*بيبي فيس*;14343755:
هلا أختي
أنا ييت باجاوبج لكن دهن العود ماشاء الله عليها كفت ووفت :)
نفس اللي قالته كنت باقوله لج لأني عشت نفس التجربة
أنا رحت وفيني طلق حامي بس بنتي كانت معترضة وقدر الله وماشاء فعل
كانت دكتورة التخدير تسولف معاي عشان تشغل بالي عن الخوف وسوت لي بنج كامل
ومادريت بروحي إلا يقعدوني ويطقطقوني عشان أوعى وأنا كنت دايخة أغط وأقوم وماقدرت أنطق إلا بكلمة وحدة (أمي) :o
بس كنت أجوف الكل حواليني أمي وأبوي وريلي وخواتي وأم ريلي وأخته وصديقة عمري اللي مافارقتني
أنا ولدت 10:45 في الليل بس ودوني غرفتي الساعة وحدة أو ثنتين ماذكر بالضبط بس وعيت وتكلمت الصبح
أول مادورت أمي وريلي وبعدين قلت لهم هاتو بنتي باجوفها وجفتها وأنا منسدحة ماقدر أقوم عافيتي متكسرة وتعبانة
القسطرة ركبوها عقب التخدير لذا ماحسيت بها إلا متأخر وشالوها يوم ثاني بدون ألم وكانو يعطوني شي إسمه pain killer قاتل الألم
ومثل ماقالت دهن العود إن الكحة ذبحتني وخفت إن الجرح تضرر منها بس الدكتورة قالت لي ضغطي على الجرح بيدج وكحي شوي شوي
وكل ماتحركتي تعافيتي وخفيتي بسرعة بس المشي شوي شوي وضروري تروحين الحمام عشان الأمعاء ترجع لدورتها الطبيعية عقب العملية
النيرسات ينظفون الجرح ويعقمونه كل يوم ويساعدوني في كل شي حتى السبوح ويمشوني بس أنا كنت أقوم بروحي أمشي في الجناح في الليل إذا مافي زوار وحركة وأروح النيرسري أجوف البيبيات وأسولف مع النيرسات
صج القومة كانت تذذذذذذذذبحني وإذا كنت بانقلب أحس إني شاحنة ههههههههه لكني كنت لازم أساعد نفسي وأقوم لأن بطني صار عقب العملية وكسل الأمعاء ثقييييييييييل جنه رصاص
بس تحملت وتميت أمشي وأمشي حتى يوم رخصوني ورجعت البيت كنت بعد أقوم أمشي لين شوي شوي خفيت ورجعت لطبيعتي وحسيت إن الجرح برى ومابقى منه إلا أثر
والدكتورة بتجوفج عقب الرخصة بثلاثة أيام وتجيك الجرح وتشيل اللزقة وتقص الزوائد من السيم ولا بتحسين بألم ولا شي بس بعدين لازم تهتمين بالجرح وتنظفينه وتجففينه وتهوينه عشان مايلتهب
حبيبتي قوي قلبج لازم العملية في بدايتها صعبة بس تحملي وهوني على نفسج ومع الوقت بتتعافين والله يسهل عليج
مشكوووووووووووووووورة بعد جبدي عالرد.. والله قاتل الألم ذي شكله عجيييييييييب :) مو تحاميل السلمانية خخخخخخخخ
انا حاليا اتابع في الامريكي.. والموعد الجاي بتطمن عالبيبي وبسحب فايلي وطيراااااانا للتخصصي.. وانشالله ربي ييسر لي ولكم ولادتنا ياااااااااارب.
واذا على الفلس فلس :p الحمدلله جمعت نص المبلغ حاليا والنص الباقي على ابو الشباب شنو خانته هو يعني:$:
بس سؤال الغرفة الديلوكس هي الغرفة العادية لا.. حجمها زين مو صغير..
