نور القمرر;10926911:
سلام بنات
اني زواجي ان شاءالله 6- 3 - 2010
الى الان ماسويت شي غير انه
1- حجزت صالة للحفله
2- اشتريت قطعه هندي ابغي اخيطها للجلوة ولونها احمر على ماروني وفيه اخضر من لولو هايبر وهي قطعه كامله بس ليلحين ماخيطتها
3- قررت اني اروح سلوى مكياج نوريه شعر مثل الخطوبه لانه عجبني وقلت اروح للاضمن بالنسبه لذوقي بس ماحجزت ليلحين
الفستان باخذه ايجار لانه ماابي اصرف عليه اكثر من 150 - 180 وعجبوني من زمان فساتين ليالي الافراح سوق واقف ويمكن اخذ منه
الباقه عجبوني اللي حاطتهم فوق اللي صايرين كرة بس شلون ينشالون دلين؟؟
الباقه الثانيه الوانها جدا جميله
الحين محتاره اسويها وردي مثل الصورة وابيض
وله باقه بيضه كامله مع الاكسسوارات
وله باقه ابيض وفيها ورود بنفسجي غامق ووردي فااتح
مع العلم اني سمره والفستان باخذه ابيض ناصع
بعد:
محتاره باحسن عطر فرنسي للعروس حق الحفله وغير الحفله
واذا زوجي مايحب العطور العربيه يحتاج اخذ بعد لانه انا احبهم عادي وله مايحتاج اخذ؟؟
وابغي اخذ كولكش كااامل حق بعد الاستحمام يكون يناسب حق الايام الاولى من الزواج يعني اخذ من زهور الريف وله من بودي شوب وله اخذ كولكش مع العطر من الحواج
قمصان نووم عندي وااجد حاليا بس بعد احس انه خاطري اخذ اكثر هه ابغي مكان يبيع حلوين ورخاص ابيهم مثل الفساتين شوي يعني ستن حرير وجذي يناسبون عروس
قميص اول ليله بروح اخذه من السعوديه وماابيه يتعدى 30 دينار صراحه
بعد
ابغي اصبغ شعري وانا سمره بس مو غامق يعني سمره مو سوده ولا حنطيه وماادري اصبغه شلون ؟ اذا عندكم صورة حطوها لي
ابي اصبغه عشان التسريحه تصير اكشخ
يحتاج اخذ ملابس للطلعه؟؟ قلت ماباخذ
اي صج ابغي جلابيات تكون مو غاليه بعد يعني ابي اخذ مثلا اثنين ب 50 دينار مو وحده على 50 وفوق لا
ما سمعتوا اذا في معرض قريب وله لا؟؟ وهل يكفي انه اخذ جلابيتين
ملابس البيت مثل البيجامات ماادري محتاره اخذ شتوي حق شهر 3 وله بيصير حر ؟؟ !! وين تنصحوني في السعوديه باسعار زينه
سوري على الاسئله الواجد
القطعة الهندية .,
ممكن تودينها لخياطة متخصصة تسوي لج موديل راهي وحلو فيها
مرة إختنا ( حصاصي ) قالت إنها شرت قطعة هندية وسو لها موديل وايد فخم وكشخة
كأنه قالت شبيه بالكميونو ( اللبس الياباني ) .. في خياطة التزامن / الرفاع
مب متآكدة وآلاااهي من أسم المحل :057:
*
حجزي خيتو .,
تنتظرين شنو ؟!,
تدرين عقب محرم وصفر مباشرة أعراس
يعني الحين الحجوزات كلها مزحومة .. فلا تآجلين أكثر :095:
*
الباقة .,
حبيت المكس
الأبيض & البنفسجي
ما أدري ليش ما أستسيغ السادة ههههههههه :085:
يعني لونين لها زهوة أكثر , وفوق جذي بتحدد لون مكياجج بعد , بتطلع نااايس :009:
*
العطورات نوعي .,
خذي شوي عربي وشوي فرنسي
وعلى فكرة ترى العربي أكو روايح ناعمة جداً أو جايه على ريحة بخور
يمكن زوجج ما يحب العربي القوي والعود
خذي لج الشي الخفيف أو أخذي عربي قوي بريحة البخور
أحس مالج غنى عن العربي لأن ريحته ثابتة وقوية وايد ومالت أعراس :009:
والفرنسي .,
ما شاء الله شكثر عطورات حلوة وراهية
إنتي وذوقج يعني .,
وطقم اللوشن والشور جل .. إلخ
براحتج
تحبين زهور الريف , أو البودي شوب ؟!.
