قصة قمر خالد (رومانسية عائلية)

يقبض على مسند الكرسي بكل قوتهواهو يكظم غضب عميق .... يحس نفسه مثل الكاسر المحبوس داخل قفص عظيم ما يقدر حتىانه يتنفس فيه ... حس أن البشت اللي عليه مثل سترات الميانين يحبسه عشان ما يتحرك ...
الوحيد اللي كان حاس فيه اهو عمه جاسم ...لأنه يعرف كل شي عن خالد وعن ندىوعن علاقة الحب القوية لان خالد كان يخبره بكل شي ...من الألف إلى الياء ...
جاسم عمره 25 سنه كبر خالد ... انولدوا بنفس الفترة وعاشوا وتربوا ويا بعض حتى إنهم استغنوا عن أصدقاء غير بعضهم بس يوم قرر إبراهيم أبو خالد انه يدرسهبرع البلاد اضطروا الصديقين إنهم يتفارقون بالجسد بس ظلوا مع بعض بالروح وما شاءالله وسائل الاتصال أتوسعت وصاروا يخصصون يوم بالأسبوع يتقابلون فيه بالنتوالكاميرا ويسولفون بالمايك ...

خالد يهمس: ما اقدريا جاسم ... أحس إني بموت ... ما أبي هالزواج ... شلون يزوجوني من بنت انه ما اعرفعنها إلا أن اسمها قُمر وأناقلبي ينشد لندى ...
قاطعه جاسم: صل على النبييا خالد علامك طالع أبوك وعمك شلون فرحانين بالمناسبة ... إنت تناسى حزنك شوي موعشان شي عشانهم ...
خالد واهو يهز راسه بقوة وصوت الطيران يدق براسه: ما اقدر ياجاسم لا تطلب مني المستحيل ... تدري شنو أفكر ... أفكر اشرد ... اشرد وأحطهم كلهمجدام الأمر الواقع
جاسم هز راسه من كلام خالد وراح عنه... اخذ زاويه بعيده عنالفوضى واتصل بمريم أخت خالد
مريم تتكلم بصوت عالي: هلا جسومشصاير...؟
جاسم: ما صاير شي ... شنو هالهيله اللي عندكم والله وناسه
مريم: هههههههههه أي والله الدي جي لاعب بحسبتنا والأغاني على حدها ... وناسه
جاسم: ياحظكم مو انه يالس هني ويا هالمزاهيق ... يرقصون على الطيران والطبول يا خوفي احدمنهم يصيبه زار هههههههههههههههه
مريم: هههههههههههههه يالله خلصني ليشداق
جاسم: عطيني ارفيجتج نور والله إنها غوتني
مريم: جب ... تدري عاد أهيقالت نفس الكلام
جاسم : ههههههههههه ذبحتها ها بالدشداشه ... أهي متعوده عليبانطلون وقمصان ... اوريج يابنت المصريه
مريم: بس عاد ...خلصني ليش متصلاللحين؟ ...
جاسم: مريم ابيج توقفين يم خالد لين يدخل ولا تفارجينه ... قاعديخربط ويقول كلام يخرع ...
مريم: خير شصاير.؟
جاسم: لا ولا شي بس اهو متضايقليش أن الأهل قرروا عنه وعن مستقبله من دون ما يستشيرونه وقاعد يقول كلام اهو ما يحسفيه ... كل اللي ابيج تسوينه انج توقفين يمه ... وتحاولين تهدينه وعطيه عباراتتشجيعيه
مريم: إن شاء لله عمي ما طلبت يا بو محمد ...ها خلصت أوامرك
جاسم: لاوالله وينها نور
مريم : هههههههههههه كاهي واقفه يمي ... تبيها؟
جاسم : أيهوالله
مريم التفتت عن التلفون تكلم نور
نور تصفق : هااا
مريم: عمي جاسميبي يكلمج
نور تطالع مريم باستهبال: شنو ... عمج ... شيبي فيني
مريم : بسجذي يسولف ... حباب عمي كلميه
نور: روحي زين ... أمي يالسه يمي تبيني اكلمعمج؟
مريم ردت على جاسم: تقول لك أمها يالسه يمها شلون تكلمك؟
جاسم يضحك منقلب: ههههه ما فيها شي خليني اكلم خالتي بعد ههههههههه
مريم: ههههههههههههه
نور: علامج
مريم: ايقول لج بيكلم امج بعد ...
نور: شكله عمج شارب له شي ...
مريم: الو جسوم ... فارج اللحين بيدخلون قمور
جاسم: انأ أقول اشفيهمالرياييل قاموا مرة وحده يالله نتلاقى عند الباب ... تغطي زين وييبي وياج نور
مريم: ههههههههههههههههههه يصير خير

قُمر واهي تشهق من الصياح: يمه شسويت فيكم ؟؟ أنا بنتج يمه ... تسوقيني لشي ما أبيه ولا أفكر فيه ... يمه كانتفي بالي أحلام وايد ... تقومون تهدمون حياتي وتزوجوني من ولد عمي اللي ما شفته إلامرة وحده بحياتي ...
أم خليفة : بس يا قُمر بس بتفضحينا جدام الناس ... إذا موعشاننا عشان عمج التعبان واعليه حاول المستحيل عشان هالعرس
قُمر: ما أبي يمه ... أبوس ايدج يمه ... يمه تكفين
أم خليفة وخلاص عصبت من اصغر بناتها: بسج قُمر ... بتسكتين وبتمشين الحين ابوج ينطرج على الباب الناس ليل خلينا نخلص ونفتك يا قُمر ...
قُمر سكتت ... ما باليد حيله ... راح تنساق يعني تنساق... تمشي على ريلهالموتها وحياتها المستقبلية ... تتزوج من إنسان ما تحبه ولا تعرفه عشان تحبه ... قُمر كانت طموحاتها غير... ما كانت حاسبه في بالها من بعد الثانوية إنها تتزوج ولاتكون حياة زوجيه ... كانت تبي تروح الجامعة وتدرس عشان تصير مدرسه وتدرس بالمدارس وتكون لإنسان يستحقها ... يحبها وتحبه بس كل هذا تهدم يوم زارهم عمها قبلشهرين وخطبها وأهلها وافقوا من دون ما يستشيرونها وما فتحوا معاها الموضوع إلا بعدما خلصت المدرسه ...
طلعت أم خليفة من الغرفة ودخلت عليها ارفيجتها العزيزةلولوه..

