:029:بنوتات بما انو نحكو علا الاكل والطبخ وقلة الخبره
جبتلكم كتاب روووعه موجود وقديم ممكن اغلبكم مار عليه او عندهن منه
الكتاب لي الشف او الطباخه سالمه الكرغلي
كتاب المكيال البسيط
للعلم انا شفت ابله سالمه الكرغلي مدرسه بسيطه وحبوبه كان الطبخ هويتها وعشقها فنانه فيه ومؤلفه ومبدعه وكتابها لانها بسطاته كل حد يقدر ينفذ ما فيه
حتي ان اول نسخه سرقتها كاتبه ف مصر وطبعو منه ومن اصرارها رفعت قضيه واسترجعت الحقوق ليها
لي الان صدر عنها خمس كتب اكلات من اروع ما يكون كلهن ب اسم المكيال البسيط واجزاء من1 لي 4 وكان 5 تحت الطبع ف عرسي ممكن توة نزل
الاكلات ليبي وموالح وحلو وحار وكيك وعصائر وكوكتيلات وتجهيز مناسبات فيهن كل شيء نعتبرهن مكتملات
هظا من جوا الكتاب
وانا الصرراحه ساعدني جدددددددددددا والله فوق ماتتصورو لانه من اسمه مكياله وشرحه بسيط وسواء الطباخه شاطره او المبتدئه تقدر تستفيد منه وتنفذ افكارها الي فيه
رهيب وسع عليا الله يوسع عليها
وعلا فكره ينشال هديه حلوة لعريس مخطوبه بش تتشجع العروسه اتنفذ منه
ماما بعتتلي الجزء التالث جديد لانه اشمل جزء ومصور هوا مجلد فيه كل شئ وبالالون يا بنات ررررهيب جدا بي اامانه ومفيد والاول حتى هوا كان عند هلي ودزوه ليا
يعني يا بنات علا الاقل اشرن الجزء الثالت هذا الي صورته لكم اكبر واشمل وووالله مش حتندمن ووووابدن كسدن وطبقن منه هوا حلوو ومتنوع حافظن عليه حتى شكله حلوة وفخم والاهم مقدراه مزبوط وسعره ف المكتاب والسوق تابث 16 دينار ممكن يزيد نص دينار او ينقص
مش خساره فيه كتاب حلو وقيم لكل عروسه مبتدئه :ok:
من تجربتي فادني وبرغم كنت نعرف ندير حاجات صح لكنه ساعدني ووووواجد
وفي كتاب اخر حلووو وفيه اكلات ليبي حلوة واكلات جديده ومقبلات منوع
اسمه اشهى الماكولات لكل المناسبات
لي المبدعه فاطمه سالم المعداني
حتي هوا جبته من ليبيا وندير منه :ok:
حلو مميز بالموالح وحركاته حلوة من مقبلات وشقاشق وموالح وامور خفيفه وسريعه تقديمها مميز للرجاله وتندار الليالي الرومانتك وجو الدلع
وتقدرن كل ما تمشن لعربكن ادير منه حويجه حاره او حلوة وتشيلنها لانه حاجته مميزه جدا حتى هووا
ويابنات فيه موالح حلوة للاعراسكن ممكن تندار ف العشاء وتنفيذها سااهل والله ماتخسرنش الا المواد والمكونات وتبقى حاجه خيرت عينكم اشروه واطلعن عليه
واهو اديرنهن مرجع لكم خشن كل يومين ديرن حويجه منهن وماما او خواتكن معاكم يصلحولكم ويذوقن لين تاخذ يديكم علا المكيال وتزبطن الملح والبهارات
احسن ما يكون الراجل بعدين هوا حقل التجارب
يلالا انشطن والله بعدين تبدن تدلعن بحاجتكن ورراهوووووو حب الراجل الاكثر بعدين بطنه وفخره بالزوجه السوايه والطيابه الشاطره ااااااااااااااااااااااااااااكبر من اعجابه ب اي شيء تاني قبل الزواج
لاني نحبكم نوصي فيكن ونحكي من واقع تجربتي وتجربه كم وحده من صحابتي القراب
توة تزوجن وتشوفن وتقولن عروسه قالت :02:
الطبخ متعه وفيه جووو وانا اصريت عليكن بش تتحمسن كل وحده تشوف شن يحب راجلها:016: وتبدا اتفنن من توة بالممارسه والتجربه اطورن من مهارتكن لانه بسيط وما يخوفش ومش واعر يبي حد ينوي بس :03:
موفقااااااااااااااااااااااااااااات :072: يارب كل حرف نحطه يفيدكم ويوفر عليكم جهد وتعب
