السوبر ماركت

موضوعج جدا قيمج ومفيد

اشوف الكل يمدح في اللولو
هالمره ان شاء بنروح نشتري منه ولو قليل

لي عوده لكم
بس خل افضى شوي

جاري تقييمج عزيزتي

حبيباتي وينكم مادشون

كل شي غلا يا اخواتي
ما عاد هو مثل أول...

الله يقرب لنا الرخيص اللي فيه بركه و يبعد عنا الغالي اللي سعره يالله نقدر عليه

أنا مثلكم قاعده أدور على أماكن رخيصه و تكون زينه...
تعبنا من الاماكن الغاليه و الصرف بالهبل...

بااك

شخباارج عزيييزتي
بالنسبه عني انا ساكنه ويا اهل زوجي
يعني مااشتري ماجله عووده من خضره ودياي وهالسوالف
اشتري الي احتاجه لغرفتي والله يعزكم حمامي وطبعا الاغراض الشخصيه لي ولزوجي ولبنتي
واحنا مانعتمد ع محل معين بس اغلب الاحيان الذا كنا بنروح مجمع ندخل مرة وحده ياكارفور او جيان
بس اذا احتجنا شي ضروري نروح اقرب مكان لنا يانروح المركز اللبناني او المنتزه مع اني مااحب المنتزه لانه ماايب الاغراض الي ابيها
ومرة وحده رحت انصار غاليري
بالنسبه عن الاسعار والله ماادري شنو الارخص لانه المصروف يكون بيد زوجي واهو الي يشتري وانا مااركز واقارن بين الاسعار بس طبعا اذا عرفت مكان يبيع سلعه رخيصه اروح اشتريها منه
ولحين عرفت انه اللولو ارخص مكان وان شااء الله بنعتمده
بس امس احتجت حفاظات لبنتي وحليب قلت لزوجي خل نروح اللولو
قالي مايسوى نطق لي الرفاع عشان خرده اقل من دينار

يعني اذا احتجنا اغراض وايد ان شاء الله راح نروحه له..
وبالنسبه عن توزيع الميزانيه
اول مايستلم زوجي الراتب نوزعه للابيال والجمعيه وطبعا القرض
والباقي للمصاريف من اغراض الغرفه ومنظفات الحمام .. الخ
ومشترياتنا
واحنا ماعندنا جدول او تخصيص مبلغ للسوبر ماركت او لبنتي مثلا وهكذا
نتمنى يكون عندنا مبلغ نسيفه بس مايصير.....

واذا في اي مستجدات اكيد راح اشاركهم فيها..

و عقب ما فتح اللولو الصراحه قضه على الكل ترتيب جمال بضايع حلوة و حتى غده ساعات ناخذ منه لانه
نظيف

موضوع حلو
بالنسبة لي أدور مكان تكون أسعاره تناسبنا ...
اللبناني مستحيل أشتري منه لأن واااااااااااو كل حاجة فيها زيادة 300 فلس او 500 فلس يعني فرق سعر في كل غرض
المنتزه ما عنده بضاعة متنوعة ... مثلش عيون أكثر الوقت في أشياء أبيها ما موجودة عنده رغم إنه قريب لنا بس ما أشتري
رامز مرة إنسطر و أشتريت من عنده ... غرضين فتحتهم مختربين بسبب سوء التخزين
اللولو بين فترة و فترة أروح إذا في أشياء أبيها ضروري و ما حصلتها و ساعات أروح أتسوق بس جدي ..... آخر مرة داك الأسبوع أشتريت حق ماما مكينة خياطة من عندهم << هدية يوم الأم .... و رحت صوب ثياب الجهال ... عجبتني جم بدلة خفيفة للصيف حق بنوتتي

لكن الماجلة ... آخذها من الحلي (عالي)... يمكن بعض الأشياء انصار جاليري أرخص بس بعد أفضل الحلي .... أرتاح للمكان هادئ و كل شئ مرتب و كل شئ موجود
أما أنصار جاليري واجد زحمة و أحس المكان ضيق

نفسياً ما أرتاح له :037: << مهم هالشئ عندي

أعرف الأسعار لأن زوجي يعطيني مصروف البيت و الأولاد في إيدي و أني اللي أروح أشتري و ساعات زوجي وياي بعد
قبل الماجلة ... أعطي الأولاد مصروفهم .. و أدفع فاتورة النت و أخلي مبلغ على جنب حق العشيات و مبلغ على جنب حق باقي مشتريات الأولاد ... إحتياجات المدرسة و غيره

إحنا ماجلة بيت ... بس مو كل شهر نشتري كميات .... في أشياء تدوم لفترة طويلة مثل العيش ... ما أطبخ غدا إلا يوم السبت خخخخخ فآخذ خيشة صغيرة و تكفينا خخخخخ

البرجر و المعلبات و الأجبان .... شهر آخذ و شهر لا لأن آخذ كمية فيكفون شهرين ...
المنظفات مال الحمام و أنتون بكرامة ... بعد مو كل شهر أشتري لأنهم يكفون


باااااااااااال كأني هدرت واجد

ارخص مكان لولو هايبر ماركت وبعدين رامز .. وحق المنظفات رامز او الانوار ..

إي يتوم
ذكرتيني أني المنظفات آخذها من رامز لكن ما أشتري منه غذائيات << عجبتني الكلمة :094:

السلام عليكم

انا كنت شتري ماجلة البيت من أي مكان بس عقب لاحظت ان الحلي ارخص مكان، مثلا كنت اشتري حفاضات بنتي الله يحفظها من الصيدليات وكل السوبرماركتات ب 5.2 بس من الحلي بـ 4.5 يعني بوفر وايد، وترا كل شي ارخص عندهم، وانا مثلج اسجل كل شي ابيه قبل لا اروح هناك وما اشتري الا الي مسجلته

اول الشهر امير البيت بـ 100 او 110 وعقب اسبوع بـ 30 وساعات يبقى التناتيش يشتريهم بو العيال يعني مثلا كراتين الماي، البيض، الروتي، الحليب ، والروب اول باول

والحلي الزين فيه انه مخلي البضايع الي عليها اوفر كلها في الطابق الفوقي، فأنا اول شي اروح فوق والي ما احصله فوق اشتريه من تحت بسعره العادي، واحصل عندهم كل شي ما شاء الله حتى حق بنتي من حفاظات ووايب وسريلاك وبستوك الا الحليب اخذه من الصيدليه، والخضرة والفواكه اخذهم من المنتزه او من الخضّار

هالشهر باجرب السعودية، ايقولون المخازن الكبرى مادري اذا اسها صح، ارخص من البحرين، عالعموم انا اعرف اسعار البحرين، اذا هناك ارخص باخذ منهم

وان اما احط ميزانية وهالشي ساعات يغربلني

ايجار النت 14 دينار

البترول 25 دينار

الشغاله 30 دينار

التلفون 20 دينار

ولازم روحه روحتين الدختر واحنا ما نروح الا عيادات خاصة وغير الادوية يمكن 50 دينار

Hayawa : اذا بغيتي اتحطين ميزانيه حق البترول اشتري كوبونات من المحطه الي دايمن تصبين فيها فيه كوبونات بدينار وب 3 وب 5 اظن

اذا عجبكم الرد الله الله بالتقييم السنع

ماشاء الله اساير الروح ليش 100 دينار للمطاعم

أسور
100 دينار للمطاعم !!!!! خففي خخخخخ
إحنا مخصصين كل شهر طلعة عائلية عدلة ..... نودي الأولاد ألعاب و نتعشى

صوت الحنان كم يكلفج طلعتج كامل وانتو كم عددكم انا احب اطلع بناتي طلعة غدا والعاب لان العشا متعودة بنتي تنام من وقت ترقد علينا ولا تستانس انا تكلفني الطلعة من 20 الى 25 دينار على حسب مكان الغدا قصدي المطعم واكثر شي من الابراج والاطفال من جسميز وانا دايما اروح ستي سنتر لان مجمع كبير وكل شي فيه بس مو كل شهر نطلع على الميزانية

حبايبي انا عندي مشكلة بسيطة وابي رايكم فيها احنا ما شاء الله عايلة تتكون من 11 شخص من5 اطفال و4 كبار وامي وخدامتنا والاطفال تتراوح اعمارهم من 10 سنوات الين سنتين وانا قتلكم ان انحط تقريبا 120 دينار شهريا انا نص واختي نص ونشتري من اول ماينزل الرواتب يعني على 26 او 27 ممن الشهر بس الميزانية ماتكفي ان نشتري للعشيات في البيت بس خفايف للاطفال بس و عشيات الكبار بس ماتكفي حدها 4 الى 5 ايام فقط وتخيلوا باقي الشهر كله من برع هلون يخلص الراتب من 15 من الشهر او قبله بعد يعني تصورا كل يوم 2ونص او 3 دينار احسبوها طول الشهر كم يكلف معنا مانشتري الا من كافتريات البسيطة شنو الحل حبايبي لان والله الفلوس مال الماجلة حده للاجبان والصابون الثياب والارز والحليب والسكر والدجاج وتناتيش بسيطة وبعد يخلص قبل نص الشهر شنو الحل ساعدوني فانا استغربت يوم قالت اساور ان للمطاعم 100 دينار يمكن نفس حالتي او شنو الله المستعان والله يصبرني

ترتيب الميزانية شيء جميل لازم الكل يستفيد

إحنا الصلاة على النبي ثلاثة أولاد و أني و زوجي
بنوتتي ما محسوبة للحين خخخخخخ

تكلفنا بين 20 - 35 دينار حسب المكان
لما نوديهم منتزه عذاري ... الألعاب بروحها 20 دينار و العشا هناك بين 10-20 دينار حسب الطلب

البارحة لأن عيدميلاد ولدي طلعنا رحنا فود جاردن .... جواد .... كلفنا العشا 18 دينار
إي و ساعات نطلع غدا نفس التكلفة .... و إحنا كل طلعة مكان للتغيير

hayawa;11745682:
حبايبي انا عندي مشكلة بسيطة وابي رايكم فيها احنا ما شاء الله عايلة تتكون من 11 شخص من5 اطفال و4 كبار وامي وخدامتنا والاطفال تتراوح اعمارهم من 10 سنوات الين سنتين وانا قتلكم ان انحط تقريبا 120 دينار شهريا انا نص واختي نص ونشتري من اول ماينزل الرواتب يعني على 26 او 27 ممن الشهر بس الميزانية ماتكفي ان نشتري للعشيات في البيت بس خفايف للاطفال بس و عشيات الكبار بس ماتكفي حدها 4 الى 5 ايام فقط وتخيلوا باقي الشهر كله من برع هلون يخلص الراتب من 15 من الشهر او قبله بعد يعني تصورا كل يوم 2ونص او 3 دينار احسبوها طول الشهر كم يكلف معنا مانشتري الا من كافتريات البسيطة شنو الحل حبايبي لان والله الفلوس مال الماجلة حده للاجبان والصابون الثياب والارز والحليب والسكر والدجاج وتناتيش بسيطة وبعد يخلص قبل نص الشهر شنو الحل ساعدوني فانا استغربت يوم قالت اساور ان للمطاعم 100 دينار يمكن نفس حالتي او شنو الله المستعان والله يصبرني

أختي كل شئ صار نار
إحنا مقسمين الأسبوع
ليلة الجمعة العشا بيت بابا يعني ما محسوب أبوي ما يرضى نحط من عندنا أي شئ
ليلة السبت بيت عمي و هناك يطبخون العشا في البيت حماتي تحب الطبخ

ليلة الأحد العشا من برة و أكثر شئ أولادي يحبون جسميز يكلف بين 6-7 دينار
ليلة الثلاثاء و ليلة الخميس ... عشا من برة خفايف ... يكلف تقريبا 3 دينار
ليلة الأثنين و ليلة الأربعا .. العشا من البيت ... بيض ... تونة ... أسوي فول .. باستا ... فاصوليا .. دجاج في الفرن و هيك يعني :083:

اختي صوت الحنان انا بعد عندي تقسيمه بسيطة كل يوم خميس في الليل يتجمون اهل امي بس مو وايد في بيتنا يعني خالتي ماعندي الا خالة وحدة وانا وبناتي وامي واختي واعيالها وبنت خال واعيالها ووبنت عمت امي وبنتها ويتجمعون من المغرب الين ساعة 12 وساعات قليلة 1 في الليل ونطلب لنا عشا من برع بعد من كافتريات بسيطة يعني كل وحدة اهيه واعيالها وعشاها عليها يعني كل وحدة وطلباتها تتحمل بيزاتها يعني كلنل يطلع علينا في حدود 9 دينار الى 11دينار هاي يوم الخميس
ويوم الجمعة نتجمع بيت اهل زوجي من ساعة 9 الليل الى بعد 1 الليل ويكون في عشا كل عايلة اتييب عشاها وحلاوتها وكل ياكل الحمد الله بس اهل زوجي ما شاء الله عددهم وايد تقريبا 10عوايل وكل عايلة تتراوح عدد اطفالها من عايلة عندها طفلين الى عايلة عندها 6 اطفال واللمة حلوة وترى مانطلع من مدينة حمد احنا دوار السابع وبيت اهل زوجي دوار العاشر وانا اقل وحدة عندي بنتين
وبقية الايام يكون اكل من برع نفس ماقلت لج وانا على نظام شغل ابو العيال يشتغل في خفر السواحل يداوم يوم كامل في البحر ويومين في البيت واحنا متفقين ان يوم الخميس ويوم الشغل يعطيني مصروفهم وانا اتصرف فيهم اهو ماله دخل فيهم خلصوا او لا وبعد اخذ من عنده مبلغ لمتطلبات الروضة من رحلات وغيره يعني يعطيني 10 للايام الشغل الي يداوم فيه
و10 للايام الخميس التجمع العائلي
و10 لمتطلبات الروضة للطلبات فقط مو اكل فقط للفواكة والخضار الاسبوعية للروضة وهاي كل الي في بالي احين

صوت حنين ممكن اتقوليلي تقسيمة ميزانيتكم اذا تقدرين وكم اعمار اولادج وهل انتي تشتغلين وحبيبتي ليش ماطبخين الا يوم السبت