قُمر بنت ولا كل البنات ... جمال فتان ... وأخلاق عسل... ودين وستر ... قُمر كانت البنت الوحيدة اللي تلبس حجابوجلباب من بنات العايله ... كانت تحافظ على طول شعرها ... ولا تحط لها من المكياجالا الكحل الغامج اللي يبين جمال عيونها ويخفف حده النظرات اللي يسميها جاسمالنظرات القاتلة ... قُمر كانت بطبعها هاديه واجتماعيه بصورة رهيبة ... وارفيجاتهاكانن ماليات نص الصالة ... تحب الأشياء ألرقيقه وتحب الاصاله والعادات الشرقية علىغير خواتها اللي معاصرين الحياة بكل معنى الكلمة ... وهذا الشي اللي خله أم خليلتخطبها لخالد دون خواتها ...
جمال قُمر كان فريد من نوعه... عيونها لوزيه واسعة ... رموشها سود كثيفة متشابكة حواجبها مرسومه على عيونها مثل خالد ... بشرتها كانتبيضه ناعمة على عكس مريم ومروه ونوفه القُمر... شفايفها كانن موردات . وخشمها صغيرنحيل ...

(Every thing will be fine. Don`t you be worry)
قُمرتبتسم لها ... أي ماخاف ... حياتي كلها تحطمت للأبد ...
دخلت لولوه واهيمتغطية مع بو خليفه ... لبسوها الشنيول الثقيل على شنيولها الفاخر الشفاف ... يودتيدها لولوه وأبوها ماسكها من جتفها وطلعوا ... مشن وراها الحريم والبناتوالمصورة من جدامها ... قُمر ما كانت تشوف شي لان ويهها مغطى عن الرياييل اللي كانوابزفة خالد ...
خالد في الطرف الثاني بابهته وكشخته يمشي ويا أخوه خليل وعمه جاسموأبوه من وراهم . تلاقوا عند باب الصالة وكل اللي بالصالة عيونهم على الباب ...
جاسم أول من تكلم: مبروك قمورة
قُمر ردت بصوت شبه مسموع: الله يبارك فيكعمي ...
جاسم طالع خالد بنظرات شزر عشان يكلم قُمر...
خالد من غير نفس: ألفمبروك يا قُمر ...
قُمر بغير نفس واهي تصرخ في داخلها (ألف رحمه علي مو ألفمبروك): الله يبارك فيك ...
مريم: يالله بسرعة خلونا ندخل ... ووقفت يم خالدوجاسم يمها ...
وقف معاها كان طويل واهي وصلت لجتفه... دموعها تجمعت بعيونهاتعلن التساقط ... أخذت نفس قوي ومشت... الإضاءة كانت خافته ... والفرقة تطق علىأغنيه هب السعد التقليدية ... والجو صار ملائكي ... البنات كلهن ماتن يوم شافن خالدوشكثر كان وسيم ... طبعا ارفيجات قُمر شافن ارفيجتهن أحلى عن ريلها بألف مرة بسالبنات اللي ما يعرفن قُمر قامن يقولن... أكيد أهي جيكرة حذاله ... احد يتزوج واحدبهالحلاه لازم اهو جيكر ومو حلو
وسيمه اشطن ارفيجات قُمر تكلم ناديه: والله قهر ... ما ادري اخبصها بطراق على ويهها
ناديه: اووش وسيمه علامج بتتهاوشين هني بعد ... خليهن بينصدمن لين ترفع الغالية الطرحة
وسيمه: بس شنو غاوي ريلها ... ياربي والله أحلى عن زيود اخو لولوووه
ناديه: أحلى بس إلا وااااااااايد أحلىويناسب قُمر بس وايد مغرور
شهلا العيميه: يحق له ... احد يتزوج هالقشنقوو ... هنيالج يا قمور... قُمر ماخذ قُمر
ناديه ووسيمه: ايه والله ...

مريم لخالد: تقدر تساعد ولا يدك منشله؟
خالد: مو شغلج ... محد قال لها تلبس هالفستان...
مريم: سخيف وربي سخيف
خالد واهو مغاورعيونه عنها: خليت خفافه الدم لج .
مريم : يالله عن الكلام الفاضي ويالله ارفعشنيولها ...

مريم: مدي يدج قمور
قُمر بخوف: ليش؟
مريم: بنعضهاهههههههههههههههه
قُمر انحرجت من مريم .. ساعات تقهر
خالد بهدوء: ماتبيندبلتج يعني
قُمر زادت احراجها .. يتكلم وياها بطريقه تبجي الواحد .. مدت يدهاالمرتجفة .. لبسها الدبله وتوه بيخليها لكن المصورة قالت له انه يبوسها .. خالدتنرفز من السالفة ولكن سواها والناس كلهم ميتين من قناع الرومانسية اللي لبسهخالد في دقايق وكل البنات تنهدن من الموقف..
وسيمة: ااااااااااااااه متىبعرس
ناديه: أي والله متى نعرس
شهلا: اللحين كل وحده منكن تخربط متى بعرس متىبعرس .. إلا قولوا أنا اللي انخطبت من 10 سنين متى بعرس..
وسيمه وناديه يضحكونعليها ......
جاسم لاحظ على خالد انه متعجب من جمال قُمر ولو انه مبرطم شوي ومايعطيها ويه ... حتى جاسم نفسه انصدم...بنت أخوه مو بس حلوة... إلا كانت حوريه ... الكل بارك للمعرسين من الأهل ... أبو ابراهيم يود يد قُمر ولبسها خاتم ذهب ضخم مرصعبالماس ... لمعت دموع قُمر بالماسات ورفعت راسها تبوس عمها على خده ...
بو خليل: ماخطيت يوم خذيتج لخالد ... بنتي وأخذت ولدي ... ألف مبروك يا قُمر بن ضاحي
قُمر تأثرت وايد من كلام عمها لكن وين: الله يبارك في حياتك
تحرك بوخليليعطي مجال لابو قُمر يهنيها ويبارك لها ... وأمها وأم خالد اللي عطتها خاتم ثانيمرصع بعد بالماس بس بشكل خفيف ....
جاسم: الله بالزين يالحور والله ما خطىالوالد يوم سماج قُمر
قُمر: الله يخليك عمي ..
جاسم: أي الله يرحمه الوالد .. ياريته ويانا
قُمر من صج تمنت هالامنيه لأنه يدها مستحيل يخليهم يزوجونهابالغصب وسبحت دمعه بعينها .. الله يرحمك يا سبع الخير.. لو تشوف حالتي اليوم شبتقول ..
بعد ما هدى الجو شوي على الكوشه ... قعدت الفرقه عند طرف المسرح بالمكانالمخصص لهم خلف الستار ...مريم ونوفه يرقصن من خاطر على الأغاني ومريم كانت رقاصهمن الزين وجمالها كان ساحر حتى لولوه ووسيمة وشهلا وناديه عملن جو من باخرالصاله . وسيمه كانت ترقص لهن مختلف الرقصات والكل يضحك وينعجب بها .. ليما مريمراحت لعندهن أهي وارفيجتها نور ..
جاسم يطالع لولوه بإعجاب بالغ من بره الصالةواهي تدري بعيونه بس ما تعبره لأنها إن سوت حركه ما حركه وياه بتروح عليها .. جاسمأبدوي .. والبداويه طبعهم خطير.. تملكي .. (ياعيني عليهم)
يلست قُمر مع خالد ...بنفس الكرسي.. قربهم لبعض كان ولا شي بالبعد والبرود اللي كان بيناتهم ... كانتالمصورة تبي تاخذ لقطات رومانسيه أو حميميه بين العروسين بس ما قدرت ... خالد يايوقف وأياديه متشابكة وقُمر تشغل نفسها بالبوكيه الضخم ... أو لين يلسوا كل واحدمنهم يطالع الجهة الثانيه ... راحت المصوة عنهم وخالد قعد يتنهد .. قُمر التفتت له ... تخبلت عليه .. صج وسيم .. أخر مرة شافته قبل 5 سنين كان للحين بالكويت .. كانوسيم بس مو مثل اللحين .. أللحين ستوى ريال .. ولا كل الرياييل .. بس خسارة .. ماتقدر تحس فيه .. ما تقدر تشعر بوجوده..
فستانها كان من الحلا والفخامة لدرجه انهطاح على ريل خالد بعد .. فستانها من تصميم أمريكي .. الصدر عاري من طرف وتلتف نوعمن الحركه على رقبتها تغطي اليد الثانيه .. الفستان محفف بلمعة ذهبيه وحتى داخلالورود المطرزة.. خصلاتها كانت طايحه على جتفها من طول شعرها ولان بعد التسريحةخفيفة وما فيها مثبت بس شكلها كان روعه ..
قُمر كانت مفتشله واهي تحمل البوكيه ... كان اكبر منها وثجيل بس لولوه وأوامرها ... كلمت مريم عن البوكيه الليبالغرفة اتييبه لها أحسن من هذا ... راحت مريم ويابت البوكيه اللي كان أحلى وانعمبألف مرةعن اللي عند قُمر حتى انه لفت انتباه خالد وتحمد الله عن البوكيهالثاني ... قُمر كانت اللي مصممه الورد بهذا البوكيه ... منسقه الألوان بين الأصفروالأبيض لان فستانها كان ابيض بلمعة الذهب على الأطراف وبين النقش اليدوي ... خالد كان يفكر في ندى ويتخليها على الكوشة وياه ... حس بالغصة في حلقه وانه مايقدر يتنفس ولا يقدر يسوي شي إلا انه يستسلم ويسكت... يو البنات دفعات دفعاتيسلمن على قُمر وأكثر الأسباب عشان يشوفن العريس والعروس عن قرب ... لين ما وصلتوسيمه وشهلا وناديه ويت معاهن لولوه لان تدري عن وسيمة وناديه وطبعهن الشيطان ...
وسيمة: ألف ألف ألف ألف مبروك يا قُمر والله انج جيكرة ...صج لي قالواالمكياج فن ... ههههههههه
الكل ضحك وخالد قعد يسمع كلامهن
وسيمة: إلا قولي لي ... خدودج علامهم حمر ... خلصتي بلاشر الدنيا ... صج انج مصطنعه
قُمر: طالعهعليج ياللوسه ...
وسيمة: هااااااا. جانزين والله أنتي تحلمين في ملمح من ملامحي ولا شنو ندوي
خالد التفت من الاسم علباله ندى...
نادية: أي نعم ولاعاد خشمج يالبلوشيه حلاته والله أموه
شهلا: بس عاد فضحتونا يم المعرس ... توجهكلامها لخالد: الف مبروك عليك بقُمر تراها غالية حطها بعيونك ماقصرت وياناوالله لو ما اهي جان احنه نعيد السنة الله يخليها
وسيمة: أي والله .. الله يخليبراشيمها سنعه ولا احد يشوفها ههههههههههه
قُمر انحرجت من وسيمة وشهلا: بس عادفضحتوني تراها مديره المدرسة هني
وسيمة واهي ميتة من الضحك: ويه يا ربي لاتسمعني مافيني أعيد السنة بيخلوني اقعد أول كرسي ...

لولوه: يالله يا بنات ورانا درب ...
قُمربصدمة: وين رايحه
لولوه: بسم الله الرحمن أهني يا حبيبتي مو انه بس زايد اخويبيوصلهن ...
قُمر لمعت عيونها يوم أنذكر اسم زايد... زايد راعي الجوري مثل ماتسميه وسيمة ... كان كل يوم يوصل ورده جوري لقُمر مع لولوه وقُمر تحتفظ فيها وعقبتجففها وتخليها بكاس بلوري عندها بدارها ... وخت قُمر راسها بس لولوه هزتها
لولوه: لا تحاتين ربع ساعه وانه راده لج ...
وسيمة بدت تبجي بس على هدوء: بتوحشينا يالكريهه والله انج كل الخير قمور
قُمر بجت وياهن .. ارفيجاتها ما راحتشوفهن مرة ثانيه وان شافتهن يمكن مرة بألسنه ..
قُمر توصي وسيمة واهي تبجي: تكفين وسوم لا تنسيني وكل ما تقصدين ذكريني .. احب قصايدج
وسيمة لمت قُمر: فديتعمرج وأنا لي غيرج بالقصايد
ناديه مسحت دمعتها: يالله وسوم حرام عليج بجيتيها.. حبيبتي قمور لا تنسينا تكفين .. تراج بالقلب يا روحي
قُمر: وأنتي ندوي بعد ... وهاج أي شي محتاجه له لاتنسيني (ناديه بنت شهيد ومن أسرة محتاجة وقُمر ما تقصروياها وويا اهلها)
ناديه: أنا اقدر .. أنتي الغالية أم الخير
قُمر: اللهيخليج يا بنت الشهيد .. (ناديه تحب الاسم إلى تناديه قُمر لأنها كانت على طول تتمنىاحد بفخر بكونها بنت شهيد)
شهلا: حبيبتي لا تنسيني تبين حجاب ولا عمل ولا ينيانزله بأحد دقي علي أم الطبوب أنا
قُمر تضحك واهي تمسح دموعها: ما شاء اللهعليج فج الفال لمتد هههه
شهلا والكل ضحكن ووسيمة ردت: أيأي هاذا اهو هههههههههههههه العيم عندهم شي غير فج الفيلان
شهلا: ويه على ويهجما ادري منو أمه إلى اربع وعشرين ساعة ببيتنا حق هالسوالف..
وسيمة: سكتي لا بارجالله فيج يالله نمشي ..
ودعن قُمر وراحن عنها وخلن قُمر بذكرياتها ..........
قعدت قُمر مكانها واهي موخيه راسها تسترجع الذكريات الهده وايامالامتحانات والتوصيلات وسوالف وسيمة وحب ناديه العميق لواحد من الشباب الليايون عند المدرسة .. التلفونات والعلاقات وهواش الصف والابلات والفسحة والمحاضراتوربشه وسيمة وناديه ...
وتذكرت أول ما شافت زايد عند المدرسه .. البنات كلهنتخبلن عليه ولكن اهو تخبل عليها أهي .. تذكرت صدها لزايد وتخيب أمله وتحرق دمه معأنها وايد تعزه ... كانت مراسيله توصلها واهي تشق الورقة وتحتفظ بالورد .. وتوده بسعمرها ما قالت أنها تحبه يمكن لأنها تقدس الحب ما تفكر أنها توهبه لكل من ... ومع خالد ما راح توهبه لأحد... بتحتفظ فيه بقلبها لنفسها...
خالد من طرفثاني كان يطالع جاسم اللي الجو عنده عال العال يرقص ... ويأكل ويا الفرقة والجوكل ما ايي له يخلى من الناس ... الأهل كانوا فرحانين حيل ما شبعوا من الرقصوالرباشه والأكل ... ماكو إلا اهو ... مع إن النار اللي فيه تخف شوي شوي وتهدىوكأنها تستعد لعاصفة بس اهو ما يدري عنها ... عيونه كانت موجهه على الباقة الليجدامه ... مايطالع الناس القاعدة وما لاحظ البنت اللي يالسه تطالعه ودموعها شويوتسجب حار على ويهها...أغنيه يوسف العماني (مبروك ) كانت مشغله بهذيالحزة......

