الرئيسية ركن العروس تجهيزات و استفسارات العروس ǁ♥ǁǁǁ تجهيزات عرائس { ليبيا } لشهر محرم 1431 - 2009 م / الجزء = 6 ǁǁǁ♥ǁ

ǁ♥ǁǁǁ تجهيزات عرائس { ليبيا } لشهر محرم 1431 - 2009 م / الجزء = 6 ǁǁǁ♥ǁ

حلمـ ., 17-12-2009 1,177 رد 29,637 مشاهدة
ع
عروسة ليبيا
مشرفة سابقة
04-01-2010 | 05:46 PM
حبيباتي ربي يسلمكم كلكم


عزيزتي عروس ---------------- االاكياس لا هذوو متكررات حبيبتي

متاعتي الي انا نحكي عليها ريتي قفة السعف القديمه الي من جريد النخل وفيها يدين تمسكي بيهن هذيكا هيا

والحاجات غلفتهم بكياس لونها احمر سلفر زي غلافات الهديا احمر لماع ودرتهم علا شكل صرة دويرة ملفوفه


الحق انا ركزت علا جودة البخور والعطر والكحل حبيت ان الناس فعلا تستفيد بيهم ويستعملوهم


والمروحه او النشاشه هي عباره عن عود بطول 5 سانتي تقريبا وف طرفه فيه المروحه مربع من الجريد متاع النخل او السعف

زي موديل ساريه العلم فهتمو عليا :study:--------

والغطاء كان عباره عن ردى ليبي مقلد مش حرير حقاني او ردى معمل زي مايقولو رخيص جاني ب20 دينار احمر

ولمعته رررهيبه جددددددددددددددا كانه فضه

قصوه بناتنا علا شكل شبه دويرة بش سكرنا بيها القفه من فوق زي المغطه وبسلك فضي ردتلها شدات تبت الغطاء فالقفه

وفوق الغطاء ركبت المروحه علا جنب مايلات ولصقتهم بمسداس السليكون العادي

عموماالافكار و الحاجات هذي حلوة ومميزة لكن بش تريحي روحك ابدي فيهم بدري لانهم يبو خدمه يدويه

انا قعدت بروحي نوقف علا كل شي وتاخرت خدمتهم لعند قبل الحنه بيوم والبنات يلصقووووو:confused:

يابنات ركزن انكن تكملو التفاصيل الصغيره بدري لانه تهزو عليها وتقولو ساهله بعدين بعدين
وفوسط الزحمه تنسوووهااااااااااا

ف الاخر تبدو تجر
و ف جري رررررررررررهيب

والمفروض انكم ف الاخير تركزن علا تفاصيل العروس وطلتها وبشرتها وبالذات بشرة العروس لازم تعطوها وقت ونقصو من حرق الاعصاب :rolleyes: روقن
ط
طموحي اكبر
عروس متألقة
04-01-2010 | 05:47 PM
الف مبروك
ع
عروسة ليبيا
مشرفة سابقة
04-01-2010 | 06:12 PM
يا بناتات وعروسات حابه نرد علا قصة الصرعات متاع الردا




فهمتوني غلط حبيبااتي لاني نحكي بشكل عفوي ومفصل

كان نهدرز مع حد قدامي فا نسترسل هلبا وف حاجات مانوضحش في فكرتها كويس



حبيباتي ان خيطت قفطان الحنه عباره فتسان بين المودرن الحديث وب قماش تقليدي

وقفطاني كان يشبه الجلابيه الكبيره ومعاه جبونا== تنفخه من تحت شوي

طبعا الفكره هااااااااااااذي والله ب امانه وبصدق من زمان ممكن كان عمري 12 سنه او 11 وانا نفكر فيها وكانت اقمشه القمجات او سواري الردى يعجبوني جدا ب اللوانهم وفخامتهم ونقول ياريتهم قفاطين



لكن هما طبعا مش بديل لزي التقليدي متاعنا

هما طرح اخر لي هالاقمشه بشكل حديث شويا واجتهاد للتميز وبس

عموما انا نحببببببببببببببببببببب بطبعي كل شي تقليدي وتراثي بشكل كبير


ونحب التصاميم الحديثه الي تحمل لمحات ولمسات تقليديه

وطبعا هالفكره لقيتها بعد وقت انتشرت فالعاصمه طرابلس بسبب مصممين ليبيين نفذوها منهم واشهرهم المنتصر المصمم مصطفي المنتصر

