مخاوفي بعد قدوم الطفل الثالث

تسلمين مسز عادل وكلامش احجل تواضعي << على قولة ام خماس خخخخ والله يخلي لش حسون وتجيبه له اخوااااااااااااااااان ان شاء الله

هذيان ايه والله داخلة عرض موضوع مايخصش خخخخخخخ

امزح وياش هذيان الله يرزقش ببيبي ان شاء الله بعد سنة ونص << زين ؟؟؟ خخخخخ

طبعا هذيان اختي مخطوبة << قاعدة تعرف الجماهير خخخ

الله يعينج أم حسين.. والله آنه الحين لما آشوف تعبي مع بنتي والضغط اللي آنه فيه وحسيت إني أهملت ولدي وخصوصا اني كنت مهتمة بتدريسه وتعليمه واللعب معاه وأخذه المكتبة العامة والسينما والحين كل شي تغير أحس أني ماقدر أربي ثالث لأن ولدي بينهمل في دروسه وبنتي مسكينة بتضيع بين الكبير والصغير فما أحط فكرة اني أكون أم للمرة الثالثة في مخي... الصراحة تعب بس آنه الحين مابي أزيد همك هم .. الحين مثل مايقولون أنتي فيها وكلي أمرج لله ويمكن ماتدرين هالولد يكون أهدأ منهم ومايتعبح ولاتحسين بمسئوليته... حاولي تعدلين في الوقت يعني الإثنين يكونون بالمدرسة أنتي جابلي البيبي ولما يرجعون وزعي الوقت بين الكبار وخلي زوجج يهتم شوي معاج بالبيبي او حاولي تنومينه في هالفترة لين ماتخلصين معاهم واجباتهم ...


أستهدي بالله وتفائلي بالخير والله يقومج أنتي والبيبي بالسلامة...

بسومة فعلا مثل ما قالت مسز عاد تعتبرين مثال للصمود في ايامنا هذه

عادة هالمعاناة عانوها امهاتنا على ايامهم مساكين ( امي مسكينة جابتني انا البكر وبعد 3 شهور حملت بأختي وجابتها يعني اصغر مني بسنة وبعد 6 شهور حملت بأخوي يعني الفرق بيني انا الكبيرة وبينه هو سنتين و3 شهور وبعد ما تأخرت عليه وجابت اختي والفرق بيني انا الكبيرة وبين اختي الثانية او المولود الرابع بس 4 سنوات و9 شهوووووور وكانت امي صغيرة في السن وساكنة في غرفة وحدة وتعبت علينا وايد ) والحين لما ذكرتين قصتج تذكرت امي الله يخليها وانا دوم اقولها مادري شلون تحملتينا خخخخخ

ان شاء الله يكبرون بسرعه ويريحونج وتنسين هالتعب ..

هذيان تسلمين خيو عيونج الحلوة :094:
عن جنس البيبي يالله عقب شهر وشوي بتعرفون خخخخخ


رنوي هلا والله مشكوووورة ع المشاركة وفعلا الوضع صعب الله يعين الجميع

اكثر شي احاتييييييييييييييييييييييييه هو السهر وكل ليلة تقريبا لين حطيت راسي بنام اتذكر واقول ايييه عقب فترة بسيطة راح انحرم من النوم وبتحسر على النوم المتواصل هههههههههههه ويجيني اكتئاب حزتها ولين طلعنا مكان وشفت وحدة عندها بيبي مغربلنها وقاعد يصيح يجيني اكتئاب واقول عقب فترة بصير في هالموقف واذا مرضوا عيالي وشفت روحي شلون تعبانه معاهم اقعد اقول الله يعين بعد ما يجي الطفل الثالث واذا مرضوا ثلاثتهم شلون بتحمل لان انا عيالي اذا واحد يمرض لاااااازم يعدي الثاني ويمرض بعد واصير حزتها ممرضة لهم حالتنا حاله وياهم حتى النوم ما ننام ومن مستشفى لمستشفى خخخخ
يعني مثل ما نقول قمت اخذ كل شي من منحى سلبي وهذا اللي مضايقني ومسبب لي حالة نفسية ..
بس خلاص بحاول هالفترة ان استمتع بما تبقى من فترة الحمل واستعد للوضع الجديد وان انظر نظرة ايجابية للموضوع لان الشي بيصير بيصير لا مفر منه ومثل ما قلتون التفكير لا بيقدم ولا بيأخر ..

