>< لمة الليبيات لشهر صفر 1431 ه ><

بيسووو هلا بي ليك ومن غير ما نسالؤ راك ف البال والتجهيزات كسد بلالالالالاك

وربي يستركم وتمشي امور فرح خيك بخير والعقبه للي مزالووو



روح الوليد حبيبتي انا مغتربه ف الامارات لي 4 شهور ف الاول من اول زواجي الي كان ف ايام عيد الفطر
ف الاول هنا تعبت وحده ودموع ونرفزه وووووووغربه بمعني الكلمه ومع الايام حبيت مكاني ومحيطي ونحاول نتاقلم اكثر واكثر والحمدلله كل يوم احسن من الي قبله

وبصدق المنتدي دايرلي جو والبنات حبوبات محد فيهن قصر ربي يفتح عليهن وانشاء الله نروح ونشوفهن ونتعرف بي صاحبات هالحروف الي ونسوني وجبرن بخاطري


مواضيع الليبيات 2 هظا واااااااااااحد منهم ف قسم شات عروس اطلعي عليه يا روح راهو مميز بكل صفحاته في ردود متميزه ووصفات مجربه من البنات هنا ومنتجاتهن المفيده بالصور وحركات ونقاشات مليحه وتفيدك اكيد مكسب لينا وللكل ومش حتندمي علا وقتك فيها تطلي علا كلامنا


الموضوع التاني هو تجيهزات عرايس ليبيا ف قسم تجهيزات عروس

هظا الرااابط تعالي وونوري انتي بين خواتك اااااكيد:083:
http://forums.3roos.com/showthread.php?p=11236809#post11236809

شكرا حبيبة
والغربة اكيد تهوووووووووووووون لو كان معاك صدر حنين تتكي عليه اكيد قصدي الغالي .
هونيها وتهون ويارب تكون كل ايامك فرح يارب .

بنيات امس طلعت لبنت العرب للعبايات القيت عنده العبيات الي تبي منهن بيسا بس مش ستان شفون ب 145 هن حلوات ومش حلوات بس حسيت البضاعة بشكل عام مش حلوة و في بنت الشام للفيلوات حتي هو قريب منه فيلوات يعني مش خامة 100 % ايجار و بيع الايجار ب 550 و 350 و 300 و 1000 و الشراء حتي هو ب 1000 بس مش الي يرضني

طرق لاستخدام ملح ابسوم



















إليك بعض الوصفات المفيدة من الملح الإنجليزي:
الحمام المعدني:
قومي بتدليك حفنة من الملح الانكليزي مع زيت الزيتون في يدك ثم دلكي بها جميع أنحاء جسمك لتطهير وتقشير وتليين البقع القاسية! اشطفي الجلد جيدا، ملاحظة يوصى به على السيقان المحلوقة بشكل جديد.
مطهّر الوجه السهل:
ضعي مزيجا من نصف ملعقة من الملح الانكليزي على كريم تنظيف الوجه لتطهير المسام بعمق. دلكي جلدك. واشطفيه بالماء البارد. مع التجفيف بلطف.
الملح الانكليزي للتخلص من السموم:
1 كأس ملح انكليزي
حفنة ملح بحر
2 ملعقة طعام زيت الاستحمّام
صبّي المكونات في حوض استحمام مليء بالماء الفاتر.
يمتاز الملح الانكليزي بالعديد من الخصائص والاستعمالات الرائعة المفيدة للعقل، والجسم، والروح. بالإضافة، فأن تكلفة صندوق الملح الانكليزي أقل كثيرا من كلّ منتجات العناية بالجلد.

خيرات يا بنات وكيف حالكن وشنو احوالكن الله يوفقكم كلكم

نرجوسة ماقلتى عن المحل الى قتلك عليه

يامساء الورد عا الحلوات
كيفكم وشخباركم .

شكرا ياحلوة ويسلموا الانامل

قدرك كبير بقلبي
شكرا للإظافه..^_^
نورتي بروفايلي يا أموره
:
سامحوني يابنات اني مقصره هلبه..
بس ليا عوده ان شاء الله..
:
في أمان الرحمن..^_^

السلام عليكم و رحمة الله و بركاته
كيف حالكن يا بنات ان شا الله تكونن فى احسن حال
اختى قدرك كبير بقلبى نشرف بصداقتك

هلا بيكم .
ويييييييييييييين الجمهور .
وين النشاط
بس بجد الموضوع حلو ومليييييييييييييييييييييييييييان وكل شي فيه حلو .
ويسلموا ياحلوات

وينكن يا بنات ليش الجو امكسد حتى فى التجهيزات امكسد خيركن
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

روح الوليد;11242237:
هلا بيكم .
ويييييييييييييين الجمهور .
وين النشاط
بس بجد الموضوع حلو ومليييييييييييييييييييييييييييان وكل شي فيه حلو .
ويسلموا ياحلوات

هلالالالا روح حبوبتي سلمك فعلا الموضوع قعد مرجع منور وشامل و حسيته لما شفت اكثر تجمع مفيد مش شات وكلام وبس البنات مش مقصرات بردود حلوة ومميزة

وانشاء الله يا روح اتكوني فعاله معنا بخبراتك ومنتجاتك وتجاربك الناجحه
وتنوريهن بشوية صور تحمس=====:ok:

كيف حالكم حبيباااااااااااااااااااااااااااتي

يا حليلي ياهنو ردي غادي يا غاليه هههههههههه حوسنا الدار هنا تو تجي غوله الناشطه الحره تورينا


انا رديت علا كلامك ف التجهيزات ويسلمووو حبيبتي

وحبوبااات ف تجهيزاااااااااااات عندنا مخالفات واجدددددددددد التزمن ب حركه سؤال او جواب او ذكر للعرائس عطور ملابس الخ الخ وخلن اللمة لنقاش والشرح والاضافات و الزي منو

والصرراحه لمتنا حلوة ومثمره للاسف ان بعض رواد التجهيزات ما يطلنش هنااا لان في كلام واجد حلو وفي الفايده والاجر


تاااااااااااااااااااااااااااااااااااااااااااااانكس هنوشه ربي يجزيك خير

شكراً ليك يا عروسة ليبيا
يا طيوبــــــــــــــــــــــــــــــة

يا بنات من تعرف مكان فيه مشد كويس للبطن
انا جسمي رشيق وما كانش عندي بطن
لكن توا كرشي طالعة شوية

سلاموا لجميع

بنوتات نبي نسالكم لما وحده خطيبها يقولها

مثلا ماتمشيش للمكان هذكي وبعدها بكم يوم تناقشه وتقوله انا نبي

نعدي يقوللها لا انا قت لا ,هيا تقوله انت تقول

بنيات شنو تفهمن كلمة انت تقول من كلام البنيه

وهو شنو ردت فعله وكيف حيفهمها ؟

ماشاء الله .. مسرع هادا كله :091: تبو الحق والله ما قريت اللمة من هلبااااااااااا فاعدرونى كانا وحدة سالتنى حاجة ولا دورتنى (نحلف عليكم مافى وحدة تفكرتنى ههههههه :094:)


.. قدرك حبوبة صحيتى على دعوة الصداقة ودرتها لكن مش عارفة دارت ولا لا .
المهم

قدرك كبير بقلبي;11243959:
سلاموا لجميع

بنوتات نبي نسالكم لما وحده خطيبها يقولها

مثلا ماتمشيش للمكان هذكي وبعدها بكم يوم تناقشه وتقوله انا نبي

نعدي يقوللها لا انا قت لا ,هيا تقوله انت تقول

بنيات شنو تفهمن كلمة انت تقول من كلام البنيه

وهو شنو ردت فعله وكيف حيفهمها ؟

راهو الكلمة قوية .. وانى نفهمها معناها طز فيك والحق وحدة تحب خطيبها خلاص يقولها حاجة تمشى والله مرة ماشية انى وصاحباتى بنتغدوا فى بيتسا هاوس الحق متعودة نمشو لمطاعم عادى معمرا حد قالى لا .. ولما وصلت غادى كيف خاشة كلمته قتله بنمشى نتغدى فى بيتسا هاوس (على اساس نستادن وانى مدرسة قدامه) مشى قالى لا وانى مش متوقعتها تعرفى والله ناقشته سكرها مشى تخايلى وليت للحوش وكانت معاى اختى نزلت قتلهم هايلة جتها ال.. ههههه ودرت روحى زعلت وفاتت بس خلاص بتاخدى راجل بتلتزمى ممكن تناقشيه وتحاولى تقنعيه بس لو مقتنعش خلاص مديريش روحك تعاندى الرجالة ميمشيش معاهم العناد وردان الكلام (هاداكا فى حوش اماليك ههههه) انى زمان من طولة لسانى يقولولى يانارى على الى بتاخديه وتو مع راجلى زى ال :02: والله مش خوف بس تبى تكسبيه هكى خليك ,,, مش يقولوا المراة تتربى مرتين مرة فى حوش بوها ومرة فى حوش راجلها :02:

بالنسبة لردة فعله انى نحسه على الشخصية ممكن يسكر فى وجها وممكن ياخد على خاطره بس وهيا كل وحدة تبدا عارفة شخصية خطيبها فتعرف كيف تتكلم معاه .. زى انى متلا راجلى سواء توا ولا لما كان خطيبى مستحيل نقدر نقولهاله لان ميتحملش ردان الكلام وطولة اللسان بس مرات وحدة تبدا شخصيتها اقوى من خطيبها وهوا على نياته فتقوله كلمة قوية يمشيهالها عادى ..
الله اعلم

قدرك كبير بقلبي;11243959:
سلاموا لجميع

قدرك كبير بقلبي;11243959:

بنوتات نبي نسالكم لما وحده خطيبها يقولها

مثلا ماتمشيش للمكان هذكي وبعدها بكم يوم تناقشه وتقوله انا نبي

نعدي يقوللها لا انا قت لا ,هيا تقوله انت تقول

بنيات شنو تفهمن كلمة انت تقول من كلام البنيه

وهو شنو ردت فعله وكيف حيفهمها ؟