ǁ♥ǁǁǁ تجهيزات عرائس { مملكة البحرين } لشهر محرم 1431 - 2009 م / الجزء = 60 ǁǁǁ♥ǁ

فوفو البحرين

محل الفساتين اللي في العدليه يصير يم مسشتفى الصباح بس ناسيه اسمه ,, وفيه مرة بنت تكلمت عن السعفه تقول خيطت فستانها هناك وكان بسيط ب 500 دينار ,, بس ماعرف اسعارهم شلوون




]

دلوعة بنكية;10915206:
لؤلؤة المحرق فديتج يزاج الله خير ويعطيج العافيه

شوشو87 يزاج الله خير فديتج

آآآيه عليكم والله

المشكلة ان حدي حدي متوهقه في تاريخ الزواج
وحدي خايفه من التجهيزات
متوهقه بعد في وين بنسكن و من وين بنأثث
احس مأسااااااااه

هلا حبيبتي ..

لاتخآفين الغآليه .. انتي اول شي قعدي مع الخطيب وحددو الموعد بالضبط ..

عقب التجهيزآت كل شي كتبي في دفتر سجليه ..

يعني شنو محتآجه من ثيآب وعطورآت واكسسوآرآت ومكيآج وقمصآن نوم والخ ...

وحتى الاثآث والسكن ..

السكن تفاهمي مع الخطيب جوفيه في وين وخذو وعطو مع بعض ..

هآذي عشرة لازم تتفاهمون في هالاشيه حق بعدين ..

الاثآث لاتحاتين في اماكن وايد رخيصه وحلوه في نفس الوقت ..

وبندليج عن هالاماكن بس فكري اول بتحديد زوآجج والسكن ..

وإن شآء الله خير :) ..

الترجيه;10915216:
بنات طلبتكم

ابي حنايه حق اليوم في حدود المحرق الدير سماهيج الحد اي مكان بس كشخه حناها يكون

جربت نعيمه من الدير لا بئس
جربت ح معصومه من سماهيج بعد يمشي الحال
اتصلت في شيخه ابي حنه عيين قالت ماتقدر
جوليانا موستايلي

شرايكم بصالون شهناز للحنه في تطور بحناها؟ وهل يصبغ
او ممكن تدلوني على وحده غير
باجر عيدميلادي ولازم اتحنى

والله هني في المحرق مآتلآقين بسرعه ..

واذا حصلتي مو لي ذآك الزوود يكون حنآهم ..

شهنآز أهي احسن صآلون حق الحنه في المحرق ..

وفي وحده يمنيه في الحآله حنآهآ وآيد حلو .. حنت رفيجتي حق عرسي

بس مآدري في وين بيتهم والمشكله مآعرف لا رقم تلفونهآ ورفيجتي مآبلقآهآ اليوم

جآن عطيتج الرقم ..


وكل سنه وانتي طيبه .. وعقبآل مآنفرح فيج عرووس .. :)

فوفو البحرين;10915808:
انه اقصد فستان عروس يعني شنيوول
يعني احسن افصل في السعودية ؟
بس انه اكره الروحه والرده وايد تعب :-#
انزين وين اماكن تفصيل فستان عروس هني اسعارهم ارخص من السعفه والاولى؟؟
وسمعت البنات يسولفون عن محل في العدليه او القضيبية مو متأكده مادري شسمه صراحه احد يعرفه ؟؟

شكلي بروح اخذ فرة على الاماكن واجوف اسعارهم وبروح السعودية اجوف الجاهز وبقرر :( واايد احاتي موضوع الفستان :|

والله الاحسن تروحين السعوديه ..

آنه نفسج من النوع اللي مآحب اللويه ..

ورحت يوم وآحد السعوديه ووعلى طول ينيت من الشنآيل الروعه اللي هنآك .. !

هني اذا بتسوين بتخسرين وآآيد ومآيسوى ترى ..

يعني جم بتقطين في البحرين على شنيول ! اكيد بتقطين 600 او 800 واذا اقل شي ب 500

ونآدر كلش كلش 450 وهاذي اذا في بعد ب 450 ..

امآ السعوديه يآبلآش .. كل تفصيل احلى من الثآني .. وبتينيين عليهم .. ومن كثرهم

بتحتآرين اصلن .. والأسعآر وآآيد حلوه ..


