بنات البحرين...صحيح الولادة في السلمانية أحسن من أي مكان ثاني؟؟

الله يستر ما باقي شي ولا ادري في وين

شكله ما لنا الا المحرق واللي فيها فيها والمسلم الله

مشكل الحين الخاص اللي يحبون التشقق في الاوادم ...

وعن الجناح اللي في السلمانيه هو 407 بس مثل بعض لان يعتمد على الشفت اللي موجود ...

وكل تساهيل من رب العالمين الله يسهل على كل حامل يا رب ...

مسامحه كتبت رقم الجناح غلط، اهو 407 :040:

حيرتونا يا بنات..
انا جربت جدحفص في ولادتي الأولية مشكلتهم ماكو غرف خاصة خلوني في العام بس الحمدلله اني ما تميت عندهم ولا يوم.. ولدت الظهر ويوم ثاني الصبح رخصوني..
وما اخذوا مني بنتي مع ان كنت هلكانة حيل..
بس حزة الولادة الحمدلله ما شفت منهم الا الطيبة!

بصراحه مستشفى جدحفص معامله زينه ويهتمون فيش بس عيبهم شي واحد مايخلون احد من اهلش في غرفه الولاده حتى لو يتطمنون عليها كله بتلفون يعني لي بره ينتظريقعد على اعصابه اذا الوحده بتطول اني مجربه بس احسن من السلمانيه بواجد يمكن لو رحت اهناك ماهتموا فيني جذي وفي الاخير كل واحد ورايه في الاختيار

اصلا المفروض يخلون احد يدش مع الحامل لان في الاوقات الصعبه ضروري احد وياها ينسيها المها شووووي

حرام يخلونها محذوفه هاللون ...

انه سمعت انه قانون ان يا الزوج يا االام يكونون معاها يعني واحد من الاثنين ...

والله السلمانة مافي احسن منها كفاية انهم يحولون عليها الحالات الطارئة من كل المستشفيات الخاصه ومافي غير السلمانية والعسكري اللي عندهم التجهيزات والاستعدادات لمثل هالحالات والوحدة منا ماتدري شيصير عليها بالولادة ولا اللي الله كاتبه لها اكون بالسلمانية وعندهم كلشي ولا اكون في مستشفى خاص اسم بس ويحتاسون فيني اذا لا قدر الله باحتاج رعاية انا والبيبي وبعدين اذا عل الغرف حتى المستشفيات الخاصه يكون عندهم زحمة غرف يعني ساعات تبين الغرفه الكبيرة ماتحصلينها وتحصلين الصغيرة مثلا وبعدين الحالات اللي اهملوهم وتسببوا بوفيات الاطفال في الخاص وايد وفي قضايا على هالمستشفيات والكل يدري يعني اللي يكرهون السلمانية ويذمون فيها لو قدر الله يروحون الخاص واهم حالاتهم طارئه وفيهم شئ مردهم بيحولونهم السلمانية الوحدة تتوكل على ربها ولا تترك نفسها لكلام الناس واللي يبي يروح الخاص يروح واللي يبي السلمانية يروح ولا اذكركم بقضية اللي تسببوا بوفاة ولدها بالمستشفى الامريكي قريناها بالمنتدى وقريناها بالصحف بعد والله المستعان ...

اي والله الوحدة تتوكل على الله في البداية والنهاية
وعني انا جربت جدحفص والسلمانية بس من ناحية الخبرة والاستعدادات السلمانية افضل عندي
بس انا ارتحت نفسيا في جدحفص
وكل واحد ورأيه

جدحفص جربته واجد زين وحسيته افضل من الخاص خصوصا وقت والولاده والطلق في ناس على طول تهون عليش