الصراحه كان علطول يعرض فحاجات واو

بس كانت الفساتيين موردن جدا وحديثه فالتفصيله متاعها والقصات الي فيها

يعني تشبه ازياء زوهير مراد و وليد عطاالله وغيرهم لكن دخل فيهم اكسسوارات عربيه ليبيه ومع اقمشه الاكليم الليبي واقمشه العبروق


والرودات متاع المنتصر وغيره

من مصممي طرابلس المبدعين شفتها واكتشفت انها ف اغلبها ماكنتش اقمشه ردا كلها

انما لما تجي تمشيكها اقمشه تشبه الستان مطبوع عليها خطوط الردوات بكل انواع التخطيط


حسب ما سمعت انه تم تصنيعهم ف تونس و انه شالو ردوات لمعامل اقمشه وصصممو له شبيهات بيهم تماما



ولكن لا غناء عن الاصلي وديما مكانه بيكون بروحه


وعموما يوم صباحيتي

لبست بدله حصيرا كبيره التقليديه ولبستها مفتوحه ---- حسب العرف ان العروس ماتتحزمش حزام كامل قبل اسبوعها

ومشيت لاهل زوجي و كانو العيله بس ومحد براني مادروش اسبووع العيله وبس

انا حبيت نلبسها بش ماتبقاش فخاطري وطلعت حلوة ولبستها علا اطربلسيه لبسته لي مرت خالي طرابلسيه


حبيت نوضح النقطه اهيا

طبيعي ان كل الازياء التقليديه فالعالم تمر بمراحل من الاضافات والتطوير وتقديمها بشكل متجدد

بس الاصل لا غنى عنه
ع
عروس ليبيا
عروس فضية
04-01-2010 | 06:25 PM
مرحبا عروسه ليبيا

فهمت عليك بس طريقتك تبي جهد وانا ماعندي اختين بس ويادوب عليهم حاجات تانيه اهم وانا كسوله للحاجات هدي ماعندي بال فقلت ناخد حاجه جاهزة

ممكن نتلاقي حاجات تعجبني انا بنمشي الشهر الجاي لتونس حنشوف لو لقيت زي تقليدي لانهم يشتغلوا يدوي واجد انا شفتهم

وعلى فكرة الفكرة هدي ماكانت داخله بالي لانها نحسها زايده نوعا ما يعني في الاخير في اولويات احلى واهم منها بس انا بما انها بتجيني هديه ماكرهتهاش عادي ههههههه رصيت وقلت باهي

كاندي يا حلوة صار ماعجبوكش شني طلع ذوقي في الحلقه الاخير ةشين هههههه يا فضيحتي بس تعرفوا بنات بجديات انا من كثر مانطلع ولا نحضر في عراس فيه حاجات واجده كانت غايبه عني انتم نبهتوني عليها

ربي يسلمكن ليا
ع
عروسة ليبيا
مشرفة سابقة
04-01-2010 | 06:25 PM

هاااااااااااااااايله ------حبيبتي شن هالصدفه الحلوووووة سلمها ياربي

وووووووووووووووووووووووووالله فرررحت بيك توووووووووو كيف شفت النك متاعك والله ليك وحشه حبيبتي وووووووووووووووووديما ف بالي

يارب تكون سنه حلوة عليك

وووو خاطري في القعده معاكم وحشني كل شيء ف بلادي الحلوة
سلالامي للكل وووووواشواقي طبعا

وووالزواج ---:adore:---حلو ----- اممممم خليه لما نشوفك نحكو

ربي يهنينا ويهنيك
ع
عروس ليبيا
عروس فضية
04-01-2010 | 06:28 PM
عروسة ليبيا صح نسيت نقولك على فكرة القفطان اللي بالرداء هدا اختي داراته عند خياطه في طرابلس ولبساته في عرس ولد خالي انا ماحبيتاش قالتلي بنديرلك زيه في حنتك بس انا مانبيش بجد مش حلو الرداء مش حلو الا وهو محزم ومعاه هداك الدهب اللي يضوي

