>< لمة الليبيات لشهر صفر 1431 ه ><

بارك الله فيك اختى الغالية عروسة ليبيا وعزيزتى الى انحبها هنو الدلوعة

وكان قلت لكم نفس تفكيرى بظبط بس انا مكنتش نحساب الموالح تحطيهن من اول مرة لانه فى البداية تكون مجرد مقابلة

عموما بنات نسالكن عادى الوحدة تلبس شخشير لحمى لان فى وحدة لبست علقوا عليها الخطاب

وحاجة تانية اى الافضل نلبس قبقاب صندل والا حذاء

سامحونى واكيد عندى اسئلة واااااااااجدة\ومرحب بالجديدات عروسة نيسان وعروسة رايقة

تسلمى حبيبتى قدرك كبير والله اخجلتينى يا راقية

وان شاء الله من فمك لباب السماء بس الموضوع مطول شوية لانهم مش من بنغازى ويارب يستر وخلاص قاعدة على اعصابى

اولا :-نبي نشكر كل من باركلي مسبقا لفضانيتي والعاقبة للي مازالو

ثانيا: الننس مافيش نغرة عفستي على الخط راهو دوري اني توا

ثالثا بالنسبة لامالي الراجل اول جية اني نحكيلكم شن درت
نضت من صبح ربي اصلا اني مارقدتش هاديكا الليلة :050:انخمم طول الليل عيوني انشقلب فيهم زي الباغلي :047: لين الفجر اذن نضت صليت وقعدت ندور في الحوش ونضم طبعا دارنا امتع المسند طاولتها المرشة مكسرة وخوتي الاولاد مكرو فيا طلعو :031:مشيت اني بروحي في هاديكا القايلة ركبتلها مرشة

طبعا هما قالو بيجو قبل المغرب واني وتيت الحاجات تو انقولهم بعدين وخشيت دوشت وسشورت شفاشيفي ودرت روج خفيف امتع الغولا وخلاص ماهي اني مانحبش الماكياج او بالاحرى مايبانش فيا انياياياهاهاها
طبعا حضرتهم عطلو جو بعد المغرب بهلبباااا واني نغلي واندور في الحوش وامي اتقولي يابنتي ريحي رجيلاتك قعمزي :056:

واني حلفت قلت مش حن انكلمه لاني وصيته وقتله لما قريب توصلي كلمني وهو حضرته راقد مقيل واني القايلة كلها فوق راصي

المهم جو امه واخته صبية طبعا خشو استقبلناهم طبعا اني ماطلعتش من الاول شوية قعمزو وهدرزو مع ماما ومرت خالي وبعدين طلعت اني اندرج رورورورورو:071: هكي نمشي هههههههههههههه

ماطولتش في التقعميز وماقلت شي غير كيف حالكم ونبتسم وخلاص

هوفهوف ادهشت شكلي دويت هلبة شن هادا

اسمعو التفريق كان شكلاتة وشاهي وحلوات ومكسرات وخلاص ماكترناش وهو ماعطيتا شي يستاهل من قاله يشحورني :039:

صباح الخير ع الامورات الحلوات

طبعا هما جابو معاهم بكلاوة وانسيت ماعطيتهمش لما جو مروحييين اننننياياهاهاهاها شن بندير جل من لا يخطي الله غالب

طبعا هادا كان في شهر 8 اللي فات امتع 2009 وتو احني في 2010 وهادا وين بيفضو ماهو خوالي يعطيهم الهني ان شاء الله عطلو باش ردو عليهم ويقصصو على الراجل وعلى اماليه واني انقوللهم في خاطري ياودي كويس اني نعرفه نبييييه مادخلكمش فيه راهو سنة نعرفة طبعا هادا كله في سري وخالي لما سألني قالي وين شافك قتله وين نندري شوره شافني في الطريق اعجبته تبعني للحوش اني مامعمري كلمته اننننياياياهاهاهاهاهاها

مبـــــــــــــــــــــــــــــــــــــــــــــــــــــــــــــروك الف الف الــــــــــــــــــــــــــــــــــــــــــــــــــــــــــــف مبروك ياغولة والعقبة ما تجيبينا اغوال صغار ايخوفونا في المنتدي

تعرفي ياننس كان تسمعيني كيف انقول فيها اننننيايايهاهاها تموتي على روحك بالضحك صاحبتي مسيكينة ديمة انديرللها فيها وبالدموع الضحك هههههههههههه