تدرين أم حسون أني كتبت تجربتي مع الثالث واللي ماكتبتة أني أموت على البيبيات الصغااار وأحلى شعووور عندي لما يعطوووني البيبي بعد ماأولد أنسى الدنيا ومافيها وألحين لما أشوف بيبي في اللفة أنهبل عليه وأنسى التعب وأقول لزوجي متى تفكر نجيب الرااابع ويطالعني جذي:047::039:وأني أصير جذي:02:

نجمة وو قمر;11041234:
تدرين أم حسون أني كتبت تجربتي مع الثالث واللي ماكتبتة أني أموت على البيبيات الصغااار وأحلى شعووور عندي لما يعطوووني البيبي بعد ماأولد أنسى الدنيا ومافيها وألحين لما أشوف بيبي في اللفة أنهبل عليه وأنسى التعب وأقول لزوجي متى تفكر نجيب الرااابع ويطالعني جذي:047::039:وأني أصير جذي:02:

ههههههههههههههههههههههههه
انا عندي خالة كانت حامل معاي وتوها والدة قبل اسبوعين وجابت ما شاء الله توأم اولاد ( اول بيبياتها ) وكنا طول فترة الحمل نتابع اخبار بعض وكل نقعد مع بعض في التجمعات ونسولف عن الحمل ونتشكى معاناتنا ولما ولدت استاااانست لها واول ما رحت المستشفى وشفت اليهال تفجرت فيني كل مشاعر الامومة ههههههههههه وتمنيت ان انا اللي والدة وشايلة طفلي بين ايديني وخصوصا لما عيالي شفتهم شلون ميتين ع البيبيات ويطالعونهم وخاطرهم فيهم وحتى زوجي لما ودوا له البيبيات وشفته شلون يطالعهم قعدت اقول متى انا بعد اولد وافرح زوجي واولادي بالبيبي ومن يومها اولادي مستخفين ويسألوني متى بيجي البيبي خخخخ وانا طول الاسبوع في البيت مكتئبة لكن هالاسبوعين اذا اروح بيت ابوي العود وخالتي قاعدة هناك مع بيبياتها عاد اذا اروح واشوفهم تتغير نفسيتي وايد ويصير خاطري اولد واشوف البيبي مالي ههههههههههههه ما يندرى يمكن بعد لو انا مو حامل كنت قلت لزوجي خاطري احمل واجيب بيبي خخخخخ:093:

انا مع الاخت زهره البنفسج

ماما حسون;11032415:
الحمدلله على كل حال
الله يهون على الجميع ان شاء الله ..


اختي الريح الباردة لا والله ما في زعل
بس مو شرط اختي الوحدة تقول ما ابغي عيال بالمرة وتكتفي بطفلين او 3
ممكن الوحدة تحب تنظم الحمل اكثر وتخلي فروقات معينة بين اطفالها علشان خطط معينة يعني انا مثلا كنت فعلا حابة اكتفي بطفلين بسبب التعب معاهم وعليهم مو علشان بتزكرت نفس الانجليز بس زوجي كان خاطره بطفل ثالث بعد مدة فكنت حاطة في بالي ان اكيد بعد مدة بحمل وزوجي بنفسه كان حاط في باله ان احمل لما يكمل ولدي الصغير ع الاقل 4 سنوات وعلى ما اولد بيكون ولدي قريب ال5 سنوات واحيانا كان يفكر يكبّر الفرق بينهم لما يشوف شلون متعبينا اليهال اضافة الى اهم نقطة وهي ان انا كنت مخططة على الحج السنة لكن الحمل افسد الموضوع ولا رحت .. لكن تفاجأت بحملي لما صار عمر ولدي سنتين ونصف


في النهاية انا اريد وانت تريد والله يفعل ما يريد ..

وهي كتبة الله

الحمدلله رب العالمين

ماما حسون نفس حالي خسرت الحج بسبب حملي
لكن لو كان الحج لنا في ديك السنه خير لنا ماكان ربش منع الحمل وسهل لنا الحج

لكن أكيد الخيره لنا في البيبي

والحج السنه ان شاء الله ناويين نروح الحج بإذن الله الواحد الأحد

وانتي بعد ماتدري يمكن الله يسهل لنا ولش هالسنه ونحج جميع ان شاء الله

بسمة أطفالي;11035405:

يا حليلش يا ماما حسون ،، الله يسهل عليش الامور ان شاء الله

بقول لش عن تجربتي :094: يمكن تهون عليش :040:

الحمد لله رب العالمين :016: واعتقدكم تعرفون عندي اربعة عيال الكبيرة ست سنوات والصغيرة سنة ،، جبت بنتي الكبيرة وحملت بالثانية واني ادرس بالجامعة

اتخرجت وولدت بالثاية وتعبت كلللللش خصوصا ان بنتي الكبيرة الله يهديها حركية وتسوي ليي مشاكل والكل يتكلم عنها :033: ويضايق منها

فقلت خلني اكتفي بالحلوتين واربيهم وبعدين افكر اجيب الثالث ادا الله اراد

بس سبحانه ربي كلها اشهر وحملت بالثالث وطبعا ماكان في الحسبان بس الحمد لله رب العالمين ولدت وجبت ولد وزوجي طار من الوناسة

اتخيلي لما ولدت بالثالث كان عمر الحلوتين وحدة سنة والثانية سنتين وثمانية اشهر :096:وعليش انتين واللي يقرا بحسبة التعب والتبديل :047: وكانت الصغيرة للحين مامشت خخخخ

حتى لما رحت المستشفى بولد سالتني الدكتورة عن اعما الحلوين واني ميتة من الالم وهيه:039: ضرب نصايح ومنقهرة عليي اشلون ثنتين صغار والحين بتجيبن الثالث :047:

المهم ماعلينا هذا كوم وكوم ان اول ماادري اني حامل اضايق نفسي وزوجي يضايق :040:وكل يقول تعب ومسؤلية :040: واني مو قريبة من بيت البابا وطبعا بيت عمي مافيه احد اقدر اعتمد عليه ونساتي اتبهدل فيها اتبهدل ،، لدرجة ساعات اظل على السرير مااقدر اتحرك مااحد يدري عني ،، والكل لما يسمع :047: ها شنو تقولين حااااااااامل بعد :047: وبسش :047:

ولما كمل ولدي سنة ونص قلت خلني افطمه وراتاح :029: اتاريها نفس الشهر حملت بالبطة الرابعة ولله الحمد ،، تعبت تعب لا ينوصف ،، نساتي كانت اقوى من كل مرة وزوجي طول النهار في الشغل !!!!! ولما ولدت قعدت فتر بسيطة بيت اختي ورجعت مع ان اختي ماكانت موافقة ارجع تقول تعب عليش بس تعرفين الواحد مايريحه الا مكانه :041: وزوجي اخد اجازة بعد فترة وراح العمرة :086:

ايه صح بعد نسيت ترى اني بعد ماعندي سيارة خخخ وكنا عايشين في بيت عمي في حجرتين مفتوحين ع بعض ومطبخ صغيرووون خخخ،، بس الحمد لله من كم شهر انتقلنا شقة حميي!

والحمد لله اكو الحلوات كبروا والصغيرة توها مكملة سنة

ادعوا من الله العلي العظيم ان يحفظهم ويهديهم ووفقهم في حياتهم

والله يقدرني على تربيتهم التربية الصالحة على نهج محمد وآآل محمد:013:

بس تعبت هدرت وااااااااااااااااجد:096:

ماشاء الله عليش يا بسومة

انتي مثال للأم المثالية ماشاء الله عليش

أم بجد تستحقي تكوني أم بجداره أحسك تعبانه معاهم

لكن أكيد ان شاء الله بتحصدي ثمرة تعبش معاهم وتفرحي بهم ان شاء الله وتشوفيهم في أعلى المراكز ويرفعوا راسش

يتهيأ لي من تجربتش مالها حق ماما حسون تقول شيء صح ؟!!

