما شاء الله منورة الموضوع كله كتكوتة نايمة..

ودامنا ربع في التجمع اعرف الكثير عنج بس في خاطري لازم اسألج..

شنهي علاقة عيالج ويا اهلج واهل ابوهم؟
هل تركتي المجال للتدخل من الآخرين في تربيتهم او تغيير كلمة قلتيها لهم؟

بنت الاصايل;11269180:
ما شاء الله منورة الموضوع كله كتكوتة نايمة..

ودامنا ربع في التجمع اعرف الكثير عنج بس في خاطري لازم اسألج..

شنهي علاقة عيالج ويا اهلج واهل ابوهم؟
هل تركتي المجال للتدخل من الآخرين في تربيتهم او تغيير كلمة قلتيها لهم؟

هلا والله بنت الاصايل ،،فديتج انتي اللي منورته بوجودج ..

الله يسلمج لا انا ولا زوجي نحب اهلي ولا اهله يتدخلون في تربيتهم ..وهم مع الوقت عرفوا نظامنا ..يمكن يبدون رايهم في طريقة تربيتنا لهم واغلب المرات ينتقدونا بس فالنهاية احنا نمشي كلامنا على عيالنا ..
تصدقيين من فتره ابوي كان في خاطره يشتري لابتوب حق اختي الصغيره (عمرها 5 سنوات) انصدمت اشلون يشتري لها لابتوب وهي في هالسن !! راح وكلمني انه يبي يشتري حق فطومه بنتي بعد ..انا رفضت طبعآ وزوجي بعد ..ابوي ماعجبه يقوللي ليش معقده الياهل ..حرااام لابتوب في هالعمر !! وانتي تعرفين جوجل واليوتيوب كلمه كتبتيها غلط تطلع لج صور فاضحه وفيديوااات ..وبنتي تعرف تكتب وتقرى ..فالنهايه ماشرى لها بس من داخله مب عاجبه !! بس القهر انه شرى حق اختي الصغيره !!!!!

وااااااااااااااااااااااااااااااو كتوتة الحلوة من تجمعنا :03:
:045::045::045:

بنشر الخبر في التجمع عشان كلهم يطيحون عليج بالأسئلة :037:

وانا بفكر لي بسؤال وارجع لج طبعا :097::05:

:051::051::051::051::051:

:074::074::074::074::074: