قصة قمر خالد (رومانسية عائلية)

قصة بغاية الروعه
مشكووره

ننتظر التكمله

كانت الساعه تاشر على ال 12 يوم طلعوا ... قُمر كانت تحاتي الصلاه .. حتى خالد بس تذكر ان في مسجد باحد الطرقات .. قعد يمشي بهدوء للمسيد اللي يبون يوصلون له .. اخيرا وصل .. دخل اهو وقُمر اهي عند مصلي النساء وكان مكتوب بالعربيه .. تيددت وصلت وقرت دعاء .. خالد بالمثل ... طلع خالد قبل قُمر وراح عند بياع وشره من عنده زقاير ... قعد يدخن واهو ينتظر قُمر .. قُمر يوم طلعت شافته يدخن .. ضاق خلقها واهي تشوفه .. راحت عنده
خالد: تقبل الله
قُمر من دون ما تطالعه وتركب السياره: منا ومنكم ..
خالد استغرب من قُمر بس ما حط في باله وايد .. كان زعلان منها .. ما يدري ليش .. كان يبي يخنقها من دون سبب .. توه بيركب السيارة وشاف بنت تتمشى بالطريج وكانها مثل اللي وصفتها قُمر على انها اهي ... قعد ينتظر انه يشوف اذا اكو ولد وراها مثل الخاطرة بس البنت دخلت احد العمارات ولا كان أي ولد وراها .. دخل السيارة وقُمر تطالعه..
قُمر: علامك
خالد واهو يشغل السيارة: ولا شي ...
سكتت قُمر عنه .. . خالد كان مزاجه يديد اليوم غير عن كل يوم .. اليوم وكانه يبي يعاقبه واهو ساكت من دون أي سبب.. مشى خالد السيارة لين وصل لمطعم حلو شكله .. دخلوه .. كان دافي خالد اخذ حريته وفصخ الجاكيت لكن قُمر ظلت بجاكيتها ولو انها احترت لان قميصها التحتي كان ضيج شوي .. .. بنفس شهيه خالد اكلت قُمر .. كلو سباغيتي بصلصه الطماطم الحارة .. كان لذيذ لدرجه انهم ما انتبهوا لحرارته وطبعا قُمر خلصت قبل خالد اللي عقب ما خلص تسند على الكرسي .
خالد : ااااااااااااااااااااااااااه
قُمر: ههههههههههههههههههه بالعافيه
خالد يبتسم لها: الله يعافيج ..
اثناء اكلهم للحلو..
قُمر: بنرد البيت اللحين
خالد: تبين تردين ..
قُمر: صج .. لا .. الجو وايد حلو
خالد: انزين باخذج لساحه النوافير وبتنعجبين فيها وايد حلوة وبراويج الاثار الرومانيه وعصر القيصر .. بتحبينها ..
قُمر: خسارة ما عندي كاميرا..
خالد: نشتري وحده بالدرب ..
قُمر: شكرا ..
خالد: ماله داعي .. رغباتج المنطقيه راح تتحقق
قُمر باستغراب: المنطقيه ؟؟
خالد انتبه ان الكلام اللي بقلبه طلع على لسانه: لا ولا شي ..
قُمر سكتت بس لمده بسيطه..
قُمر: انت علامك اليوم مو طبيعي
خالد واهو فاتح عيونه: شلون مو طبيعي
قُمر: ما ادري بس اكو تغيير فيك ..
خالد: مافيني شي واذا خلصتي خلينا نروح قبل لا تصير الدنيا ليل ..
قُمر بضيج: من زمان خلصت
خالد: زين
دفع الحساب وطلع ... طول الدرب الصمت كان اهو سيد الموقف .. لا قُمر تتكلم ولا خالد يتكلم وياها.. ألافكار ماخذتهم يمين ويسار .. قُمر تتسائل عن خالد اليوم وخالد يفكر بالخواطر .. اهو يبي يكملهن بس شلون يوصل للدفتر .. وايد اشياء ظلت ما قراها .. وايد اسرار ماكشفها .. وايد تخيلات ما يعرفها ..
راحوا الساحه وكانت شوي مشابهه للساحه اللي بميلان بس كانت اصغر والعربات المنتشرة اكثر .. قُمر حلفت على عمرها ما تتحرك من مكانها عشان لا يصير لها نفس موقف ميلان البايخ .. هالمرة الكل كان مشغول بزحمه الناس .. والعرب وايد .. قُمر قعدت ويا خالد عند نافورة .. يقول لها عن تاريخ هالساحه والمواقف التاريخيه اللي صارت فيها ..
خالد: تحبين الحفلات الموسيقيه
قُمر :عمري ما حضرتها بس احبها ..
خالد: باخذج قبل لا نطلع من هني لحفل اوبرا ومرة وحده حفل سوبرانو .. بتشوفين حلاوة الاصوات القويه ولا نبيل شعيل ..
قُمر ضحكت..
خالد يبتسم: صدقيني .. بتسمعين اصوات .. تهز المكان .. حريم ورياييل
قُمر: زين ..
لفت قُمر نظرها تطالع الرسامين والرسمات والناس .. خالد تم يطالعها بحنان .. كانت جميله من دون أي اضافات.. لو يظل طول اليوم يطالعها ما يمل منها .. نفض هالافكار من باله وطالع العربات ..
شاف رسام قاعد وكانه مخلص شغله .. استاذن من قُمر شوي وراح عنده .. شافته قُمر يكلم احد بسرعه ورد مكانه .. واهو يبتسم لها ..
خالد راح للرسام يطلب منه يرسم اشكال متعدده من شكل قُمر .. واهي تتكلم واهي تبتسم واهي ساكته وكل المشاعر بس من دون ما تدري قُمر .. طبعا الرسام شرع بالرسم السريع ..
خالد: ما ودج تروحين عند العربات
قُمر تطالع خالد بنظرة كوميديه: كليتها مرة وحرقتني .. ما اكلها مرة ثانيه
خالد ضحك وضحكت معاه قُمر ..
خالد : قُمر ممكن سؤال ..
قُمر استراحت لان خالد فتح مجال للكلام بيناتهم: اكيد ..
خالد : شرايج بزواجنا ..
قُمر تفاجات .. توقعت كل شي الا هالسؤال: مافهمت قصدك
خالد: احنا صار لنا اكثر من اسبوع متزوجين واكيد انتي كونتي فكرة وراي عن هذا الزواج
قُمر منحرجه .. شتقول له .. ان هذا الزواج كان مثل القيد وصار مثل الحياه اليديده او انها تحسبه مثل سجانها بس تحس بالمتعه فيه .. حبت الحياه اليديده ولو انها مو مثل احلامها ..
قُمر: مو مثل ما توقعت .. بس زين [/CENTER]

اتقى رطوبتها بملابس فاتحه ..

قُمر حست بروحها متعلقه بهاذا الريال عديم الاحساس .. ما يحس فيها .. حببها فيه وخلاها تتلوع بحبه واهو مو هامه .. شلون يهتم وانا بعد ما سالت عنه .. اطالعه يطلع من البيت ولا اقوله وين رايح وينياي ولا تبي ما تبي او اساله علامك ما فيك .. انا بعد الغلطانه .. تمت تندب حظهاوتبجي حبها لخالد.. ليما رقدت .. حبها خالد على جبينها ورفعها لسريرها مثل الياهل تكورت على السرير ورفع الغطى وغطاها..

بالفعل خالد كان يقراها حتى انه تحرك من مكانه شوي عشان قُمر ماتشوف اللي يقراه



احبك حبيبي .. أحبك





ساعتين مرت عليهم واهمبالجندولا.. صج كانو صاخين لكن احلى الكلام يمر بيناتهم ... قُمركانت تبتسم من دونأي سبب وخالد كل دقيقه والثاينه يلتفت لها واهو ماسك يدها .. الدنيا كانت ولااحلى.. ولا صفاء كان مثل صفاء ذاك اليوم.. لكن قُمر وايد انخدعت بمثل هاذا الهدوءوما تدري ليش حست ان العواصف بالدرب...



خالد دفعالحساب للاكل اللي للحين ما وصل ولام نفسه على التسرع

قُمر تبجي: واليوم قبل لا نطلع كنت تتفق وياها على المكان اللي بنطلع فيه عشان اتيي وتقول اللي قالته مووووو ؟

قُمر كانت تمشي بالبيت .. تدخل صاله التشميس وتطلع منها تروح عند المسبح وتمشيبالحديقه ولا تقدر تبعد ندى وخالد عن بالها .. كل ما تتذكر الكلام اللي قالته ندىتحس بالموت.. شلون قدر يخدعها.. اول شي ماكان مهتم لكن بروما .. ويوم طلعتهم .. ليشما كان صادق وياها من البدايه .. شنو اللي بيستفيد منه اذا جذب عليها بهاذا الوقت.. يبي يبين انه حن وعطف عليها باخر الايام عشان تكون رايته بيضه .. حقير بس احبه .. ليش احبه ما ادري.. مستحيل احب انسان حقير مثله .. ممثل بارع.. خله يولي بستين الفداهيه يوم اللي نرد الكويت بطلب منه الطلاق.. اطلب الطلاق.. وعمي.. أبوي.. هليوناسي كلهم .. شراح يقولون .. شراح يفسرون هالتصرف مني .. بس محد يدري إن علاقته تعدلت وياي ويمكن محد يسال بس اهم متوقعين شي ثاني .. مو مستعده اني اضحي بنفسي الف مرة عشانهم .. انا خلاص.. ما اقدر اضحي بنفسي اكثر والكل لازم يزهب نفسها لنفصالي عن خالد

بالكويت وين محد يدري بشي .. العشق كان لاعب لعبته .. وسيمه اللي خبت عن الكل علاقتها بطلال اخو قُمر وجاسم اللي كل يوم عماله يدوب فيهوى لولوه .. مريم اللي بتنخطب لولد عمها المرحوم عبد العزيز وبعد عشان يردونالعلاقات لبعضها .. بالرغم من رفض مريم للزواج إلا إن كثر الكلام والحنة على راسهاأقنعتها بالزواج وتسليم أمرها لله .. صبحه بنت عبدالعزيز انخطبت لعبيد اللي بغى يحرقالديرة على راسهم بزواج قُمر من خالد وكترضية له انخطبت له بنت خاله اللي تعتبر منأحلى بنات العايله .. ومروه على حالها أهي ونوفه .. الكل يحاول يتقرب منهن بس الخوفمن خليفة أخوهن وأبوهن يمنع الكل من التكلم عليهن ..
في بيت انيسه خالتهن كانتقاعدة ويا بناتها نوره وشيخه ومروة المتزوجه
أم ناصر: اييه والله وحشوني بناتأختي أم خليفه
نوره: أي والله يمه وحشتني نوفو وايد ..
أم ناصر: والله فشيلهما رحنا لهم حتى نبارك لزواج ربيبه سبع
شيخه: يا ترى شلون استوت قُمر .. اكيدقُمر
نوره بحلم: أي والله أنتي شوفي زوجوها لمن .. لخالد العربههههههههههه
مروه: ايييه والله تذكرن نروح هناك على امل نشوفه واخر شي طلع مسافرلندن
شيخه: بس الزين يستاهل الزين
مروه بطرف عينها: شقصدج
نوره تطالع شيخهواهي تضحك: ها.. ولا شي أختي حياتي ما اقصد شي هو لا تشبينها علي
مروه : ادريفيج تتغشمرين على مشاري
شيخه: اووووه يا مروه محد يتغشمر عليه إلا أنتي واللهمحد ملاحظ كونه خال
نوره تضحك وأم ناصر بعد إلا مروه: والله فيج خير دوري لجريال حلاته ..
شيخه خلصوا بنت بدر المصباح أدور لي على ريل.. هو خلصوا .. أللييبيني ايي لعند بيكب أبوي هههههههههههه
نوره: أي والله بيكب أبويهههههههههههههههه
ودخل عليهن سبع العايله ناصر: يا بعد عمري ضحكاتالحلوات..
أم ناصر: هلا والله حبيبي هلا بالغالي
ناصر يحب راس أمه: هلابالغالية دامه الله ظلج ولا يحرمنا منج
أم ناصر: وياك يالغالي
نوره: يا عيني .. أنا بعرف الأمهات ليش يموتن على ولادهن ولا يعبرن بناتهن
أم ناصر: ذلفي واللهكلكن من فوادي بس ناصر اهو الريال الوحيد بالعايله سندي من بعد أبوه اللهيخليه
شيخه ونوره ومروه يدعين: يا رب .
أم ناصر: ناصر وليدي ابيك تفضي نفسكيوم الخميس عشان بننزل الجهرا بيت خالتك أم خليفة
ناصر بنظرة شك: أبوييدري؟
أم ناصر: ما عليك من أبوك انا اكلمه ..
ناصر: إن شاء لله يمه بس يمكنيتأجل لليمعه لان فرس بيوصل لي يا اليوم بالاربعاء ..
نورة: ياااااااه انت ماتمل من الفروس كل يوم فرس
ناصر: والله الفروس احسن من ويهج يا اليحه
نورةبغرور تطالع اخوها وشيخه تون عليها .. هههههيو .. مسكينه نورو .. يالله يالله بنروحالجهرا بروح ازهب اغراضي
ام ناصر: وانتي عويش بتيين ويانا
مروة: لا يمهمشاري عنده دورة وابي ايلس وياه اونسه
شيخه: شتونسين فيه .. اهو بروحه ظلامهبتخافين عووشوو صدقيني
مروة: انتي ماتيوزين ويا الكلام
ام ناصر: يووووووووهشيخو بسج عاد عيب عليج (تكلم مروة) على راحتج حبيبتي ريلج اولى
شيخه تضحك: واللهانا ما ادري انتوا شعاجبكم فيه .. خال يا ناس لا يكون بس انا اللي اشوفهخال.
ناصر من دون اهتمام لاخته: يالله يمه اترخص منج بروح عند الربع .. قام ناصروزقر على نورة

برع عند الباب
نورة بعتاب: شتبي مني
ناصر: الله اختي .. مالج نفس تكلمين اخوج .
نورة: تغشمر علي وحاربني جدام شيخوه الدعله
ناصر: تاكل تبن شيخوه اتي حذالج والمثل يقول ولا تلقي على السفيه جوابا..
نورة: هاذااهو ..
ناصر: خلاص صافيه لبن سمعيني نورو .. ابيج تتصلين اليوم بنوفه بنت خالتجوتقولين لها اننا بنيي لهم
نورة بمرح: هااا بدينا بالمواعد

متابعين للقصة حبيبتي

ممتعة جدا وتخلي الواحد يروح في عالم ثاني

ارجو منك المتابعة وواصلي

نوره: إلا شخبارها



نوفه: الله يسلمج



مروة : بالحلال يمه بالحلال



طلال: خهههههههههههههه باي حياتي



ام خليل: وانتي الصاجه حبوبه البنت وتدخل القلب واصيله بعد ولو انهم مو بدوو..



مريم بدلع: ايه والله منو غيري يعني



خليل شاب ولا كل الشباب اخو خالد الاكبر عمره 33 سنهاول العنقود.. دس بجامعه البترول والمعادن بالسعوديه وتخرج بس استنغنى عن كلالشركات وانضم الى شركه العايله الجبيرة.. تلبيه لرغبه ابوه وعشان يملي مكان عمهالمرحوم .. حباب وحليو وراعي سوالف ونكت .. وكل شي راح يتغير بحياته بسبب المصايب اللي بتحل على حياته فجاه..

قُمر :الله يسلمك








خالد قعد مكانه واهو متلوم حييييييييل على نفسه.. للحين ما يقدر يصدق انه مد يدهعلى قُمر .. قُمر الضعيفه إلى مالها قوة.. اللي قالته من غير قصد من حرقه قلبها .. تبي تجرحني مثل ما جرحتها.. وانا عاقبتها بهاذي الصفعه اللي تدوخ الواحد .. الله عينه ليما يردون الكويت .. الحرب راح تكون حاميه بالكويت .. لانهم بيعيشون بدار حده وخالد من المستحيل يطلع بره بيتهم ..
زهب العشا وقعد ياكل بهدوء على الرغممن يوعه القاتل.. شرب من بعده قهوة ويا حبوب مسكن للالام لان يده تالمه .. استغنىعن الدار وانسدح على احد الكراسي المريحه وراح في سابع نومه..