>< لمة الليبيات لشهر صفر 1431 ه ><

الننس;11126277:
ليبية 2010 ما شاء الله هانت فكرتينى بروحى لمل كنت حامل
قوليلى كيف كان الوحم معاك ان شاء الله ما تعبتى فيه

الحمدلله وحمي الى حد ما ماعتبنيش هلبا ، ويارب ولادتي تكون زي وحمي ساهله يااااارب
ادعولي والله خايفة وبروحي لما نتفكر نقعد نبكي

هنو الدلوعه;11126282:

ليبيه 2010 شرفتينا ونورتينا ياحبيبتي اني وخيتك هنو ونتشرف بيك يابنت بلادي

بارك الله فيك وخيتي صحيتي على ترحيبك

كلام اختى الننس صح

ليبية 2010 لا ياحبيبتى ما تاخفى بأذن الله تكون ولادتك ساهلة اهم شى فى شهرك الاخير تمشى المشى كويس يسهل الولادة
بعدين ديما اقرى سورة مريم و الكهف خاصة فى الشهر الاخير اقريهن على مية و يا ريت اتكون مية زمزم و اقرى عليها المعوذات وأوائل و أخوار سورة البقرة و أية الكرسى و أشربى منها كل يوم ورشى منها على بطنك
هكى كانت امى ادير و هكى درت انا و الحمد لله كانت ولادتى ساهلة
و ان شاء الله اتكون ولادتك ساهلة و اتجيبى طفل معافى صحيح و سالم يارب
بس ما قلتى شن قالولك وليد ولا بنية

الننس;11126624:
ليبية 2010 لا ياحبيبتى ما تاخفى بأذن الله تكون ولادتك ساهلة اهم شى فى شهرك الاخير تمشى المشى كويس يسهل الولادة
بعدين ديما اقرى سورة مريم و الكهف خاصة فى الشهر الاخير اقريهن على مية و يا ريت اتكون مية زمزم و اقرى عليها المعوذات وأوائل و أخوار سورة البقرة و أية الكرسى و أشربى منها كل يوم ورشى منها على بطنك
هكى كانت امى ادير و هكى درت انا و الحمد لله كانت ولادتى ساهلة
و ان شاء الله اتكون ولادتك ساهلة و اتجيبى طفل معافى صحيح و سالم يارب
بس ما قلتى شن قالولك وليد ولا بنية

صحيتي وخيتي على اهتمامك
بنت ان شاء الله
والخوف لازم منه غربة وحمل وولادة بروحي مرة مرة انكد على راجلي مسكين بس والله مابيدي
وبإذن الله بس نخش لشهري ندير نصايحك حبيتي

بناااااااااااات :039: زعلتوني منكم

شني كلكم حلووين وبلا وصفات لا شيء واني بس الي نلبز و نحط ولا شني

يلا عااااد نبوها هدرزه بفيدتهاااااااا والي جربت وصفااات زيوت كريمات ولا حتى شامبو قنين ولا معجون اسنان حتى و مفعلوله حلوووو تفيدناااااااااا


علا سيره معجون الاسناااااااااااااااااااان معجون قلوس اب الجديد الي لونه سماووووووووووي متاع الدعايه يجنن من اسبوع جبته وووووووووالحق رررررررررررهيب توا ليا اسبوع ومركزه عليه حسيته حلووو وريحته حلو ه والله حسيت بيه يبيض بس مش من اول استعمال زي كلام دعايه ههههههههه :094:يعني من اول اسبوع راهو ليه اسبوع بس نتائج ملحووووظه


ما علينا ما اتنسونيش :020: عاااد هيا انشطووو حسبت روحي نحكي بروحي


اسمعوووو نبو الوصفات والحركات الحلوة انا دهشت يلا بدعووو ورونا الزين الليبي هولك هولك هولك



بنااااااااااااااات عروس ليبيا غايبه انشالله خير والله مكانها باين وحتي بيسووووو معش تخش واجد انشالله خيررر ليهن وحشه واللهي

