>< لمة الليبيات لشهر صفر 1431 ه ><

اميرة يا روحي ما زعلي نفسك وان كان زعلك من صاحباتك الصاحبات يمشن ويجين وهدا سوء تفاهم اكيد و الوقت تو ايصلحه و حاولي انك تواصليهن و تشوفي الخلل وين
وان كان يا حنة من راجل فانا انقولك ان ربي نظرلك نظرة العفو و فكك منه و الخيرة فيما اختارهو الله و كل شئ نصيب صح الفرقة صعبة لكن الوقت اينسي و عليك بهالدعاء والله حلو ويدير مفعول في كل زعلة (( اللهم اجرني في مصيبتي واخلفني خيرا منها )) قوليها في كل وقت وفي كل ضيقة و ربي انشاءالله ايفرج ع الجميع و يجيبلك نصيبك قريب
صاحبتك نرجس عارفه ومجربة و كان نحكيلك ع مغامراتي و خيبة امالي5 سنين و ما نكمل كلام بس مش في الرجالة و الخطبة في حاجات اخريبس كلهن يوجعن لانك تقعدي عابية ع حاجة و ما يصيرش منها ربي كريم
حندزلك حاجة ع الخاص و ادعيلي و انشءالله نسمع خطبتك قريب

حي صاحبتك ما تخش الكوجينة الا للضرورة القصوة و حاليا كارهتها حتي غسيل المواعين و الضم كرهته

نرجوسة شن الجو تعرفي لازم نتفننو في الطبخ كان هادا مانتسموش ستات بيوت حي علينا
حتى اني الحق والله مانخش الا في اللحظات القسوة

اميرة و كان ما جاك شئ مني ع الخاص قوليلي توا انعاودلك وكان جاك و ما فهمتي شئ حتي هو توا انعاودلك يا روحي و ربي ايفرج ع الجميع امين يا رب العالمين و ما تنسينيش من الدعاء

بيسا;11194761:
ق د ك للاسف خيتك المطبخ مش شورها بكل حى علية يابنات رانى منعرفش نطبخ كويس:020: ممكن حاجات بسيطة بكل زى مكرونة بشميل لازانيا ولة البيتزا هذين الوحيددات الى نعرف انديرهن بس مش عارفة ليش الطبيخة ديما اتجى معايا محمضة وحتى الطاجين ووووووه لاطعمة لابنة وهابتين وهابا على المكرونة منحولش نحتك ومرة بندير محشى قريب جتنى انهيار عصبى:031::031:

يا بنااااااااااااااااات بيسو نرجس والجميع الا المطببببببببببببببببخ
رررررااااااااااااااااااااااااااااكن تغلطن غلطتي حي عليكن




زماااااااااااان ايام الخطبه والدلع الغالي يقوللي مطبخ شني غير تعالي انتي بس ناكل خبزة وميه

وووووانا كنت ديمه لاهيه ف تجهيز العرس وف روحي والخلطات والحركاااااااااااااااااااااااااات ولاهيه ف حوسه الحوش كلها الا المطبخ ماعمريش عطيته حقه وحجمه


للعلم انا عندي اخت اصغر مني مواليد 86 مش مرتبطه وخريجه ادب انجليزي مشااااااااااااااااااااااااااااااااااااالله عليها تطيبها رهيب اكل حار وموالح واكل ليبي تقليدي وتورثات ووواوووووو :ok:


وعندي اختى اصغر من ب10 شهور مواليد 84 متزوجه من 5 سنوات وعندها ولد وبنيه وبرضووووووووو ست بيت درجه اوله عليها بازرين غربااااه تاكلن يديكن وراه من حلوة الحسى وسماحه تخبيز البازرين ووووووووووووشطوووووووووووووووره ف الاكل الليبي بزياده

وماما زيهن واكثر اكييييييييييييييييييييييييييييييييييد
لكن انا كنت ديما لاهيه ومشغوله بشء او لا شيء وقفت الغاز والنار معنديش عليها واجد الا بمزاجي مرات انوظ ونكسد بجو ومرات لو جيات صحباتي ندير طاجين ولا حاجه اخرى او لو جاي الغالي ندير حاجه حلوة وووووووووووبس :040:


نعرف ف الاكل ابسط الامور طاجين معكرونه كيكك عادي تراميسو شكشوكه ====يعني حاجات بسيطه جدا ومره بعد كم نخش نديرهن :01:

ووووووووووووالله يا بنات لما جيت تبهذلت مش من راجلي من روحي الوحده تبدا خاطرها ادير لراجلها وادلعه وتوده بالحاجات الواو الي يحبها زي اكل امه وزي اكل خواته الشاطرات وهكي



والله تعبت تعبت انتن مش برنيات ومش حنجمل كلامي معاكن الي نعرفه كان عادي وبسيط

يعني حتى راجلي يديره يعرف يدير مكرونه ويعرف يدير طاجين
الحمدلله قعدددددددت نسعي ونحاول لين ما توا تحسنت اموري وقعدت تمام
راني كنت فكل شيء فالحوش كنت شاطره وماما ديما تقولي ظم وتنظيم وغسل عروسه مافيهش لوله يعني ما نردش عليه تهنيء وكنت حتى فرش الحوش نغسله بروحي والبطاطين وكل الشغل نديره فحوشنا لما نبقى ف بنغازي كل شي بيديا لان المغاسل مش دقيق شغلهن

مش شكيره لكن كل هظا كوم والمطبخ كوم وبذات التنكيت ولا تنسيق العزايم وترتيب التقديم والحركات وديكورات والجو كله

الا الطبخ ماعنديش ميول له واجد والغالي كا ن يقول عادي عادي صح هوا يمشي فالجو ودلعني اول شهر مطاعم وعزايم للللللللللللللللللللللللللكن الوحده تحس روحه هيا الغلط



يبال انتن يا بنات جنب عربكن وهل رجالتكم وف ليبيا حذاكم ناسكم وفي جو مقارنات والراجل يبدا ينعزم عند الاخوات والاصحاب والله تبدا كل وحده تقول ياريتني اهتميت اكثرر بالجانب هظ بليزززززز ماعطن كلامي حقه واعملن بيه

من تجربتي والله قلبي عليكن نحكيلكن بكل صدق وامانه راه وللامانه راجلي كااااااااااااااان موسع باله والي مساعده انه عاش وقت طويل ف صحراء غادي وانه بعدها سافر وطول عمره معتمد علا نفسه يعرف يدير كل شيء بروحه وشجعني وصبر علا قله خبرتي ----ربي ما يحرمني منه

يعني ف عوامل انا ساعدتني مش راح تتوفر عند الكل :042:

فاا اى وحده حدودها ف المطبخ شويا لالالالازم اطور من روحها اتعلم اهم الامور تركز علا المحاشي والعصباااان وووماتنسوش الاعياد الوحده تبي تذبح مع عربها وتقطع خروفها وتغسل الكرشه وادير معاهم عصبااااااااااااااااااااااان


والله يبقو الناس مهما كانت الكنه تمام يبقو يعلقو وينتقدوو ويقارنو بسلفات بجارات و وبكل حد اشطر منها ويلومو علا الام الي ربتها وطلعتها من حوش بوها ماتعرف شئ


بيساااااااا تعرفي كيف حبيبتي :016:نعزك وديما نتفاعل معاك راااك تردي عليا وتقول لا انا نعرف شويه حاجات ومش ممسوحه بكل

بنقووووووووووولك وللكل طورن اروحكن ف الطبخ كيف ما توتن ف الحوش واللبس كيف ما تركزن علا الانجري والدلع والوصفات وتفاصيل العرس

==== راهو المطبخ اهم وابقى

لان هذا راح يكون امتيازكن بعدين وطريقكن لراجل ولهله بيديكن وشطارتكن واهم شيء انتن تبدن راضيات وبالكم مرتاح