ندى: ما اقدر يا شيماء ... أقوىمني ... أقوى مني ...
شيماء: بس يالله قومي نطلع ... الدنيا صارت فير وأكيديبون يقعدون لحالهم...
ندى تمسح دموعها وتزيد من كحلتها: بس أول شي اسلم عليهاوأشوفها ...
شيماء: لكن يا ندى .............
راحت ندى للكوشة ... تمشبخطى كلها الم وعذاب وتحس روحها تتقطع ألف مرة بكل خطوة ناحية حبيبها ورفيق أحلىأربع سنوات عاشتها بلندن... خالد وكأنه حس بقدوم احد ناحيته رفع راسه وانصدم... كانت ندى ... حبه الاول والأخير... نبض قلبه مثل ما يناديها ... الله يا ندى يايهتسمين قلبي وترطميني بالواقع المرير انج ما راح تكونين لي ولا أنا راح أكون لج ....وقف على طول وقُمر التفتت له وطالعت وين ما تطالع عيونه ...
ركبت ندىالكوشة وعيونها على قُمر ... قُمر وقفت واهي تبتسم للبنت ...
ندى لاحظت الشبهبين عيون خالد وعيون قُمر وكأنهم مرسومين لبعض من ما زاد الألم بقلبها
ندى: ألف مبروك يا قُمر ...
قُمر باستغراب: الله يبارك في حياتج ...
بييه مريموجاسم اللي شهق يوم شاف ندى: أنتي ماتعرفيني لكن انه اعرفج ...(تطالع خالد)... خالدكلمني عنج وايد.
خالد أنصدم وقُمر استغربت: خالد؟
خالد تكلم بارتجاف: ندىرفيقه الدراسة كانت معانا بجماعه الدراسة والحلقة الدراسية ...
قُمر: اهاااا.... هلا فيج ندى ...
ندى واهي حاسة بالغصة تتصاعد فيها ... قُمر وطبيه ...: هلا فيج ... ها يا قُمر ماوصيج ... خالد بعيونج ... تراه غالي حيل علينا.
خالد يبلغ الغصة وقُمر ترد من غير نفس بس بابتسام: ولا يهمج ... مهما كاناهو ولد عمي قبل لا يكون زوجي ...
ندى: يالله ... أنا أترخص
خالد بلهفة: وين؟
ندى تلتفت له: وراي درب للمطار ... اليوم برد لندن
خالد اللي نسى وجودقُمر: ليش؟
ندى بارتباك: بروح أكمل دراستي وما عندي احد بالديره بعدمالي قعده...
خالد يطالع ندى بكل الم: الله يحفظج من كل شر
ندى: وأنتبعد ... يالله اشوفج على خير يا قُمر .
قُمر اللي ضاعت بالموقف: الخير بويهج ...

مريم : إن شاء لله أمرج ولا أمر الحكومه .. يالله خالد ينادينا ..
نزلتمريم وظلت قُمر مكانها .. تسلم على خواتها .. وتوصيهن بالخير بأمهن وأبوهن ...

خالد وجاسم كانوا قاعدين جداموالحريم ورى ... قُمر كانت يالسه تطالع الدنيا من برع الدريشه ...سرحانة تفكر ... لو أن زايد كان زوجها ... شنو راح تكون مشاعرها ... أي شي الا هالشعور المخيف... مسرع ما نفضت هالافكار من بالها لأنها حستها عار عليها وتعتبر قله احترام لخالد علىالرغم من انها ما تهتم فيه ...
خالد كان يرد على كلام جاسم بجمل مقتضبة))... زين ...الحمد لله... مو وايد ... إذا عن جذي لا تحاتي ... إن شاء لله ... )) بس هذاكان كلام خالد ... لأنه مخه كله ويا إنسانه وحده ... ندى ... شلون تحملت وياتتشوفني قبل لا تسافر ... وباي يوم . .يوم عرسي... تذكر اليوم اللي قال لها انه راحيتزوج من بنت عمه ... ندى أغمى عليها من شده الخبر ... ما توقعت إنها تسمع مثلهالخبر بحياتها ... خالد بجى لأول مرة بحياته ... بجى على حبه ... بجى على حبيبتهالغاليه ... وما كان يدري إن هذي الدموع راح تكون بدايه ماساه بحياته..

ندى: لا حبيبي ... آنت لا نذل ولا خسيسأنت أشهم رجل عرفته بحياتي ... آنت حبيبي ومستحيل حبيبي يطلع نذل أو خسيس بس هذيالدنيا لعبت علينا لعبتها ... ما نقدر نقول لها لاء
خالد: أنا مستحيل أخليهميسيروني على هواهم ... أنا بكلم أبوي
ندى: لا يا خالد... آنت ما بتكلم أبوك ... أنت راح تسمع كلامه
خالد باستغراب: لكن يا ندى...
ندى: لا يا خالد يعني لا ... أنت ناسي إن أبوك مريض بالقلب ورفضك لبنت عمك راح يؤدي إلى ازمه كبيرة بالنسبةله ... أنا مو مستعدة إني ابني حياتي وياك على تعاسة عايلتك ... أنت أهم بالنسبة لي ... روح يا خالد تزوج من بنت عمك واللي مقدره رب السما راح يصير ...

