ملف خاص لشعراء العامية المصرية

لغش و الغلا

الأكل و الشرب فى إيد اللومنجية

و الطماعين اللى غلوا الملح و الميه

و الغشاشين اللى فاقوا على الحرامية

الشاى بالمفتشر مخلوط ملوخية

والبن فيه الشعير تسعين فى الميه

و الميه و العيش برمله و طينه يا ملوخليه

و اللحم معروض بدون أختام رسمية

و الميه هيه اللبن و لا اللبن هيه

أفاعى متسيبه من غير رفاعيه

و دنيا مترتبه ترتيب فلاتيه

انا فى انتظارك

انا فى انتظارك خليت نارى فى ضلوعى وحطيت

ايدى على خدى وعديت

بالثانيه غيابك ولا جيت

ياريتنى عمرى ماحبيت

عايز اعرف لا تكون غضبان

او شاغل قلبك انسان

خليتنى من يأسى اقول الغيبه دى تغيب على طول

واتفكر ايه اللى جنيت من ذنبى يسيئك مالاقيت

ياريت ... ياريت

اتقلب على جمر النار ... واتشرد ويا الافكار

النسمه احسبها خطاك والهمسه احسبها لقاك

على كده اصبحت وامسيت

وشافونى وقالوا اتجنيت

ياريتنى عمرى ماحبيت

تواعدنى بسنين وايام وتجيبنى بحجج وكلام

وتسلم وتمر قوام او تخلف وتقول لى نسيت

ياريتنى عمرى ماحبيت

من الاعمال المشهورة جدا جدا له






ح أتجن


حاتجن ياريت ياخوانا

مارحتش لندن ولا باريز

دى بلاد تمدين

ونضافه وزوق ولطافه

وحاجه تغيظ

مالاقيتش جدع متعافى

وحافى

وماشى يقشر خص

ولا شحط مشمرخ افندى

معاه عود خلفه

ونازل مص

ولا لب أسمر

وسودانى وحمص

وانزل ياتقزقيز

حاتجن ياريت يا أخواننا

مارحتش لندن ولا باريز

**************

ولا عركه فى نص الليل

دايره بالحيل

وساحبها بوليس

قدامها جدع متجرجر

وشه معور

قال ايه دا عريس

الخلق ماهى بتتجوز

واشمعنى أحنا مفيش تمييز


حاتجن ياريت يا أخواننا

مارحتش لندن ولا باريز

**************

ولا واحده فى وش الفجر

تبرطع ماليه الدنيا صوات

قال ايه

جوز خالتى ام احمد

سلفة أخوها السيد

مات

سبحانك ماأعظم شأنك

والله الموت

دا مفيد ولذيذ

حاتجن ياريت يا أخواننا

مارحتش لندن ولا باريز

**************

ولا واحد طالع يجرى

وواحد تانى بيجرى وراه

ويقول هاهع حصلتك

يابن اللى ابصر أيه عاملاه

لا الشارع غيط ياأخواننا

ولا احنا بداره

ولا احنا معيز

حاتجن ياريت يا أخواننا

مارحتش لندن ولا باريز

**************

ولا واحد بيبيع حاجه

يقول بريال وتاخدها بصاغ

ياأخواننا دى حتى الابره

تاخدها بدوشه وقلب دماغ

حلفان

وعراك

ومناهدة

ويمكن ضرب كفوف

ياحفيظ

حاتجن ياريت يا أخواننا

مارحتش لندن ولا باريز

**************

ولا فيش ميت الف صعيدى

بتوع يابصيب هاجمين

ولافيش

ميت الف معوض داعس

جاى معاه صندوق ورنيش

والله كرهت القهوة

وحرمت أقعد ع الأفاريز

حاتجن ياريت يا أخواننا

مارحتش لندن ولا باريز

**************

حاتجن ياريت ياخوانا

مارحتش لندن ولا باريز

دى بلاد تمدين

ونضافه وزوق ولطافه

وحاجه تغيظ

التغريبة

غلبت اقطع تذاكر
وشبعت يارب غربة
بين الشوط والبواخر
ومن بلادنا لأوروبا
وقلت على الشام أسافر
إياك ألاقيلي ترية
فيها أجاور معاوية
وأصبح حماية أمية
جاورت "قاسيون" وجيرته
توحش ولا فيهش حاجة

وعزرائين انتظرته مجاش
وجاني الخواجة
نافخ وسايق امارته
وقاللي / شوف السماجة
البر تحت انتبدبنا اخرج
دي ماهيش وسية
رجعت للبحر تاني مقهور
وراجع فرنسا
في بقي طعم البوداني
فاكره وأنا عمري ما
أنسي
وإن رحت تونس كفاني
عذاب أنا والتوانسة

"جملان" محضر مدافن
للأمة .. والأمة حية
في بورسعيد السفينة
رست تفرغ وتملأ
والبياعين حوطونا بكارت
بوستال وعملة
لكن بوليس المدينة متفوتش
من جانبه نملة

يا بورسعيد والله حسرة
ولسه يا اسكندرية
هتفلي هاتف وقال لي
انزل ومن غير عزومة
انزل ده ساعة تجلى
فيها الشياطين في نومه
انزل ده ديك تملى
فوقك وفوق الحكومة
نطيت في ستر المهيمن
للشط يا حكمدارية
وأقول لكم بالصراحة في قليلة
عشرين سنة في السياحة
بشوف مناظر جميلة
ما شوفت يا قلبي راحة
في دي السنين الطويلة
إلا لما شفت البراقع
واللبدة والجلابية

الفلاح

الأوله آه والتانيه آه والتالته آه
الأوله عيرونى . إن نا فلاح
والتانيه أزرع وأقلع اللى نام وارتاح
والتالته آه للى أحبه شط منى وراح
* * *
الأوله
عيرونى ان نا فلاح – بدفيه
والتانيه
أزرع وأقلع للى نام وارتاح – فى دهبيه
والتالته
آه اللى أحبه شط منى وراح – فى صبحيه
******
الأوله
عيرونى ان نا فلاح بدفيه – وعيشى حاف
والتانيه
أزرع وأقلع للى نام وارتاح فى دهبيه – بمقداف
والتالته
آه اللى أحبه شط منى وراح فى صبحيه – ما قال لى عواف
******
الأوله
مش بإيدى دا قضا محتوم
والتانيه
ومسيرها ناس تغرق وناس حتعوم
والتالته
ميت هم يرحل ألف هم يدوم
الأوله آه والتانيه آه والتالته آه