كلامك صاح يا عروسة ليبيا بس تعرفي ع الي ايطبق والله خاطري انتعلم المكرونة المبوخة و المكرونة بالخلطي بس مش لا قيه وقت الخدمة و التخميم و اخد وقتي

بنات حي عليا انا ما نعرفش اندير مكياج العيون الايشدو و الايلينر والجو هضا شن اندير

يابنيات الفرش ابتاع الميكب عادة ايكلفن كم وكم فرشة و ايبيعو فيهن مع بعضهن او كل طرف ابروحه

مشااااااااااااااااااااء الله باين عليها فاتتنى الهدرزة هذا كله وين ماشين بيه
قلت أول شئ خلينى انسلم عليكم و بعدين نقرا اللى فاتنى

هنو ليش الاكل لمة انديرة يطلع محمظ ومفش طعمة ونكهة

هنو الدلوعه;11195787:

هههههههههههههههههههه ضحكتوني في دوتكم علي المطبخ تعلمت اهم حاجه الأسرار

وتكون عندك رغبه قويه

يا هنيوه لازم من الاصرار للبنات الي معندهنش ميول ولا كثرة خشه للمطبخ


يا هنووو حبيبتي انتي زي خواتي يعني من طفولتك عندك ميول

الاكل سااااااااااااااااااااهل ما يحيرش لكن لازم من خشه المطبخ للمخطوبات مع امهاتهن صدقوني يا بنااااااااات محد يعلمكم الا الممارسه والمرطزه وحوسه الطبخ توة مدام مزلتوو فحوش هلكم

توة انا تعودت قعدت نحب المطبخ ونحب الوقفه فيه

لكن زي ماقلت ليكن انتن غادي وسط عربكم ومحيطم تطرن فى اوقات واجد انك تصبن واديرين وووتبقن تحت المجهررر --- ----

يعني ظروف سفري نوعا ما خدمتني ومع ذلك تعبت

وانتن يا عرايس حتى الي بتسكن بروحها لالالازم بيمشو عليها عربها ويجو انا من حسن حظي اني بروحي هال 4 شهور ممارسه ومحاولات لين زبطت الامور ومزلت ديما نجرب ف حويجات وندير


هنو يا هنيوة زي ماقتلي علا روحك حتى انا اختي الصغيره مواليد 86 نتفكرها انا ف الاعدادي و هيا ف سنه خامسه 5 ادير ف بسبوبه وكيك يهبل ولقمه القاضي ف رمضان اتهبل وديما تلبز وتحوس ف المطبخ وقبل ياهنو وهي طفله اصغر ديما لاصقه ف ماما ف المطبخ وماما ديما تلز فيها وواطلع فيها برا

وعارفات شن ادير تاخذ ف اللوحه الغليضه متاع تقطيع اللحم == القرمه او تاخذ طاوله عداله الشاهي بش توقف عليها وتشوف ماما ف شن ادير وتحب يوم حشي العصبان والبراك تبدا تبي اديررر وتقلد وماما خايفه عليها تقول البنت هذ شيء يوم ادير مصيبه من النار

يعني راهو ميول عند الناس هوا يفترق ف درجاته اختى كانت ف رمضااااااااااااااااااان من طفولتها الاطفال يتفرجو علا الرسوم وهي تحط علا برنامج اسامه السيد اول طلعته


ووووووووووووووتوة مشالله عليها برغم قريتها وشغلها مزال حبها التفنن ف الاكل ووقفت الكوشه والغاز

حتى الاكلات المعروفه اتغير فيهن وتالف من عندها وتحط

يعني يا حبوبتي كنت صررريحه هظا الي صار معاي وكان غلطتي ياماا شجعت فيا ماما وجديده لاني عشت مع حنى لمده لكن انا سمعت كلام نفسي اهو حتى نخش ندير حاجه مره بعد كم وديمه بجوي كانه شيء مش مهم ومش وقته لا توة بعدين لا الغالي مش دوار ف الاكل الخ الخ االخ يعني مفروض اني عاندت نفسي وطورت من الشيء اهو وحسنت ميولي لانه يا بنات شئ اساسي

