>< لمة الليبيات لشهر صفر 1431 ه ><

نرجس الشرق;11229957:
بنات انا اليوم انشاءالله طالعة ماشية نبرم ع العبايات و الفيلوات تركيزي ع شارع 20 و الحدائق

هنو الدلوعه;11229732:

صباااااااااااااااااح الورد علي وخياتي كلهم

وأهلين بي عروس أشرف وشرفتينا ونورتينا
وعروس ليبيا ربي يهنيك ويفرحك وخيتي وتحصلي الي في خاطرك ياااااااااااااااارب وتطلعي أميرة
نصيحه لي عروس ليبيا ولي كل عروس تحدد موعد عرسها
حبيباتي ماتضغطوش علي روحكم وتكثرو حوايج وأعتدلو في كل شئ راهو والله التبذير حرام وعشان ربي
يباركلكم في حياتكم
وخلو عنكم الحاجات الجديده والتقليعات الزياده علينا أحني الليبين وخلوكم في السبر والماير
والاصول
وماتطلعوش بره الحدود هادي والي تبي دلع روحها تشري ذهيبات يقعدولها للزمان
وصدقوني المناسبات والافراح تجري جري وماتحسوش بيها والنوره والستره من عند ربي
مش من العبد
وأعتدلو في كل شئ في البتات وماتنسوش كلمة ولاتسرفو وهادي وصية ربي ورسوله لينا احني البشر
والفيلو يابنات راهو مش هو الي يجملكم انتو الي بتجملوه وتبرزوه مش العكس يعني خودي حاجه تكون نازكه ورقيقه ومافيهاش بهرجه
زايده وحركات
وكثرو من الدعاء والاستغفار وماتنسوش الصدقه الايام هادي زكو واعطو وانسو ووسعو علي رقاد الريح والله يشفعولكم في الاخره وفي حياتكم الجديده
وماتنسوش صحتكم وزي ماوصيت قبل امشو دكتورة نساء وديرو تشيك وتحاليل للهرمونات والغدد والدم والله نصيحه من ذهب هادي
واهتمو بي اجسامكم وديرو حمامات بخاريه وخلطات لشعر والجسم وكلو اكل صحي

دوختكم لكن الني نبي مصلحتكم الي تهمني

عروس رايقة;11222568:
ثالث شى الله يربحكن يابنات نبى منكن طلب ضرووووووووووووووووووووورى
نبى نوتى السى دى الى نبى نحطا فى الاعرس كوكتيل اغانى وانا ليا زمان ما نسمعش فى اغانى فلذلك كل عروسة حلوة ربى يطلعها ملكة فى عرسها تكتبلى اسم اغنية ومغنيها ليبية او مصرية وكم اغنية رقيص وشطح نرااااااااااااجى فيكن ماتردنيش

طرابلسية لسرتاوي;11232607:
اهلين ياروقه باهى انتى شن تبي بالزبط اغانى حفلة او سهريه مصريه ليبيه فهمينا وحاضر احنا فى الخدمه

حياه حلوه;11233363:
كيف حالكم يأحلي عرايس اليوم

:-oبنات اليوم وصلني خبر انه أم خطيبي مريضه وتعبه واجد:sick: يعني ضروري نتصل:call:بأخته ونسال عليها

المشكله كيف نسال عليها :-# شنو بنقول كيف حال(امك)نحسها بايخه
ومنعرفش نقولها خالتي او عمتي او شنو بضبط ولي نساله يقولي عادي قولي كيف حال أمك علي اساس اني مالبست دبله وعادي بس الحق بايخه نقول باهي نقول خالتي يقولوا لا:hysterical:
شنو تنصحوني



عروس رايقه
اني نقولك انك تاخذي ساعتين علي وقوقل واكتبي اغاني اعراس وكل مره تكتبي شئ ها تحصلي نفسك كونتبي مكتبه اغاني

وبعدين امشئ للمحل واطلبي منه سي دي أغاني اعراس ومشاء الله حاجات روعه
وكيف قتلك نت جنبك وتنزلي لي تحبيه احسن

وفيه اغنيه نجوي كرم الحلم الابيض
وحسين الجسمي الورد الابيض
ويار صدفه
اهو حطيت اغنتين بيش تعرفي بس هههههههه

عروسة ضياء;11234246:
هلا حبوبه بالنسبة لكيف بتسألي على عزوزتك قوليله كيف حال ماما نحس فيها أحسن شي لأن حتى انات هكي ندير و نحس فيها أنسب من كيف حال أمك بااااايخه الحق
مع العلم اني قاعده اناديلها أبله بس لما نسأل فيه هو نقولله كيف حال ماما

و عادي اتصلي بيها و ديري الواجب و أعطي حتى امك تكلمها قوللها عاساس سمعتي بها تعبانه و متصله نطمني و مش تتصلي مرة و تهربي لا فوتي يومين تانيات و اتصلي اسألي عليها كيف حالها أنا هكي وجهة نظري