عراااااااايس على خاطركن وخاطر بيسا اللي تبي تزعل لو ماحطيت صور مشترياتي

بنزل صور حاجات المطبخ اللي خديتهم الى الان فيه حاجات عاجبتني وفيه حاجات ناويه نغيرها او نزيد غيرها وهدي نخليها لبعد العرس نرجع ناخدها مش متنازله على شي هههههه

المهم بعدين بنزل الدهب اللي من بوي الله يرحمه والبلاتين كل واحد بروحه ان شاء الله

وكل مانشري حاجه مش حننبخل عليكن بس اهم شيء الرأي بدون مجامله عشان نبي حاجتي مميزة وانا بصراحه مانفهم في حاجات الحوش واجد
ع
عروس ليبيا
عروس فضية
04-01-2010 | 06:38 PM
هلا

هدين سكريات شاهي وقهوة وسكر عجبوني ومعاهم نفس الخامه ملاحه ومتاع زيت وخل تنحط على سفرة المطبخ





وهذين طواجين مارينكس مش عارف خواتي يقولوي زيدي اثنين وانا اصلا مش عاجبتاني




هذين خلاط واله مقطع ومفرمة لحم من هومر كان خاطري ناخدهم كانوود بس قالولي في بنغازي فيه الماركه




هدين فازوات للبقوليات عجبوني الوانهم




يلا توا في الليل انحط الباقي بس توا عطوني رايكم في هدي وانا قابله تعليقكم
ع
عروسة ليبيا
مشرفة سابقة
04-01-2010 | 07:04 PM

F:بنوتات ننصحكم نصحيه بالنسبه للتصوير الحفله



احسن تصوير فيديو هوا مصوراتي اللواج بنغازي منطقه الببسي مشهووور


عموما لاحظت اغلب محلات التصوير ف بنغازي يتشطرو علا الناس تمشي العروس تحجز فيديو وفوتو

يمشووو يبعتولها بنت وحده فقط مره تصور هكي ومره هكي

ولما تجي بتصور العروس اتبت كاميره الفيديو علا القاعده وتمشي هيا تصور والفيديو شغال عشوائيا

ولا اغلب المشاهد علا المصورراتيه وهي تصور :L:


-----------8o|بخل و توفير من اغلب المحلات والنتيجه شريط فيديو مهزوز ومش مفهوووم فيه شي


زي عرس اختى زمان


فا انا دورت كويس بما اني ملكة التفاصيل:D

دورت بدقه وولقيت ان احسن تصوير فيديو اللواج عندهم مصوره محترفه اسمها خديجه والي تبيها تقول بالاسم نبي خديجه تصورني والبنت هاذي يستعان بيها من قبل الاذاعه والاعلام ولها خبره


طلبت خديجه من اللواج فيديو فقط

وتصوير الفوتو غرافي حجزت دلال الفلسطينيه من شهرازاد اظن اغلب بنات وعرايس بنغازي يعرفووها اشهر واقدم مصوراتيه لها 13 سنه تقريبا

كويسه والحلو فيها انها تتقبل الكلام من العروس والعريس مش تفرض رايها



في طبعا شي تاني لكنه اضافي مش من الاساسيات بس الي يحبو يعرضو صور ليهم وذكريات فحفل الزفه او مشاهد من حفل الخطوبه او الحنه الصغيره


بالنسبه لبنغازي تمشن لمعرض روز معروف اكبرواشهر محل ديكور ومكانه منطقة الحدائق

وتطلبن بالاسم المونتاج وتقولن نبو الاستاذ سامي تسالن عليه متاع المونتاج

هو يتعامل عن طريقهم وسعره معقول والشغل متاعه لطيف وحلو بالنسبه لباقي المحلات ف بنغازي انا درت عنده ومشيتله اخترت معاه تدريج الصور والاغاني الي بيركبهن عليهم ويتم عرضهم

للاسف كنت مصورة تغليف الدبش ولف الشناطي والبتات قبل ما نببعتهم لخطيبي ف الامارات

وكنت نبي نعرض مقاطع من حفل الفاتحه والخطوبه لكن عشاان كنت ناجل ناجل فا جيت متاخر والمحل مقدرش يكمل شغل الفيديو بس عرض الصور والاغاني كان حلووو برغم بساطته