الشرق

*************

من قبل مااكتب أنا عارف القول ضايع

والأجر بالتأكيد ذاهب حسب الشايع

والشتم حايجينى مسوجر من واد صايع

مهما انكويت بالنار والزيت برضك فنان

************

يا مصرى وانت اللى هاممنى من دون الكل

هزيل ويحسبك الجاهل عيّان بالسل

من دى الكيوف اللى تصبّر على كثر الذل

ونمت والعالم فايق قوم بص وطلّ

وشوف الشعوب واتغص ودوب وارجع انسان

*********

واللى اّلمنى وبكّانى انت ياشامى

ع الأكل نازل طول عمرك بارد حامى

وقلت لى لمّا نهيتك مصرى حرامى

لحد ماالجزّار خلاّ جرحك د ا مى

والله الخروف سايب معلوف مايفوته جعان

*********

والمغربى المسلم راخر أبو زر فاشوك

لما انتقدته فزع قال لى يلعن .... بوك

ونا اللى قصدى أشوف قيده ...يصبح مفكوك

لقيته فرحان به راضى طيّب .. مبروك

خليك فقير دق البندير وكل التغبان

*********

روح العراق راخر قول له كيف الأحوال

لامتى تفضل يا أخيينا بحزام وعقال

ما تعرف الجاز بستعمل غير للمشعال

ألطم بقى وقول ويّايا الجاز أموال

واوعى المداس يفلت تحتاس وتقول لى أمان

***********

يا شرق فيك جو منّور والفكر ظلام

وفيك حراره ياخساره وبرود أجسام

فيك سبعميت مليون زلمه لكن أغنام

لا بالمسيح عرفوا مقامهم ولا بالاسلام

هى الشموس بتخللى الروس كداهو بدنجان

الواسطه لسه شغاله

*****************
الواسطه لسه شغاله يا رجاُُُُلُُُه
والحاله هياها الحاله في كل iiمكان

لفندي قال والاسطي هيه الواسطه
في كل مركز ومحطه خاتم سليمان

تشغلك وانت فراش كاتب بمعاش
وتدخلك السيما ببلاش وياا لاخوان

ايه اللي خلي الملعونه تصبح فينا
شريعه فوق شرع نبينا شرع القرآن

طماع و عايز فوق حقه واسطه iiتزقه
لرئيس عمل فاتح بقه زى التعبان

والحق بين الاتنين ضايع وهو داالشايع
مدير بيبلطج علي صايع عاطل كسلان

ومدير شريف حيرته حيره وحوسته كبيره
في مطلب الست منيره وخليل شعبان

يعفي ابنهم من الجهاديه والبلديه
يجيب مخالفتها عليه وعلي الجيران

داء في الكنانه متمكن او متوطن
وجرح ضارب ومعفن زى السرطان

السلام عليكم احلى عرايس فى الدنيا
الكمبيوتر كان خسران اليومين اللى فاتوا وعلشان كده ما دخلت ولا كملت
لكن الحمد لله الان
يلا نكمل مع بيرم التونسى




مدارسنا ومدارسهم




في أرضنا للأجانب ، ألف أسكولة
يخرجو بالألوف من غول إلى غولة
عارفين لجلب المكاسب ستميت حيلة
ويجمعنا من جيوبنا المال بالكيلة
واحنا وزارة معارفنا أم هليله
أم الحيطان والبيان، والحطة والشيلة
تاخذ ولادنا وبفلوسنا وبالتيلة
اشطر ما فيهم ما يكسبش عشا ليلة
واجدع ما فيهم يقول يا ست وسيلة
شوفي لنا حتة وظيفة تستر الميلة

من بعد موته بعام
طلعت لنا أقوام
حطّوا عليه مَكَدام
و قالوا فنُّه قديم
* * *
قديم و سوقه بار
و شغل طبله و طار
و شبعانين أدوار
و شبعانين تقسيم
* * *
هُوَّ القديم يا قوم
يقدم في ليلة و يوم
هو بصل أم توم
و لاَّ بلح إبريم
* * *
ده فنه لو ينزاع
و ف تسجيلات يتباع
لتصبحوا صياع
ما تكسبوش مليم
* * *
أنا عشقت بكام ؟
و نا هويت يا سلام
و منيتي دي غرام
أروح معاها غريم
* * *
هو العظيم يا ناس
في أرضكم ينداس
و التافه الهلاَّس
نشبعه تكريم ؟
* * *
قولوا تخمنا السوق
حتى صبح مخنوق
بفننا المسروق
من إرث كل يتيم

قريت و مليت كفايه
خوف السقوط و البطاله
و كل ما ازداد قرايه
بالدنيا أزداد جهاله

يا طالب العلم تنداس
لو يبقى علمك بضاعه
تنفع و تستنفع الناس
لو كنت صاحب صناعه

يا عالم العلم بالله
يزيد في نور البصيره
و اللي استنارت نواياه
يلقى الذهب في الحصيره

ان كنت تطلب رضى الله
يجعل لك الناس عبيدك
و ان كنت تطلب رضا الناس
أقلهم يبقى سيدك

الحلم و الصبر كنزين
روتشيلد محتاج إليهم
و اللي يقولوا الكنوز فين
ابكي يا عيني عليهم