فنصيحتي روحي يوم وآحد ولآتضيعين ايامج في البحرين تدورين شنيول .. :)

دلوعة بنكية;10915206:
لؤلؤة المحرق فديتج يزاج الله خير ويعطيج العافيه

شوشو87 يزاج الله خير فديتج

آآآيه عليكم والله

المشكلة ان حدي حدي متوهقه في تاريخ الزواج
وحدي خايفه من التجهيزات
متوهقه بعد في وين بنسكن و من وين بنأثث
احس مأسااااااااه

حاضرين أبوي لج ، عن التجهيزات لاتحاتين ولا شي مثل ماقالت أختي لؤلؤة المحرق حددي أول شي تاريخ عرسج مع ريلج وأهلج جوفي اي تاريخ يناسبكم ، عقب تقدرين تحجزين القاعه وحق المكياج والشعر والحنه ....الخ

وعقب حددي مع ريلج وين بتقعدوون وتجهزين

بعدين جهزي رووحج من قمصان نوم وجلابيات وعطورات وشنط وصنادل ولوشن ومن هسوالف

اخذي أشوي موايد لانه بتييج عقب هدايا قمصان نوم وعطورات ولوشن ...

فوفو البحرين;10915808:
انه اقصد فستان عروس يعني شنيوول
يعني احسن افصل في السعودية ؟
بس انه اكره الروحه والرده وايد تعب :-#
انزين وين اماكن تفصيل فستان عروس هني اسعارهم ارخص من السعفه والاولى؟؟
وسمعت البنات يسولفون عن محل في العدليه او القضيبية مو متأكده مادري شسمه صراحه احد يعرفه ؟؟

شكلي بروح اخذ فرة على الاماكن واجوف اسعارهم وبروح السعودية اجوف الجاهز وبقرر :( واايد احاتي موضوع الفستان :|

مثل ما قالو خواتي سعوديه ارخص وأحلى اذا ناويه تفصلين لا تاحتين ولا شي ، اما اذا تبين تأجير عندج وايد محلات في البحرين وحلوين .....

أنثى النقآء;10913349:

ممكن تغيرون اسمي في قائمة الخطوبة من توتة .. الى أنثى النقآء اذا ماعليكم أمر :o


ومشكورين F:

ان شاء الله:thumbs_up:

هذيان تسلمين ع ابداء الراي

لؤلؤه
فكرت فيها اذا اضطريت بس شكله مابيمديني باروح صالون لليان بس بعد ماخلص الفاينل مابتحتى حق باجر


شوي واييكم اراويكم شغل لليان

الترجيه;10915216:
بنات طلبتكم

ابي حنايه حق اليوم في حدود المحرق الدير سماهيج الحد اي مكان بس كشخه حناها يكون

جربت نعيمه من الدير لا بئس
جربت ح معصومه من سماهيج بعد يمشي الحال
اتصلت في شيخه ابي حنه عيين قالت ماتقدر
جوليانا موستايلي

شرايكم بصالون شهناز للحنه في تطور بحناها؟ وهل يصبغ
او ممكن تدلوني على وحده غير
باجر عيدميلادي ولازم اتحنى

عندج الحناية ( قدرية ) من المحرق مشهورة ومعروفة

وحناها سواء للعادي أو العرايس .. مرتب

+

الحناية ( وهيبة ) .,

اختي فوفووو محل الفساتين الي تقصدينة اسمه[COLOR=plum] (بلاك توليب) في ام الحصم بجوار مركز العلوم للاطفال والشباب ومركز صباح السالم الصحي :025:[/COLOR]

فهمتوا غلط بنات

مو قصدي مكياج ثقيل حق الساري لا انا اقصد مكياج حلو مثل الممثلات الهنود

ومشكورة زهوور البحرين على الصورة روعة الميك اب

السلام عليكم بنات اللي يستفسرون عن الحنايات
اللي يحنون في محرم و صفر
الحناية زينب (مدينة حمد)
تحني
ادري بالوهقه
اللي يتوهقونها البنات
و تدرون حناها روعه يعني الحمدالله شي مضمون

بغيت استفسر بنات
في اي صالون البديكر و المانيكير حلو؟شغل مضبووووط؟؟

Om Maryia;10918150:
اختي فوفووو محل الفساتين الي تقصدينة اسمه[COLOR=plum] (بلاك توليب) في ام الحصم بجوار مركز العلوم للاطفال والشباب ومركز صباح السالم الصحي :025:[/COLOR]

ا

محد جاوب بل

حتى اسمي انشال من قائمة العرايس !!!!!!!!!!!!!!!!!!!

