تجمع ورغي حوامل مصر لشهر محرم 1431 - كل عام وأنتم بخير

انا عامله صينية بطاطس باللحمه ورز لماما... وانا هاكل شوربة ورز

يمكن يا كتكوته متكونش راسها نازله اوى لتحت زيى لان الدكتور بيقولى انتى تكه وتولدى فى السابع عاااااااا

ممكن تكون بتتشقلب وترجع تانى تتحرك انما انا بقى ثااااااااابت على هذا الوضع المتعب

الف هنا وشفا يا قمرات كلكوا انا عايزه انام والله كسلانه جدااااااااااا

هعمله الكوسه خلينا نخلص

حلوة اوي يا مورو والالوان جميلة اوي وشكلها حلو

ايه الى مش باين يا بسبس دى باينه اوى
فين رأى الباقى
تسلمى يا كتكت

هى فين الصورة

يالهوى على الخمول اللى الواحد فيه

خلاص يا مورور باينه باينه يمكن انا مخدتش بالى

شوفتها
حلوة يا مورو تسلمى

جابولي شيكولاتة بالكراميل كادبوري نفسي فيها اكلها و لا لأ

السمك كويس و لا لأ بردو عايزة اعرف

السمك مفيد جدا يا جميل بالهنا والشفا
والشيكولاتة عادى ماتكتريش بس عشان الكافيين والوزن

السمك حلو ليكي دوفت وكلى شوكولا عادي

يا دندونه
وحاولى تكترى فيه اثناء الحمل لانه بمشيئه الله بيزود من نسبه ذكاء البيبى

مورو
الصورة جميله تسلم ايدك

بيبو مش شرط انا الدكتور كان مانعنى من لسمك حتى هذه اللحظه عشان مش عارفه اسماك البحر المالح فيها ايه كدا خطر على الحامل


الشيكولاته بردو قالى بلاش عشان بتعمل تهيج فى الرحم

انتوا بتهزروا اشمعنا انا الدكتور بتاعى مانعنى من الشكولاته والسمك والكابوريا والجمبرى والحاجات دى وحتى جوزك كلمه وقاله يا دكتور لسه بردو ممنوع قاله ليوم الولاده ممنوع

dandona we bas;10861964:
جابولي شيكولاتة بالكراميل كادبوري نفسي فيها اكلها و لا لأ

السمك كويس و لا لأ بردو عايزة اعرف

بصي في الحمل بلاش لحوم نيه يعني لانشون بسطرمه كده يعني لا وكمان لازم اللحوم تكون مستويه كويس لوهتنطبخ ثانيااااا التونه كتير شوفتهم حذروا مننها عشان فيها معان تقيله وفيتماين معرفش ايه كده غلط على البيبي بيعمل تشوهات بعد الشر عنك وعننا يارب وبلاش فسيخ وبلاش رنجه وبلاش الحاجات الحادقه جامد خدي احتياطاتك كامله

كوباية مايه;10862004:
بيبو مش شرط انا الدكتور كان مانعنى من لسمك حتى هذه اللحظه عشان مش عارفه اسماك البحر المالح فيها ايه كدا خطر على الحامل


الشيكولاته بردو قالى بلاش عشان بتعمل تهيج فى الرحم

جايز عشان الغدة يا بسبس لكن السمك مفيد جدا فى الاحوال العادية مرتين تلاتة فى الاسبوع
اهم حاجة ماتكلوش حاجة نية عشان البكتريا

الي اعرفه ان اكل الشيكولاته عادي وحوامل كتير لما البيبي كان بيبطل حركه تقوم تاكل له شوكولاته تلاقيه بدا يلعب تاني ده من بؤ بنت خالتي وكانت حامل بعد 9 سنين وكانت عند كبر دكتور في البلدد عاملاه بحقن مجهري فاعتقد حملها كان غالي مش هيعرض حياه البيبي الغالي ده للخطر كمان في حاجه انا اعرف ان الشيكولاته غلط لما تكون كتييييير عشان ممكن تعمل سكر حمل وتزود الوزن وده احنا في غنا عنه بس لو كل فتره كده بسيط بسيط اعتقد عادي والله اعلم يمكن كلام الدكاتره بردو صح والي اعرفه ان السمك حلو للاجنه خالص ومش عارفه الجمبري ايه مشكلته بردو كله فسفور ومعادن فيتامينات طبيعيه بس هم بردو ادرى ده انا زعلانه نا اكمني مش عارفه اكل سمك زي مصر وفي اول حملي كلت سمك يمكن اسبوعين ورا بعض باكل في سمك

لا ده هيكون سمك مشوي سنجاري كمان

طيب و المخللاات انا بموووووووووت في البنجان المحشي و المخلل و الطماطم بردو المشطشة