خالد : ها... ولا مكان بس .
جاسم: أنزين بووليد... ما أوصيك في قمور ... أول سفرةلها برع الحضانة هههههههههههه
مريم وجاسم ضحكوا إلا قُمر وخالد اللي تنرفز منالموضوع ... ما يقدر يفكر انه راح يكون ويا هالياهل بروحه لمده شهرين ... ساعتين وما قدر يستحمل ... الله يعينه ...
قُمر تكلمت لأول مرة بصوت مسموع للكل: عميبغيت أوصيك على مرسوم خالتي انسيه ... تدري ما قدرت أتيي العرس بس أبيك توصل لهاالشريط والحلاوة اللي زهبته لها ... تعرفها تحب الحلاوة...
خالد قعد يسمع كل كلمهتقولها قُمر ... صوتها كان مخملي وكأنه من سالف الزمان ... حسها وايد أثيريهوكأنها من زمن ثاني ...
جاسم: إن شاء لله عمتي ... كل شي ولا هل الخير والبركة ... ما ننساهم ... أمري بعد... تدللي ...
قُمر واهي تتذكر: وارفيجاتي ... أبيكتوصل لهن كل شي ... الشريط والحلاوة والبوكيه كلهن لازم يحصلن على ورده من ورداته ...
مريم: أي واحد فيهم الجبير ولا الناعم...
قُمر: الناعم أي الجبير ... هذاك حذفوا وين ماتبون ...
مريم: لاعاد هذاك يناسب غرفتي بخليه على الطاولة ...
جاسم: من قال أصلا أنا باخذه ...
مريم: ليش؟
جاسم: لعانه ... والله شرايجقمور
قُمر بشرود: على راحتك ...
جاسم يطالع مريم من المنظرة ويطلعلسانه
مريم: وأنتي مالقيتي إلا هالمطفوق يلبي لج كل طلباتج أنا وين رحتعنج
قُمر بإحراج: لا بس لان عمي يعرفهم ويبخبر نوفه عن اللي أبيه ... أنتي ما تعرفينهم زين
مريم : ما عليج ... بتعرف عليهن وحده وحده بس عشان خاطرجيالغاليه جم قُمر بن ضاحي عندنا ... وحده وما شاء الله عليها .
قُمر بابتسام: الله يخليج مريم...

قُمر واللون الأحمر يصبغ خدودها بطريقه كرتونية: أسفه
خالد: لا عادي بس حاسبي مرة ثانيه
قُمر باستغراب وشعور بالازدراء: ان شاء لله ............
قُمر حست بالقهر من هذا المغرور .. شقصده يعني أهي بالعمد سوتجذي.. لاهي بتموت عليه ولا شي .. (هههههههههههههههههه بيتي وبينكم قُمر كانت منحرجهحيييييييييل من كلام خالد)
خالد لام نفسه شوي بس مسرع ما تعدل مزاجه..

خالد: إذا خاطرجفشي قولي ترى الرحلة طويلة لإيطاليا...
قُمر : لا ما أبي شي ... إن بغيتبناديها...
خالد: على راحتج... تصبحين على خير ...
قُمر بغير اكتراث: وأنتمن أهله

قُمر بصوت خايف: متى بتوقف الطيارة عن الاهتزاز ... خلهم يوقفونها ...
خالديتقرب من قُمر وكأنه يكلم طفله: ما عليه قُمر ... صبري حالج شوي ... مابقى شي واحنهنازلين ...

خالد كان يطالعها واهي تمشي من وراها ... حزر طولها مابين ال5.5 او5.3 قدم ... وايد قصيرة عليه ... اهو طوله 5.11 قدم ... بس كانت آيه من الجمال ... حتى إنالركاب لين كانوا يتحركون من كرسي لكرسي لازم يلتفتون لها ...
نزلت قُمربشويش من على سلم الطائرة ... واهي ترفع عباتها وتحاول بنفس الوقت إن جلابيتها ماتبين ... طبعا خالد اللي مسك جنطتها لأنها نستها بداخل البوكس ... يوم وصلوا المطارماكانوا العرب الوحيدين ... كانت في عوايل عربيه غيرهم بس من بلدان ثانيه ومعظممتصرف بحريه ليش أنهم قاعدين في بلد أوروبي ...قُمر استنكرت الموقف وراحت وين مايروح.. اشر لها خالد على مقاعد الانتظار وراحت قعدت لحالها ... كانت هناك انجليزيةتحاول تسكت بنتها اللي عمرها ماطاف السنتين من البجي... كان فيها رقاد وأمها تحاولتقعدها عشان وراهم درب ... الياهل قامت تصيح وتصيح ليما التفتت لقُمر وشافتهاتطالعها بحنيه ... قُمر أشرت للياهل تسكت وبتعطيها حلاوة ... الياهل سكتت وكانتتحمل بيدها لعبتها ... قُمر التفت لجنطتها مالقتها ... طالعت خالد شافته حاملها وياالأغراض وزاد همها... بعد نسيت جنطتي ... يالمصيبه ...
قُمر ظلت تضاحك الياهلوالياهل تضحك وياها ... ليما راحت حذالها ويلست معاها ... الياهل حاولت تسحب شيلهقُمر لكن قُمر كانت أسرع منها ... الياهل بدت تبجي مرة ثانيه ... قُمر اللي ماتستحمل بجي اليهال شدت شيلتها ووخلت جزء طويل منها عشان تحطه على راس البنت