اللي يشوف وضع غيره أكيد يهون عليه وضعه


وعلى فكرة انا بعد لما فطمت بنتي سنه و9 شهور ونصف حملت بنفس الشهر رغم المانع

أتاري الرضاعة كانت مانع للحمل عندي و انا ماادري
هههههههه

بس ماعرفتينا عن اسماء عيالش اللي اعرفه آخر بنوته عندش زهوره ولا انا غلطانه


ولك أجمل تحيه مني

مرحبا !

بسرد لكم تجربة ولاداتي الثلاث .. و انتوا شوفوا و احكموا ..

طفلي الأول حملت به بعد تقريباً 6 شهور من زواجي ( وهذا الحمل الأول و الوحيد المُخطط له ) ..
ولادتي كانت بعملية قيصرية ..
و تعبت وااجد ..
كبر ابني الأول .. و كان عمره ثلاث سنوات و 9 شهور .. لما حملت بأخوه الثاني ( بالغلط ) << ولحد ينط لي هين عرض و يقول ما في شي اسمه بالغلط !! لا فيه لأني كنت استخدم اللولب ك مانع !
طبعاً ما كنا مخططين لل حمل الثاني رغم ان عمر ولدي زين نسبياً بسبب أن :
_ كان فيه مُخطط إني اكمل دراستي !
_ مكاني صغير .. و ولدي زين منه يقدر يتحرك فيه !
_ ظروفنا المادية وقتها كانت مو كلللش !
_ دوام زوجي طووووووويل .. و عنده كورسات دراسية .. و بدايته ف مشروع العمر !
_ صحتي ما كانت تتحمل لأن كان عندي بداية التهاب ف القولون .. و المستشفى نصحوني أن ما أحمل قبل ال 5 سنوات لأن رحمي طري !
_ و لأن ما نبي فوضة جهاااالوه و نبي نعيش حياتنا !

ما تقبلت الحمل ف البداية أبداً ..
و زادت عصبيتي .. مع ان ولدي .. ما شاء الله عليه .. هادئ .. و مطيع .. و طفل مثالي بصراحة .. بشهادة الكل !
لكن .. مع مرور الأيام .. تقبلت الفكرة .. مع ان ادري أن ودعت النوم خلاااص !

و ولدت بعملية للمرة الثانية !

و تعبت موووت بعد الولادة مباشرة .. صارت لي شوية مضاعفات سخيفة ما احب اتكلم عنها .. بس كانت بتقضي عليي خخخخخخخ !

بعد ولادتي ..
طفلي المثالي تحول الى عنيد .. و عصبي .. و غيور ..
و فقدت السيطرة عليه نسبياً ..
ظليت كم شهر أعاني وياه !

و آآآآآآآه من هالمعاناة ..

أبداً أبداً ما يسمع كلامي ف شي !

أقول له يمين .. يقول لا يسار و انتي ساكته ..

تحول الى قليل أدب بالمُختصر المُفيد !


لكنه مع تدرج الأيام رجع الى سابق عهده ..
و تعلم يعتمد على نفسه ف اشياء واجد .. و دخل الروضة .. و هالنقلة عطته ثقة كبيرة بنفسه .. و صار يتصرف مثل الكبار ..

لا تظنوا إني أبالغ أو أمدح !
بس هذا الواقع !
و لو ما أخاف تحسدون ولدي جان عطيتكم أمثلة هههههههه !

بس طبعاً تختلف تصرفاته اذا كنا بره البيت ..

ينطلق و ينطلق بشكل يحرجني
و يعاندني بعد !
و يضرب الا يأذونه !
و ثرثرته ما تخلص !

فجاءة ..

و بعد مرور سنة حملت !

تتخيلوا ؟!
أن ف عيد ميلاد ولدي الثاني اكتشف إني حامل !

صددددددمه عنيفة لنا أنا و زوجي !

بس الحمدلله !

طبعي إني ما استسلم لشيء ..

و أني احسن من غيري ..

كل شي ف حياتي تغير للأفضل ..