الله يبارك فيك يانرجس بتعزميني لعرسك ولا
اسمعي خاطري نلبس كفطاني الليمي وعندي شخشير صوف حلووووو لونه عنابي يطلع عليه واسبيدرو اخضر ايهبل جبته من شيشيشيا محل اجديد هادا انياياياهاهاها

اسمعي عادي نلبس طاقية لافاش كيري حمرا ولا عندكم عيب غادي في الشرق ويضحكو عليا اسمعي اني حساسة ونتحملش حد يتسهوك عليا راهو

صباح الورد
والله استاحشتكم كلكم

اميرة الانسات;11130556:
بارك الله فيك اختى الغالية عروسة ليبيا وعزيزتى الى انحبها هنو الدلوعة
حتى أني نموووووووووووووت فيك يا عسولتي

وكان قلت لكم نفس تفكيرى بظبط بس انا مكنتش نحساب الموالح تحطيهن من اول مرة لانه فى البداية تكون مجرد مقابلة
أيه عندك حق حتى أني ماكنتش بنديرهم لكن قلت لو صارلهم ظرف وعطلو عندي شنو يكون موقفي لازم نستعد وندير احتياطي وفعلا سيدي الي هو بو راجلي صارله ظرف وعطل والحمد لله اني كنت مستعده ووخيتك فااااالحه في المطبخ يعني كله شغل ايدياتي وننصح كل وحده دير حاجتها بروحها

عموما بنات نسالكن عادى الوحدة تلبس شخشير لحمى لان فى وحدة لبست علقوا عليها الخطاب
علاش علقو اللطف بالعكس عادي ألبسي يكون لونه شفاااااف ومايبانش ويعطيك رونق لي سيقانك بس لوكنتي بتلبسي شبشب متاع الموضه وتكون فيه لقطه لا ماتلبسيش شخشير وديري الي نقولك عليه خودي كريمه مرطبه ومعاه شوية فونديشين وخلطيهم مع بعض وادهني بيهم سيقانك وشوفي كيف يقعد شكلهم رووووووعه ويقعدو ضاويات وكانك لابسه شخشير

وحاجة تانية اى الافضل نلبس قبقاب صندل والا حذاء
وصندل او قبقاب أو كندره اللبسه تحكم أنتي قيسي وشوفي المناسب أكثر
ولو صندلي مسكر من قدام ألبسي شخشير لو مفتوح ماتلبسيش ولو كندره ألبسي

سامحونى واكيد عندى اسئلة واااااااااجدة\ومرحب بالجديدات عروسة نيسان وعروسة رايقة

قدرك كبير بقلبي;11127723:
هنو بارك الله فيك ياعسول انا ندير في فراولة بروحه كيف طريقتك

بس حلوة فكره الكيوي يعني حتي هو نقعه في سكر ؟

ان شاء الله في مناسبة قريبة نديره وعجبتني واجد فكره عود خشب

تسلمي تعبت معايا بارك الله فيك

بيكاتشو;11131129:
صباح الورد
والله استاحشتكم كلكم

سلمها وخلاص الغالية هنو تهبلى ربى يحفظك

باهى سؤال تانى طبعا القعدة معهام يعنى اول مايجوا النسوان امتى نخش عليهم بظبط؟؟

وامتى نطلع يعنى عارفة اسئلة غريبة بس لازم عشان كل شى يمشى كويس

يتصفح الموضوع حالياً: 4 (4 من الأعضاء و 0 من الزوار) ‏بيكاتشو, ‏هنو الدلوعه, ‏غولة, ‏نرجس الشرق

الورد للحاضرين وحتى للغياب

اميرة الانسات;11131269:
سلمها وخلاص الغالية هنو تهبلى ربى يحفظك

باهى سؤال تانى طبعا القعدة معهام يعنى اول مايجوا النسوان امتى نخش عليهم بظبط؟؟

وامتى نطلع يعنى عارفة اسئلة غريبة بس لازم عشان كل شى يمشى كويس

يا امورة مش لازم تعطلى الحشم يخليك حلوة يعنى بعد ما يخشوا بشوية خشى سلمى وقعمزى دقيقتين وبعدين اطلعى
ومشي شوية ابدى فى الضيافة

تعطيهالي الباقة بيكاتشو

هنو ناخد جغمة من العصير معليشي جغمة بس

اميرة الانسات;11131269:
سلمها وخلاص الغالية هنو تهبلى ربى يحفظك

باهى سؤال تانى طبعا القعدة معهام يعنى اول مايجوا النسوان امتى نخش عليهم بظبط؟؟

وامتى نطلع يعنى عارفة اسئلة غريبة بس لازم عشان كل شى يمشى كويس