قُمر:Thank u darling hehehehe
الأم: Where are you from
قُمر:Kuwait
الأم:Nice country ... we’ve been there last year ...had the most wonderful time.
قُمر: It’s nice isn’t it?
الأم: Yes absolutely , so what are you doing in Italy?
قُمر بحزن وحيا: I`m here with my husband .. It` s our honey moon
الأم:That`s very romantic, and I presume the handsome man over there is your husband
قُمر التفت لوين الحرمةتأشر ولقتها تأشر على خالد ... طالعت خالد بحزن ... أي هذا زوجي ... عذابي علىالأرض ... وسجاني ... ياليتني بس ما انولدت بهذي الدنيا عشان ما التقي فيه ولا أكونمرسومه له
قُمر: Yes he is my husband
الأم:What a lucky girl, but you are more beautiful than him, you have the graceful Arabian look
قُمر: Thanks .. Where is your husband?
تأشر الأم على واحد أشقر مثلها واقف جدام خالد عندالكونتر:over there right in front of your husband his name is Peter, and I`m Debby
قُمرHi Debby my name is Gomar and my husband is Khalid:
الام: Sorry your name is Gomer
قُمر تضحك: No, no it`s Gomar .. It means moon in Arabic
الام:Oh hehehe sorry but very beautiful name.. Steffany say hi to Gomar.
ستيفاني الياهل: Hi Gomer
الام like mother like daughter heheheheheeh :
قُمر تمت تضحك وتسولف ويا ديبي لين ما يه زوج ديبي بيتر وراحت وياهأما ستيفاني تعلقت بقُمر وما بغت تقوم بس قُمر حبتها على خدها المورد وقالت لهاجم كلمه حبابه ... حظنتها ستيفاني وراحت ويا أمها وكل هالموقف صار وخالد يطالعقُمر ... قعدت قُمر تطالع العايله السعيدة واهي تروح بعيد عنها ... ما قدرت حتىإنها تتمنى نص سعادتهم ... زوج محب وزوجه عطوفه ... وياهل مثل القُمر ... ثمرةحب ... نزلت عيونها بالأرض
يه خالد حذالها وعطاها جنطتها وقامت وياه يجرونعربتهم المحملة بأغراضهم ... وصلوا لقاعة الواصلين وقعد خالد يطالع إن كان احدموجود عشان يستقلبهم ... وصل حذالهم ريال ايطالي قعد يتكلم بالانجليزي ويرحب فيهموخالد يسولف وياه ...مدح قُمر من غير قصد وخالد ما رد عليه ... ركبوا ويا الريالبالمرسيدس وراحوا للشقة ... كانت شقتهم بميلان من أفخم الشقق فيها 3 غرف وصالهكبيرة وحمامين ومطبخ ... أول ما وصلت قُمر تمت تطالع الشقة الفخمة وتصميمها الحلوالرائع ولا الأثاث المريح بس كل اللي فكرت فيه اهو دش بارد ومرقد تنام فيه ...

قُمر مول ما عجبها الموقف وأخذت الفستان ولفتهبقوة وحطته داخل مخبا من مخابي الجنطه ... وطلعت دراعه خفيفة حملتها وياها للضرورةوطلعت أغراضها الصحية وراحت الحمام ... قفلت الحمام مرتين من الخوف اللي بقلبها ... خذت شاور سريع وطلعت من بعده ... يوم طلعت من الحمام لقت خالد قاعد على احد كراسيالغرفة ... توها بتغطي شعرها بس تذكرت ... اهو زوجها ...
قُمر حاولت تخبي ويههاعنه وعن نظراته ... وراحت عند الدريسر ... فجت التاول عن راسها وطاح شعرها من فوقلتحت ... شعرها كان شوي ويصك الركبة ... خالد قعد يطالع شعرها واهي تحس بنظراته بستحاول إنها ما توليه أي اهتمام ... سحت شعرها بخفه ولفته بمنديل ورفعته وظلت تحوسعند الدريسر ... كانت تبي تقول لخالد انه يطلع برع أو يخليها تروح غرفه ثانيه ... بس يمكن خالد عنده مخططات ثانيه ... شوي وتطيح دمعتها تكلم خالد
خالد: قُمر ... ممكن تلتفتين لي شوي
قُمر مالتفتت تمت تطالعه من المنظرة ... كانت لأول مرة منطول السهرة تبان بويهها الطبيعي ... وكانت أحلى بألف مرة عن المكياج ...
خالد: قُمر ... على ما أظن أنتي صج صغيرة بالسن بس نفس الوقت حرمه وتعرفين عن الحياةالزوجية ولو قليلا ...
قُمر بدت تنصبغ
خالد واهو يحرك ريله بعصبيه عمرهما حس فيها من قبل: قُمر .... أنا بحاول إني اسعدج قد ما اقدر ... وأوفر لج الحياةالمريحة اللي أنتي عشتيها ويمكن أكثر بعد ...
قُمر: شكرا ...
خالد: لا مالهداعي تشكريني ... أنتي بس طلبي اللي تبينه ... وانا أنفذه
قُمر حست بالأمل يسطعبويهها : أي شي
خالد واهو يبتسم: أي شي ...
قُمر وقفت والتفتت لخالد: عندكلمتك ...
خالد: وأكثر بعد
قُمر واهي ترتجف من الخوف: أنا .... أنا ما أبيأشاركك بنفس الغرفة على الأقل مو الحين
خالد أنصدم ... ما حس بنفسه ... أهي بعد تتمنى نفس اللي أتمناه بس قال شي غير عن اللي يفكر فيه: ليش ...
قُمر واهي مستحيه وتطالع الأرض: بتكلم وياك بكل صراحة خالد....(رفعت عيونها) ... أنا مو مستعدة حق هذا الزواج ... أنا للحين صغيرة وما كنت متوقعه كل هذا يصيرفيني ... كنت ابني أحلام كبيرة وخياليه والزواج ما كان منها بس أنا اضطريتأوافق عشان الكل وعشان أبوك المريض...
خالد حس بالانزعاج بس بنفس الوقتالراحة .... حز بقلبه بنت عمه المسكينة اللي ماشافت الدنيا تتزوج بربيع العمر ... تنحرم من كل اللي تتمناه في سبيل العايله ... بعد ما كان يفكر انه الضحية الوحيدةطلع إن قُمر ضحية اكبر منه ...
قُمر دموعها سالت: أنا مو ما أبي أتزوج بالعكس ... ماكو بنت ما تتمنى الزواج بس ما أبي أتزوج اللحين... أنا حاولت اقنع البيتبس محد اهتم لرأيي لاني بنت بس أنت تربيت جم سنه برع الديرة وأكيد في مخكشويه أفكار متحررة ... وما دامنا تزوجنا وهذا شي مانقدر نمحيه أبيك تريحني ... من هذا الزواج على الأقل بيناتنا ... مو وايد ... ليما اقدر اعلم نفسي عليكوعلى حياتنا مع بعض ...
خالد قام من مكانه وراح عند قُمر ... وقف يطالعها بكلحنيه ... وقُمر موخيه راسها مستحى وخوف من الكلام اللي قالته ...
خالد: كل الليتامرين فيه ... راح يتنفذ
قُمر رفعت راسها من المفاجاه.: صج
خالد بابتسام نور ويهه: أي صج ....... راحتج أهم من أي شي ثاني ياقُمر وإذاعلى سالفة الزواج ... بيناتنا اعتبريني مثل صديقج ... لاني ما اقدر أتزوج من أختي ...
قُمر ابتسمت مع إن الابتسام أخر شي تفكر فيه ... خالد بعد تبسم بس قلبهكان يحترق واهو كاره اللي يصير وياه بس الله رحمه لان قُمر هم ما تبيه وبس يردونالديرة يقدر يفج هذا الزواج بأسباب منطقيه .
خالد: لذا (يلتفت ويروح عند الباب)أنا بنام بالغرفة الثانية وأنتي هذي راح تكون غرفتج الدايمه ليما نرد ...
قُمر تحس بامتنان لأخر شخص توقعت إنها تمتن له ... خالد المغرور .: شكراخالد...
خالد بزهو : العفو ... تصبحين على خير
قُمر : وأنت من اهله....
طلع خالد وسكر الباب من وراه ... قُمر حست روحها طايره من الفرحة ... وأخيراهدأ بالها من اللي كانت خايفه منه ... ما راح تضطر إنها تشارك خالد نفس الغرفةومبين عليه متفهم ...
انسدحت على الفراش واهي تفكر يمكن إذا رديناالبلاد راح ننفصل بأسباب مقنعه تخلي العائلة توافق .. بدت تبجي قُمر ... عمرها ماتوقعت إنها تفكر بالانفصال ... الطلاق كان عندها عار بس أهي راح تموت شوي شويبهذا الزواج والطلاق اهو الوحيد اللي راح يشفيها...
خالد بالغرفة الثانية ... فتح الجنطه واخذ من تاول ودخل الحمام ... كويك شاور وطلع ولبس ثيابهوراح في سابع نومه لأنه كان مرتاح جزئيا من هم الليلة الأولى ...