اما طرابلس الغاليه


الصراحه فيه واحد رهيب وغير تقليدي ويجيك بالطقم متاعه كله ====== نحسه غير شكل

هو المخرج بهاء بعره من كل مناسبات العيله والاصحاب دروو عنده حاجات حلوة


للاسف انا كنت حاجزته لكن جاه سفر برا وكان وراه الالتزام بترتيب حفله الفاتح وانا تاخرت معاه في تقديم صوري وشرطان الفيديو الي بيخرجلي منها

ف ف اخر لحظه اعتذر ورجع العربون ليا


==================== وووووووالله كنت زعلانه هلبا

كنت مصره عليه لكن مافيش نصيب


عشان هكي تجنوبو التاجيل ف الامور البسيطه لان ف اخر لحظه تنشغلو بالحاجات الاكبر


وانا لو قدرت نحاول نوصي ماما علا الصور بلكي نتمكن ونضيفهن لكن هنا
ه
هنو الدلوعه
عروس رائعة
04-01-2010 | 07:59 PM
عروس ليبيا;10983245:
عروسة ليبيا صح نسيت نقولك على فكرة القفطان اللي بالرداء هدا اختي داراته عند خياطه في طرابلس ولبساته في عرس ولد خالي انا ماحبيتاش قالتلي بنديرلك زيه في حنتك بس انا مانبيش بجد مش حلو الرداء مش حلو الا وهو محزم ومعاه هداك الدهب اللي يضوي

عراااااااايس على خاطركن وخاطر بيسا اللي تبي تزعل لو ماحطيت صور مشترياتي

بنزل صور حاجات المطبخ اللي خديتهم الى الان فيه حاجات عاجبتني وفيه حاجات ناويه نغيرها او نزيد غيرها وهدي نخليها لبعد العرس نرجع ناخدها مش متنازله على شي هههههه

المهم بعدين بنزل الدهب اللي من بوي الله يرحمه والبلاتين كل واحد بروحه ان شاء الله

وكل مانشري حاجه مش حننبخل عليكن بس اهم شيء الرأي بدون مجامله عشان نبي حاجتي مميزة وانا بصراحه مانفهم في حاجات الحوش واجد


أيوه ياعروس ليبيا هذا قصدي بالنسبه للفستان نفس فكرتك ويا عروسة عارفه الموديل الي تحكي عليه وشبحااااااااااااااااته هلبه وبتفصيلات خياليه وفوق ماتتصوري بس الحق أني مايعجبنيش وأصلا مش مقتنعه بيه وخيتي ماتحرجيش وأني وخيتك هنو تحب تقول رأيها بصراحه بذات لوخياتها
عروس ليبيا حاجات المطبخ حلوات زي صاحبتهم وربي يهنيك وخيتي
ه
هنو الدلوعه
عروس رائعة
04-01-2010 | 08:02 PM
عروس ليبيا;10983210:
مرحبا عروسه ليبيا

فهمت عليك بس طريقتك تبي جهد وانا ماعندي اختين بس ويادوب عليهم حاجات تانيه اهم وانا كسوله للحاجات هدي ماعندي بال فقلت ناخد حاجه جاهزة

ممكن نتلاقي حاجات تعجبني انا بنمشي الشهر الجاي لتونس حنشوف لو لقيت زي تقليدي لانهم يشتغلوا يدوي واجد انا شفتهم

وعلى فكرة الفكرة هدي ماكانت داخله بالي لانها نحسها زايده نوعا ما يعني في الاخير في اولويات احلى واهم منها بس انا بما انها بتجيني هديه ماكرهتهاش عادي ههههههه رصيت وقلت باهي

كاندي يا حلوة صار ماعجبوكش شني طلع ذوقي في الحلقه الاخير ةشين هههههه يا فضيحتي بس تعرفوا بنات بجديات انا من كثر مانطلع ولا نحضر في عراس فيه حاجات واجده كانت غايبه عني انتم نبهتوني عليها

ربي يسلمكن ليا

ههههههههههههههههههههه ياتنباله بس تعرفي عندك الحق أني عندي حاجات أهم بصراحه
هو صح لقطه حلوه واني بنديرها لكن مغيره فيها هلبه الحق وبندير حاجه تكون رقيقه وجديده وبأذن الله نكتبلكم الافكار
وحبيبتي أنتي بالعكس ذوقك حلوووو وروعه ياروعه بس عروس ليبيا تستاهلي حاجه أحدث من هكي بهلبه وأحنى نبولك كل شئ مميز
3
3roos 4ever
عروس متألقة
04-01-2010 | 08:13 PM
هلا بالغوالي هلا