و عندي سلام داخلي بشكل ما تتخيلونه ..
و اقنعت نفسي إني موجوده ف الدنيا بسسسس عشان اولادي !

ما صحت ..
و لا نحت ..
و لا اكتأبت ..

بس ما خبرت أحد بحملي إلا ف بعد نصفه تقريباً !
لأني مو مستعده اسمع نصايح و تعليقات غبية من أشخاص ما عاشوا ظروفي ،، و لا دروا يوم عني !

و إللي تجرأت و فاتحت حلقها بتلومني .. سكتتها من قبل لا تنطق بأول حرف !

نهاية حملي كنت عصبييييية لدرج’ ان خاطري أذبح اولادي هههه
من كثر المسؤولية و التعب و الثقل و المحاتاة !

كل هذا فترة و عدت و راحت .. و صارت مجرد ذكريات !


ولدت بالثالث و ولدي الكبير عمره خمس سنوات و كم شهر .. و طفلي الثاني عمره سنة و 8 أشهر !!
و الاثنين تحت سن ترك الحفاظ !

ولدي الكبير يموت ف اخوه ال 3 !
و الثاني يغار من الثالث !

و ف فترة نفاسي عشنا مأساة حقيقية من غيرة الثاني !
شي لا يُطاق كان ..

بس لما رجعت البيت .. تغير الدبووو !

سبحان الله !
ما عنده وقت يجي صوب اخوه من كثرة الاشغال اللي يشتغلها ..
مره ينثر الالعاب ..
مره يلعب بالصابون ..
مره يخلط حليب البيبي مع كريم و زيت و سكر ..
و كل ساعه شغله .. واذا فاضي كلش فتح الكولر .. و خلى الماي كله ع الارض !

^

بيني و بينكم !
أهون من أن يجي يلصق ف أخوه و يأذيه !

ما أنسى طبعاً وقفة أمي و اختي و زوجي بالذات !!

كللهم ما قصروا معاي لحضه وحده !

ادري افكاري غير مُرتبة ..
تجاوزت الكثير من المحن ..
مثل متاعب الولادة الثالثه .. و الاخطاء الطبية ..
الاكتئاب و الوحده ..
بس كان ف بالي أن أعطيكم اشاره الى ان الحياة تستمر رغم مصاعبها ..
و ان ما فيه شي يظل على حاله ..
فحياتي تغيرت للافضل ..
توزسع مكاني لاكثر من الضعف ..
قل دوام زوجي ل الظهر بعد ما كان ل 9 الليل !
رزق اولادي الحمدلله الحمدلله خير و نعمة و بركه !

و ما عندي شغالة ولو اني لي تجربة هههه !

بقى بس يصير عندي سيارة !
دعواتكم !

بس الأهم من كل هذا الصبر ..

لا تتحولي لعجوز شكاية !

و لا تسجني نفسش ف بيتش عشان عيالش !

عيشي لهم ..
و اعتمدي عليهم ..

ربيهم .. و اتعبي عليهم .. بس علميهم أنش مو دايمة لهم !

و انطلقي ف حياتش ..
زوري .. و تعرفي و كوني علاقات .. و اوصلي رحمش ..

مارسي هواياتش ولو ل دقايق .. بتحسي بالفرق !

ماما حسون ..
وش رايش ف هالتجربة ؟!

ام جودي وجوادي ان شاااااااااااااء الله يا رب ينكتب لنا الحج هذه السنة ونشوف بعض هناك :095:


ريثاء يا هلااااااا ومرحبااااااااااااا
ما شاء الله اللهم صلى على محمد وال محمد
الله يخلي لكم الكتاكيت ويتربون بعزكم ويهديهم لكم يا رب