زي ما نرجس تبي تتعلم رسم العين وزي ما انا تعلمت المكياج وزي ما تعلمت الخياطه وشغل اليد زي ما قعدت شهور نجهز للعرس ونصمم ف الفيلووو زي ما حفيت وانا نلف ونختار ف احلا ارواب النوم والانجري وحركات الدلع

مفروووووووووووووووض نميت اهتمامي بالطبخ وهوووووووووووووووووووا مافيش اسهل منه يا ناس توة بديت نضحك علا روحي نقول خساره كنى كنت نخش مع ماما وخواتي راني عرم حاجات نبدع فيهن وتعودت علا دورتهم بشكل احلا وتبقى يدي فيهن سريعه تحمسن وراهو الوقت مش سبله تقدرن تخشن واديرن

الامر لا فيه اسرار ولا حركات خشن وجربن وحوسن وتوة يصير منكم مع الممارسه



بنوتات نتمني تاخذن كلامي علا محمل الجد وللامانه والصدق ما كتبت الا لفايدتكن يعني ديما نكتب علا الوصفات والدلع والجو اهووو لكني كنت ناويه نحكو علا حوانب اخرى زي هالجانب مرات نهملوه

يلا ربي يستررررررررررررررررركم يارب وينور وجوهكن قدام رجالتكن وعربكم وهذي مني لخواتي :087:

و الله أنا زعلانة منكم انغيب عنكم و ما حد يسأل عليا:035::035::035::035::035::035:
باااااااااهى ماعادش اتكلمونى

الننس;11196713:
و الله أنا زعلانة منكم انغيب عنكم و ما حد يسأل عليا:035::035::035::035::035::035:
باااااااااهى ماعادش اتكلمونى

حبوبتي ولا تزعلي انا حسب ما نذكر خليت ليك مسج عالايميل وفعلا فقدتك


كنت نبي نسالك علا لمة اخرى لقيتها ف منتدى تاني فاتحه جديد ووودايرين نفس افكارنا هني ونفس الاجواء نقرا معاهن ف اسم نوسه او ننوسه قلت بالك الننس :02:

عموما حبوبتي انستي وانشالله غيبتك خير وانشالله الحاجات الي لقيتهن بعد جيتك والوصفات والردود فادوك


يلا طمنينا عليكي

سامحيني بيسا انتي سألتي هنو وبنجاوبك حتى اني:072:
لاني حتى اني في البدايه كان يطلعلي بنته حامض..
بديت انّقص في طماطم الحكه شويه ونعدل في مقدار البهارات وطبعا ينحط طماطم الحكه في البدايه باش يلحق يطيب كويس..:ok:
بس قوليلي اما اكله بالضبط تجيك حامضه؟؟..
:
وبالنسبه للعصيده اول مره انديرها في حياتي جت تهبببببل بعتالي معاش عرفت انديرها..بدت تجيني مكركبه هلبه..تي لين قريب كرهت روحي..معقوله حتى العصيده مانعرفش انديرها؟؟هكي نقول لروحي..واخر مره درتها من شهر..جت معقوله مش مكركبه لاكن مازال تبي تطييب وتعصيد عالنار لانها جت نيه شويه ماهو تلصق في سقف الفم..مشكلتي في العصيده..هي تعصيدها عالنار بس لاني فيسع مانعيا..ويديا نحسهم لين خلااااص
:
واو ماكثر دوتي..
المهم سامحوني بيسا وهنو خشيتلكم عالخط بدون الو ههههههههه:037:

عروسة ليبيا كلامك عين العقل..
ربي يحفظلك كل غواليك ويحفظك ليهم يااااااارب آميييين