و الله استاحشتكم مووووووت و طول الوقت تخطروا عليا
ان شاء الله تكون اموركن تمام
انحس في روحي ليا سنه غايبه بس يللا كله يتعوض
آخر اخباري بايته و ما عنديش جديد انتن شن دايرات؟؟؟؟؟؟؟؟
سؤال المخالفه عاد:: من هي الكوافيره الاماراتيه اللي تحكن عليها يا بنات بنغازي و وين محلها؟؟؟؟؟؟؟؟؟؟
ط
طرابلسية
عروس مشاركة
04-01-2010 | 08:30 PM
السلام عليكم


بالله نبي نسال بنات بنغازى ايقولو انه عندكم حليب او ملح اليوكو ينباع في بنغازى؟

ممكن نعرف وين وبكم؟

وربي يهنيكم
ه
هنو الدلوعه
عروس رائعة
04-01-2010 | 08:36 PM
طرابلسية;10984217:
السلام عليكم


بالله نبي نسال بنات بنغازى ايقولو انه عندكم حليب او ملح اليوكو ينباع في بنغازى؟

ممكن نعرف وين وبكم؟

وربي يهنيكم


هلا بي طرابلسيه وخيتك طرابلسيه زيك بس تعرف كل شئ علي بنغازي
وبالنسبه للملح الحليب في الصيدليات اغلبهم بس بنقولك راهو دوه فاضيه وراس وخيتي هو مقشر للجسم وينعم بس يعني زي اي مقشر ولو تبي منه توه نبعتهولك ولا واني نازاله نجيبلك معاي ولا يهمك حبوبه
3
3roos 4ever
عروس متألقة
04-01-2010 | 08:38 PM
حبيبتي طرابلسيه تلقي تقريبا في كل محلات مواد الزينه بس امشي للفواح أو عوين في شارع جمال عبد الناصر تلقي عندهم اكيد

و للمعلومه راهو ليه مفعول مقشر و منعم و مع الاستعمال حلو لتبيض المناطق الداكنه و أكرر مع المداومه على الاستعمال عاد هو مش سحر
هذا لو استعملتيه بالطريقه الصحيحه و الكميات المناسبه
ا
اهداب الكحل
عروس جديدة
04-01-2010 | 08:47 PM
شكر وايدحلو الموضوع
ط
طرابلسية
عروس مشاركة
04-01-2010 | 08:54 PM
اختى هنو و 3ROOS SOHAIB

بارك الله فيكم عالرد

اختى هنو مشيت للفواح اللى في عمر المختار اللى في شارع عمر المختار ومالقيتش عنده مع انه بعض الاخوات قالو انه فيه....بس الباين انه الفواح متع بنغازى ومش طرابلس.....فبعد اذنك ممكن تشوفلى سعره كم ونوصيك عليه وبارك الله فيك
ه
هنو الدلوعه
عروس رائعة
04-01-2010 | 09:01 PM
طرابلسية;10984426:
اختى هنو و 3ROOS SOHAIB

بارك الله فيكم عالرد

اختى هنو مشيت للفواح اللى في عمر المختار اللى في شارع عمر المختار ومالقيتش عنده مع انه بعض الاخوات قالو انه فيه....بس الباين انه الفواح متع بنغازى ومش طرابلس.....فبعد اذنك ممكن تشوفلى سعره كم ونوصيك عليه وبارك الله فيك


حبيبتي عندك الحق الفواح الي في عمر المختار ماعنداش
ومعقوله وخيتي من عيوني نجيبهولك وتوه نبعتهولك لو تبي هذه حاجه ساهله واحني وخيااااااااااات
ط
طرابلسية
عروس مشاركة
04-01-2010 | 09:18 PM
بارك الله فيك هنو وتلقيه في ميزان حسناتك

وحتى انتم قريت واحدة منكم انسيت اسمها
انها تسال على زيت النمل موجود او لا؟
انقوللها راهو موجود في طرابلس
ع
عروسة ليبيا
مشرفة سابقة
04-01-2010 | 09:19 PM

عرايسنا الحلوات

نجو لي بنغازي الغاليه وانجوو للكوافيرات الي شاغلات الكل لانه اهم شيء هوا طله العروسه ونورها بيوم العرس

نحب نقولكم علا تجربتي الشخصيه وهيا والله خلاصه للبحث الدقيق

بنحكي علا مركز لتجميل انا درت عنده جزء من شغلي هو مش كوافير وبس لكن مركز علاج وصحي متكامل --


المركز هو بيوتي سنتر ----فمنطقه الببسي -- بالقرب من مدرسه الخنساء ---------ممكن مر علا بعضكن


ماما الله يطولي فعمرها ويخليها ليا حجزتلي فيها ودلعتني واختارتي برنامج كامل معاهم


يابنااااات عندهم مسجات تروق للجسم حلووة ماما خذتلي واحد اسمه ريلاكس وهنا مجموعه عدة مسجات

المحل نفسه مريح وفيه حاجات مميزه صح له دعايه كبيره بس طبعا زي كل مكان في فعلا حاجه مفيده وحاجات ما استفتدتش منها غير هكي وخلاص

الحاجات والانشطه الي فيه ---فيه حمام بخاري منوع حمام تركي و دلكه السوادنيه وحمام مغربي ....,عندهم حاجات اضافيه تركيب اظافر تركيب شعر والكماليات كلها تقريبا

===بالنسبه للحمامات البخار الي عندهم =

كلام زايد وزياده فالسعر جربتتهن كلهن والاحسن والحلو جدا ومريح عندهم هوا الحمام العادي متاعهم = حمام مغربي عادي ب 10 دينار للشخص

والاخرات مختلفات من 25 ل35 يحطولك مواد وخلطات لاتودي ولاتجيب ------نفس نتيجه متاع بو 10 دينار


ف ديرن العادي اكثر من مره قبل العرس احلا واروع


طبعا فيه عندهم ازاله شعر لجسم العروس====

ماجربتهش بس لقيت زحمه عندهم علا عرايس يديرن فحلوة كامله عندهم دار مخصوصه وقالو العامله شاطره انا جبت وحده فالحوش دارتلي

في ازاله لشعر للوجه ف عندهم جهاز السير لتنظيف شعر الوجه -----حلو ومشكور بس للي بشرتها حساسه ممكن يتحسس وجهها

عموما مركز مجهز وراقي والحلو انه كبير ومريح ف قعدته والعاملات فيه طاقم كامل تونسي محترفات وعندهم خبره ف عدة امور

وعندهم شيء حلو حسيت بروعته هوا

جلسات البشره --------- تنظيف البشره وخصوصا الاخصائيه نور اسالن عليها مدام نور

في علاجات لكل مشاكل البشره بس بصدق لازم علا الاقل علا واسوا تقدير تمشن تبدو قبل العرس بشهررين

انا لاني كنت فطرابلس جيت متاخر قبل العرس بشهر وكانت النتائج حلوة وقالتلي لو جيتي بدري كانت احلا حتكون

والبدي كير والمانكير متاعهم ررهيب و مميز واحلا من باقي المحلات ----:thumbs_up:----ديرن فيه حلو جدا

الحنه سيئه حنت عندهم اختى وماما ممكن توة يكونو غيرو الحنايه--------الله اعلم

المكياااج حلو عادي ---- لطيف لو بنوته دارت عندهم ممكن اما مدام او عروس لالا نحسه خفيف جدااااا ومش قد ما هما يقولو
------تركيب الصبغااات غاااالي والشكل مقبول


F:F:F:F:

احلالالالالالا صبغات وميش ف بنغازي ف محل مدام عايده صالون الاميره فوق صاله الاميره احلا لون بلاتيني عند عايده واحلا ميش بصددددددددددق وبعد ما شفت ولفيت هما الاحلا فهالمجال ف بنغازي

وكذلك مدام ماجده حلوات الالوان الي شفتها ديرتهن


مدام ماجده =====صالون بنات حواء الي ف باركن صاله بنغازي للمناسبات


وعلا فكره هيا الي مكياجتني يوم زفافي ميكياجها حلو

لو العروس عطتها فكره شن الي يطلع عليها يعني يكون عندها فكره شويه علا المكياج الي يناسبها

انا طلعن معاي يومها 11 عروس فيهم النازكات وفيهن البلدي شوي

انا حسيتها هالنقطه حسب ذوق كل عروس تبان

عموما الحمدلله طلعتني حلوة وراضيه بكل امانه
لكني اختارتها لانها كانت اخر حل والكل كان مصر عليها

انا كنت نبي مدام شاااااديه مكياجها حلو وراقي وستايلها لبناني زي مايقولو

لكن توقيت عرسييييييييييييييييي صعب مدام شاديه اجازه ف تونس :hysterical:

ومدام عايده الي ف نظري قريب مستواها من شاديه برضو ف تونس:hysterical:

يعني ارقى 2 محصلتهمش

والخيار ال 3 مدام كوثرررر ----------برضو اجازه ف مصر :hysterical:

و4 كان مدام ماجده بس بصدق راهي شاطره شفتلها 4 عروساات يهبلوو وفنانه

وانا الحمدلله رضيت لانها فعلا بهرتني وان شالله كل اعراس الاقارب راح اطلعني هيا

مكياج الحنه يوم الرمي كان ف مزين المروه ف شارع عبدو اسماعيل <<<<<<<<<<<شارعنا اللي وااااحشني:adore:


فمحل مروة ---تحديدا اسالو علا مريم مرسال


كان اللوك التقليدي البسيط وطلعتني يوم صباحيتي علا العربي والصدرا الطرابلسيه طلعتني حلوة الحمدلله
بمكياج التصندير وحتى تاني يوم مشيت نتعشى فحوش هل زوجي برضو طلعتني

الصرااحه شغلها رهيب فالمكياج الليبي متاع العربي والصدرا

ويا بنات مريم احسن من يدير رسمة حواجب ف بنغازي شطووووووووووووووره :thumbs_up:

F:F:F:F:F:

زينات ليبيا هذا الي عندي يارب افدتكم بحاجه

ويابنات الخيارات الي نحطلكم فيها راهي جت بعد بحث وتدوير ولف لاني طووولت وانا نلف ونشوف

ف الاحلا والاحسن حتى اهلي ملو من تدويري وخوي يشيلني يقولي شكلك طالعه سيااحه بتلفي وخلاص :mad:

كنت نبي الاحسن ودرت تجارب وسالت كويس الحمدلله ربي سترني ومشت الامور تمام


ربي يوفقكم ياااااااااااااااااااااااارب


عزيزااااتي هنو وعروس ليبيا هلا بيكم وبرايكم

هنووو دلووعتنا يسلمو علا رايك

بالعكس مافيش شيء يحرج انا معاك لاغنى علا الاصل وانا نموووت ف لبسته علا اصولها زي ماقالت عروس ليبيا وهكي لبسته بيوم الصباحيه

اني وضحت انو الفكره موجوده من فتره

ومنتشرره خصوصا فالعاصمه طرابلس اما ف بنغازي شفنا كم واحد بس قليل جدا عشان هكي انعجبوو بيه


لكن فطرابلس كان مكرر وبدعوو فيها جدا كذا خياط وكذا مصممه بس اروعهن كانن للمصمم المنتصر :thumbs_up:

وانا متاعي كان بسيط جدا بان مع العقد والتاج والفضه والي عطاه تميز هو تناسقه مع الديكور ومع السوابيت ومع التفاصيل التانيه

ولوو كنت رايقه بوقتها كان ممكن نخيط حاجه احلا لكني قررته ف اخر الوقت

بصرراحه انا انضغطت ف اخر ايام التوتاتي كانو اخر ليالي رمضان واغلب تجهيزي كنت واقفه عليه بروحي


لان عرسي بدا بالحنه والرمي = القفه تالث يوم عيد الفطر التوقيت كان صعب جدا

ما علينا المهم فات علا بعضه حلو والعقبه لكل بنوته تفرح بعرسها يارب

والفايده فالهناء والراحه بعدين

والله زي ماقلتكم ان الحياة تبدا بعد الزاوج ونبدو نفكرو ف امور اخرى بعد ماكان عرسنا والحفله هي الحمل الكبير

عيشووو اللحظه وخلو جو العرس فرح وضحك وجو حلوو

تبقى ذكريات مميزه زي ما عشته في عرس هايله حبيبتي كان كله ضحك وهياجه ربي يسعدها ويخليلها اولادها وبوهم

يلا نبي دعوات حلوة من قلبوبكم الطيبه :L:

لنا لقاء
ط
طرابلسية
عروس مشاركة
04-01-2010 | 09:34 PM
عروسة ليبيا ربي يهنيك ويناولك اللى في بالك
X