ظلمونى الناس ظلمونى و الجانى فاتوه و تهمونى







ظلمونى الناس ظلمونى و الحق معايا و سقونى







من أساهم و لاحنوا علي ضعف ضنايا







و الدنيا على مساعداهم و أنا قلبى كبير و لالى نصير







و لاأملك غير دمع عيونى ظلمونى الناس







الظالم يعينوه على ظلمه و يزيدوا المسكين على همه







الحق أهو باين فى إيدى و يقولوا دا الحق على







و الناس قاسيين على المساكيين







حاربونى الكل و غلبونى







ظلمونى الناس







سلمت إليك أمرى ياربى







غيرك ما لقيت يرحم غلبى







اليأس تعنيه من فضلك







و اليائس تنظر له بعدلك







أنا صنع إيديك و تكالى عليك







أنصرنى على اللى ما نصفونى







ظلمونى الناس

ولد صلاح جاهين فى 25 / 12 / 1930 م بحى بشبرا فى شارع جميل باشا. وصلاح جاهين هو الأكبر بين إخوته.
والده المستشار بهجت حلمى الذى تدرج فى السلك القضائى بدءً من وكيل نيابة حتى عُين رئيساً لمحكمة استئناف المنصورة.
كانت ولادة صلاح جاهين متعثرة تعرضت أثنائها والدته للخطر، فوُلد شديد الزرقة دون صرخة حتى ظن المحيطون أن الطفل قد ولد ميتاً، ولكن جاءت صرخة الطفل منبهة بولادة طفل ليس ككل الأطفال.
وكانت لهذه الولادة المتعثرة تأثيرها، فمن المعروف أن الولادة المتعثرة تترك آثارها على الطفل فتلازمه طول حياته وقد تتسبب فى عدم استقرار الحالة المزاجية أو الحدة فى التعبير عن المشاعر - سواء كانت فرحاً أو حزناً، وهو ما لوحظ فى صلاح جاهين الذى يفرح كالأطفال ويحزن لدرجة الاكتئاب عند المصائب.
استطاع صلاح جاهين ببساطته وتلقائيته التعبير عن كل ما يشغل البسطاء بأسلوب يسهل فهمهه واستيعابه، وهو ما جعله فارساً يحلق برسومه وكلماته ويطوف بها بين مختلف طبقات الشعب المصرى، بل كانت جواز سفره لمختلف البلدان العربية التى رددت كلماته حَفْزاً للعمل والانجاز

فهو شاعر ورسام كاريكاتور ، وكاتب سيناريو ، لم يستكمل دراسته بالفنون الجميله ، ولكنه درس الحقوق ، عمل رساما فى العديد من الصحف ، اخرها الاهرام
و قد توفى العام 1986 عن خمسة و خمسين عاما.
و كان و كأنه كان يعرف أن القدر لن يمهله فدخل في سباق معه أنجز خلاله مئات القصائد التي تراوحت بين الزجل و الشعر العامي و الشعر الشعبي التي تحولت إلى أغنيات غناها عشرات المطربين المصريين، و راوحت بين أغاني الحب و الأغاني الوطنية والأغاني الخفيفة، و كتب أيضا عددا من الأوبريتات الغنائية ربما كان أشهرها أوبريت الليلة الكبيرة الذي ما زال يحتفظ بألقه حتى اليوم، و مئات الرسوم الكاريكاتيرية التي بدأ في رسمها أسبوعيا في مجلتي صباح الخير و روز اليوسف الأسبوعيتين، قبل أن ينتقل إلى صحيفة الأهرام التي كانت آنذاك في أوج ازدهارها، فكان يلخص في رسومه اليومية تلك و في صورة كاريكاتيرية ساخرة الموقف السياسي السائد آنذاك.

بدأ صلاح جاهين يكتب الشعر الكلاسيكي في أواخر الأربعينات، قبل أن يبلغ العشرين من عمره. لكنه قرأ يوما قصيدة بالعامية المصرية لشاعر لم يكن قد سمع به آنذاك، فقرر التعرف إليه و كان له ذلك. و لم يكن ذلك الشاعر سوى فؤاد حداد، الذي أثر فيه تأثيرا كبيرا و جمعته به صداقة عميقة استمرت فيما بعد حين تزوج ابن صلاح جاهين، و هو شاعر أيضا من ابنة فؤاد حداد. و في أواسط الخمسينات بدأ صلاح جاهين مسيرته الفنية التشكيلية في مجلة روز اليوسف، ومسيرته الشعرية التي بلغت ذروتها في ديوانه الشهير والكبير "الرباعيات".

خلال الفترة التي فصلت بين أواسط الخمسينات و بين الخامس من حزيران (يونيو) 1967 غنى صلاح جاهين للحب و الشباب والأطفال، كما غنى للثورة المصرية و لزعيمها جمال عبد الناصر. و لكنه بعد النكسة التي حدثت في ذلك اليوم أصيب بحالة من الكآبة لم يشف منها حتى رحيله، فتوقف عن كتابة الأغاني و الأناشيد الوطنية، و اتجه إلى الكتابة في اتجاهين؛ الشعر التأملي العميق كما في الرباعيات، والأغاني الخفيفة، و التي ربما كان أشهرها تلك الأغاني التي غنتها الممثلة سعاد حسني في فيلم "خللي بالك من زوزو"، مثل الأغنية التي حملت عنوان الفيلم، و"يا واد يا تقيل" و غيرها. و الطريف أن ملحن هذه الأغاني هو الموسيقي الكبير كمال الطويل، الذي كان في الفترة السابقة، يلحن له أغانيه الوطنية و الحماسية مثل "صورة" و"ياأهلا بالمعارك" و"بستان الاشتراكية" و غيرها

الدرس انتهى لموا الكراريس
بالدم اللى على ورقهم سال
فى قصر الأمم المتحدة
مسابقة لرسوم الأطفال

ايه رأيك فى البقع الحمرا
يا ضمير العالم يا عزيزى
دى لطفلة مصرية وسمرا
كانت من أشطر تلاميذى
دمها راسم زهرة
راسم راية ثورة
راسم وجه مؤامرة
راسم خلق جباره
راسم نار
راسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتهى
لموا الكراريس ..

