التجمع السادس للحوامل اللاتي يلدن في شهر 3 ( مارس/آذار ) 2010

هههههههه عيون المها احس مو اللحين لين كبر شووي علشان يبين .. اللحين الياهل ملفوف ما يبين فية شيء مسكين ..

بنات خاطري في اسبوع البيبي اقرأ في بيت امي دعاء مع ختان البيبي واسوي التوزيعات مال الختان مرة وحدة اعطيهم لانة ما ابي افتر عليهم واحد واحد حق الحلوى ..

ابوي ياني يقول لي ليش ما تتبنون ياهل قلت له سبق وقلت لزوجي هالكلام وطبعا الرفض كان موقفه
قال لأنه انتي ماله حل لمشكلتج
قلت له حتى لو بعمليه
قال انا سألت الدكتورة قالت لا ما نقدر نسوي لها عمليه عن مشكلتها
يقول اي احسن تولدين واحد معاق او مشوه تتعذبين معاه طول عمرج ولا تفقدينه
قلت له افقده
قلت له بس انا مؤمنه بالله وما بيأس
يقول عارف هالكلام محد اعترض بس وزن البيبي الحين 743 والمفروض يكون بشهرج
1.5 كغ
يقول لي تدرين لو مثلا زاد بتسوي لج عمليه قيصريه عارفه هالشي! قلت له طيب
يوم الاحد يمكن يزيد وزنه عدل يقول يمكن يزيد بنسبئة ضئيله جدا على قولته
\it's not a big deal


والله ما ادري بنات الله يعين بس
الاقيها من ولا من !
يعني معقوله حملي بكل مرة بيكون فيه مشاكل

يتوم بس لا تكثرين دامم عندج بعد
ونفس ما قلتي ما يبين يكون مقمط اغلب وقته

بحرينية_حلوة;11058660:

جود حبيبتي .. انتي شنو مشكلتج الأساسية .. شنو فيج اللي يخلي حملج ما يثبت .. ؟!!!

و بعدين انتو توكم صغار .. و العلم تطور و كل يوم قاعد يتطور أزيد و أزيد .. و اتوقع اذا هني ما عرفوا لج علاج .. طرشو تقاريرج بره يمكن تلقين الحل هناك .. و الله كريم

سامحيني يعني .. بس ما عجبتني فكرة التبني أبدا ..

التبني عندي اخر الحلول ولو اني عارفه انه مو حلوو اصلا
وريلي مستحيل يوافق

مشكلتي رحمي ذو قرنين



نفس هذا اللي على شكل قلب


المشيمه توصل دم شوي للجنين بحكم صغر المكان
والماي اللي حوالينه ينقص
بحكم المكانين
فهمتي علي الحين!
ما غير عنق الرحم قصير بس هذا عادي حله الربط
بس اهم شي المشكله المشيمه والماي
ما اقول غير الله يعين ان خسرته بعد هالمرة

ما بجازف احمل مرة ثانية اذا كان حملي يبوء بالفشل مرة ثانية

انا رايحه اصلي وبرجع برب

انتي مب اول وحده ولا اخر وحده يستوي لها جذي انا مرت خالي كانت كل ماتحمل تستوي لها جرثومه ويموت الياهل بس الله كتب بعد كم سنه راحوا وتعالجت في مصر والحين عندها ولد الله يخليه لهم
ومرت حماي اول حمله صادها جذي سقطت بعد في سبب وبعدين جابت ولد وثالث حملة مات الياهل لانه نقص الماي عليه وايد والحين الحمدلله حمل في شهرها الله يتمم عليها ان شاءالله يمكن الله مب كاتب لج في اللي قبل وذي باذن ربي يخليه لج ان شاء الله واذا حصل شي ثاني لاتياسين لانج انسانه مب عاقر يصير تحملين مره وثنتين وثلاث بس ان شاءالله ربي يخلي لج اللي في بطنج وانا مرت حماي الحين في حملتها ذي كل يوم اطق عمرها ابره تمشي الدم عشان مايصيدها التخثر ويوصل للجنين

јǿđ;11058520:
اليوم على صلاه الفجر قبل لا اقوم
نط لي عرج بوسط ريلي بل حده يذبح
بغيت اصيح منه
اول مرة يصير لي جذي
من زمان ما صار لي

جووود تصدقين انه بعد امس وانه راقده العصر تخيلي وانه راقده نط لي عرج وقحصت من النوم اصرخ وريلي قعد على صراخي عباله ولاده قلت له نط لي عرج باموت ومسكين سيده مد ريلي وسوا لي الحركه الي يسونها حق العرج

عاد اليوم اسال الي معاي في المكتب تقولي اي معروف اخر الشهور الحامل دايما ينط لها عرج :039:

بحرينية_حلوة;11058204:

لوليكي .. شخبارج حبيبتي .. ان شاء الله عم تتغزي منيج .. ؟!!!

وانا مرتاحه ما اسوي شي
الله كريم
ان شاء الله ربي ما يخيب رجاي
وانا مو يائسه منه
لو ايش ما اسمع
ان شاء الله خير يا رب
بس شي مؤلم لافقدتي غالي عليج
واذا ريلي مو متحمل كلام هله ولا شي خله ننفصل يكون افضل
وانا بقوله هالشي اليوم

رايحه اتغدى بنات وبيي برب

јǿđ;11058812:
وانا مرتاحه ما اسوي شي
الله كريم
ان شاء الله ربي ما يخيب رجاي
وانا مو يائسه منه
لو ايش ما اسمع
ان شاء الله خير يا رب
بس شي مؤلم لافقدتي غالي عليج
واذا ريلي مو متحمل كلام هله ولا شي خله ننفصل يكون افضل
وانا بقوله هالشي اليوم

جود
شالكلام الله يهديج؟ شنو بتقولين له خل ننفصل؟ شدخل ذي الحين؟
هالشي من الله رب العالمين ، انتي مالج يد فيه ، الله كاتب هالشي ، وخلي ايمانج في ربج قوي ، هو اللي ياخذ ويعطي ، وانا سمعت عن وايد حالات عن الرحم ذو القرنين وحملهم تم الحمدلله على خير ، بحثي اكثر عن الموضوع ...

اهلين لوليكي
شو اخبارك؟ ان شاء الله منيحه يارب؟