وعن القصة فعلا معاناة وما شاء الله باين عليج انج قوية لا اله الا الله تبارك الرحمن <<< ‘ن العين والحسد:094:
وانا هذا اللي محتاجته لما فتحت موضوعي
كنت دايما اقول لنفسي اني احسن من غيري اكيد وبوايد
وان في ناس تعبوا اكثر مني
فكنت محتاجة ان اسمع بعض القصص علشان احس ان معاناتي بتكون اخف ان شاء الله
والحمدلله نفسيتي فعلا تغيرت هاليومين بعد ردود البنات ، قلت ما له اي داعي ان اعكر مزاجي واخرب نفسيتي لاني ما بستفيد شي .. الشي اللي احاتيه مرده بيصير ولازم اتفاءل واقول ان شاء الله بيكون الشي سهل وبقدر عليه - وحتى لو صادتني صعوبات - مردي بتغلب عليها وبربي طفلي الجديد مثل ما ربيت عيالي الكبار وشلت مسؤوليتهم بروحي ، وافتخر اني ربيتهم بروحي وبمساعدة من زوجي بس بما انه يشتغل الى المغرب فكانت المسؤوليه كلها على ظهري طول النهار ولا كنت اروح اقعد عن اهلي علشان يساعدوني ولا اروح عند اهل زوجي ولا حتى اخليهم عند احد واطلع او اسافر حتى لو يجيني ظرف واكون مريييييضة وزوجي ما يقدر يترك شغله كان يقولي بوديج عند اهلج ع الاقل ترتاحين شوي وهم يديرون بالهم ع اليهال لكني كنت ارفض علشان ما اثقل على احد واتم بروحي في الشقة اعاني واعاني وقايمة بمسؤولية اولادي بروحي الين يرد زوجي من الشغل بعدين اسلمه المسؤولية وارتاح ومن كثر التعب ظهرت عندي اعراض مرضية مثل ارتفاع الضغط بين فترة وفترة وحموضة بالمعدة والاطباء دايما يأكدون لي ان الاسباب نفسية ويسألوني عندج مشاكل في حياتج ؟؟ اقولهم الحمدلله ماعندي بس تعب اليهال والتربية وشغل البيت اكيد اشياء تقصف العمر خخخخخخ

والحين الحمدلله زوجي يعتبرني الام المثالية لاني شلت مسؤولية عياله بروحي من غير مساعدة من احد ولاني ما احب اخليهم واطلع عنهم ودايما قلبي يعورني عليهم وما احب افارقهم ابدااا رغم انهم على طول عندي ومتعبيني لكن لو يطلعون عني - او اطلع عنهم - 5 دقايق يوحشوني مووووووووت ، وفي السفر ساعات هو يقولي خل نخليهم عند احد ونسافر بروحنا أخف لنا لكني ما ارضى ابدااااااا اقوله السفر ما يحلى الا بعيالي حتى لو تعبوووني وما شاء الله رحنا العمرة مرتين ووديناهم مع ان الاهل كلهم يقولون خلوهم هني لكني ما ارضى ودايما اقول ما بخليهم الا للحج ان شاء الله ..

الحمدلله رب العالمين على كل حال
وربي يقدرني على هالمسؤولية الجديدة واكون اكفأ ام ع الاقل في نظر زوجي :014:


وفعلا العيال دايما قدومهم يصير خير على الاهل وهذا اللي صار مع اولادي
والحين ما شاء الله ما شاء الله فيه بوادر الخير اللي راح يجينا - باذن الله - بعد ولادتي حتى اني قلت لزوجي هذا كله ببركة البيبي الجديد وان شاء الله ما خفي كان اعظم :094:

ماما حسون
شكرا على الموضوع الي اعطانا المجال نطلع على تجارب البعض ونستفيدمنهم

بسمة أطفالي
فغلا انتي أم مكافحة

زهور يانعة تسلمين

ام جواد وجودي تسلمين خيوو وان شاء الله اكون مثل ماتتوقعون يارب وايه ماليها حق ماما حسون تتكلم خخخخخخخ << امزح ام حسون لان الشعور بالخوف لدخول تجربة جديدة شي طبيعي وصيد اي شخص مقبل لتجربة جديدة

دعواتي الله يسهل ليش

زازا ماتشوفي شر ان شاء الله وخلي الحلوة تكبر وجسمش يرتاح افضل

بالمناسبة امس كتبت ليكم رد طويل بس جى المسؤول وصكيت الصفحة خخخخخ

بسمة اطفالي الله اكون في عونششششششششش

بس التعب مرة وحدة وبعدين بتحسين انش مستانسة انهم كبرو وملتمين حواليش
ولالالا تنسين ان اعمارهم متقاربة يعني قمة السعادة مع بعضهم البعض

الحمد لله انك قمة الصمود ماجاش اكتئاب من كثر المسؤلية

بسومة خخخخخ فعلا ما لي حق اتكلم عقب معاناتج <<< طلعت دليعة :040: هههههه

وان شاء الله الموضوع يكون حقق فائدة للبعض مثل ما فادني فعلا :014:


وما شاء الله عليج بسومة انتين تشتغلين بعد
يعني مسؤولية من جميع النواحي
قبل ما احمل بفترة بسيطة يمكن شهرين ابتديت افكر في موضوع الشغل لأني حسيت ان اولادي كبروا شوي ولازم اطلع من حكرة البيت لكني حملت وراح الحماس خخخ والحين ما باقي شي ع الولادة ومادري متى برجع افكر في موضوع الشغل !
بس الشي الاكيد هو اني اذا اشتغلت بخلي البيبي في حضانة لان ما عندي احد يمسكه وامي ساكنة بعييييد عني وصعبة اوديه لها كل يوم ولا ننسى اولادي الكبار واماكن دراستهم !

محمدية الهوى الله يقدرني على تربيتهم

وماما حسون الله يكتب ليش بالوظيفة المناسبة ويومها بتحسين كل شي ميسر سبحانه ربي وتذكريني بعد!!

<< مو كاني استغليت الموضوع وهدرت فيه واجد ؟؟خخخخخ

الله يسمع منج بسومة :ok:

بسمة أطفالي:083:بسم اله تبارك الرحمن تجربتك متعبة عن جد الله يكون بالعون،ويارب يجعل عيالك بارين فيك ، ومن خلال كل مواضيعك احسك ماشاء الله متقبلة الموضوع بكل رحابة صدر ،،بدون اي تذمر ،،مع أن في ناس وانا منهم نجيب اولادنا بتخطيط منا وبتدبير طبعا من رب العالمين ومع ذلك نتذمر ونشتكي :040:

عموما الله يسهل لك يااارب ويوفقك ويهدي الكتاكيت لك يااارب ويرزقكم برزقهم :025::025:وع فكرة تراني ع طول أحاول أقيم بعض ردودك أو مواضيعك بس دايما الميزان مايقبل ماادري ليش؟؟

أختي أم حسووون ..أتوقع البنات كفو ووفو ماشاء الله ،الله ييسر حملك ويتمم عليك بالصحة والعافية ويعطيك الصحة عشان تراعيهم

مكارم الله يسمع منش والله يخلي للاطفال ويحفظهم ويهديهم يااااااااااارب

حبيبتي وصديقتي ام حسون

اي والله الوقت راح بسرعة وانتي الان بالثامن

احكي لك بقى النحاية الاخرى من القصة ..

انا كنت مثلك متخوفة كثير من فكرة الحمل مرة ثانية .. وشايلة الموضوع من دماغي خالص .. بس فتحت لما شفت وسام عمره 3 سنوات .. صار الان من الضروري ان افكر اجيب بيبي تاني ... ولما بدأت المحاولات .. كل شهر وانا اخاف اكثر واكثر وتجي الدورة واقول الحمد لله ... بس لما عدت الابعة شهور كلها محاولات فاشلة بدأت اقلق واخاف .. وافكر اني خلاص ما بجيب بيبي تاني ... وصرت افكر اكثر واكثر ان الوقت بيتاخر وان ما في شي بيحصل .. الان بقول يمكن ربي يريد يعاقبني !!!

اكيييييييييد بفكر ان طفل ثاني يعني مسؤولية .. يعني يمكن اوصل مرحلة استقيل من شغلي اللي انا احبه .. بس هذي سنة الحيااة .. وما في شي بيواصل ابدا ... وكل شي بيعدي .. مثل ما عدت معاناتي مع وسام كلهم 6 شهور او سنة ويخف الحمل علي ..

سبحان الله فتحت نفس الموضوع قبل فترة وانتي اللي كنت تخففي علي واليوم انا بخفف عليك !!!!!!!!