أبوه قام من بعد أسبوع من السكتة ... عرف إن خالد وخليل أصحاب أكثر المواقف قوة وبما إن خليل متزوج وعنده عيال ... مابقى إلا خالد يتزوج ويشوف عياله قبل لا يموت لذا أول من كلم بالموضوع كلم خليل وجاسم
أبو خليل: يا عيال أنا قررت أزوج خالد وأخليه يشوف حياته بالديره بدال بلاد برع
جاسم: يا خوي أنت ادري بخالد اهو شوي متحرر وما يحب احد يمشي عليه قراراتهم
أبو خليل: ادري فيه ... خالد غير عن الباجيين بس اهو بيطيع كلامي ... مو أنا أبوه ...
جاسم: والله ما ادري يا اخوي
خليل: يوبا أنت أول شي قوم بالسلامة وبعدين سو اللي براسك
بوخليل: يصير خير بس ها بو محمد ... ما أبي خالد يعرف شي عن الموضوع قبل لا أنا اكلمه
جاسم: إن شاء لله ...

من بعد هذي الكلمة سكتوا الثلاثة عن الموضوع وخالد طبعا ما عرف شي رد لندن واهو ما يدري عن الموضوع ... بعد ما طلع أبو خليل من المستشفى ... يات قُمر لأول مرة من ما كبرت بيتهم ... سلمت على عمها اللي ما كانت تشوفه وايد بسبب الظروف العائلية الصعبة امبيناتهم ... مع إنها تعزه وتحبه أكثر عن عمومتها الباجيين... أول ما شافها أبو خليل وشاف أخلاقها وحلاتها صمم على إن محد ياخذها غير خالد ... تناسبه ... نفس الاصاله ونفس الحلاه ونفس الروح المغرورة المتكبرة شوي ومرة وحده راح تكون صله يديده تذوب الثلج أمبين العايلات .. سال عنها عند مرته وقالت له إن أخته ونيسه مختارتها حق ولدها عبيد بس بما إن أبو إبراهيم اكبر الإخوان عرف انه بكلمه وحده بيغير رغبه أخته ونيسه ... كلمها وقال لها انه يبي قُمر لولده خالد ... ونيسه ما اعترضت بس حز بقلبها إن قُمر ما تكون حرمه ولدها اللي مستعيل على الزواج من قُمر... ومن بعدها كلم أبو إبراهيم أبو خليفه عن قُمر وخطبها لخالد ...الفرحه كانت غير متصورة .. العايله ردت عايله وحده كلهم على قلب بعض ويتمون مصلحه بعض وسكت الكل عن الموضوع ليما تخلص البنت المدرسة ...

خالد رد من السفر لأنه خلص دراسة قبل شهر من ما تخلص قُمر واهو مصمم يخبر أبوه عن ندى وانه يبي يخطبها ... بعد أسبوعين من ردته كلمه أبوه عن الموضوع....
خالد ما تكلم ...حس إن الدنيا طاحت فوق راسه... اهو بنى أحلامه ويا ندى وأبوه مقرر يخطبه لبنت عمه الصغيرة ... شهالتخلف ... شهالرجعيه ... حس انه ياهل على كبر سنه ... الناس يقررون عنه ... ويصدمونه بواقع غير اللي اهو يبيه ...
خالد: اسمح لي يوبا ... أنا ما أبي أتزوج بنت عمي
بو خليل عرف رد خالد بس كانت له سياسته وياه: يا خالد أنت ما بتلقى أحسن من بنت عمك أصيله ومربايه أحسن تربايه بنت عرب وأنا ما أشوفك إلا وياها واهي بعد ...
خالد واهو بيفقد أعصابه : يا يوبا أنا قررت أشياء وايده بحياتي وأنت برغبتك هذي تهدم كل اللي بنيته
بو خليل: شقصدك يا خالد أنا ما أبي مصلحتك
خالد: لا يوبا ماكان هذا قصدي بس ....
بوخليل: بس شنو يا ولد وضحه
خالد أنصدم يوم ناداه أبوه جذي ... أبوه ما ينادي احد باسم أمه إلا لين فكر أن الشخص يفكر تفكير ضعيف مثل الحريم لذا يسميه باسم أمه .... حز بقلب خالد هالمسمى مع انه يعز أمه أكثر من أبوه بوايد بس ..........
بوخليل: أنا ما ربيتك وكبرتك وخليتك تدرس بأحسن المدارس عشان بعدين تمشي عن شوري وتأخذ لك بنت غير عن بنات العايله... احنه صج محضرين بس الأصيل ما يطلع عن أصله...
خالد تم ساكت وأبوه يكمل فيه: خلاص... أنت بتاخذ بنت عمك قُمر اللي الله خلقها على الأرض عشان تنور اسم بن ظاحي ... واللي شوره يطلع عن شوري لا هو من صلبي ولا أني منبته ...
خالد خلاص حس إن العالم مظلم بعيونه ... حاول يتدارك الموضوع ... فكر بمرض أبوه ونظرة أبوه له في حاله انه يمشي بغير شوره ... خالد بعد أصيل ويعز عليه أن يرفض رغبه أبوه بس اهو يحب ندى ... شلون يتخلى عنها ويتزوج بنت ما يعرف عنها إلا أن اسمها قُمر ...
خالد : يوبا أنت على عيني وعلى راسي ... بس قُمر ما أتزوجها
بوخليل بعصبيه يمكن تقضى عليه: شنو … أنت بتتزوج قُمر يعني بتتزوجها فاهم مو أنت اللي ترفض قُمر بنت ظاحي.
خالد: يوبا انه ما اقدر أتزوجها ... إن تزوجتها ما راح أسعدها وأنت من بيكون السبب في عذابها وعذابي
بو خليل واهو يتنفس بالغصب: جاب ولا كلمه .. أنت ما تستاهل قُمر .. ماتستاهلها من جذي ترفضها .. (التفت عنه) اطلع بره... لا أنت ولدي ولا أنا أبوك
خالد ما اهتم لكلام أبوه اللي صحته قاعدة تتدهور شوي شوي
خالد: يوبا علامك
بو خليل: أتحرك عني… لا تناديني يوبا... انه مو أبوك …
طاح بو خليل للمرة الثانية وخذوه المستشفى... هالمرة كانت اقل من القبلية بس الرعب كان اكبر والتهديد اكبر ... أم خالد عرفت باللي صار بين خالد وأبوه ...
أم خليل: حرام عليك يا ولدي ... تبي ترملني وتفقدني أبوك …. ليش ما تبي قُمر ... قُمر ولا بنت بالدنيا تشابهها
خالد : يمكن يمه بس أنا ما أحبها … ما أحبها ...
أم خليل: أنت ما عرفتها يا خالد شلون تقول جذي لا وترفضها بعد احد يخلي ربيبه سبع
خالد واهو ضاج خلقه من هذي الكلمه : اووووووووووووهوووووووو ربيبه سبع وربيبه سبع خلاص أبوي العود اهو اللي رباها خلاص أنا أتزوجها ...
أم خليل بدت تبجي : افا يا خالد ... أنا أمك تقول لي جذي ... جانزين مت ولا يه هاليوم اللي راح تقول لي أنت فيه جذي …
خالد حس أن الدنيا انصكت بويهه حتى أمه اللي اعتمد عليها كاهي توقف بصف ابوه ... من له عمه جاسم ماله كلمه على اللي اكبر منه ولا احد بيوقف وياه ضد قُمر ... كره قُمر ... حسها أهي السبب في معاناته واهو ولا يدري أن قُمر بالطرف الثاني ما تدري عنه ولا عن هوا داره ...
راح خالد بشكل سريع لندن وشكى الحال لحبيبه عمره ندى وصار اللي صار ... حتى ندى حبيبته وقفت بجنب قُمر وتبيه يهدم حياته وحياتها ويتزوجها … خالد ما قدر يرفض طلب ندى ووافق على الزواج ورد الكويت يخبر أبوه…
بوخليل ابتسم لولده: عفيه عليك يا ولد إبراهيم ... ريال من منبت ريايييل... وصدقني ما راح تخيب ويا قُمر بن ضاحي
بو خليل كان يسمي قُمر بقُمر بن ضاحي أي إنها القُمر اللي ينور ليل عايله بن ضاحي ...
وجذي خالد تخلى عن حبه العميق لندى واستسلم للزواج ببنت عمه من بعد ما أقنعته ندى بضرورة الزواج من قُمر لأنها بنت عمه واهي أحق فيه ... خالد ظل يكره قُمر وزاد كرهه يوم عرف أنها موافقه.
زفر خالد دخان الزقارة واهو عاقد حواجبه ... ميلان كانت غير... جوها ملبد على عكس ألسنه اللي طافت يوم ياها ويا ندى ... كان أحلى عنها ماكو ... الزهور بكل الطرقات ... السما صافيه بلون السافير والغيوم مثل القطن ... اليوم ميلان سماها ملبده والندى يغطي كل شي البروده تقرص البدن ... تحس بعذابه وتحس بغربته بعيد عن حبيبته الغالية ...
طلع خالد من البلكون وقبل لا يسكر الباب شاف قُمر واقفه تطالعها ... كانت اثيريه ... شعرها على اكتافها والخصل محايطه ويهها ونظرتها متحيرة ... شلون يقدر هالايه من الجمال ... سكر الباب ورد حق الدفو...
خالد من غير نفس: علامج واقفه جذي
قُمر: حسيت إن الجو برد قلت بشوف سبب البروده ...
خالد: لا بس شوي الجو مغيم برع ... الظاهر إننا بنكسل الطلعة
قُمر: أنا بعد قلت جذي ...
خالد فصخ الجاكيت واهو يتوجه لغرفته
قُمر: البيت خالي مافيه شي عشان ينطبخ
خالد: ماعليج انا بسوي اوردر ايبون لج الأكل
قُمر: مو حقي ... عن نفسي انه شبعانه
خالد من غير نفس : وأنا بعد ...
قُمر حست بملله منها وقررت إنها تنهي الكلام وياه: بس عيل .... إذا تبي شي نادني
خالد واهو يدخل الغرفة : ما ابي شي ....
سكر الباب في ويهها ... قُمر حست بالاهانه بس هذا اهو خالد ... ما انتظر يوم أو يومين وطلع على شخصيته ... قله تهذيب بس راحت قُمر غرفتها واهي عاقده على عمرها....خلت الباب مفتوح شوي وقعدت على الكرسي وجدامها دفتر خواطرها ....
كانت تبي تكتب بس ما ياها الكلام وقعدت تخربش

ظلي ما عاد يرافقني ...
حزني يكبر شيئا فشيئا ...
سرابيات حياتي ضاعت ...
وماعاد الطريق يرسم لي الواحات ...
ظلمتني يا قدري ولماذا وأنا صاحبتك ...
ايعض العبد يد سيده اللي تؤكله ...
يا ليت الحلم يتحقق...
وتحقق معه السعادة الابديه[COLOR=#0000ff] ...

[/COLOR]عطت القصيدة عنوان
(على شرفه بميلان)

قُمرمسحت دموعها وحملت القران وحبته ودخلته داخل صندوقه المطلي بالذهب ودستهبالدرج...
طرقات باب على غرفتها ...
قُمر: نعم
دخل خالد بنص جسمه: إذاماستعديتي بخمس دقايق راح تفوتج الطلعة
قُمر واهي تبتسم: دقيقه وأنا زاهبه
راح خالد عنها واهو مرتاح ... القران خلاه يرتاح شوي وبعد ابتسامه قُمر بينتإنها بعد ارتاحت من اقتراحه ...
لبست قُمر بنطلون شاموا بني وبوت مخمل بنفساللون ... تحيرت تلبس عباه ولا جاكيت طويل ...
قررت إن الجاكيت أحسن ولبستمن تحت فانيله بنيه غامجه معاها الجاكيت الروعة ولبست شال بني لفته بحزم تكحلتأكثر وطلعت ... نست جنطتها وردت لها مرة ثانيه وحملت الدفتر بعد وطلعت لخالداللي كان لابس جاكيت اسود وتحت فانيله ياقتها طويلة بس تنزل شوي وكان شكله جنان وطلعوا