وأكو محل بعد زوين وايد وايد وايد :07:
وأسعارهم مقارنة بالبودي شوب .. رخيصة جداً
في مجمع الكونتري مول
أنصحج تروحينه وتشوفين الكولكشن تبعهم
رخيص وقوي , متنوع وشامل , وبسعر حلو :038:
*
بيجامات البيت والنوم
روحي السعودية , رخيصة جداً وحلوة ومرتبة
وخذي لج كمية لا بآس فيها
يعني لا تكثرين وايد
لأنج عروس
مردج بتملين وتبين تشترين شي جديد
وفوق جذي إحتمال تحملين وجسمج يتغير بعد
يعني لا تاخذين ثياب وايدة لأنها ما بتدوم معاج فترة طويلة :061:
*
الصبغة .,
أنصحج تروحين لناس متخصصة
يعني لا تروحين صالون وبس
يعني فيه كوافيرة فاهمة لشغلها
وهي تعطيج كاتلوج الألوان المتوفرة
وتختار لج لون يناسب لون بشرتج ويناسب طبيعة شعرج
وعموماً
الألوان الدارجة موضتها وبقوة
البني الجوكليت بدرجاته المختلفة!..
عندج صالون ( إيفا ) في السهلة .. الكوافيرة لبنانية :092:
+
KeFi n7esa;10927084:
هلوووووووووووو بنات
وحشتوووووني وايد وايد وايد
انا خلصت كل تجهيزاتي الحمدلله باقي لي تناتيش صغيرررره اخلصها في اقل من اسبوع
مبروك لكل اللي تزوجوا
فرحت لكم من كل قلبي
توني احس ان العرس جرب وايد هههههههههههههههههههه
بنات كنت بسألكم .. عايشه الريس رفعت سعر مكياج العرايس والا لا؟؟
انا حجزتها مكياج والشعر عند وحيده
لا عزيزتي .,
سعرها للعروس ثابت ( 70 شاملة البودرة & الرموش + المثبتات )
بس أسعارها تغيرت وأرتفعت للعادي :043:
+
طيف امل;10927838:
بنات بسألكم عن صالون نهله بالنسبة للحفاف في احد جربه ؟؟
ناس مدحو ليي وحده اسمها اوشا وفرزانه للحفاف
مادري اذا وحده منكم جربت تقول لينا تجربتها
ابي حفاف عروس وابي حفافه فنانه تغيرني
اني كنت احف من قبل بس حواجبي شبك وعراض وآخر الايام قامو يضعفونهم ليي والحين بربيهم شهرين عشان اتغير
بالنسبة لي ما أنصحج تجوكمين !..
لأنج عروس
وحلا العروس تحفها وحدة متخصصة عدل , ومشهورة في مجالها يعني
لا تروحين أي صالون وبس , ويمكن ما يضبطونج
عندج :
- جميلة / صالون نور العين * جد علي
- أم عباس / صالون الأنامل السحرية * م.عيسى
- فاطمة & صديقة / صالون الأطراف الناعمة * الرفاع
- رقية & زينب / صالون فاتنة الخليج * سوق واقف
- وردة / صالون لطيفة * سوق واقف
هذيلا حفافهم كشخة ونظيف وايد .. وشغل ضمان :049:
وتقدرين تروحين الصالون تشوفين حفافهم مثلاً
وإذا إنتي عروس
لازم تحجزين ..,
+
وردالروان;10930546:
بنات ماعليكم امر اللي عندها صورة لحنة ليلى الماحوزي تحطها هني او تراويني اياها على الخاص طبعا غير عن اللي موجودة في البوم الحنة
او
تعرفون اذا تحني هندي متروس او لا؟؟؟لان الصورة اللي هني موب متروس
حلومة....
صالون فاتنة الخليج حنه العروس هندي متروس؟؟؟
ابي هندي متروس موب رسم نقش وحلو
هلا والله!..
حبوبة .,
هذي الصور المتوفرة في ( ألبوم الحنة )
العروس نفسها طلبت من ليلى الماحوزي تسوي لها شي خفيف وناعم :040:
يعني أتوقع للعرايس لازم تسوي شي راهي ومتروس .. بس هذي طلب العروسة
وبالنسبة لصالون " فاتنة الخليج "
تقدرين تروحين تشوفين بنفسج شغلهم .. إهما كل حناياتهم هنود
وبصراحة ما عليه أي غبار
هندي متروس وراهي وايد ويجنننننننننننننن .. وغامق عدل
هههههه منسحرة عليه :035:
بس السعر وايد , وايد , فوق 80 دينار
وإحتمال إذا يجونج في البيت السعر أكثر !!!!!! :024:
عندج الحناية ( فوزية ) موجودة صور حناها .. حناها هندي ومتروس ومرتب
+
الحناية ( زهرة سلطان ) نفس الشي ,
بس أنا تعجبني ليلى & فوزية أكثر من زهرة طبعاً :054:
