ǁ♥ǁǁǁ تجهيزات عرائس { ليبيا } لشهر محرم 1431 - 2009 م / الجزء = 6 ǁǁǁ♥ǁ

طرابلسية;10974774:

السلام عليكم

اختى Ghado احكيلى اكتر عالتاتو

وين مروة؟وشنو لونه؟ ويبان كانه متع مغربيات والا رايق؟

بيسا;10974986:

محلاه شكلة يهبل يا غدغودة حنحاول انديرها فى فرحى بس انتوا تزيدو امعاه مشروب غازى على الطاولة ولة شنى ؟؟؟ وهو يكون على الطاولة ولة يقدموها القرصونات ؟ قوليلى طريقتة الله يربحك ..... وانا الستاير الى جبتهم هكى بالس مفهمش كريستالات والمكان الى يخش منة الحديدة واسع بكل ممكن يعنى انقصة عند خياطة وتزيدلى كرستلات ؟؟؟؟

[COLOR="DarkOrchid"][I][I][B]عروس ليبيا قول لاهلك يدزولك حتى صور الديكور والبنبونيرات على الايميل ايصورهم بالموبايل وايدزوهم ويدزوهم على الجهاز ويبعتوهم لكى خااااااااااااااااطرى انشوفهم ؟؟؟؟؟ ونشوف فستانك وين خيطيه ؟؟؟ والمكانات الى شريتى منهم الكحل العربى والعطر وين ؟؟؟ وعروس ليبيا شكرا حبيبتى على الاسعار

هنو انا و الله مازلت مشريت شى من حاجات الشخصية بكل توا مركزة على حاجات الحوش بنكمل المطبخ بيش نفتك منة وانا كل حاجة نجيبها والله اول وحدات يشوفنها انت حتى خواتى وهلى يشوفها بعدكن لا كن فى ناس ماهين عليها تورينة حتى حاجة مع انى والله مرات نضحى بنومت القايلة ونرقد متاخر فى الليل عشان انزللكن الصور وتفرحن امعايا سؤال للمخالفة : هااا امتى بتحطن صور حاجاتكن ;);)

بيسا;10980061:
محلاه شكلة يهبل يا غدغودة حنحاول انديرها فى فرحى بس انتوا تزيدو امعاه مشروب غازى على الطاولة ولة شنى ؟؟؟ وهو يكون على الطاولة ولة يقدموها القرصونات ؟ قوليلى طريقتة الله يربحك ..... وانا الستاير الى جبتهم هكى بالس مفهمش كريستالات والمكان الى يخش منة الحديدة واسع بكل ممكن يعنى انقصة عند خياطة وتزيدلى كرستلات ؟؟؟؟

السلام عليكم يا بننناااات
كيف حالكم يا بنات وازيكم ان شاء الله بخير .. تزوجتوا ولا مازال :037:

طبعا انى المدة الى فاتت راجلى سافر وحوش اماليا نتهم فاسد صلحوه يوم الى بنروح :057:

ماشاء الله فيسع فيسع 30 صفحة طبعا ملحقتش نقرا حاجة بس ما شاء الله عليكم

=============

عروسة ليبيا

كيف حاااااااااااااالك يا عريسة اكيد عرفتينى
نحى الحرف الاخير من اسمى تتفكرينى:03:

والله الا ليك وحششششة ديما نبى نكلمك لكن ازمة الرصيد
كيف حال راجلك وشن مدايرة مع الزواج نحس فيه عجبك :014:

عروسة ليبيا;10977304:
سلام عرايس ليبياااااااااا الحلواااااات
حبيباتي ادعولي ربي يرزقني بي بيبي امور يونس غربتي
قريبا حنحط كل العناوين للكوافيرات مع ميزة كل كوافيره علا التانيه ونوع واللوك الي تتميز بيه كل وحده بالاضافه لعناوين التصوير والفرق والطباخات لو تحبو
لنا لقاء

بنات عندى سؤال

وين ممكن نلقا زيت فيتامينE
خاااالص يعنى يعنى زيت بس ... ومش كبسولات نبى شيشة زيت ضرورىىىى

جنوا;10977561:
عروس ليبيا عطيني اسم ووصف الخياطة ورقم هاتتفها
والله اتمنى صداقتك نحس فيك خلوقة جدا وملتزمة لان حتى انا ملتزمة

مساء الخير

مرحبا جنوا

الله يبارك في عمرك ياااااارب ويعطيك مافي بالك

خليتي وجهي :040: من كلامك تسلمي يا طيبة

الحمد لله كلنا كهي في التجمع خلوقات ومحافظات على انفسنا وين مانمشي

وانا لي الشرف اكثر نكون صديقه ليك

خلاص يا جنوا اليوم بالليل او بكرة الصبح يكون عندك الرقم والوصف على الخاص

لانه انتي عارفه مانقدر نحط عناوين في الموضوع لازم في الخاص فقط

عروسة ليبيا نورتي يا احلى عروسه صدقتي كلامك 100 في الميه وبناخد بيه الصراحه تسلمي يارب

بيسا ههههه الكلام ليك يا جارة حاضر من عيوني حانزل اللي شريته الليلة او بكرة لانه ماهو تبيله قصه تصوير وكتابه على الصورة لكن لعيوننكم حاضرين كله الا زعلكم .

غويده وهايله نورتن يا ربي على فكرة غويده انا الهافانا درتها في فاتحتي ومزال في البيضاء ماحد عارفها الناس تشرب وكان مش متحشمه تقول زيدونا ههههههه بجد زي ماوصفتيه حاجه حلوة وراقيه وفي النهاية مزالت ماانتشرت واجد .

هلا عروسة ليبيا اللي تحكي عليهم زي هكي صح وتعطيهم العروسه للمعازيم هدا طبعا غير الخلوط والبنبونيرة يعني اديرهم زياده

وعلى فكرة بيسا فيه ناس ماتعرفها وماادير فيها نحن في الشرق مزالت ماطلعت عندنا واجد

بس انا ناوية نديرهم جايتني هديه من خوالي

شوفوا هدا كان تتفكروا شهر 10 اللي فات كان عندي عرس ولد خالي في سرت وقتلكم بنمشي دايرن الشكل هذا حاجه حلوة عجبتني للأخر

شوفوا وعطوني رايكم ونبي رأيك عروسة ليبيا ماهو مرات يكون مش نفس اللي تتكلمي عليه انتي



هذا شكل الكيس وهو مسكر



وهذي الحاجات اللي فيه

حنه في الكيس الاحمر الصغير ولبان في الكيس الابيض الشفاف والكحل في العلبه والعطر الزيتي في الشيشه الصغيرونه والسواك في الكيس الشفاف التاني




اللي عجنبي في هدا كله الكيس ملمسه حرير وشكله حلو حلو والربطه دهبيه




هما خيروني لو نبي زي هدا او نغير بس انا عجبني الكيس حاجه حلوة شني رأيكم انتن

سلمك يا عروس ليبيا ..
بالنسبة لعصير هافانا انى منحباش هلبا وهوا بدا فى طرابلس كل عرس يديروا فيه مع الشكلاتة وبعدين الروزاتة والعبمبر ومشروب مع العشا .. الحق نحس فيه تقيل هلبا ومازال بتتعشى يسدلك نيتك .. هما هافانا الى فى حى الاندلس يديروا فى لقطة احلى هكى باكوات بلاستيك بمغطتهم فيهم قطع فواكه فروالة وكيوى ووو ويمدوا فيهم بعد العشا فى كدا عرس حضرته الحق هادى حلوة لكن العصير ماقتنعتش بيه ينمد فى عرس ..

حبيبتى عروس ليبيا هوا قنين
بس مدامك بتمديه يوم الحنة ننصحك اديرى حاجة تقليدية
فى عرسى درتها لكن الاكياس صنعناهم حنى شرينا اكياس حمرداكنات عاديات زى الشيفون شوية وركبنا عليهم طرف قماش مخطط متاع ردا تقليدى والله جا ماعادى ومكلفناش نهائى الاكياس من سوق الحرية متاع الدهب وقطة الردا صغيرة قصيناها مربعات صغار وعطيناهم للسودانى الى بحدانا مخداش حتا 20 جنيه باش خيطهم

فكرتك حلو هايله

بس انا مش حنعطيهم يوم القفه حنمدهم يوم الحنه الكبيرة

مشكور فكرتك حلوة عجبتني

Ghado;10981112:

عروسة ليبيا;10977304:
سلام عرايس ليبياااااااااا الحلواااااات
حبيباتي ادعولي بالخير دعوة المسلم لي اخوه مجابه
لنا لقاء

تسلمي حبيبتي على مجهودك :025: .. و نتمنى ان كل بنات بنغازي يستفيدوا من تجربتك و نصايحك..

و انشاء الله ربي يرزقك بالذرية الصالحة و يونسك بيهم

لاحظت في الفترة الأخيرة انه الصدارات معاش يلبسو في البدلة الصغيرة و الكبيرة التقليدية..
وكل واحدة تتفنن في تخييط قماش الردي على شكل قفاطين:047: !!

شيني رأيكم في الموضوع الصرعة هذا؟؟؟

عروس ليبيا;10981911:
فكرتك حلو هايله

بس انا مش حنعطيهم يوم القفه حنمدهم يوم الحنه الكبيرة

مشكور فكرتك حلوة عجبتني

هنو الدلوعه;10982240:

عروسه الصور حلواااات والفكره حلوه بس وخيتي أنتي تستاهلي أحلى لأنه الحق أني شابحتهم هلبه يعني قعدو شعبي عام وانتي ماشاء الله عليك مميزه وتفهمي في الحاجه النازكه


ومعاك ديريهم يوم القفه بس غيري الشكل بدل الصرر ديري حاجه جديده وفكري توه تلقي وأني توه نشوفلك أفكار سهله وتقدري ديريهم وسامحيني لكن واى والله تهميني وحاسبتكم وخياتي ومانحبش نجاملكم وربي يهنيك وخيتي

هلا هنو تسلمي يارب

اكيد نحن هنا ناخدوا في أراء بعضنا ونعرفوا اللي دارج من اللي مميز وجديد مش عيب بالعكس عجبتني نصيحتك وانا نستنى في افكارك وافكار البنات ونشوف من عندي افكار .

السلام عليكم عروسات ليبيا الحلوات

عروس ليبيا كيف حالك
والله حتى اني ماعجبونيش مازال في حاجات احلى وأنزل

هنو الدلوعة
استاحشتك يا شينة
نصيحة مني ماتكثريش صنات لانك باذن الله بعد الزواج حاتحملي وماتعرفيش مرات تحملي طول زي عملتي ولله الحمد يعني حاترميهم من غير ماتكوني استعملتيهم زي ماتبي

candy libya;10982408:
السلام عليكم عروسات ليبيا الحلوات

عروس ليبيا كيف حالك
والله حتى اني ماعجبونيش مازال في حاجات احلى وأنزل

هنو الدلوعة
استاحشتك يا شينة
نصيحة مني ماتكثريش صنات لانك باذن الله بعد الزواج حاتحملي وماتعرفيش مرات تحملي طول زي عملتي ولله الحمد يعني حاترميهم من غير ماتكوني استعملتيهم زي ماتبي