عروس البحرين2;10918775:
السلام عليكم بنات اللي يستفسرون عن الحنايات
اللي يحنون في محرم و صفر
الحناية زينب (مدينة حمد)
تحني
ادري بالوهقه
اللي يتوهقونها البنات
و تدرون حناها روعه يعني الحمدالله شي مضمون

بغيت استفسر بنات
في اي صالون البديكر و المانيكير حلو؟شغل مضبووووط؟؟

انه بوصف لج المحلات بس ترا متلخبطه في اساميهم
ان شاء الله تفهمين علي

عندج في العدلية في محلين جريبين يم القصر بس للأظافر وهالسوالف بس ناسيه اساميهم :042:

وعندج في شارع الخدمات في توبلي محل اعتقد اسمه nail spa او n.spa مو متأكده من الاسم

وفي محل في سند جريب يميم تري وباسكن اسمه perfect nails بعد مو متأكده من الاسم اذا صح او لا لأني مو من النوع الي يركز على الاسامي :049:
وان شاء الله باقي البنات يساعدونج

بناات بغيت رقم صالة مرمريز ضروري
انزين اذا ابغي اروح اجوف الصاله واحجز اروح وين وعند مين ترا اني ماعرف في هالسوالف شي ساعدوني بلييز

مرحبا بنات ابغي ارقام DJ بس تكون بنت مثل dj ليل او اي وحدة ثانية
للي تعرف ارقام بليز تراسلني على الخاص

عروس البحرين2;10918775:
السلام عليكم بنات اللي يستفسرون عن الحنايات
اللي يحنون في محرم و صفر
الحناية زينب (مدينة حمد)
تحني
ادري بالوهقه
اللي يتوهقونها البنات
و تدرون حناها روعه يعني الحمدالله شي مضمون

بغيت استفسر بنات
في اي صالون البديكر و المانيكير حلو؟شغل مضبووووط؟؟

لوليتا الجميلة .. في القضيبية

خلف محلات ( آشرف )

بالقرب من نظارات البحرين

شغل راقي جداً ونظيف وايد .. ومريح :ok:

لكن ,

أسعارهم غالية :041:

+

ميمي3;10922196:
محد جاوب بل

حتى اسمي انشال من قائمة العرايس !!!!!!!!!!!!!!!!!!!

أعتقد عزيزتي ..

الأسم سقط سهواً ما أنحذف !!!!!!!!!!!!!! :07:

+

فوفو البحرين;10923269:
بناات بغيت رقم صالة مرمريز ضروري
انزين اذا ابغي اروح اجوف الصاله واحجز اروح وين وعند مين ترا اني ماعرف في هالسوالف شي ساعدوني بلييز

عزيزتي .,

تروحين مطعم مرمريز

هناك عندهم مكتب ( الصالات ) كل الصالات التابعة إلى مرمريز

بس روحي وسآليهم وين المكتب وبيدلونج

وبس تروحين عادي

وتقولين لهم أي صالة تبين تحجزين بالضبط

تقولين لهم اليوم إلي تبينه أو تطلبين منهم يعطونج التواريخ الفاضية

وبيعطونج لستة الأسعار

وخلاص!..

إذا تبين تحجزين مجرد تدفعين العربون وكل شي يصير من أحسن ما يكون :014:

Moony2520;10923490:
مرحبا بنات ابغي ارقام DJ بس تكون بنت مثل dj ليل او اي وحدة ثانية
للي تعرف ارقام بليز تراسلني على الخاص

ديجي دريم

إهما مجموعة بنات

شغل محترم ونظيف :07:

مساء الخير .. راجعة لكم اكرر طلبي .. من الاخت اللي قالت عن فلبينية في المحرق تخيط قمصان نوم يا ليت اسمها واسم المحل ورقم التلفون .. ومشكورين ..

بناات بغيت [COLOR=royalblue]رقم صالة مرمريز ضروري
انزين اذا ابغي اروح اجوف الصاله واحجز اروح وين وعند مين ترا اني ماعرف في هالسوالف شي ساعدوني بلييز

حلومه وقموورة مشكورين:025:
وكل وحده ردت علي مشكووورة:072:
ادعو لي احصل التاريخ الي ابغيه