ايه رأى رجال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفم
دم الطفل الفلاح
راسم شمس الصباح
راسم شجرة تفاح
فى جناين الاصلاح
راسم تمساح
بألف جناح
فى دنيا مليانة بالأشباح
لكنها قلبها مرتاح
وساكتة على فعل الأباليس
الدرس انتهى
لموا الكراريس …

ايه رأيك يا شعب يا عربى
ايه رأيك يا شعب الأحرار
دم الأطفال جايلك يحبى
يقول انتقموا من الأشرار
ويسيل ع الأوراق
يتهجى الأسماء
ويطالب الآباء
بالثأر للأبناء
ويرسم سيف
يهد الزيف
ويلمع لمعة شمس الصيف
فى دنيا فيها النور بقى طيف
وساكتة على فعل الأباليس
الدرس انتهى لموا الكراريس

على اسم مصر التاريخ يقدر يقول ما شاء

أنامصر عندي أحب وأجمل الأشياء

باحبها وهي مالكه الأرض شرق وغرب

وباحبهاوهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمةوضرب

الموضوع حلو جدا وكلام جامد وشعر صادق بمشاعر صادقة تسلمى ياقمر على الموضوع الجميل

الحب هو الحياة;11056075:
الموضوع حلو جدا وكلام جامد وشعر صادق بمشاعر صادقة تسلمى ياقمر على الموضوع الجميل

مرورك الاحلى وتعليقك جميل
اشكرك ويارب يجزاك الجنة

انا اسفه خالص اتاخرت فى اتمام الموضوع لكن الامتحانات معطلانى شويه...تعدى على خير وبعدها ارجع لكم حبيباتى

اتاخرت كتير؟ ؟؟؟؟؟ :058:
سامحونى غصب عنى:082::097::020:
عموما نكمل ما بدأناه
احنا لسه مع عمنا صلاح جاهين
وكنت قرات له وانا صغيرة مسرحية جميلة اسمها القاهرة فى الف عام



عيـد الفـطر

المجموعة : قوم قول لجارك
عيد فطر مبارك
واهدى له طبق من كحك دراك
وتلات تيام ليللك ونهارك
تنك قول .. قول .. قول ..
(بدء الايقاع الراقص)
عيد فطر مبارك (تكرر 6 مرات)
عيد فطر مبارك
عيد فطر مبارك
عيد فطر مبارك
عيد فطر مبارك
عيد فطر مبارك
المجموعة : عيد فطر مبارك
يا سى علاء
عيد فطر مبارك
يا بو عزام
الغلبان : وأنا ؟ .. وأنا ؟ …
المجموع : عيد فطر مبارك
يا تبارك
المجموع : عيد فطر مبارك
ع الاسلام وكل الاسلام وكل ملة
المعيدين : عيد فطر ما شا الله على المصلى
نشوف أمير المؤمنين تحت المظلة
تحت المظلة وقرعته فى الشمس الناقحة
ومن جنانه ولحسته رجليه فى الضلة
أهو خارج أهه من باب العيد
أهو فايت أهه فى ميدان العيد
رايح م القصر لباب النصر
يصلى العيد فى مصلى العيد
يا ترى متزريه والا سعيد
العالم الله ….
عيد فطر مبارك ما شاء الله على المصلى
نشوف أمير المؤمنين تحت المظلة
تحت المظلة وقرعته فى الشمس الناقحة
ومن جنانه ولحسته رجليه فى الضلة
(هامسة)
المجموعة : حاكم على كيف كيفه وهواه
واسمه الحاكم بأمر الله
لما يفرفش دغرى يبقشش
وان جتله الكتمه يا حول الله
يذل فى نفسه وفى رعاياه
آخر مذله
(موسيقى فقط)
المجموعة : أهو راجع اهه
انما فايق
بيرش المال
ع الخلايق
الحاشية : انحنوا لعلاه
واكبشوا عطاياه
وادعوا له
المجموعة : يفضل كده رايق
ان شا الله خمس ست دقايق
كله على الله
كله على الله