السلام عليكم ورحمة الله وبركاته..
:
أول شي نبي نقول شكرا شكرا شكرا جزيلا لأختنا الأموره عروسة ليبيا على عزومتها الراقيه ليا..والله بجديات فرحت برسالتك عالاخر^_^..وسامحيني هذا وين قدرت نرد عليك..
معاكم العضوه(طرابلسيه بنكهه مصراتيه)لاني تبهدلت واني نجرب في الاسماء وطلع الاسم طويل وحسيت ان الاخوات هنايا رح يتلخبطوا بيني وبين الأخت طرابلسيه والاخت طرابلسيه لسرتاوي فقدمت طلب تغيير معرفي..وصرت عروسة نيسان^_^
أني ولله الحمد مخطوبه وعرسي في شهر4يعني نيسان هههههههههه يعني ليبيه 100% :014:ياعروسة ليبيا هههههههههه:037:
طرابلسيه وعمري23ومازالتلي ماده وحده ونتخرج :097:دعواتكم اخواتي اني ننجح فيها تعبتني هلبه هالماده..:082:
:
ونبي نقول لمدام غاده عظم الله أجركم وأسكن فقيدتكم فسيح الجنان..اللهم آمييييين..
:
ولطرابلسيه ربي يحمي بنوتتك ويحفظك ليها^_^..
:
ولباقي البنات نهديلكم هدوما الوردات
:083::025::065::083::025::065:

:083::025::065::083::025::065:

كلكم حليوات وأمورات ماشاء الله ربي يحفظكم ويسخر أزواجكم ليكم ياالمتزوجات وخطابكم يالمخطوبات..
:
وبإذن الله أول مانحصل فرصه رح نوريلكم شن مشترياتي في موضوع تجمع العرايس الليبيات..
:
دمتم بخير أخواتي..
في أمان الرحمن..

تارتني نشيطة في خلطات خخخخ تسلمي ياعسول عروسة انا اغلب الحاجات

الي قتي عليهم ندير فيهم وبابونج نشرب فيه لما نقعد متنرفزه نحبه بكل

بس معلومة جديدة انه يفتح الشعر عجبتني هذي وان شاء الله نجربها

بس قوليلي الحنه الي تحكي عليها ماتغيريش لون الشعر وانا خطيبي يقتلني لو

يسمع جيت شور الحنه مايحبهيش بكل وهل تجفف الشعر ياريت تفديني بكل حاجة تعرفيها

وكيف بزبط نديره وهل ينفع بس ندير بابونج وماء بس؟

ولكم عروسة جديدة ليبية 2010 نورتي التجمع

وان شاء الله بسلامتك وتجبي بيبي سموح يتربي بعزكم

هنو بارك الله فيك ياعسول انا ندير في فراولة بروحه كيف طريقتك

بس حلوة فكره الكيوي يعني حتي هو نقعه في سكر ؟

ان شاء الله في مناسبة قريبة نديره وعجبتني واجد فكره عود خشب

تسلمي تعبت معايا بارك الله فيك

بيسا ياسموحه وين غاطسه ؟

ان شاء الله خير

الحق الحق ياعروسة ليبيا مادرتش اي اقنعه او ماسكات لبشرتي:(
صح نكثر في شرب الميه والفواكه وحسنت من نشاط بشرتي ولله الحمد..بس شعري هو اللي ديما انديرله في حمام زيت..في أغلب الاحيان زيوت مخلطه..لو مستعجله نحط زيت سانسيلك هو مزيج من 7 زيوت..نستعمل في الاصفر..ولو جوي مليح نخلط مقادير متساويه من زيت الزيتون وزيت اللوز المر واقل بقليل من نصف المقدار من زيت الخروع ونحطه على شعري مش اقل من ساعه...
ونغسله عادي..
:
وقبل مايجف نحط عالاطراف الجافه شوييه من مزيج الزيوت..
:
وبإذن الله رح نبدا في خلطات البشره لان معاش مازاللي وقت..يستر ربي وخلاص من هالتأجيل..تعرفوا كل مره نقول خلي نبدا غدوه خلي نبدا غدوه ويفوت الوقت هكي وخلاص كله في الاسواق والمطبخ والحاجات الثانيه بس بإذن الله رح نبدا من توا..بالذات تبييض وتفتيح المناطق الغامقه في الجسم وترطيب الركب والمرفقين..

عروسة لا ماتزعليش حتي انا نمرطز ونلبز

فيها جو الواحد يهتم بروحه

بارك الله فيك ع اهتمامك بينا

والله انا من القراية مش لاقية وقت حتي نغسل وجهي بصابون

ان شاء الله لما نكمل نكتب اهتمامي بشرتي وجهي

[QUOTE=عروسة نيسان;11127581]السلام عليكم ورحمة الله وبركاته..
:
أول شي نبي نقول شكرا شكرا شكرا جزيلا لأختنا الأموره عروسة ليبيا على عزومتها الراقيه ليا..والله بجديات فرحت ب

سلمك حبيبتي بلا جميل صار انتي طرابلسيه بنكهه طرابلس هههههههههه عموما انا متفكره النك متاعك واهووو شوفي لما درت قائمه للبنات سجلتك معانا هنا ف صفحات سابقه

وصرت عروسة نيسان^_^
أني ولله الحمد مخطوبه وعرسي في شهر4يعني نيسان هههههههههه يعني ليبيه 100% :014:ياعروسة ليبيا هههههههههه

مشاء الله تبارك الرحمن ربي يكمل عليكي يارب ويهنيك ويسترك ووووانا نحب شهر نيسااان هلبااااااا فيه ميلادي وذكريات حلوه هلبااا ونحب جوووه ----------------ربي يتمم بخير وعرسك قرررب خلاص لازم تبدي تركزي علا رويحتك حبوبه


ليبيه ميه ف الميه اممممم
:
ولباقي البنات نهديلكم هدوما الوردات
:083::025::065::083::025::065:

:083::025::065::083::025::065:

يسلمووو علا هالوردات الحلواااااات نيابه عني وعن الكل وانستي :072:اللمه ونورت بيكي :
:

سؤال مخالف لبنات طرابلس ::025:

نبي نعرف اذا كان في العطر هذا ولالا ولو في ياريت تقولنلي وين

اسمه (issey miyake ) رجالي

وشكله





الله يربحكم عابيه عليكم عشان نبي نوصي:02: عليه من غادي هنا ماعندنيش

في انتظار الي يعرف بارك الله فيكم مقدما

حطيته في التجهيزات مافيش حد عبر :039:

قدرك كبير بقلبي بصراحه وخيتي مش شايفاته قبل بس في أسألي عليه في محل يجي في سوق الشط أول محل عاليسار بعد ماتركبي الدرجتين..المحل هداكا مش عارفه علاش مفضل عندي يمكن لأن أغلب العطور اللي نحبها نلقاها غادي لأن معبي عطور تبي الإستكشاف....وياريت تلقي طلبك غادي وتقدري تسألي صاحب المحل لأن حسب تعاملي معاه قبل عرفت ان عنده خبره في العطور..
يارب تلقي طلبك..

عروسة ليبيا ايه بإذن الله من اليوم نبدا نحط كريم فازلين+قطرات بسيطه ليمون للركب لان هاملتهم هلبه وعندك حق اصلا مفروض نكون باديه من فتره في الجو هذا ااااااخ اني عطلتني قرايتي

هلا اختي ينبوع الامل مشاء الله اسمك يهبل حلو معانيه عموما مرحب بيك شرفتي ونورتي وسلمك عالكلام الحلووو والطيب يا طيبه زورينا مره مره وشوفي بالك تستفيدي من حوارنا ومن كلامنا والغامض عليكي قابل لشرح البنات مش حيقصرن معاكي

ينبوع الأمل أهلا وسهلا أختنا^_^..مرحبتين بيك..

وياريت ديما نشوفوا اسمك وتآنسينا في لمتنا..ومرحبتين بأي سؤال..

:
في أمان الرحمن..

عروسة ليبيا;11113477:
هلالا وغلا مريانا :03:واخيرا هلو الصامتون :03: نورتي حبيبيه :083: علاش مكلفه روحك طلتك ساده
النور نورك حبيبتي..لا مكلفة روحي ولاشي ما في شي من واجبكم..

عموماااااااااا سلم ايدياتك و انستينااااااااااااااا ولا اطاله لا شيء بالعكس نحب نتعرفوووو
تسلمي حبيبتي..نعرفك بروحي ..انا لامتزوجة ولا مخطوبة..بس ديما قاعدة في هالمنتدى لاني نحب افكار تجهيزات الافراح..خصوصا تجهيز البتات وافكار الحفلة
يعني تقدري اتقولي هوايتي تغليف البتات و الهدايا وديما في افراح قريباتي وصاحباتي ان اللي انلفلهن في جهازهن لاني الحمد لله كل مرة مخترعة فكرة ..
وما صدقت القيت تجهيز العرايس لليبيات..تابعتهن اول بأول..
ان شاء الله حنشارك ببعض الافكار في التجهيزات..عشان عروساتنا الحلوات.


وتشاركينا تجاربك وشن الحاجات والمنتجات العمليه الي تجربي فيها ومشت معاك وووالخلطات الي فادتك او سمعتى بحد مجربها

وعرفينا عن نفسك وووطبعا امور التهجيزات راح تكون غادي فموضوع التجهيزات



وبس يا سمحه ووووووووووووووووووالله فرحت بجيتك :016:انتي وبيكاتشوو :032: ونحب تكون اللمه ملتقى لي بنات ومدامات ليبيات :ok: وهمااااااااااا هلبا ف عروس

سلمها ياربي و نجيها وان شاء الله ديما فرحانة..
مزال اغلبهن ماعرفش بلمتنا :08:

الحاااااااااااااااااااااااااااااااااضر يعلم الغايب :07::027: ونتلاقو عالفايده والخير :072: ونتونسو بي بعض:055: