السوبر ماركت

وينكم

انا ببتدي بس بدون قيمة الا اذا رديتوا علي
الماجلة البيت واغراضي الشخصية واغراض اعيالي والكهرباء والتلفونات والنت والروضة والجمعية حاطينها مع الاهل و اقساط التلفزيون الصالة والمكيف من الموسسة العسكرية نص انا نص اختي ريل اختي اهوالي يشيلون من راتبه واحنا نرد النص لهم وريلي يشتغل في الداخلية خفر السواحل يعني يوم كامل في الشغل في البحر ويومين في البيت يعني يحطون بعد مبلغ للمستلزمات الشغل وراتب الشغالة بس بسيط وهاي ميزانيتي الشهرية ماتتغير بس القيمة مابقول الا اذا شفت ردود

وينكم يا امهات وايد زعلانة عليكم ليش اذا اكتب موضوع خاص فيني محد يرد علي

وينكم حرم عليكم

مشكورة اختي علي الموضوع الحلو

اني دايما اتابع العروض نهاية كل شهر واقارن ابينهم وبعدين اشتري من المكان المناسب

الولو ارخص مكان حاليا
وساعات رامز

وادا كنا في الستي نروح كارفور اسعارة زينة ونتابع العروض نستفيد منها وخصوصا ادا كانت تشمل المنظفات
بس

الميزانية في ايد زوجي
كل مرة انروح سوبرماركت مانطلع الى صارفين 40 دينار كل شهر

محمديه الهوى;10992008:
الميزانية في ايد زوجي
كل مرة انروح سوبرماركت مانطلع الى صارفين 40 دينار كل شهر

والله زين انكم تصرفون بس 40 دينار في الشهر للسوبرماركت
انا احس أقل شي نصرفه 60-70 دينار هذا اذا في بقايا بعض المنظفات والمعلبات وهالسوالف من الشهر اللي قبله.. لكن اذا ماكو شي في البيت لا... يبيلنا 80-100 دينار طبعاً ويا حفاظات معصومة بنتي واكلها..

طبعاً هو المصروف نفسه كل شهر نقسمه حق البترول وايجار وتلفون ومغسلة ومني مناك يعني.. ونشوف اللي يبقى للماجلة في حدود 60 دينار طالع نازل..

واكيد نخلي مصروف للطوارئ والمستشفى والطلعات.. اذا تم منه شي.. هذا يعني اذا تم خخخخ نستفيد منه كادخار.. لأن طبعاً ما نقدر ندخر مبلغ ثابت يعتمد على الصرف..

هلااا بنسبة لنا كنا في الشهر نروح السوبر ماركت مرة أو مرتين بالشهر

بس الحين وايد نروحه أكثر من مرتين بالشهر ! وما فيه سوبر ماركت محدد وبصراحة مانلتزم بالأرخص عادي اي مكان

نروح جيان وايد مرتب و الجزيرة الفواكه عندهم حلوة وبالمرة ناخد الأغراض وساعات نروح جواد و الأسرة

وترا سوبر ماركت الأسرة فيه أغراض وايد مو موجودة في مكان ثاني ..

ورويان لازم نمر عليه ناخذ بعض الأغراض اللي ناقصتنا مثل الحليب والشوكولاتات والحفاظات وبالمرة ندخل صيدلية جعفر ...

وساعات ذا كنا في الستي سنتر ندخل كارفور ناخذ اللي ناقصنا

بس هالأيام أكثر شي نروح أسواق 24 ساعة

يعني مافيه محل محدد .. أما عن الميزانية تكون في يد زوجي واحنا ما نقسم الراتب بداية كل شهر مثلكم

يعني ما أقدر افيدج بهالشي بس ترا كل شهر تختلف المصروفات يعني هالشهر شريتين المنظفات أكيد

ماراح تخلص بتبقى شهرين تقريبا ..


والله يوفقج وحلوة معيشتكم جميع الله يحفظكم ياااارب

مشكورين حبيبتي ابي اسال الي يدخر للبترول اشلون يحسبها طول الشهر

حلو الواحد يصرف بحدود ميزانية مع اني ما عندي خطة حق المصروفات اي شي نحتاجه او خاطري فيه اخذه بدون حساب وافضل سوبرماركت من حيث الأسعار لولو هايبر والمؤسسةالعسكرية ورامز حق المنظفات والحين بعد انصار جاليري اسعاره زينه ومجموع مصروفي بحدود 200 وفوق هذا في الأحوال العادية اذا ما استجدت أمور ثانية

hayawa;10993232:
مشكورين حبيبتي ابي اسال الي يدخر للبترول اشلون يحسبها طول الشهر

طريقتي ما فيها إدخار لكن تنظيم

اغلب محطات البترول عندهم دفاتر كوبونات " نفس القيمة الفعلية ما فيها تخفيض أو ما شابه " فنآخذ من المحطة اللي نتعامل معاها غالباً دفتر بو 30 دينار ... والغرض منها ان نكون مع بداية كل شهر خالصين من كل الأساسيات " الثابتة والمتوقعة " للشهر فلو استجد جديد أو صرفنا بزيادة من المتبقي ما انحاتي بقية الأشياء

احنا عشان البترول مثل رقم ناخذ دفتر ابو 20 دينار و الحمد الله
يكفينا شهر كامل
واذا تبون بحط لكم شلون نقسم الميزانية

حبيبتي..
بابكو يبيعون دفاتر مال كوبونات البترول.. احنا نصرف تقريباً 30 دينار!!
هذا نشتريه بداية الشهر عشان ما نتوهق بالنهاية، نصرف ومانحسب مصروف البترول.. بس بعدين نهاية الشهر لو صار زيادة تنحط كم دينار تكفي يومين او 3 بجذي يكون ما نسينا مسألة البترول وما نتوهق لو خلصت الفلوس بدون ما نحسّ

كلمة حياة تكلمي عنالميزانية

واشلون يكون الكوبون عليه القيمة او اشلون فهموني وكل وحدة اتحط المستلزمات مع القيمة خلنا اشزف من يقط فلوسه على اشياء مو لازمة ونتعلم من بعض

اختي هو المحطات يبيعون هالكوبونات معروفة عندهم بس مشكلتها الوحيدة انج ما تقدرين تصبين الا من نفس الشركة يعني المحطة لازم تكون تبع بابكو ما تقدرين تستخدمينها في محطات ثانية..
في نوعين من الكوبونات.. يجيج الكوبون بدينار واحد ويجيج الكوبون بدينارين..
ابو دينار عملي أكثر لأنج تبين تصبين مثلاً بخمسة تقدرين اما بو دينارين لازم المبلغ يكون زوجي اما دينارين او 4 ..الخ

جوفي بالنسبة للبترول مثل ما قالت اختي ناخذ كل كوبون بدينار
ويكون من شركة معينة مثل بابكو

اما عن الميزانية احنا نقسمها

فاتوره كهرباء احنا حاطين لها كل شهر 20 دينار
فاتوره التلفون 15 دينار وهذي للنت وتلفون البيت ويعتمد انتي عليج
الجمعية احنا حاطين جمعية وندفع لها شهريا
مصروف البيت 60 دينار
بترول 20 دينار
مصروف بنتي للحفاظات و المراضع و الحليب 30 دينار
مصروف زوجي
مصروفي
طوارئ
saving
الفيزا عندنا دفع شهري لبطاقة الفيزا
ونخلي مبلغ لطلعاتنا وللعشا

وهذا كله يعتمد على الراتب

مرحبا عندنا ميزانية محددة بس كل بداية شهر نروح المركز للبناني ونشتري الاغراض اما باقي الايام من نشوف الثلاجة خالية نروح ناخذ الاغراض من البرادة يعني ما نزيد عن 20 دينار ولانا ناكل ويه بيت عمي او بيت ابوي فما اطبخ فما احتاج اصرف واااجد