honey baby;14309769:
الحمدلله على سلامتج وسلامة البيبي الله يحفظكم جميع يا رب
عندي استفسار لان راح تولدني ان شاء الله فرح واحتمال قيصرية
شخبار الجرح والألم وياج؟ وهل الخياط اوكي؟ سمعت انه القيصرية في التخصصي اقل الالام من السلمانية.
وكم كلفج القيصرية عندهم وكم يوم خلوج؟ واذا عندج تأمين كم زدتي عليه؟
ومشكورة
الله يسلمج من الشر أختي وتقومين بالسلامة إن شاء الله
الجرح إلتأم الحمد لله وتقريباً مايبين بس ماقدر أقارن بالسلمانية لأن هذي أول ولادة قيصرية لي بس الألم يختفي تدريجياً مع الوقت
والجرح مافيه خياط كلهم غرزة على كل صوب وكبس تجميلي في الوسط وخلاص ومايحتاي يشيلون شي ولا يحطون شي مع مرور أول إسبوع
يبي لج وقت لين تتعافين وتقومين أكثر من الولادة الطبيعية شوي بس أنا حالتي النفسية كانت داون لأنها أول ولادة قيصرية مثل ماقلت لج
بس الرعاية والنظافة والإهتمام اللي لقيتهم خلوني أتجاوز هالتجربة بسرعة والفضل لله أولاً وأخيراً
لكن ولادتي كلفتني أكثر من غيري لأني وايد كنت أوسوس وأحن وأصيح ومابي أقوم ولا أتحرك من الخوف وكشف علي جراح عشان يفحصني ويطمني وسويت ألتراساوند خاص أبي أتأكد إن مافيني شي
وبعد بنتي حطوها في حضانة البوصفار لأن صادها على خفيف وماحبيته يزيد وغير إني عفستهم من الصراخ والصياح وكانو يعطوني مهدئات ومسكنات وتحاميل وايد وخبرج هناك كل شي له ثمن والحسابة بتحسب
المهم إن ماعندي تأمين والولادة كانت على حسابي الخاص وكلفتني 1600 دينار وشوية كسور وبنت خالتي بعد ولدت عندهم ولادة قيصرية كلفتها 1300 دينار بس
والبكج اللي حطوني فيه بو أربعة أيام وفي بكج بو ستة أيام أظن للي تصيدهم مضاعفات ومشاكل عقب العملية لا قدر الله
أتمنى إني وضحت المطلوب على هالهذرة :D
الجرح إلتأم الحمد لله وتقريباً مايبين بس ماقدر أقارن بالسلمانية لأن هذي أول ولادة قيصرية لي بس الألم يختفي تدريجياً مع الوقت
والجرح مافيه خياط كلهم غرزة على كل صوب وكبس تجميلي في الوسط وخلاص ومايحتاي يشيلون شي ولا يحطون شي مع مرور أول إسبوع
يبي لج وقت لين تتعافين وتقومين أكثر من الولادة الطبيعية شوي بس أنا حالتي النفسية كانت داون لأنها أول ولادة قيصرية مثل ماقلت لج
بس الرعاية والنظافة والإهتمام اللي لقيتهم خلوني أتجاوز هالتجربة بسرعة والفضل لله أولاً وأخيراً
لكن ولادتي كلفتني أكثر من غيري لأني وايد كنت أوسوس وأحن وأصيح ومابي أقوم ولا أتحرك من الخوف وكشف علي جراح عشان يفحصني ويطمني وسويت ألتراساوند خاص أبي أتأكد إن مافيني شي
وبعد بنتي حطوها في حضانة البوصفار لأن صادها على خفيف وماحبيته يزيد وغير إني عفستهم من الصراخ والصياح وكانو يعطوني مهدئات ومسكنات وتحاميل وايد وخبرج هناك كل شي له ثمن والحسابة بتحسب
المهم إن ماعندي تأمين والولادة كانت على حسابي الخاص وكلفتني 1600 دينار وشوية كسور وبنت خالتي بعد ولدت عندهم ولادة قيصرية كلفتها 1300 دينار بس
والبكج اللي حطوني فيه بو أربعة أيام وفي بكج بو ستة أيام أظن للي تصيدهم مضاعفات ومشاكل عقب العملية لا قدر الله
أتمنى إني وضحت المطلوب على هالهذرة :D