مرحبا بنات عروس :065:
كيفكم مع هالرجيمات,,اكيد مالّين متلي ههه :057:
ما حَ طوّل عليكم :092: بس إسمعوني للآخر و اللي بتحب تعطيني رئيها "تتفضل":032:
مع بداية شهر ديسمبر اشتركت ب قروب الرابح الأكبر مع مجموعه عراآيس قمامير:025:
و ل حد الآن انا معهم بالقروب و ما بقدر أبعد عنهم,,<<أدمنت يا جماعه :040:
بس الغريب بالموضوع إنه طول هالفتره ( حوالي 6 اسابيع ) وزني واقف,,بينزل غرامات و بيطلع غرامات,,كل مره بحاول ألاقي سبب مقنع,,مره بقول بسبب "الملح" و مره بسبب "الدوره" ومره بكون "خربت الدايت",,بالنهايه صرت حاسه الوقت بيمضي وانا واقفه مكاني,,ما بتحرك,,وزني ما بينزل,,(ليه؟),,أكيد لاني كل مره بأجل,,ومش عاطيه للموضوع أهميّه
انا صرآحه صرت خآيفه ع شكلي,,و على نفسيتي,,ثقتي بنفسي كل مالها بترجع ل ورا,,بعد ما كنت البنت الواآثقه من شكلها و متأكده انه كل العيون حَ تكون عليها
بس هلاء للأسف,,ما بسمع غير هالتعليقات:
"شو صايرلك صايره متل الدبه"
"كل مالك بتسمني,,ديري بالك لتصيري فوتبول"
"كنتي قبل أحلا,,شوفي جسمك شو صار هلا"
"خففي أكل,,و ارحمي بطنك"
"كل مالك بتسمني,,ديري بالك لتصيري فوتبول"
"كنتي قبل أحلا,,شوفي جسمك شو صار هلا"
"خففي أكل,,و ارحمي بطنك"
:091:
انا و ب كل ثقه عارفه حالي,,وبعرف انه جسمي حاليا مليان بس بنفس الوقت حلو,,وكمان الاناقه و الشعر و اللبس بتطغي على هالعيب "إني سمنت"
بس لإيمتى رح ضل خبي الكيلوهات الزايده بالجينز الواسع,,او الفساتين الواسعه
ليش ما اتخلص من هالمشكله وخلص !!
التعليقات أرهقتني,,خآصه إني على وجه خطوبه,,وعندي كتير مناسبات بالصيف,,ومنهم أهم مناسبه وهي حفلتي:040:
,,,,,
بعد كل الكلام قررت ألتزم بشكل جدي,,ما رح ضل قول رح التزم بكرا و بعده,,وهيك الوقت بضيع
لا هالمره جد,,وتابعوني حتى أوصل لوزني اللي كنت فيه قبل المأساة اللي صارتلي :025:
,,,,,
بذكر وزني كان 55 او 54...وشوي شوي صار يزيد,,كيلو على كيلو,,وانا أقول معلش جسمي بجنن,,وشوي صحيت على جسم مليان,,جينزات صارت ديّقه,,:057:
هلاء صار لازم ارجع أخسر 10 كيلو من وزني وفوقهم هديه كم كيلو حسب المده و الوقت والوضع خخ
بس اللي بهمني اوصل لوزن 55 او 54 مع انتهاء شهر مايو 2010
وبعدين بشوف لو ضروري أكمل بالمشوار او لا :072:
,,,,,
طبعا كل هالشي بدو ترتيب و تخطيط وتنظيم,,وحسابات,,والاهم من هيك ثقه وقوة اراده
بصراحه صارلي كم يوم عم بفكر و بجمع و بطرح,,وبالنهايه توصلت ل خطه اقدر استمر عليها
وما أملّ منها,,و تبقى معي عمري كله,,لانه الاهم من فقدان الوزن هو اكتساب العادات الصحيه و تثبيت الوزن بعد انقاصه
وهالشي ما بيجي بسهوله,,لازم يكون عنا ثقافه انا بسميها "ثقافه غذاائيه " ههههه بخترع اسماء :014:
وهالثقافه بتنشئ عن طريق التصفح وقراءة المواضيع اللي بتخص التغذيه من مصادر موثوق منها
,,,,,
حآسه إني طولت ب كلامي,,بس لسه بآقي عندي :032:,,تحملووني ترى ماآلي غيركم
,,,,
الخطه اللي حَ امشي عليها
النظام:
3 وجبات باليوم,,(افطري ك ملكة,,و اتغدي حتى تسدي جوعك وبس,,و اتعشي شي خفيف)
طبعا عن طريق حساب السعرات ب حيث انه باليوم الواحد ما أتخطى ال1000 كالوري و ما أنزل عن ال750 كالوري)
بين كل وجبه و الثانيه 5 ساعات,,
بين الوجبات (بعد الوجبه الاساسية بساعتين ونص لازم حبة فواكه أو حبة خضار ),,
بعد الوجبه الاساسية ب ساعه لازم اعشاب مساعده ع تخفيض الوزن و منها مفيده للجسم يعني عصفورين ب حجر,,متل "الشاي الأخضر و الزنجبيل و خلطة الاعشاب والخ مما يشتهيه قلبك وخاطرك <<اوه عاللغه الفصحى"
ملاحظه صغيره: هالخطه او النظام,,استفدته من عدة مواضيع بالمنتدى,,مدحت هالنظام,,و نزلو عليه البنات بطريقة صحيه :040:,,مشكوورين كلهم
طبعا الممنوعات معروفه,,وهي غير صحيه للنحاف و للسمان و للجميع
يعني الكل لازم يبتعد عنها وللأسف احنا متعلقين فيها
وهي الشيبسات المليانه صبغات ومواد حافظه,,والمشروبات الغازيه اللي كلها ضرر لصحه الجهاز الهضمي,,والشوكلت اللي هي سبب اغلب مشاكل البشرة و الاسنان,,
لازم نبتعد عن هالشي مش بس فترة الدايت,,لالالالا,,لازم نبعد عنهم العمر كله,,حتى نحافظ ع سلامتنا,,وصحتنا :072:
بهالطريقة الجسم بينحف بشكل تدريجي,,وبنفس الوقت بستفيد اني بكون اكتسبت نظام صحي لعمري كله,,
بس الرياضه ضروريه و ضروريه جدا,,حتى نحافظ عالجسم مشدود وغير مترهل
:025:ولهالشي انا رح ابدا دوامي بالنادي,,و مو مشكلة,,اهم شي امارس الرياضه 3 مرات عالاقل بالاسبوع مدة نص ساعه,,و على حسب وقتي,,ممكن ألعب مره مده طويله,,ممكن مدة قصيره,,اهم شي ما أهمل الرياضه
ولازم تبقى الرياضه جزء لا يتجزء من نشاطي اليومي
,,,,
وان شاء الله كل اسبوع بقيس وزني و بحطه هون,,
و بشكل يومي بنزل يومياتي وبالصوّر
حتى ما اعطي نفسي مجال للتخريب :032:
,,,
بانتظار تشجيعكم أموراتي الحلوين
:040:
فظيعه
