السلام عليكم
شخباركم جميع الكروشات حاليا وسابقا :ok:
المهم حطيت هالموضوع عشان كل وحدة اتدش اتقول رايها سواء ولدت سابقا في السلمانية ولا ناوية تولد أو حتى اذا كان عندها خلفية من قريباتها وولاداتهم في السلمانية
طبعا انه من اول ما حملت كان شغلي الشاغل وين اتابع وفي وين بولد ،، المهم آخر شي رسيت على اني أتابع بين الحكومي والخاص والولادة في السلمانية وان شاء الله يصير جانسي زين وأحصل غرفة خاصة ، هذي أهم شي
المهم من خلال بحثي في التجارب اللي اشوفها ان الخيار محصور بين الولادة في الخاص والسلمانية وبالرغم من ان 50 % إذا مو أكثر يذمون في السلمانية إلا أن الشهادة الوحيدة اللي محد ينكرها أن السلمانية مجهز حق الحالات الطارئة اللي حتى المستشفيات الخاصة اتحولها على السلمانية :047:
وشغله ثانية الشي اللي يذمون فيه في السلمانية واهو الشفت المناوب يعني الوحدة وجانسها اذا كان الشفت اوكي كان بها واذا كان الشفت مو اوكي راحت فيها من الاهمال والزف .... والخ
وفي النهاية تساهيل الولادة بيد الله وإذا رب العالمين كاتب علينا شي بيصيدنا حتى لو في مستشفى خاص صح لو لاء
وما لنا إلا الدعاء بتسهيل والولادة ويارب يحفظ أجنتنا من كل شر وأنشوفهم في حظنا ونفرح فيهم :029:
عاد الحين أنه شطيت عمري وحطيت موضوع حق النقاش والهذرة عشان كلمن يستفيد
عاد لا تفشلوني واطنشون موضوعي :020:
أحلى كروشة في عروس
:063::087: