أحاسيس الورد;10860878:
قوه بنااات سوري تأخرت قلت امس بحط لكم التقرير لكن انشغلت
فستاني كان بسيط حده بنفسجي حرير و من تحت السدر ورود سوده و شوية خرز و من وره الفستان اطول من جدام خذته من العدليه و الجوتي اسود كان حده سمبل ستان من ماركس سبنسر
الحفله كانت في ابي ذر الغفاري طبعا خطيبي و اهله ماقصروا رتبوا الكراسي ترتيب وايد حلو
المكياج شيماء بوجيري و الشعر مريم بصراحه تعاملهم فوق الروعه ماقصروا صراحه كنت حابه يكون مكياجي بسيط و ناعم ستايل لبناني بس شيماء حطت لي شوي اوفر لكن وااايد حلو كان و الكل يسألني انه و خواتي و امي منو مكيجكم و مسوي الشعر لكم يعني طلعونا سبشل في الحفله و مريم فديتها ابدعت في شعري
وحنتني زينب من مديتة حمد فديتها والله طيوبه هلبنت اتهبل قلت لها ابي حنه كلش بسيطه ماابي وايد خخخخخخ تعجبت قالت عروس تحني و اتهني و ام خطيبي قالت لها ماعليج منها سوي الي تبينه خخخخخخ تآمرو علي بس بصراحه حناه وايد حلو تسلم يدها
والتصوير المستقبل و كانت الفليبينيه حدها كيوت و سوت لنا حركات عجيبه خخخخخ و ان شاء الله تطلع الصور حلوه
الكوشه من قرية الافراح بصراحه ياسر ماقصر واااااااااايد روعه كانت ورد طبيعي و لونها مشمشي و وردي و فيها ورد الليلي
باقة يدي سويتها في الزنبقه و زين الي رحت من وقت عشان اجوفها كانت قبيحه صج صج عصبت يوم جفتها خليته يعيدها ويشيل لي الورد البنفسجي الفاتح لانها كانت باهته بعد التعديل بعد ماعجبتني بس مظطره
البوفيه سمرقند خواتي مامدحو بأكله وايد
والديجي مادري شنو كانوا ماخذين اهل خطيبي و في نفس اليوم بدلناه ماعجبني و خذت الشرقاوي كان اوكي بس بعد مو مثل الي ابيه
في طلعتي من عند شيماء خطيبي سوه مسيره لي مدينة عيسى صج صج استانست في دخلتي كنت حدي متوتره بس بعدين اهلي هدئوني و زفتي كانت عروس الضياء
ام خطيبي يابت بعد صبابات قهوه لابسين بطوله حلوه الفكره عجبتني
الحفله كلها على بعضها ماعجبتني كلش بس عدت على خير و الي برد قلبي الكوشه و التصوير قلت بعد الحمدالله هاي الشي الي بيبقى لي
وفي الزواج بتعلم من اغلاطي و مابكررها و بسوي بمكان راقي و شي على مستوى بطلع حرتي كلها في حفلة الزواج
ادري حجي مو منسق خخخخ بس مستعيله ، نصيحه لكل عروس لا تستعيلين في شي اخذتي وقتج و انتي جوفي بعينج كل شي و حتى الباقة الورد الي فيه انتي اختاريه لاتسون نفسي استعيلت بكل شي و ماخذت وقتي و لا جفت كل شي بنفسي
ما شاء الله .. تبارك الرحمن
الله يوفقج , ويسعدج , ويهنيج إن شاء الله
ويتمم زواجكم على خير
بالرفاه والبنين
خطوبة حلوة وهادئة
والمهم .,
إنج أستانستي في النهاية
وعلى الأقل هلأخطاء تتعلمين منها للمستقبل , لحفلة الزواج
+
عروس البحريين;10860943:
بناااااااااااات شرايكم بتصوير المستقبل للعرايس ؟؟؟
لان مانبي صور وايد تقريبا 50 او 60 صوره فققققققققققط
أنا شخصياً ما يعجبني تصوير المستقبل !..
أكو إستديوهات أفضل بوايد ..,
+
نورالولاية;10861129:
مرحبا بنات
شخباركم
تعرفون وين احصل مكعبات السكر الملونه للضيافه وفي حدود الكم اسعاره
إذا تقصدين سكر مكعبات ملون .. هذي تلقينه في السوبر ماركت
مثل القند المكعب الأبيض .. بس ملونة
+
موناليزا البحرين;10862023:
السلااااااااااااااااااااام عليكم
شخباااااااااااركم بنااااااااااات عساكم طيبين
حبيت استفسر في شي بسيط؟؟؟
عرس اخوي إن شاء الله بيكون في شهر 2 وانا حاجزه حق مكياج عند عايشة الريس وقالت لي انها رفعت اسعارها وصارت ب25 و30 دينار؟؟
وابي اعرف شالفرق بين 25 وال30 دينار؟؟؟؟؟
والله أحسن لها رفعت السعر .,
لأن محد يسوي بو 20 ..,
كان بو 20 عندها
ما تحط فيه رموش
لكن من 25 وطالع .. تحط رموش
ومكياجها بو 25 أنا جربته وجداً مناسب وروعة ومرتب حق العادي
يعني إذا تبينه لمناسبة عادية أنصحج بو 25
أما إذا كنتي عروس ملجة أو جلوة .. إلخ
أو وايد قريب من المعاريس .. بو 30
طبعاً أكيد بيكون أفخم من ال 25 لو بشوي , وبيكون أكو فرق بينهم
+
فوفو البحرين;10865173:
بناات بسألكم وين محلات يسوون توزيعات ملجه جاهزه بس حلوه ؟؟؟
وجم اسعارهم ؟؟
واحد جرب توزيعات حسين الشجار؟؟ حلوين توزيعاته او لا ؟؟؟ وبجم يبتدي سعره ؟؟
خبري ( حسين الشجار ) ما يسوي التوزيعات إلا بالطلبية
ولازم تقولين له بالضبط شنو تبين ..
لأن مرة كنا بنستآجر منه السفرة , وقالوا لنا التوزيعات ما نسويها إلا بالطلب ولازم تذكرون لنا شنو تبون !..
عموماً أهو شغله وايد ناااااايس + نظيف , ولا عليه غبار
وعندج .,
أم محمود
هذي توزيعاتها وشغلها فظيييييييع بالتوزيعات
أسعارها تبدي من 600 فلس .. للتوزيعة
وأي توزيعة تخطر على بالج تسويها .,
:thumbs_up:
