رفاعيه كيوته;10890562:
اختي حلم العذاري
اوافقج الراي وكلامج حلو ومقنع وانا وياج في هالسالفه وانا كستمر مثللج
بس تبين الصج مالوم الماكيرات الاسباب الي باذكرها :
1 الماكيرات المشهورات مثل عايشه الريس وابتسام كمال وفردوس وشريفه فولاذ وعايشه البلوشي....كلهم سافروا برع ومكيجوا وقارنوا الاسعار هناك بأسعار البحرين برع سعر المكياج العادي يبدأ ب50 دينار وهو عادي جدا واذا الممكيجه تروح تاخذ 150 وكيف تبينها تمكيج ب10 او 15 دينار في فرق وايد.
2 المشكله فينا احنا البنات عندنا الغالي اهو الزين والي مب غالي حتي لو كان احسن شي ماناخذه وانتي تدرين هالشي واعطيج امثله القمص الي باخذه من ماركس اسبنسر ب30 احصل مثله بالضبط ب5 دينار في سوق المنامه ماخذه اخذ الاغلي فالممكيجه اذا سعرها نازل محد يروح لها وبيقولون عنها مكياجها عادي حتي لو احسن ممكيجه وانا رحت كويت وشفت هالشي يرحون حق حنان دشتي مكياجها عادي ويدفعون 60 دينار كويتي يعني 78 دينار بحريني حق مكياج عادي علما ان في سوريات مكياجهم وايد حلو مايروحون لهم ليش لان اسعارهم نازله.
3 ان احنه بنات ودائما التجاره المتعلقه بلبنات غاليه مثال الرجاجيل يقصون شعرهم ب500 فلس احنه نقصه ب 5 دينار, الرجاجيل يخطون الثوب 10 دينار احنا العبايه ب100 دينار معنه الهندي الي بخيط الثوب بخيط الدفه وقيسي علي ذالك .
4 مثل ماتدرين المكياج غله الايجارات غلت وايد معاشات العامالات زادت مو مثل اول علي 100 دينار ونقزي.
وهاذي وهجة نظر
تحياتي رفاعيه كيوته
عزيزتي ( رفاعية ) .,
رغم الأسباب إلي قلتيها هم بعد أقولج .. مب مقنعة من صوبي :D
ولا هي عذر ولا سبب
يخليني أسامح فيه هالماكيرات لرفع الأسعار
لأن مثل ما قلت وبقول [MARK="#000000"]( أحنا المتضررين الوحيدين ) !..[/MARK]
+
بالنسبة للأسباب إلي ذكرتيها
الحين أفسرها لج واحد .. واحد
1) صح أهما سافروا برى وشافوا الأسعار صح ؟!.
لكن هل تقارنين رواتب ومعاشات برى ومعاشاتنا هني ورواتبنا ؟!.
هني رواتبنا تبدي من 250 إلى 800 .. والحظوظ إلي راتبه يوصل إلى 900 وما فوق !..
لكن برى في دول الخليج !.
أقل راتب عندهم 300 دينار .. وهذي راتب الفقير عندهم بعد
يعني الأغلبية رواتبهم من 500 إلى 1000 وما فوق !,
يعني أكو فرق كبير بين أسعارنا وأسعارهم
لأن أكو إختلاف بالرواتب
وما أعتقد أكو أي ماكيرة بحرينية تجهل هالشي !!!!!!!!!!!!!!!!!!!!!!
وعلى فكرة ,
إهما صج يروحون برى بس يروحون مرة ولا مرتين بالشهر وبالغصب بعد
لأن كل وحدة عندها زوجها وأولادها وما تقدر تروح وترد برى البحرين .. وتعب على ولا شي برى البحرين .. يعني ما لها غنى عن البحرين لو وين تروح
2) من قالج إننا ندور ورى الغالي !..
أنا شخصياً جربت الرخيص وجربت الغالي
بس الصالونات إلي تحط بو 10 و 15 و 20
ماركتها جداً رخيصة وما تثبت في الوجه
يعني قارنت المكياج الرخوص بالمكياج القوي وحسيت بالفرق الكبير
فأنا مضطرة بصراحة أروح للماكيرة الفلانية لأني عارفة أن شغلها أفضل من هذي وهذاك والماكيرات يعرفون زين ما زين
إن الصالونات إلي أقل منهم سعراً ما يستخدمون ماركاتهم
لذلك واثقين ثقة عمياء بنظافة شغلهم !!!!!!!!
3) صح , أكو فرق بين شغل الرجل وشغل الحرمة
بس قبل كانت الأسعار جداً طبيعية مثل 20 , 25 , 30 .. إلخ
لكن الحين أقل شي بو 25 وبدون رموش وبودرة الجسم ؟!!!!!!
يعني ما تحسينه شي أوفر
4) أي إيجارات ؟!.
كل الماكيرات المشهورات
يشتغلون في بيوتهم وبدون أي عاملات
- عايشة الريس
- شريفة فولاذ
- إبتسام كمال
- شيماء بو جيري
- فاطمة بهبهاني
ولو بعدد القائمة بتعب ههههههه
كلهم في بيوتهم يعني لا إيجار ولا هم يحزنون
ولا يفوتج الماكيرات إلي يمكيجون في صالوناتهم الخاصة أسعارهم أرخص
مثلاً :
- صابرين كمال
- فردوس الحلواجي
هذيلا في صالون وأسعارهم ثابتة , وأرخص
مع إن وراهم إيجارات , رواتب العاملات !!!!!!!!!!!!!!!!!!!!!!!!!!
*
ههههههههه وايد هذرت
[MARK="#000000"]بس حبيت أوصل لج فكرة إن إهما مالهم ولا ربع عذر لرفع السعر[/MARK]
لأنه ماكو أي سبب يخليهم يرفعون الأسعار
ما قلنا نبي شي رخوص
10 و 15
20 وما فوق شي معقول
العروس إلي هي العروس المفترض سعر المكياج ما يتجاوز حد ال 70 دينار
100 !!!!!!!! آولاه , مصخت ومن قلب
*
جد تراهم قاعدين يتطمعون ويتنافسون بين بعضهم بعض على حساب هالكستمر المساكين إلي مضطرين يروحون , لأنهم يبون الشي الزين